Tag: کیلیفورنیا

کیلی فورنیا: امریکی ریاست کیلی فورنیا میں ایک سالہ بچے پر خاتون قصداً کھانسی، جس کے بعد بچے کو بخار ہو گیا۔

غیر ملکی میڈیا کے مطابق رواں ماہ کے آغاز میں کیلی فورنیا کے ساحلی شہر سان جوز میں ایک خاتون نے یوگرٹ لینڈ میں واقع ایک ریسٹورنٹ میں حدر درجے بے حسی کا مظاہرہ کرتے ہوئے ایک عورت کا غصہ اس کے ایک سالہ ننھے بچے پر نکال لیا۔

بے حسی کے اس خوف ناک مظاہرے کی فوٹیج سی سی ٹی وی نے محفوظ کر لی، جس میں دیکھا جا سکتا ہے کہ اس نے اپنے منھ سے ماسک ہٹایا اور واکر میں لیٹے ہوئے ننھے بچے پر تین بار کھانسی کی۔

پولیس نے میڈیا کو بتایا کہ مذکورہ خاتون کی شناخت علاقے کے ضلعی اسکول کی ملازمہ کی حیثیت سے ہوئی ہے، کھانسنے والی خاتون کو بچے کی ماں پر غصہ تھا کہ وہ ریسٹورنٹ میں آرڈر کے انتظار میں سماجی فاصلے کی ہدایات کی صحیح سے تعمیل نہیں کر رہی تھی، اس لیے وہ انتقاماً اس کے بچے پر کھانسی۔

سان جوز کے اسکول اوک گروو اسکول ڈسٹرکٹ نے واقعہ سامنے آنے کے بعد بیان دیا کہ مذکورہ نامعلوم اسکول ملازمہ فی الوقت چھٹیوں پر ہے، اور وہ طلبہ کو خدمات فراہم نہیں کر رہی ہے۔

بچے کی ماں میریا مویا کا کہنا تھا کہ 60 سالہ عورت کے میرے بچے پر کھانسنے کے بعد میرے بیٹے کو تیز بخار نے آ لیا، مجھے یقین ہے کہ بوڑھی عورت نے یہ نسلی تعصب کے طور پر کیا، اس نے میرے سامنے یہ بہت تیزی سے کیا، میں اسے دیکھ کر صدمے کی کیفیت میں آ گئی تھی، وہ میرے بچے کے واکر کے پاس آئی، اپنا ماسک ہٹایا اور تین بار اس پر کھانسی۔

امریکی خاتون نے 5 سالہ بچے کو نہایت ظالمانہ طریقے سے مار دیا

معلوم ہوا ہے کہ میریا مویا نے اپنے بچے کا کرونا ٹیسٹ نہیں کرایا، تاہم اب وہ بخار سے صحت یاب ہو رہا ہے، فوٹیج میں دیکھا جا سکتا ہے کہ خاتون کے کھانسنے کے بعد بچے کی ماں نے تیزی سے اس حملے سے اسے بچانے کی کوشش کی۔

پولیس بچے پر کھانسنے والی اس خاتون کو تلاش کر رہی ہے، فی الوقت یہی معلوم ہو سکا ہے کہ مذکورہ خاتون اسکول میں ملازمت کرتی ہے تاہم پوری شناخت سامنے نہیں آ سکی ہے۔

کیلی فورنیا: امریکی ریاست کیلی فورنیا میں ایک چور کو پولیس نے ایک دن میں تین بار گرفتار کر کے چھوڑ دیا۔

غیر ملکی میڈیا کے مطابق کیلی فورنیا کے علاقے گیلنڈورا میں پولیس کو ایک چور کو ایک ہی دن میں تین بار گرفتار کر کے چھوڑنا پڑا کیوں کہ ریاست میں کرونا وائرس وبا کی وجہ سے زیرو کیش بیل پالیسی پر عمل کیا جا رہا ہے۔

گیلنڈورا پولیس ڈپارٹمنٹ نے بتایا کہ اپریل 29 کو انھیں صبح ساڑھے 8 بجے ایک کال موصول ہوئی کہ ایک شخص کسی کی گاڑی چرانے کی کوشش کر رہا ہے، پولیس اہل کار موقع پر پہنچے تو مونٹریری پارک کا رہایشی 24 سالہ ڈیجون لانڈرم چرائی ہوئی گاڑی چلا کر بھاگ رہا تھا، اہل کاروں نے اسے پکڑ لیا، ملزم سے منشیات بھی برآمد ہوئیں، تاہم کیلی فورنیا میں ضمانت بغیر رقم کی نئی پالیسی کی وجہ سے اسے وارننگ دے کر چھوڑ دیا گیا۔

پولیس ڈپارٹمنٹ کی پریس ریلیز کے مطابق لانڈرم کو چھوڑنے کے ایک گھنٹے بعد انھیں پھر ایک کال موصول ہوئی کہ ایک مشتبہ شخص ایک بھرا ہوا باکس لے کر جا رہا ہے، اہل کار موقع پر پہنچے تو انھوں نے پھر لانڈرم کو پایا، جو چرائی ہوئی چیزوں سے بھرا باکس لے جا رہا تھا۔ دوسری بار بھی پولیس نے اسے تنبیہ کر کے چھوڑ دیا، کیوں کہ زیرو کیش بیل پالیسی کے تحت اسے کوئی رقم نہیں دینی تھی۔

گھر میں رہنے سے بور ہوئے بچوں نے 46 گاڑیاں چرا لیں

اسی دن شام میں ساڑے آٹھ بجے ایک بار پھر پولیس کو کال موصول ہوئی، اس بار چور ایک پارکنگ لاٹ سے کار چرا رہا تھا، پولیس نے کار کو ٹریک کیا اور پھر لاس اینجلس کاؤنٹی پولیس اور کیلی فورنیا ہائی وے پیٹرول آفیسرز کی مدد سے اس کا پیچھا کر کے اسے پکڑ لیا، تیسری بار بھی چور لانڈرم نکلا۔

تیسری بار بھی پولیس کو اسے وارننگ دے کر چھوڑنا پڑا، اور چور ایک دن میں تیسری بار مزے سے وارداتیں کر کے بھی بغیر ضمانت دیے رہا ہو گیا۔ بتایا جا رہا ہے کہ کیلی فورنیا میں یہ ایمرجنسی پالیسی قانون نافذ کرنے والے اداروں کے لیے ایک چیلنج بن چکی ہے، کیوں کہ مبینہ مجرموں کو عوام میں کھلا چھوڑ دیا جاتا ہے۔