ARYNews.tv | Urdu – Har Lamha Bakhabar

Tag: کیلی فورنیا

  • پاکستان ٹیک سیکٹر میں سرمایہ کاری کے وسیع مواقع ہیں: اسد مجید خان

    پاکستان ٹیک سیکٹر میں سرمایہ کاری کے وسیع مواقع ہیں: اسد مجید خان

    نیویارک: پاکستانی سفیر اسد مجید خان کا کہنا ہے کہ پاکستان ٹیک سیکٹر میں سرمایہ کاری کے وسیع مواقع موجود ہیں، پاکستان میں سرمایہ کاری اور تجارتی قوانین میں اصلاحات لائی جارہی ہیں۔

    تفصیلات کے مطابق امریکی ریاست کیلیفورنیا میں انویسٹ ان پاکستان نامی سمٹ کا انعقاد ہوا۔ سمٹ میں امریکا بھر سے آئی ٹی ماہرین نے شرکت کی۔

    سمٹ میں مائیکرو الیکٹرونکس، سافٹ ویئر ڈویلپمنٹ اور گیمنگ پر تفصیلی گفتگو کی جبکہ میڈیکل انوویشن، آرٹیفشل انٹیلی جنس کے موضوع پر بھی ماہرین نے روشنی ڈالی۔ امریکی آئی ٹی کمپنیوں نے پاکستان میں سرمایہ کاری میں دلچسپی کا اظہار کیا۔

    پاکستانی سفیر اسد مجید خان نے تقریب سے خطاب کرتے ہوئے کہا کہ پاکستان ٹیک سیکٹر میں سرمایہ کاری کے وسیع مواقع موجود ہیں، پاکستان میں سرمایہ کاری اور تجارتی قوانین میں اصلاحات لائی جارہی ہیں۔

    اس سے قبل ایک موقع پر اسد مجید خان کا کہنا تھا کہ بھارت نے مقبوضہ وادی کو دنیا کی سب سے بڑی جیل بنا دیا ہے، امریکا سمیت عالمی برادری کشمیر کو متنازعہ علاقہ تسلیم کرتی ہے۔

    انہوں نے کہا تھا کہ کشمیر کا مسئلہ سلامتی کونسل کے ایجنڈے میں شامل ہے، مقبوضہ کشمیر میں مکمل طور پر لاک ڈاؤن ہے، بھارت نے مقبوضہ کشمیر میں فوج کی تعداد میں حالیہ اضافہ کیا۔

  • کیلی فورنیا کے فوڈ فیسٹیول میں نامعلوم ملزم کی فائرنگ، 3 افراد ہلاک

    کیلی فورنیا کے فوڈ فیسٹیول میں نامعلوم ملزم کی فائرنگ، 3 افراد ہلاک

    واشنگٹن :کیلی فورنیا میں منعقدہ فوڈ فیسٹیول میں نامعلوم ملزم کی فائرنگ سے تین افراد ہلاک ہوگئے، ہلاک شدگان میں 6 سالہ بچہ بھی شامل ہے۔

    تفصیلات کے مطابق امریکی ریاست کیلی فورنیا کے شہرجوز کے قریب فوڈ فیسٹیول میں فائرنگ سے تین افرادہلاک جبکہ 15 افراد زخمی ہوگئے،افسوس ناک واقعے کے بعد پولیس فوری طور پر جائے وقوعہ پر پہنچ گئی تھی ۔

    امریکی خبر رساں ادارے کا کہنا تھا کہ فائرنگ کے بعد میلے میں بھگڈر مچ گئی تاہم پولیس کی بھاری نفری نے موق پر پہنچ کر علاقے کو گھیرے میں لےکر فائرنگ کرنے والے ملزم کو بھی ہلاک کردیا تھا۔

    گلروے پولیس چیف کا کہنا تھا کہ جدید اسلحے سے لیس ملزم سخت سیکیورٹی کے باعث حفاظتی باڑ کو کاٹ کر فیسٹیول میں داخل ہوا تھا۔

    غیر ملکی خبر رساں ادارے کا کہنا تھا کہ کیلیفورنیا حکام نے ملزم اور متاثرہ افراد سے متعلق مزید معلومات اور شناخت ظاہر نہیں ہے، پولیس چیف کا کہنا ہے کہ قتل عام کی وجوہات و مقصد ابھی واضح نہیں ہوسکا ہے۔

