کراچی : میٹرک امتحانات میں آج دسویں جماعت کا کیمسٹری کا پرچہ بھی سوشل میڈیا پر آوٹ ہوگیا۔
تفصیلات کے مطابق کراچی میں ثانوی تعلیمی بورڈ کراچی کےتحت میٹرک کے امتحانات جاری ہے ، آج دسویں جماعت سائنس گروپ کے طلبہ کا کیمسٹری کا پرچہ لیا جارہا ہے۔
دسویں جماعت کا کیمسٹری کا پرچہ شروع ہونے سے قبل آؤٹ ہو کر سوشل میڈیا پر وائرل ہو گیا۔
نویں جماعت جنرل گروپ کےطلبہ اسلامیات کاپرچہ دوپہرکی شفٹ میں ہوگا، سائنس گروپ کےطلباکےپرچےصبح کےاوقات میں اور جنرل گروپ کےطلبہ کاپرچہ دوپہرکی شفٹ میں لئے جارہے ہیں۔
سائنس گروپ کے امتحان میں ایک لاکھ 60 ہزار 842 طلباوطالبات شرکت کررہے ہیں جبکہ نویں جماعت جنرل گروپ کے امتحان میں16ہزار سے زائد طلبا شرکت کریں گے۔
کراچی:طلباو طالبات کیلئےمجموعی طورپر505امتحانی مراکزقائم کئے گئے ہیں، سینٹرل جیل میں بھی ایک امتحانی مرکزقائم کیا گیا ہے ، جہاں 22طلبہ امتحانات میں حصہ لیں گے۔
گورنمنٹ اسکول کے امتحانی مراکز کی تعداد 148 اور نجی اسکولوں کے امتحانی مراکزکی تعداد 357 ہے ، میٹرک امتحانات میں3 لاکھ 68 ہزار سے زائد طلبہ کی رجسٹریشن کی گئی ہے۔
