بھارتی ریاست کیرالہ کے مندر میں لائے گئے ہاتھی بدک کر بھاگ اٹھے۔ بھگڈر مچنے سے دو خواتین سمیت تین افراد ہلاک بیس زخمی ہوگئے۔
بھارتی ریاست آندھرا پردیش میں تروپتی سوامی مندر میں ہندوؤں کے 10 روزہ تہوار کے دوران بدھ کی شام عقیدت مندوں کے مندر میں داخل ہونے پر بھگدڑ مچنے سے کم از کم 3 افراد ہلاک اور 20 کے زخمی ہونے کی اطلاعات ہیں۔
ملک بھر سے ہزاروں عقیدت مند تہوار میں شرکت کرنے کے لیے جمع ہوئے تھے۔ ہلاکتوں کی تعداد میں اضافے کا خدشہ ہے۔
بھارتی میڈیا رپورٹ کے مطابق مذکورہ ہاتھی تہوار کے موقع پر مندر میں لائے گئے تھے، پٹاخے پھوٹنے اور آتش بازی پر ہاتھی بدک کر بے قابو ہوگئے۔
رپورٹ کے مطابق ہاتھیوں کی ٹکر سے عمارت کی دیوار کا ایک حصہ گرگیا، کئی افراد ملبے تلے دب کر زخمی ہوئے۔
عینی شاہدین اور بھارتی میڈیا رپورٹس کے مطابق ہاتھیوں کے بدکنے سے مرنے والوں میں تین خواتین بھی شامل ہیں۔
یاد رہے کہ بھارت میں مذہبی تہواروں اور رسومات کے موقع پر ہاتھیوں کے بدکنے کے واقعات عام ہیں گزشتہ ماہ جنوری میں بھی بپھرے ہاتھی نے ہجوم میں کھڑے شخص کو اٹھا کر زمین پر پٹخ دیا تھا جس کی ویڈیو سوشل میڈیا پر وائرل ہوگئی تھی۔
مزید پڑھیں : ہاتھی نے ایک شخص کو اٹھا کر پٹخ دیا، ویڈیو وائرل
بھارتی ریاست کیرالہ کے ضلع ملاپورم میں کل رات فیسٹیول کے دوران ہاتھی بپھر گیا جس نے ایک شخص کو اٹھا کر زمین پر پٹخ دیا۔ ہاتھی کے حملے کے نتیجے میں 17 افراد زخمی ہوئے جن میں سے ایک کی حالت نازک بتائی گئی ہے۔
رپورٹ کے مطابق پوتھیانگڈی میلے میں سینکڑوں لوگ شریک تھے، میلے میں پانچ ہاتھیوں کو بھی سنہری پلیٹوں سے مزین کیا گیا جب ہجوم میں موجود لوگوں نے ان کی ویڈیو بنانے کی کوشش کی تو ایک ہاتھی بپھر گیا تھا۔