    غیر ملکی خبر رساں ادارے کا کہنا تھا کہ گزشتہ روز میلے کا آخری روز تھا جبکہ یہ میلہ سنہ 1979 سے ہر سال جولائی کے آخر میں منعقد کیا جاتا ہے۔

  • کیلی فورنیا میں 20سالہ تاریخ میں آنے والا سب سے طاقتور ترین زلزلہ

    کیلی فورنیا میں 20سالہ تاریخ میں آنے والا سب سے طاقتور ترین زلزلہ

    کیلی فورنیا : امریکی ریاست کیلی فورنیا میں دو روز کے دوران دوسرے طاقتور ترین زلزلے سے لوگوں میں خوف وہراس پھیل گیا،7.1 شدت کے زلزلے نے سب کچھ ہلا کر رکھ دیا، زلزلے سے اب تک کسی جانی نقصان کی اطلاع نہیں ملی تاہم ایمرجنسی نافذ کردی گئی ہے۔

    تفصیلات کے مطابق امریکی ریاست کیلی فورنیا کےجنوبی علاقے میں 7.1 شدت کازلزلہ ریکارڈ کیا گیا، ، زلزلے کا مرکزکیلی فورنیا کا شہرریگ کرسٹ تھا، زلزلے سے لوگوں میں خوف وہراس پھیل گیا اور کئی عمارتیں تباہ ہ ہوگئیں۔

    طاقتور زلزلے سے سڑکوں میں دراڑیں پڑگئیں اور بجلی اورمواصلات کا نظام متاثرہوا جبکہ گیس پائپ لائنز کو نقصان پہچنے سے مختلف مقامات پرآگ بھڑک اٹھی ، زلزلے کے بعد اسپتالوں میں ایمرجنسی نافذ کردی گئی، زلزلے سے متعدد افراد کے زخمی ہونے کی اطلاعات موصول ہوئی ہیں۔

    دوروزکے دوران ریاست میں دوسرا بڑا زلزلہ ریکارڈ کیا گیا ہے ، آفٹر شاکس کے خدشے کے باعث حکام نے لوگوں کواحتیاط برتنے کی ہدایت کردی۔

    زلزلے کے دوران خبریں پڑھتے نیوز اینکرز اپنا فرض نبھاتے رہے لیکن زلزلے کی شدت کے باعث ٹیبل کے نیچے پناہ لینی پڑی جبکہ باسکٹ بال میچ زلزلے کے باعث کچھ دیر کیلئے روکا گیا لیکن اسٹیڈیم میں شائقین کی بڑی تعدادموجود رہی۔

    خیال رہے جمعرات کو بھی کیلی فورنیا میں 6.4 شدت کا زلزلہ ریکارڈ کیا گیا تھا۔ یہ زلزلہ کیلی فورنیا کے شہررج کریسٹ کے قریب آیا جو کہ لاس اینجلس سے 240 کلومیٹرکے فاصلے پرہے، زلزلے کے بعد بھی 400 آفٹر شاکس محسوس کئے گئے تھے۔

    واضح رہے کہ امریکی ریاست کیلی فورنیا میں گزشتہ روز آنے والے زلزلے کودو دہائیوں کا شدید ترین زلزلہ قرار دیا جا رہا ہے۔

    خیال رہے اس سے قبل س سے قبل 16 اکتوبر 1999 میں 7.1 شدت کا زلزلہ علاقے میں ریکارڈ کیا گیا تھا۔

  • کیلی فورنیا میں امریکی ایف 16 طیارہ گر کر تباہ، 12 افراد جھلس کر زخمی

    کیلی فورنیا میں امریکی ایف 16 طیارہ گر کر تباہ، 12 افراد جھلس کر زخمی

    واشنگٹن : کیلی فورنیا کے علاقے کاؤنٹ ریور سائیڈ میں گودام میں موجود 12 افراد طیارے کی تباہی سے ہونیوالی آتشزدگی کی زد میں آکر جھلس گئے۔

    تفصیلات کے مطابق امریکی ریاست کیلی فورنیا کے جنوبی علاقے کاؤنٹ ریور سائیڈ میں ایف سولہ طیارہ ایک گودام پر گر کر تباہ ہوگیا، حادثے میں بارہ افراد زخمی ہو گئے۔

    کیلی فورنیا کی کاؤنٹ ریور سائیڈ میں ایف سولہ طیارہ ایک گودام کی چھت توڑتا ہوا نیچے جا گرا، طیارے کا پائلٹ پیراشوٹ کے ذریعے اپنی جان بچانے میں کامیاب رہا۔

