نیویارک: اندھیروں میں اجالا کرنے والی موم بتیاں مضر صحت ہیں۔
امریکی ما ہرین کے مطابق خوشبودار موم بتیو ں سے نکلنے والا دھواں نہ صر ف انسانی صحت کے لیے مضر ہے بلکہ سرطان کا بھی با عث بن سکتا ہے، تحقیق میں بتایا گیا ہے کہ پیرافین موم سے بنی موم بتیاں مضر صحت کیمیکل کا بڑی مقدار میں اخراج کر تی ہیں۔
موم بتی سے نکلنے والا دھواں سانس کے ذریعے جسم میں داخل ہو کردمہ اور خارش کے علاوہ سرطان جیسی مہلک مرض کا بھی سبب بن سکتا ہے۔
سائنسدانوں کی نئی تحقیق نے بار بی کیو کے شوقین افراد کو خبر دار کردیا، براہ راست آگ پر بھونا گیا گوشت کینسر جیسی خطرناک بیماری کا باعث بنتا ہے۔
کینیڈا کے شہر وینکوور میں ہونے والی کانفرنس میں ڈاکٹرز نے واضح کردیا ہے کہ مصالحوں سے مزین گوشت خواہ گائے،بکرے، مرغی یا مچھلی کا ہو جب اسے براہ راست آگ پر بھونا جاتا ہے تو وہ کینسر جیسی خطرناک بیماری کا باعث بن جاتا ہے بلکہ ایسے گوشت میں کینسر پیدا کرنے والے کارسینوجیز شراب اور سگریٹ سے بھی زیادہ تیزی سے بڑھتے ہیں۔
سروے سے یہ بات سامنے آئی کہ براہ راست آگ پر بھنا ہوا گوشت کھانے والوں میں کینسر کی بیماری کے پیدا ہونے کا خطرہ ان لوگوں کے مقابلے میں نو گنا زیادہ ہوتا ہے جو یہ گوشت نہیں کھاتے ہیں۔