پاکستان میں پاناما کیس میں مشہور ہونے والا کیلبری فونٹ جلد ہی قصہ پارینہ بن جائے گا، مائیکرو سافٹ نے اس کی جگہ دوسرے فونٹ کو دینے کا اعلان کردیا۔
امریکی ٹیکنالوجی کمپنی مائیکرو سافٹ نے کیلبری کے متبادل فونٹ کی تلاش شروع کردی ہے، کیلبری سنہ 2007 سے مائیکرو سافٹ آفس کا ڈیفالٹ فونٹ ہے جس کی جگہ کمپنی نے 5 ممکنہ متبادل تجویز کیے ہیں۔
تاہم کیلبری فونٹ فونٹس میں موجود رہے گا۔
مائیکرو سافٹ نے 28 اپریل کو ایک ٹویٹ میں کہا کہ، ڈیئر کیلبری ہمیں اپنے اکٹھے گزارے جانے والے وقت سے محبت ہے، مگر اب اس تعلق کا وقت ختم ہورہا ہے۔
We need to talk. What should our next default font be? pic.twitter.com/fV9thfdAr4
— Microsoft (@Microsoft) April 28, 2021
کمپنی نے صارفین سے پوچھا کہ وہ 5 متبادل فونٹس میں سے اپنے پسند کے فونٹ کے بارے میں بتائیں، ان 5 فونٹس میں ٹینورائٹ، بائرسٹاڈٹ، سکینا، سی فورڈ اور گرانڈ ویو شامل ہیں۔
ٹینورائٹ کو ایرن میکلوفین اور وای ہیوانگ نے ڈیزائن کیا اور کمپنی کے مطابق اس فونٹ کا انداز دوستانہ انداز کا حامل ہے، بائرسٹاڈٹ کو اسٹیو میٹیسن نے ڈیزائن کیا ہے، مائیکرو سافٹ کے مطابق بائرسٹاڈٹ کلیئر کٹ اسٹروک اینڈنگ والا فونٹ ہے۔
سکینا کو جان ہڈسن اور پال ہان سلو نے ڈیزائن کیا اور کمپنی کے مطابق یہ فونٹ طویل دستاویزات اور مختصر جملوں کے لیے مثالی ہے، سی فورڈ کو ٹوبیس فریر جونز، نینا اسٹوسینگر اور فریڈ شکلیرس نے ڈیزائن کیا ہے مگر اس کا اسٹائل حروف کے درمیان فرق کو واضح کرتا ہے جس سے الفاظ کی ساخت کو شناخت کرنا آسان ہوتا ہے۔
گرانڈ ویو کو آرون بیل نے ڈیزائن کیا گیا ہے جس کا خیال جرمن شاہراؤں اور ریلوے سائنز سے لیا گیا، یہ دور اور کم روشنی میں حروف کو پڑھنے کے لیے ڈیزائن کیا گیا ہے اور طویل تحریر کے لیے مطابقت پیدا کی گئی ہے۔