    بتایا گیا ہے کہ گودام میں موجود 12 افراد طیارے کی تباہی سے ہونیوالی آتشزدگی کی زد میں آکر جھلس گئے جنہیں ہسپتال منتقل کر دیا گیا، حادثے کی تحقیقات جاری ہیں۔

    مزید پڑھیں : کیلی فورنیا میں طیارہ گرکر تباہ‘ 2 افراد ہلاک

    یاد رہے کہ رواں برس فروری میں امریکی ریاست کیلیفورنیا کے رہائشی علاقے میں طیارہ گرنے سے ایک گھر میں آگ لگ گئی تھی جس کے نتیجے میں 2 افراد جان کی بازی ہار گئے تھے۔

    افسوس ناک واقعے کی اطلاع ملتے ہی ریسکیو اہلکار جائے وقوعہ پر پہنچے اور گھر میں لگی آگ پر قاپو پایا، حادثے میں زخمی ہونے والے افراد کو طبی امداد کے لیے اسپتال منتقل کیا گیا تھا۔

    پولیس حکام کا کہنا ہے کہ طیارہ گرنے کی وجوہات فوری طور پرسامنے نہیں آسکی تھیں تاہم واقعے کی تفتیش تاحال جاری ہے۔

  • کیلی فورنیا میں مسجد نذر آتش، ایک شخص زخمی

    کیلی فورنیا میں مسجد نذر آتش، ایک شخص زخمی

    واشنگٹن : امریکی ریاست کیلی فورنیا میں سفید فام نسل پرست نے مسجد کو نذر آتش کردیا تاہم آتشزدگی کے واقعے میں کوئی جانی نقصان نہیں ہوا۔

    تفصیلات کے مطابق امریکی ریاست کیلی فورنیا کے جنوبی علاقے میں واقع دارالارقم مسجد پر نامعلوم نسل پرست دہشت گردوں نے حملہ کرکے نذر آتش کردیا تاہم مسجد میں موجود افراد نے اہنی مدد آپ کے تحت آگ پر قابو پایا جس کے باعث مسجد کو زیادہ نقصان نہیں پہنچا۔

    مقامی خبر رساں ادارے کا کہنا ہے کہ اتوار کی صبح مسجد کو نذر آتش کرنے والے دہشت گرد نے مسجد کی دیوار پر اسپرے سے نیوزی لینڈ میں مسجد پر حملے کا حوالہ بھی دیا جس میں 50 مسلمان بے گناہ شہید کیے گئے تھے۔

    میڈیا کو واقعے کی تفصیلات سے آگاہ کرتے ہوئے ایسکونڈیڈو کے پولیس ترجمان کا کہنا تھا کہ مقامی اور وفاقی حکومت واقعے کی تحقیقات نفرت آمیز اور نسل پرستی کی بنیادوں پر کررہے ہیں تاہم پولیس ترجمان نے یہ نہیں بتایا کہ حملہ آور سے اسپرے سے لکھا کیا ہے۔

    غیر ملکی خبر رساں ادارے کا کہنا ہے کہ مسجد میں صبح 3 بجے ہونے والی آتشزدگی کے دوران ایک شخص زخمی ہوا جبکہ دارالارقم مسجد کے بیرونی حصّے کو نقصان پہنچا۔

    میڈیا ذرائع کا کہنا ہے کہ کیلی فورنیا پولیس ابھی تک واقعے میں ملوث ملزمان کو شناخت اور گرفتار کرنے میں ناکام رہی ہے۔

    پولیس ترجمان نے میڈیا کو بتایا کہ مسجد پر آتشزدگی کے حملے کے فوراً بعد رات بھر میں مسجد میں عبادت کرنے والے افراد نے فوری طور پر آگ بجھائی جس کے باعث صرف مسجد کے بیرونی حصّے کو نقصان۔

    مزید پڑھیں : نیوزی لینڈ کی 2 مساجد میں فائرنگ‘ 49 افراد جاں بحق

    یاد رہے کہ رواں ماہ 15 تاریخ کو نیوزی لینڈ کے تیسرے بڑے شہر کرائسٹ چرچ میں سفید فام نسل پرست دہشت گرد نے دو مساجد پر نماز جمعہ کے دوران دو مساجد پر حملے کرکے پچاس نمازیوں کو شہید جبکہ درجنوں کو زخمی کردیا تھا۔

