ARYNews.tv | Urdu – Har Lamha Bakhabar

Tag: کیبن کریو

  • مسافر کی ایئر ہوسٹس کے ساتھ نازیبا حرکت، سیکیورٹی عملہ حرکت میں آگیا

    نئی دہلی: بھارت میں فضائی سفر کے دوران ایک مسافر نے عملے کی خاتون رکن کے ساتھ نازیبا حرکت کی جس کے بعد اسے آف لوڈ کر کے سیکیورٹی حکام کے حوالے کردیا گیا۔

    بھارتی میڈیا کے مطابق واقعہ اسپائس جیٹ کی نئی دہلی سے حیدر آباد کی فلائٹ میں پیش آیا۔

    ایک عمر رسیدہ مسافر نے جہاز پر چڑھنے کے دوران طیارے کے عملے کی خاتون رکن کو جسمانی طور پر ہراساں کیا اور اس کے ساتھ نازیبا حرکت کی۔

    خاتون رکن نے طیارے کے پائلٹ اور گراؤنڈ پر موجود عملے کو شکایت درج کروائی جس پر فوری کارروائی عمل میں لائی گئی۔

    مسافر اور اس کے ساتھی کو آف لوڈ ہونے کا حکم دیا گیا جس پر مسافر اور عملے کے درمیان تلخ کلامی بھی ہوئی۔ دونوں کے درمیان تکرار کی ویڈیو ایک اور مسافر نے بنائی جسے سوشل میڈیا پر اپ لوڈ کردیا گیا۔

    مسافر اور اس کے ساتھی کو آف لوڈ کرنے کے بعد سیکیورٹی حکام کے حوالے کردیا گیا۔

  • مسافروں کو تھپڑ، پی آئی اے فضائی میزبانوں کے لیے اہم احکامات جاری

    مسافروں کو تھپڑ، پی آئی اے فضائی میزبانوں کے لیے اہم احکامات جاری

    کراچی: لاہور سے لندن جانے والی پرواز میں مسافروں کو تھپڑ مارنے کے افسوس ناک واقعے کے بعد پی آئی اے انتظامیہ کی جانب سے فضائی میزبانوں کے لیے اہم احکامات جاری کر دیے گئے ہیں۔

    تفصیلات کے مطابق بیرون ملک جانے والی پی آئی اے کی پروازوں میں مسافروں کا بلک ہیڈ سیٹوں پر قبصہ کر کے بیٹھنے کے معاملے پر انتظامیہ نے نئی ہدایات جاری کر دیں، ذرایع کا کہنا ہے کہ چند دن قبل لاہور سے لندن کی پرواز میں بدتمیزی کا واقعہ پیش آیا تھا، واقعے میں ملوث کیبن کریو کو ہیڈ آفس طلب کر لیا گیا ہے، ان کے خلاف تادیبی کارروائی عمل میں لائی جا سکتی ہے، جس میں شو کاز یا معطل کیا جانا شامل ہو سکتے ہیں۔

    اے آر وائی نیوز کے مطابق مینجر فلائٹ سروسز نے لندن پرواز واقعے کے بعد کیبن کریو کے نام خط لکھ کر کہا ہے کہ کچھ مسافر بورڈنگ کے بعد بلک ہیڈ سیٹوں پر اضافی چارجز دیے بغیر بیٹھ جاتے ہیں، اس کے بعد پی آئی اے کے عملے سے بد تمیزی اور بد کلامی بھی کی جاتی ہے، اس طرح کے واقعات نہ صرف کیبن کریو بلکہ دیگر مسافروں کے لیے بھی زحمت اور فلائٹ میں تاخیر کا باعث بنتے ہیں۔

    لاہور سے لندن جانے والی پرواز میں مسافروں کو عملے نے تھپڑ مار دیا

    اے آر وائی نیوز کو موصول ہونے والے خط کی کاپی میں کیبن کریو کو ہدایت کی گئی ہے کہ آیندہ اس طرح کے مسافروں سے نرمی سے بات کر کے اضافی چارجز لیے جائیں، فلائٹ سپروائزر اس طرح کے معاملات میں اپنا کردار ادا کریں، بلک ہیڈ سیٹ پر زبردستی اور اضافی چارجز کے بغیر قبضہ کرنے والوں کو اگلے ائیرپورٹ پر متعلقہ پولیس کے حوالے کیا جائے۔

    پی آئی اے کی جانب سے جاری کیا گیا لیٹر

    خط میں کہا گیا ہے کہ بد تمیزی اور بد کلامی کرنے والے مسافر کی تمام تر تفصیلات نوٹ کر کے اگلے اسٹیشن پر متعلقہ اداروں کو دی جائیں گی، بلک ہیڈ سیٹ پر بغیر اضافی چارجز دیے اور بدتمیزی و بدکلامی کرنے والے مسافروں کو بلیک لسٹ کر دیا جائے گا۔

