اکثر نو عمر نوجوان چہرے پر نکلنے والے کیل مہاسوں سے پریشان رہتے ہیں، لیکن اب انہیں صرف ایک آلو کے استعمال کرنے سے اس مسئلے سے باآسانی چھٹکارا مل سکتا ہے۔
ماہرین صحت کے مطابق آلو میں ایک ایسا مادہ ہوتا ہے، جو چہرے پر نکلنے والے دانوں کے خلاف مؤثر ثابت ہوتا ہے۔
ہمارے گھروں میں سب سے زیادہ بنائے جانے والے پکوانوں میں آلو انتہائی اہمیت کا حامل ہے اس کی بڑی وہ یہ ہے کہ یہ سبزی بچوں میں بہت زیادہ مقبول ہے۔
آلو غذائیت سے بھرپور سبزی ہے جو مختلف طریقوں سے پکائی جا سکتی ہے۔ آلو کھانے کے فائدے اور نقصانات دونوں ہوسکتے ہیں، مگر اگر مناسب مقدار میں اور صحت مند طریقے سے پکایا جائے تو یہ کئی حیرت انگیز فوائد فراہم کرتا ہے۔
زیر نظر مضمون میں آلو کی افادیت اور خصوصاً کیل مہاسوں سے بچاؤ کیلیے اس کے استعمال پر روشی ڈالی گئی ہے۔
آلو میں موجود اسٹارچ اور وٹامن سی جلد کو صاف کرتا ہے، جس سے ایکنی کم ہو سکتی ہے، اور صرف ایک آلو کا رس چہرے پر لگانے سے کیل مہاسے جلدی خشک ہوجاتے ہیں۔
آلو کا رس معدے کی جلن، گیس اور السر میں مفید مانا جاتا ہے، یہ قدرتی اینٹی ایسڈ کا کام کرتا ہے اور معدے کے السر کے لیے آرام دہ ہو سکتا ہے۔
اس کے علاوہ اس کے دیگر فوائد میں آنکھوں کی صحت بھی شامل ہے، کچے آلو کے قتلے آنکھوں پر رکھنے سے سوجن اور حلقوں میں کمی آ سکتی ہے کیونکہ آلو میں قدرتی بلیچنگ ایجنٹس ہوتے ہیں۔
مزید پڑھیں : کیل مہاسوں کے خاتمے کے لیے آسان گھریلو نسخے
یاد رہے کہ ایک رپورٹ میں طبی ماہرین کا کہنا ہے کہ یہ کیل مہاسے دراصل بالوں کی جڑوں میں مٹی اور مردہ خلیے اکھٹے ہونے کی وجہ سے بنتے ہیں لیکن پریشان ہونے کی ضرورت نہیں ہے، ان کیل مہاسوں سے نجات پانے کے دیگر آسان گھریلو نسخے بھی موجود ہیں۔
اگرچہ کیل مہاسوں سے نجات کے لیے کئی قسم کی ادویات، کریمیں اور لوشن مل جاتے ہیں، لیکن بہترین طریقہ علاج قدرتی اجزا پر مشتمل گھریلو نسخہ جات ہی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ : مندرجہ بالا تحریر معالج کی عمومی رائے پر مبنی ہے، کسی بھی نسخے یا دوا کو ایک مستند معالج کے مشورے کا متبادل نہ سمجھا جائے۔