  • لاہور: ڈربی ریس 2019: فیورٹ گھوڑی ’’کیلی فورنیا‘‘ نے ٹائٹل اپنے نام کرلیا

    لاہور: ڈربی ریس 2019: فیورٹ گھوڑی ’’کیلی فورنیا‘‘ نے ٹائٹل اپنے نام کرلیا

    لاہور : آٹھویں پاکستان ڈربی ریس2019  پاکستان کی فیورٹ ’’ کیلی فورنیا ‘‘ نامی گھوڑی نے بڑے مارجن سے جیت کر  فتح  اپنے نام کر لی۔

    تفصیلات کے مطابق لاہور ریس کلب میں آٹھویں پاکستان ڈربی ریس2019 کا انعقاد کیا گیا، جس میں بارا گھوڑیوں نے حصہ لیا۔ پاکستان ڈربی ریس کے رنگا رنگ ایونٹ میں شہہ سوار اپنی گھوڑیوں کو سر پٹ دوڑاتے نظر آئے۔

    لاہور سے اے آر وائی نیوز کے نمائندے الماس احمد خان کی رپورٹ کے مطابق سہراب خان کی فیورٹ گھوڑی کیلی فورنیا نے دو منٹ اڑتیس سیکنڈ میں پہلی پوزیشن پر کامیابی حاصل کی۔

    اس موقع پر فاتح گھوڑی کے مالک سہراب خان کا کہنا تھا کہ اُن کی گھوڑی لمبی ریس کی ہے، لاہور ریس کلب کے چیئرمین طارق عزیز نے کہا کہ کیلی فورنیا کی فتح میرٹ پر ہوئی ہے۔

    واضح رہے کہ پاکستان ڈربی ریس کے لیے کل دس ریسیں منعقد ہوئیں جن میں ڈربی سمیت ایل آر سی کپ، اسٹیورڈز کپ، بریڈرز کپ، اور کوئین ایلزبتھ کپ اہم ریسیں تھیں۔

    ڈربی ریس 2019 میں ہزاروں کی تعداد میں مرد و خواتین نے شرکت کی، مداحوں کا کہنا تھا کہ وہ ریس سے بہت لطف اندوز ہو رہے ہیں، پاکستان میں ایسے مقابلے ہونے چاہئیں۔

  • امریکا میں پولیس کی فائرنگ سے سیاہ فام گلوکار ہلاک

    امریکا میں پولیس کی فائرنگ سے سیاہ فام گلوکار ہلاک

    واشنگٹن: امریکی شہر ولیجو میں پولیس نے سیاہ فام گلوکار کو فائرنگ کرکے قتل کردیا۔

    غیرملکی خبررساں ادارے کے مطابق امریکی شہر ولیجو میں پولیس نے سیاہ فام گلوکار کو فائرنگ کرکے قتل کردیا، واقعے میں ملوث 6 پولیس اہلکاروں سے تفتیش جاری ہے۔

    ریاست کیلی فورنیا کے شہر ولیجو میں 21 سالہ سیاہ فام ریپر سنگر ویلی بو کو ایک ریستوران کے باہر ان کی کار پر فائرنگ کرکے قتل کیا گیا۔

    پولیس کا موقف ہے کہ ریستوران انتظامیہ نے اطلاع دی تھی کہ ایک شخص اپنی گاڑی میں سو رہا ہے، پولیس موقع پر پہنچی اور کار کا جائزہ لیا تو ڈرائیونگ سیٹ پر موجود شخص کی گود میں پستول رکھی ہوئی تھی۔

    مزید پڑھیں: امریکی پولیس کی فائرنگ سے ایک اور سیاہ فام نوجوان ہلاک

    اس صورت حال میں پولیس نے گاڑی کو روکنے کی کوشش کی تو ڈرائیور نے تیزی سے گاڑی آگے بڑھا دی اور پولیس کو اپنے تحفظ کے لیے فائرنگ کرنا پڑی۔

    دوسری جانب گلوکار کے بھائی نے میڈیا سے گفتگو کرتے ہوئے کہا کہ پولیس نے معاملے کو پر امن طریقے سے حل کرنے کے بجائے ویلی کو قتل کردیا یہ نسلی تعصب کا کیس ہے پولیس نے بھائی کو سیاہ فام ہونے کی وجہ سے قتل کیا۔

    ویلی کے بھائی کا مزید کہنا تھا کہ پولیس کا کام کسی مشکوک شخص کو حراست میں لینا ہوتا ہے لیکن یہاں تو پولیس خود جج، جیوری اور جلد بن کر سامنے آئی ہے۔

