Tag: کیرون پولارڈ

  • پولارڈ کی سی پی ایل میں دھواں دار بیٹنگ، 8 گیندوں پر 7 چھکے (ویڈیو)

    پولارڈ کی سی پی ایل میں دھواں دار بیٹنگ، 8 گیندوں پر 7 چھکے (ویڈیو)

    ویسٹ انڈیز کے سابق آل راؤنڈر کیرون پولارڈ نے کیریبیئن پریمیئر لیگ (سی پی ایل) 2025 میں دھواں دار بیٹنگ کرتے ہوئے بولرز کو دھو ڈالا۔

    رپورٹس کے مطابق گزشتہ روز کیریبیئن پریمیئر لیگ میں ٹرنباگو نائٹ رائیڈرز اور کٹس اینڈ نیوس پیٹریوٹس کے مابین میچ کھیلا گیا۔

    نائٹ رائیڈرز نے پیٹریوٹس کی دعوت پر پہلے بیٹنگ کرتے ہوئے مقررہ 20 اوورز میں 6 وکٹوں پر 179 رنز بنائے۔

    کیرون پولارڈ نے نائٹ رائیڈرز کی جانب سے دھوا دھار بیٹنگ کی، جارح مزاج بلے باز نے 29 گیندوں پر 65 رنز بنائے جس میں 8 چھکے اور 2 چوکے شامل تھے۔

    پولارڈ کی اننگز کی خاص بات یہ تھی کہ انہوں نے اننگز کے دوران ایک موقع پر 8 گیندوں کا سامنا کرتے ہوئے 7 چھکے لگا کر شائقین کرکٹ کو حیران کردیا۔

    ویسٹ انڈیز کے سابق کھلاڑی نے نائٹ رائیڈرز کی اننگز کے 15 ویں اوور کی آخری 4 گیندوں پر 3 چھکے لگائے جبکہ اگلے اوور کی آخری 4 گیندوں پر بھی 4 چھکے لگا دیئے۔

    مچل اسٹارک کا ریٹائرمنٹ کا اعلان

    پیٹریوٹس کی ٹیم 180 رنز کے ہدف کے جواب میں مقررہ اوورز میں 6 وکٹوں پر 167 رنز بناسکی اور یوں نائٹ رائیڈرز 12 رنز سے میچ میں فتح یاب ہوگیا۔

    پولارڈ کو شاندار اننگز کھیلنے پر میچ کے بہترین کھلاڑی کے ایوارڈ سے نوازا گیا۔

  • کیرون پولارڈ کا  ٹی ٹوئنٹی کرکٹ میں بڑا کارنامہ

    کیرون پولارڈ کا ٹی ٹوئنٹی کرکٹ میں بڑا کارنامہ

    ویسٹ انڈین کرکٹ ٹیم کے آل راؤنڈر عالمی شہرت یافتہ جارح مزاج بلے باز کیرون پولارڈ نے ٹی ٹوئنٹی کرکٹ میں اہم سنگ میل عبور کرکے شائقین کرکٹ کو حیران کردیا۔

    رپورٹس کے مطابق کیرون پولارڈ نے گزشتہ روز کیریبیئن پریمیئر لیگ میں ٹرنباگو نائٹ رائیڈرز کی نمائندگی کرتے ہوئے ٹی ٹوئنٹی کرکٹ میں 14 ہزار رنز مکمل کرلیے۔

    ٹی ٹوئنٹی کرکٹ میں پولارڈ کرس گیل کے بعد 14 ہزار رنز بنانے والے دوسرے کھلاڑی بن گئے۔

     

    View this post on Instagram

     

    A post shared by Circle of Cricket (@circleofcricket)

    اس کے علاوہ پولارڈ ٹی ٹوئنٹی کرکٹ میں 14 ہزار سے زائد رنز اور 300 سے زائد وکٹیں حاصل کرنے والے پہلے کھلاڑی بھی بن گئے ہیں۔

    انہوں نے ٹرنباگو نائٹ رائیڈرز کی جانب سے کھیلی جانے والی 19 رنز کی اننگز کے دوران ایک زور دار چھکا بھی لگایا اور سی پی ایل کی تاریخ میں سب سے زیادہ چھکے لگانے والے بلے باز بن گئے۔ اس سے قبل ایون لوئس 203 چھکوں کے ساتھ ٹاپ پر تھے۔

    پاکستانی کرکٹرز کا راشد خان کے بھائی کے انتقال پر اظہار تعزیت

    واضح رہے کہ اس سے قبل ویسٹ انڈین آل راؤنڈر کیرون پولارڈ 700 ٹی 20 میچز کھیلنے والے تاریخ کے پہلے کرکٹر بن چکے ہیں اور ان کا نام ریکارڈ بک میں درج کرلیا گیا ہے۔

    سان فرانسسکو یونیکورنز کے خلاف میجر لیگ کرکٹ میچ میں ایم آئی نیویارک کی نمائندگی کرتے ہوئے پولارڈ نے یہ اعزاز حاصل کیا۔

  • صرف چھ ہفتوں بعد شائقین اسی پانڈیا کو سپورٹ کریں گے، پولارڈ کا طنز

    صرف چھ ہفتوں بعد شائقین اسی پانڈیا کو سپورٹ کریں گے، پولارڈ کا طنز

    کیرون پولارڈ نے ممبئی انڈینز کے کپتان ہاردک پانڈیا کو ان کی کپتانی پر تنقید کا نشانہ بنانے والوں کو آڑے ہاتھوں لے لیا۔