    ادھر ترجمان پی آئی اے نے اے آر وائی نیوز سے گفتگو کرتے ہوئے کہا کہ بلک ہیڈ سیٹیں اضافی چارجز پر دی جاتی ہیں، کیبن کریو مسافروں کو بلک ہیڈ سیٹوں کے چارجز ادا کرنے یا خالی کرانے کو کہتا ہے تو مسافر سیٹیں خالی کرنے سے انکار کر دیتے ہیں اور عملے سے گالم گلوچ بھی کرتے ہیں۔

  • کیبن کریوکا ڈیوٹی شیڈول قواعد کے مطابق ہے، ترجمان پی آئی اے

    کیبن کریوکا ڈیوٹی شیڈول قواعد کے مطابق ہے، ترجمان پی آئی اے

    کراچی : ترجمان پی آئی اے نے کہا ہے کہ کیبن کریو کا ڈیوٹی شیڈول قواعد کے مطابق ہے، ان کی ڈیوٹی شیڈول میں16 گھنٹے کی حد مقرر ہے۔

    تفصیلات کے مطابق پی آئی اے کے کیبن کریو کے ڈیوٹی اوقات سے متعلق اپنے وضاحتی بیان میں ترجمان پی آئی اے کا کہنا ہے کہ پی آئی اے کا کیبن کریو شیڈول مقررہ قواعد و ضوابط کے مطابق ہے بلکہ سول ایوی ایشن کے ائیر نیوی گیشن آرڈر کی اوقات کار کی شرائط سے بھی کم ہے۔

    اے این او میں کیبن کریو کے اوقات کار میں سولہ گھنٹوں تک ڈیوٹی کی حد مقرر ہے۔ لہٰذا پی آئی اے کی جانب سے کسی قسم کی کوئی خلاف ورزی نہیں ہو رہی۔ پی آئی اے انتظامیہ نے کیبن کریو کا نیا ڈیوٹی روسٹر جاری نہیں کیا ہے۔

    ڈیوٹی روسٹرز کے متعلق پھیلایا جانے والا پروپیگنڈا بے بنیاد ہے،ترجمان پی آئی اے کا مزید کہنا ہے کہ پی آئی اے کی جانب سے قواعد ضوابط میں کسی قسم کی خلاف ورزی نہیں ہورہی۔

    شیڈول کا مقصد حفاظتی معیار اور طبی تقاضوں کے مطابق آرام یقینی بنانا ہوتاہے، مشکل مالی حالات میں غیرضروری اخراجات کا تدارک نا گزیر ہے۔

    ترجمان پی آئی اے نے کہا کہ صرف جدہ سیکٹر پر فائیو اسٹار ہوٹل کی بکنگ اور الاؤنس میں50کروڑ کے اخراجات ہیں، جن میں فائیو اسٹار یوٹل کے یومیہ60سے70کمروں کی بکنگ اور دیگر الاؤنس وغیرہ شامل ہیں، ہر قسم کی تجاویز اور شکایات پر قواعد کے مطابق غورکیا جاتا ہے۔

  • پی آئی اے : کیبن کریو کے ڈیوٹی اوقات کارسولہ گھنٹے کر دیئے گئے

    پی آئی اے : کیبن کریو کے ڈیوٹی اوقات کارسولہ گھنٹے کر دیئے گئے

    کراچی : پی آئی اے انتظامیہ نے فضائی میزبانوں کی ڈیوٹی کے اوقات میں اضافہ کردیا، اب 12 کے بجائے 16گھنٹے ڈیوٹی دینے کے پابند ہوں گے۔

    تفصیلات کے مطابق پی آئی اے انتظامیہ نے کیبن کریو کے ڈیوٹی اوقات کار میں اضافہ کردیا، اب کیبن کریو کی ڈیوٹی کے اوقات کار بارہ گھنٹے سے بڑھا کر16گھنٹے کر دئیے گئے ہیں، چیف ایچ آر اے وی ایم ثوبان نذیر کے دستخط سے ایڈمن آرڈر جاری کریا گیا۔

    نئے ایڈمن آڈر سے فضائی میزبان شدید ذہنی دباؤ کا شکار ہیں، پرانے اوقات کار میں بریفنگ اور ڈی بریفنگ کے ساتھ ڈیوٹی کے اوقات کار بارہ گھنٹے تھے۔

    نئے اوقات کار بریفنگ اور ڈی بریفنگ کے ساتھ 16 گھنٹے کر دئیے گئے، نظر ثانی شدہ اوقات کار میں کیبن کریو کے لئے اسپیشل الاؤنسز اور مالی فوائد دئیے جانے کا اعلان بھی کیا گیا ہے۔