  • کیلی فورنیا کے جنگلات میں لگی آگ پر17 روز بعد قابو پالیا گیا

    کیلی فورنیا کے جنگلات میں لگی آگ پر17 روز بعد قابو پالیا گیا

    کیلی فورنیا : امریکی ریاست کیلی فورنیا میں لگنے والی آگ سے 87 افراد ہلاک ہوگئے، حکام نے بارش کے بعد بدترین آگ پرقابو پالیا۔

    تفصیلات کے مطابق امریکی ریاست کیلی فورنیا کے جنگلات میں لگنے والی آگ پر 17 روز بعد قابو پا لیا گیا، آتشزدگی سے 87 افراد جان کی بازی ہار گئے۔

    آتشزدگی سے 14 ہزار سے زائد مکانات جل کرراکھ کا ڈھیر بن گئے جن میں ہالی ووڈ ستاروں کے عالیشان گھر بھی شامل ہیں، آگ کے شعلوں کی لپیٹ میں آکرایک لاکھ 53 ہزارایکڑرقبہ متاثر ہوا۔

    جنگلات میں لگنے والی آگ پر قابو پانے کے لیے ایک ہزار سے زائد فائر فائٹرز2 ہفتے تک مصروف رہے، ہیلی کاپٹرز نے بھی آپریشن میں حصہ لیا۔

    امریکی میڈیا کے مطابق آتشزدگی سے 87 افراد ہلاک ہوئے جبکہ 474 افراد لاپتہ ہیں جن میں سے بیشتر کے زندہ بچنے کے امکانات کم ہیں۔

    کیلی فورنیا کے شمالی اور جنوبی علاقوں کے جنگلات میں 8 نومبر کو آگ لگی تھی جسے کیلی فورنیا کی تاریخ کی سب سے بڑی آگ قرار دیا گیا ہے۔

    یاد رہے کہ گزشتہ ہفتے 17 نومبرکو امریکی صدر ڈونلڈ ٹرمپ نے ریاست کیلی فورنیا کا دورہ کیا تھا اور آگ کی تباہ کاریوں کا بھی جائزہ لیا تھا۔

    واضح رہے کہ 2012 سے کیلی فورنیا کے جنگلات میں آگ لگنے کا مسئلہ درپیش ہے، موسم گرما اور خشک سالی کی وجہ سے جنگلات میں آگ لگنے کے واقعات میں اضافہ ہوا ہے۔

  • کیلی فورنیا میں ہولناک آتشزدگی جاری، 84 افراد ہلاک، لاکھوں بے گھر

    کیلی فورنیا میں ہولناک آتشزدگی جاری، 84 افراد ہلاک، لاکھوں بے گھر

    واشنگٹن: امریکی ریاست کیلی فورنیا کے جنگلات میں لگی آگ دو ہفتے گزرنے کے بعد بھی بُجھ نہ سکی، ہولناک آگ کی زد میں آکر اب تک 84 افراد ہلاک ہوچکے ہیں۔

    تفصیلات کے مطابق امریکی ریاست کیلی فورنیا کے جنگلات میں لگی آگ کو بجھانے کے لیے تین ہزار سے زیادہ فائر فائٹرز مصروف ہیں، تاہم اب تک آگ پر قابو نہیں پایا جاسکا ہے اور خوفناک آتشزدگی کی لپیٹ میں آکر ریاست کا 400 اسکوائر میل کا رقبہ جل کر تباہ ہوگیا ہے۔

    امریکی خبر رساں اداروں کا کہنا ہے کہ کیلی فورنیا کے جنگلات میں لگنے والی کیلی فورنیا کی تاریخ میں سب زیادہ خطرناک اور جان لیوا آتشزدگی ہے۔

    مقامی خبر رساں اداروں کا کہنا کہ بدھ کے روز ہونے والی بارش نے آگ بجھانے میں کافی حد تک مددگار ہوئی تھی لیکن پھر بھی آتشزدگی جاری ہے جس کے نتیجے میں رہائشی علاقے میں موجود 18 ہزار 600 سے زائد گھر اور گاڑیاں جل کر راکھ ہوگئی ہیں۔

    امریکی میڈیا کا کہنا ہے کہ آتشزدگی کی لپیٹ میں آکر ہلاک ہونے والے 84 افراد میں 54 افراد کی شناخت کرلی گئی ہے جبکہ 1 ہزار سے زائد افراد تاحال لاپتہ ہیں۔

