آئی سی سی ورلڈ کپ 2023 کے 10 ویں میچ میں آج کینگروز اور پروٹیاز مدمقابل آئیں گے، ورلڈ کپ میں دونوں بڑی حریف 6 بار ایک دوسرے کے آمنے سامنے آچکے ہیں جس میں 1999 کے ورلڈ کپ کا سیمی فائنل سمیت کچھ یاد گار میچز کھیلے گئے۔
دونوں ٹیمیں بھارت کی ایکنا اسپورٹس سٹی لکھنؤ میں ٹکرائیں گے، پروٹیاز نے سری لنکا کے خلاف ٹورنامنٹ کے افتتاحی میچ میں جہاں بڑے مارجن سے جیت حاصل کی وہی انہوں نے ورلڈ کپ کی تاریخ میں سب سے زیادہ رنز اسکور کیا۔
دوسری جانب آسٹریلیا کی ٹیمیں اپنا افتتاحی میچ میں بھارت کے ہاتھوں شکست کھائی تھی، چنئی میں کھیلے جانے والے میچ میں کینگروز کی ٹیم 199 رنز پر آل آؤٹ ہوگئی تھی۔
یار رہے کہ ورلڈ کپ کی تمام ٹیموں کو 9 میچ کھیلنا ہوں گے، سیمی فائنل میں جگہ بنانے کے لیے ٹیموں کو اپنے اچھے رن ریٹ برقرار رکھنے کی کوشش کرنی ہوں گی۔
آسٹریلیا کی ممکنہ پلیئنگ الیون
آسٹریلیا کی ممکنہ پلئینگ الیون میں ڈیوڈ وارنر، مچ مارش، اسٹیو اسمتھ، مارنس لیبوشین، الیکس کیری (وکٹ)، گلین میکسویل، مارکس اسٹونیس، مچل اسٹارک، پیٹ کمنز (سی)، جوش ہیزل ووڈ، ایڈم زمپا شامل ہے۔
جنوبی افریقہ کی ممکنہ پلیئنگ الیون
جبکہ جنوبی افریقہ کی ممکنہ پلئینگ الیون میں ٹیمبا باوما ، کوئنٹن ڈی کوک، راسی وین ڈیر ڈوسن، ایڈن مارکرم، ہینرک کلاسن، ڈیوڈ ملر، مارکو جانسن، کیشو مہاراج، کاگیسو ربادا، لونگی نگیڈی، تبریز شمسی شامل ہیں۔