    اس حوالے سے صدر کیبن کریو ایسوسی ایشن نصراللہ آفریدی کا مؤقف ہے کہ فلائٹ ڈیوٹی ٹائم لمیٹیشن میں اضافہ ایوی ایشن قوانین کی خلاف ورزی ہوگی، ایوی ایشن قوانین اور اور طبی ماہرین کے مطابق 12 گھنٹے سے زائد کام نہیں کر سکتے۔

    جبکہ ترجمان پی آئی اے کا کہنا ہے کہ16گھنٹے فلائٹ ڈیوٹی ٹائم لیمیٹیشن سی اے اے قوانین کے مطابق ہے، نئے روسٹر سے اخراجات میں بچت اور کارکردگی بہتر ہوگی۔

    دوسری جانب ترجمان سی اے اے کے مطابق پی آئی کیبن کریو کے 16 گھنٹے اوقات کار سی اے اے قوانین کے مطابق ہیں۔

  • 16 پائلٹس اور 65 کیبن کریوکی ڈگریاں جعلی نکلیں،سی اےاے کا انکشاف

    16 پائلٹس اور 65 کیبن کریوکی ڈگریاں جعلی نکلیں،سی اےاے کا انکشاف

    اسلام آباد : سول ایوی ایشن نے انکشاف کیا سولہ پائلٹس اور پینسٹھ کیبن کریو کی ڈگریاں جعلی نکلیں، اُن سب کے لائسنس معطل کردیئے، چھ کے سوا تمام ڈگریوں کی تصدیق ہوگئی ہے،  چیف جسٹس نے کہا جن سرٹیفکیٹس کی بنیاد پر معطل کیاگیا وہ ریکارڈ درست ہونا چاہیے، ہم کسی کے رزق پر قدغن نہیں لگانا چاہتے۔

    تفصیلات کے مطابق سپریم کورٹ میں چیف جسٹس ثاقب نثار کی سربراہی میں 3رکنی بینچ نے پائلٹس اور کیبن کریوکی ڈگریوں سے متعلق کیس کی سماعت کی، وکیل سول ایوی ایشن اتھارٹی نے جواب جمع کرایا، جس میں بتایا گیا سولہ پائلٹس اور پینسٹھ کیبن کریو کی ڈگریاں جعلی نکلیں تھیں، ان سب کے لائسنس معطل کردیے، صرف چھ ڈگریوں کی تصدیق رہتی ہے وہ لوگ بیرون ملک ہیں۔

    چیف جسٹس نے حکم دیا جن سرٹیفکیٹ کی بنیاد پر معطل کیاگیا وہ ریکارڈ درست ہونا چاہیے، ایسا تاثر ہے عدالتی حکم پر عجلت کا مظاہرہ کیا جارہا ہے، ہم کسی کے رزق پر قدغن نہیں لگانا چاہتے۔

    دوران سماعت ایک متاثرہ پائلٹ نے بتایا اس کی ڈگری اصل ہے مگر پھر بھی لائسنس معطل کردیاگیا، جس پر چیف جسٹس نے کہا جس کا مسئلہ ہے وہ متعلقہ فورم سے رجوع کرے۔

    سول ایوی ایشن کے جواب پر سپریم کورٹ نے کیس نمٹادیا۔

    پی آئی اے اور دیگرایئر لائنز میں پائلٹس کی جعلی ڈگری کیس کی گذشتہ سماعت کے دوران جسٹس اعجاز الحسن نے ریمارکس دیے تھے کہ میٹرک سے کم تو بس نہیں چلا سکتا یہاں جہاز اڑائے جا رہے ہیں۔

    مزید پڑھیں : پائلٹس جعلی ڈگری کیس:عدالت کا ڈگریوں کی تصدیق کاعمل مکمل کرکے رپورٹ جمع کرانے کا حکم

    سول ایوی ایشن کی جانب سے عبوری رپورٹ پیش کی گئی تھی ، جس میں بتایا گیا کہ7پائلٹس کی ڈگریاں جعلی پائی گئیں، 5 میٹرک انڈرمیٹرک ہیں، پائلٹس، کیبن کریو کی 4321 ڈگریوں کی تصدیق کا عمل مکمل کیا گیا، 438 ڈگریوں کی تصدیق کاعمل جاری ہے۔

    اس سے قبل 25 دسمبر کو سپریم کورٹ لاہوررجسٹری میں پائلٹس کی جعلی ڈگری کیس کی سماعت کے دوران چیف جسٹس نے 28 دسمبرتک تمام افراد کی اسناد کی تصدیق کا حکم دیتے ہوئے ریمارکس دیے تھے کہ جو واضح اور صاف ڈگریاں فراہم نہ کرے اسے فارغ کر دیں۔

