Tag: کینجھرجھیل

  • کینجھر جھیل، 5افراد کے قتل کا معمہ حل ہونے لگا

    کینجھر جھیل، 5افراد کے قتل کا معمہ حل ہونے لگا

    نوری جام تماچی کے مزار کے احاطے سے ملنے والی پانچ لاشوں کا معمہ حل ہونے لگا۔

    کینجھرجھیل کے ٹاپو پر واقع نوری جام تماچی کے مزار پر پانچ افراد کی ہلاکت کی گتھی سلجھنے لگی لیکن بہت سے سوالات کے جواب ملنا ابھی باقی ہیں، پولیس کے مطابق واقعے میں ہلاک ہونے والے کیپٹن بلال نے کچھ روز پہلے اپنے بھانجے کو ایک ایس ایم ایس کیا تھا، جس میں کہا گیا تھا کہ وہ بہت جلد دنیا چھوڑنے والے ہیں۔

    کینجھرجھیل سے قتل کے شواہد تلاش کرنے کیلئے پولیس نے پاک بحریہ کےغوطہ خوروں سے بھی مدد حاصل کرلی ہے، فرانزک انویسٹی گیشن ٹیم نے بھی کینجھر جھیل پہنچ کر تفتیش کا آغاز کر دیا، ہفتے کی رات پانچ افراد نوری جام تماچی کے مزار سے مردہ حالت میں پائے گئے، جنہیں سر میں گولیاں مار کر قتل کیا گیا تھا، لیکن جائے وقوع سے گولیوں کے خول نہیں ملے تھے۔

    پانچوں افراد کے قتل کا پتہ اس وقت چلا، جب ملاح پانچوں افراد کو لینے کیلئےمزار پہنچا، ورثا کے مطابق ہلاک ہونے والے علی ریاض کی چند روز پہلے ہی شادی ہوئی تھی اور تمام افراد ایک ساتھ ہی کینجھر جھیل گئے تھے۔
       

  • کینجھرجھیل قتل کیس:پانچ افراد کی ہلاکتوں کامعمہ حل نہ ہوسکا

    کینجھرجھیل قتل کیس:پانچ افراد کی ہلاکتوں کامعمہ حل نہ ہوسکا

    کینجھرجھیل میں نوری جام تماچی کے مزار پر پانچ ہلاکتوں کامعمہ حل نہ ہوسکا، جائےوقوع سے پستول برآمدہواجبکہ دو مشتبہ افراد حراست میں لے لئے گئے۔چارلاشیں پوسٹ مارٹم کے بعد کراچی منتقل کردی گئیں۔

    کینجھرجھیل میں نوری جام تماچی کے مزار پر پراسرار ہلاکتوں کے واقعے کی تحقیقات جاری ہے، ابتدائی رپورٹ کے مطابق پانچوں افراد کوسرپر گولیاں مارکر ہلاک کیا گیا۔

    ۔ڈی آئی جی حیدرآباد نعیم بروکا کا کہنا تھا کہ مقتولین کشتی بک کرا کے مزار پر پہنچے تھے۔ ڈی آئی جی حیدرآباد مقتولین میں سےچاروں افرادکی لاشوں کوسول اسپتال مکلی سے پوسٹ مارٹم کے بعدکراچی منتقل کیا گیاہے۔ جاں بحق محمد علی ریاض، عدنان یوسف اور سہیل کی لاشیں ایدھی سردخانےجبکہ ریٹائرڈ میجر جہانگیر اخترکی میت کو پی این ایس شفاء منتقل کیا گیا۔

    میتوں کی آمد پررقت آمیز مناظر دیکھنے میں آئے،غم سےنڈھال لواحقین اورعزیز و اقارب ایک دوسرے کو دلاسہ دیتے رہے۔ورثاء کے مطابق علی ریاض کی چند روز پہلے ہی شادی ہوئی تھی، تمام افرادایک ساتھ ہی کینجھر جھیل گئے تھے۔

    پانچویں مقتول ریٹائرڈ کیپٹن بلال کی میت بھی جلد کراچی منتقل کی جائے گی،پھر ان کی اور ریٹائرڈ میجرجہانگیرکی میت کوآبائی علاقے روانہ کیا جائےگا۔