    امریکی خبر رساں ادارے کا کہنا ہے کہ کیلیوفورنیا میں لگنے خوفناک آگ پر قابو پانے والے فائرفایٹر میں 2 بھی افراد شدید زخمی ہیں جنہیں اسپتال میں طبی امداد دی جارہی ہے۔

    امریکی خبر رساں ادارے کا کہنا ہے کہ ہنگامی خدمات انجام دینے والی ٹیمیں 2 لاکھ سے زائد افراد کو محفوظ مقامات پر منتقل کرچکی ہیں۔

    خیال رہے کہ پانچ روز قبل امریکی صدر ڈونلڈ ٹرمپ نے آتشزدگی سے متاثرہ علاقے کا دورہ کرکے امدادی کاررروائیاں تیز کرنے کی ہدایت جاری کیں۔

    مقامی میڈیا کا کہنا ہے کہ کیلی فورنیا کے وسیع ع عریض جنگلات میں 16 مقامات پر آگ لگی ہوئی ہے، جبکہ حکام کی جانب سے شمالی کیلی فورنیا کے زیادہ تر حصے کو ریڈ فلیگ وارننگ کے تحت رکھا ہوا ہے۔

  • کیلی فورنیا میں خوف ناک آتش زدگی: ہالی ووڈ اداکاروں کے گھر بھی جل گئے

    کیلی فورنیا میں خوف ناک آتش زدگی: ہالی ووڈ اداکاروں کے گھر بھی جل گئے

    کیلی فورنیا: امریکی ریاست کیلی فورنیا کے جنگلات میں جمعرات کو لگنے والی آگ نے ہالی ووڈ کے معروف اداکاروں کے گھر بھی جلا کر راکھ کر دیے ہیں۔

    تفصیلات کے مطابق متعدد ہالی ووڈ اداکاروں نے سماجی رابطوں کی ویب سائٹ ٹویٹر پر کہا ہے کہ ان کے گھر بھی خوف ناک آتش زدگی کی زد میں آئے ہیں۔ کئی اداکاروں کے مکانات تباہ ہو گئے جب کہ متعدد کو اپنے گھر چھوڑنے پڑے۔

    [bs-quote quote=”آگ نے اس مقام کو بھی اپنے لپیٹ میں لیا جہاں کئی فلموں اور ٹی وی شو ویسٹ ورلڈ کا سیٹ لگایا جا چکا ہے۔” style=”style-7″ align=”left” color=”#dd3333″][/bs-quote]

    ہالی ووڈ کے جن سیلی بریٹیز کے گھر آتش زدگی سے متاثر ہوئے ان میں اداکار جیرارڈ بٹلر، گلوکارہ اور اداکارہ مائلی سائرس، اداکارہ کم کارڈیشین، گلوکارہ لیڈی گاگا، رابن تھک، اورلینڈو بلوم، کیٹلین جینر اور دیگر شامل ہیں۔

    کیلی فورنیا کے جنگلات میں لگنے والی آگ نے اس مقام کو بھی اپنے لپیٹ میں لیا جہاں کئی فلموں اور ٹی وی شو ویسٹ ورلڈ کا سیٹ لگایا جا چکا ہے۔ پیراماؤنٹ ویسٹرن ٹاؤن سن پچاس کی دہائی میں ٹی وی شوز کے لیے تعمیر کیا گیا تھا۔

    اداکارہ مائلی سائرس نے ٹویٹ کے ذریعے کہا کہ وہ اور ان کے منگیتر آگ سے بچ کر نکل آئے ہیں تاہم ان کا مکان جل کر راکھ ہو گیا ہے۔ مائلی سائرس نے لوگوں سے امدادی کاموں میں شریک ہونے کی درخواست بھی کی۔

    اسکاٹ لینڈ کے اداکار جیرارڈ بٹلر نے آگ سے تباہ ہونے والے اپنے مالیبو کے مکان کی تصویر انسٹا گرام پر پوسٹ کی اور آگ بجھانے والے عملے کا شکریہ ادا کیا۔ رابن تھک اور ان کی ساتھی اپریل لّو گیری اور موسیقار نیل ینگ کا مکان بھی آتش زدگی سے تباہ ہوا۔

    کیلی فورنیا کے جنگلات میں آگ لگنے سے ہلاکتوں کی تعداد 44 ہوگئی

    اپنے گھر چھوڑنے والے ہالی ووڈ سیلی بریٹیز میں کم کارڈیشین، لیڈی گاگا، پائریٹس آف دی کیریبین کے اورلینڈو بلوم اور کیٹلین جینر شامل ہیں۔