  • پی آئی اے کے فضائی میزبانوں کو وزن کم کرنا ہوگا

    پی آئی اے کے فضائی میزبانوں کو وزن کم کرنا ہوگا

    کراچی: پی آئی اے نے اپنی فضائی میزبانوں سمیت سمیت جہاز کے عملے کو وزن کم کرنے کے لیے 6 ماہ کا وقت دے دیا، زیادہ تر افراد کو تیس پاؤنڈ وزن کم کرنا ہوگا۔

    تفصیلات کے مطابق پاکستان ایئر لائن نے کارکردگی کو بہتر بنانے کے لیے جہاز کے عملے کو قد اور عمر کے لحاظ سے وزن کم کرکے عالمی معیار کے مطابق کرنے کی ہدایت کرتے ہوئے کیبن کریو کو 6 ماہ کی مہلت دے دی، جن ملازمین کو مہلت دی گئی ہے ان کی تعداد 1800 ہے۔

    پی آئی اے کی جانب سے جاری کردہ مراسلے میں کہا گیا ہے کہ 31 جنوری تک جن ملازمین کا وزن، عالمی معیار سے 30 پاؤنڈ زیادہ ہے ، ان سب کو گراؤنڈ کرکے ایئر کریو اسپتال بھیجا جائے گا۔ مراسلے پر جنرل منیجر فلائٹ سروسز عامر بشیر کے دستخط ہیں۔

    ذرا ئع کا کہنا ہے کہ ایئر کریو کو اسپتال میں وزن کم کرنے کی مشق کرائی جائے گی جس کے لیے ہدف جون 2019ء تک 30 پاؤنڈ وزن کم کرنا ہے۔ اس کے بعد بھی عملے میں سے کسی کا وزن کم نہیں ہوا تو تادیبی کارروائی عمل میں لائی جاسکتی ہے۔

    پی آئی اے فضائی میزبان

    یہ بھی بتایا گیا ہےکہ اس حوالے سے ایک گائیڈ لائن بھی فراہم کی گئی ہے جس کے تحت فروری میں 25 پاؤنڈ، مارچ میں 20، اپریل میں 15، مئی میں 10 اور جون میں باقی ماندہ 5 پاؤنڈ وزن کم کرنے کی ہدایت کی گئی ہے۔

    مقررہ وقت کے بعد یکم جولائی 2019ء کو عملے کے اراکین کا دوبارہ وزن کیا جائے گا اور صرف ان ملازمین کو فلائٹ پر جانے کی اجازت دی جائے گی جن کا وزن مقررہ حد کے عین مطابق ہوگا، ذرا سے بھی اضافی وزن والے عملے کو جہاز پر جانے کی اجازت نہیں ہوگی۔

  • پی آئی اے پریمیئر سروس: عملہ بھی جدید رنگ میں ڈھل گیا

    پی آئی اے پریمیئر سروس: عملہ بھی جدید رنگ میں ڈھل گیا

    اسلام آباد: پاکستان قومی ایئر لائن (پی آئی اے) 14 اگست کو اپنی پریمیئر سروس کا آغاز کرنے جارہی ہے جس کے لیے جہاں دیگر کئی نئی سہولیات متعارف کروائی جارہی ہیں وہیں کیبن کریو کے حلیہ کو بھی جدید رنگ میں ڈھال دیا گیا ہے۔

    پی آئی اے کی پریمیئر سروس اسلام آباد سے لندن اپنی پروازوں کا اغاز کرے گی۔

    PIA-post-1

    اس سروس کے لیے کئی ایسی سہولیات متعارف کروائی گئی ہیں جو اس سے پہلے پی آئی اے میں موجود نہیں تھی۔

    PIA-post-3

    PIA-post-4

    پی آئی اے کے ترجمان دانیال گیلانی نے پی آئی اے کی نئی تبدیلیوں کے بارے میں اپنے سماجی رابطوں کی ویب سائٹ ٹوئٹر پر آگاہ کیا اور تصاویر بھی شیئر کیں۔

    pia-new

    واضح رہے کہ اس سروس میں مہنگے داموں کرائے پر حاصل ایئر بس 330 طیارہ آپریٹ کیا جائے گا۔ ایئر بس 330 طیارے کو نئے لوگو کے ساتھ پینٹ کر دیا گیا ہے۔ طیارے پر خصوصی رنگ کرنے پر بھی پی آئی اے کو کروڑوں روپے خرچ کرنا پڑے۔

    PIA-post-2

    ذرائع کے مطابق پی آئی اے کا انجینیئرنگ کا عملہ دن رات طیارے کو تیار کرنے میں مصروف ہے تاکہ 14 اگست سے پہلے طیارے کو مکمل کیا جا سکے۔ پریمیئر سروس کے لیے پی آئی اے نے انتہائی مہنگے داموں کرائے پر تین ایئر بس 330 طیارے حاصل کیے ہیں جن کا کرایہ 8 ہزار ڈالر فی گھنٹہ ہے۔