    آئی پی ایل 2024 میں ممبئی کی کپتانی ملنے کے بعد سے ہاردک پانڈیا کے لیے تقریباً ہر چیز ہی خراب رہی ہے، چاہے وہ ان کی بولنگ ہو، بیٹنگ ہو، کپتانی ہو یا پھر وقت پر درست فیصلے نہ کرنا ہو۔ بھارتی شائقین کو یہی لگتا ہے کہ روہت شرما کو ہی ممبئی انڈینز کی کپتانی کرنی چاہیے۔

    اتوار کو چنئی سپرکنگز کے خلاف ہونے والے میچ میں بھی کپتان ہاردک پانڈیا کے آخری اوور میں 26 رنز بنے، سدا بہار ایم ایس دھونی نے انھیں اس اوور میں لگاتار تین چھکے بھی لگائے۔

    ممبئی کے بیٹنگ کوچ اور فرنچائز کے سابق آل راؤنڈر کیرون پولارڈ اس موقع پر کپتان ہارک پانڈیا کا دفاع کرنے میدان میں آگئے ہیں۔

    انھوں نے تنقید کرنے والوں کو انتباہ دیا کہ یہ وقت وقت کی بات ہے، میرا نہیں خیال کہ ان سب نے پانڈیا کے اعتماد کو ٹھیس پہنچائی ہوگی، وہ اس مرحلے سے نکلنے کے لیے سخت محنت کررہے ہیں۔

    کیرون نے کہا کہ میں لوگوں کی اس بات سے تنگ آچکا ہوں، کرکٹ ایک ٹیم گیم ہے۔ پانڈیا ایک ایسا پلیئر ہے جو چھ ہفتے سے بھی کم وقت میں ٹی ٹوئنٹی ورلڈکپ میں ملک کی نمائندگی کریگا اور شائقین پھر اسکی حوصلہ افزائی کریں گے اور چاہیں گیں کہ وقت آنے پر وہ اچھا پرفارم کرے۔

    انھوں نے کہا کہ وہ بھارت کے عظیم آل راؤنڈرز میں سے ایک سے ہیں اور ہم ان سے فائدہ اٹھا سکتے ہیں۔ وہ بہترین بیٹنگ، باؤلنگ اور فیلڈنگ کرسکتے ہیں۔

    بیٹنگ کوچ نے کہا کہ میں بہت اچھی طرح سے امید کرسکتا ہوں کہ جب وہ فارم میں واپس آئے گا تو میں سب کو اس کی تعریفیں کرتے ہوئے دیکھوں گا۔

  • کیرون پولارڈ: کراچی کنگز کے ترکش میں مہلک ہتھیار!

    کیرون پولارڈ: کراچی کنگز کے ترکش میں مہلک ہتھیار!

    کیرون پولارڈ ٹی 20 کرکٹ کے ان چند پلیئرز میں سے ایک ہیں جو اپنی بے پناہ طاقت اور اس فارمیٹ میں مہارت کی وجہ سے شہرت رکھتے ہیں۔

    ویسٹ انڈین آل راؤنڈر پاکستان سپر لیگ کے نویں سیزن میں کراچی کنگز کے لیے دھماکے دار پرفارمنس دینے کے لیے تیار ہیں۔ وہ اپنی جارحانہ بیٹنگ، موثر باؤلنگ اور فیلڈنگ کی غیر معمولی صلاحیت کے ساتھ حریفوں کے لیے خوف کی علامت ہونگے۔

    کیرون پولارڈ نے ٹی ٹوئنٹی کرکٹ میں نمایاں آل راؤنڈر کے طور پر جگہ بنائی ہے، عالمی سطح پر مختلف لیگز کھیلتے ہوئے انھوں نے اپنی شاندار پرفامنس سے انمٹ نقوش ثبت کیے ہیں۔

    اب تک ان کا کرکٹ کا سفر کافی غیرمعمولی رہا ہے، وہ پی ایس ایل کے آئندہ ایڈیشن میں کراچی کنگز کی بھرپور نمائندگی کے لیے پُرجوش نظر آتے ہیں۔

    چند مقبول فرنچائزز میں سے ایک کراچی کنگز نے پی ایس ایل 9 کے لیے ان کی خدمات حاصل کی ہیں۔ ٹیم نے معروف کرکٹر کو پی ایس ایل ڈرافٹ کے دوران پلاٹینم کیٹیگری کے پہلے راؤنڈ میں منتخب کیا تھا۔

    ٹی ٹوئنٹی لیگز کھیلنے کے بے پناہ تجربے کے باعث وہ کراچی کنگز کی بیٹنگ لائن اپ میں نہایت کلیدی کردار ادا کرسکتے ہیں۔

    پولارڈ تیزی سے رنز بنانے کی صلاحیت سے مالا مال ہیں جبکہ وہ اکثر اہم مواقعوں پر وکٹیں حاصل کرنے میں بھی کامیاب رہتے ہیں۔ یہی صلاحیتیں انھیں ایک حقیقی اور کامیاب آل راؤنڈ بناتی ہیں۔

    پولارڈ نے اب تک پاکستان سپر لیگ میں 36.40 کی متاثر کن اوسط اور 165.45 کے زبردست اسٹرائیک ریٹ کے ساتھ مجموعی طور پر 910 رنز بنائے ہیں۔ بولنگ میں انھوں نے 34.07 کی اوسط سے 13 وکٹیں حاصل کی ہیں۔

    پولارڈ ٹی ٹوئنٹی میں تیسرے سب سے زیادہ رنز بنانے والے کرکٹرز بھی ہیں۔ انھوں نے 150.57 کے اسٹرائیک ریٹ سے 12,454 رنز اسکور کررکھے ہیں۔ وہ اس فارمیٹ میں سب سے زیادہ 642 میچز کھیلنے کا بھی اعزاز رکھتے ہیں۔