Tag: کینیڈا

کینیڈا نے امریکی بارڈ کے ذریعے ملک میں داخل ہونے والے پناہ گزینوں کی آمد روکنے کے لیے امریکا سے پرانے معاہدے میں ترامیم کی تھیں، اس وجہ سے غیرقانونی طور پر کینیڈا میں داخل ہونے والے کئی لوگوں کو پکڑا گیا مگر اس کے باجود لوگوں کی ملک میں آمد کم نہ ہوسکی۔

پانچ ماہ گزرنے کے بعد صورتحال کچھ الٹی ہوگئی ہے کیوں کہ اس دوران جن مہاجرین نے ملک میں پناہ لینے کے لیے درخواست دائر کی ہے ان کی تعداد پہلے سے بڑھ گئی ہے۔

کئی لوگ اب ہوائی راستے سے ملک میں داخل ہورہے ہیں جب کہ کچھ افراد بارڈ کراس کرنے کے بعد اس وقت تک اپنے آپ کو چھپائے رکھتے ہیں جب تک انھیں یہ یقین نہ ہوجائے کہ وہ ملک میں پناہ لینے کے اہل ہیں اور انھیں اب واپس نہیں بھیجا جائے گا۔

پناہ گزینوں کی تعداد میں اضافہ ظاہر کرتا ہے کہ کینیڈا کے لیے مہاجرین پر ملک کے دروازے بند کرنا کتنا مشکل ہوتا جارہا ہے، ملک میں پناہ گزینوں کی آمد کے حوالے سے حکام کو غیرمعمولی چیلنج کا سامنا ہے۔

ذرائع کا کہنا ہے کہ اس موسم گرما میں سیکڑوں لوگو ٹورنٹو کی سڑکوں پر سوتے ہوئے پائے گئے کیوں کہ انھیں کمرے میسر نہیں تھے۔

یونیورسٹی آف ونی پیگ میں ہیومن رائٹس پروگرام کے ایکٹنگ ڈائریکٹر اور ایسوسی ایٹ پروفیسر کا اس حوالے سے کہنا تھا کہ بارڈ کو بند کردینا اس مسئلے کا حل نہیں ہے یہ صرف آپ کے اندر مایوسی اور شدت بڑھائے گا۔

کینیڈا ویسے تو تارکین وطن کو ملک میں خوش آمدید کہتا ہے اور 2025 تک نصف ملین باشندوں کو ملک میں لانے کا خواہاں ہے تاکہ ملازمین کی شدید کمی کو دور کیا جاسکے، تاہم ایسے لوگوں کی حوصلہ شکنی کی جارہی ہے جو پناہ گزین بننے کی خواہش رکھتے ہیں۔

تاہم پچھلے سال غیرقانونی طور پر 39 ہزار سے زائد لوگ پناہ کی تلاش میں کینیڈا آئے جس میں زیادہ تر نیویارک کے بارڈ کی طرف سے آئے۔

اسی سلسلے میں کینیڈا اور امریکا کی جانب سے مارچ میں دو دہائیوں قبل پناہ کے متلاشی افراد کے حوالے سے ہونے والے پرانے معاہدے ’سیف تھرڈ کنٹری ایگریمنٹ‘ میں ترمیم کی گئی ہے، اب معاہدے کا اطلاق صرف بارڈرز سے داخل ہونے کی مخصوص جگہوں پر نہیں بلکہ 4 ہزار میل کی زمینی سرحد پر بھی ہوگا۔

توسیع شدہ معاہدے کے نتیجے میں بارڈرز کے ذریعے ملک میں داخل ہونے والے لوگوں میں تو کمی آئی ہے مگرمجموعی طور پر، کینیڈا میں داخل ہونے والے پناہ گزینوں کی تعداد میں اضافہ دیکھنے میں آیا ہے۔

امیگریشن، پناہ گزینوں اور شہریت کے محکمے کے اعداد و شمار کے مطابق، کینیڈا میں پناہ حاصل کرنے کی درخواست دینے والوں کی تعداد جولائی میں بڑھ کر 12 ہزار ہو گئی تھی۔

ٹورنٹو : کینیڈا میں خالصتان ریفرنڈم کے دوسرے مرحلے میں ووٹ ڈالنے کیلئے ہزاروں سکھوں کا سیلاب اُمڈ آیا، سکھ رہنما ہردیپ سنگھ نجر کے قتل کے بعد یہ ریفرنڈم کیلئے ہونے والی پہلی ووٹنگ ہے۔

تفصیلات کے مطابق سکھ فار جسٹس کے زیراہتمام کینیڈا میں خالصتان ریفرنڈم کے دوسرے مرحلے کیلئے مالٹن اونٹاریو میں ووٹنگ کا انعقاد کیا گیا۔

صبح نو بجے دعا کے بعد ووٹنگ کا آغاز ہوا، ووٹنگ شروع ہونے سے قبل آٹھ بجے ہی ہزاروں افراد ووٹ ڈالنے کیلئے قطاروں میں کھڑے ہوگئے۔

خالصتان کے حامی ہردیپ سنگھ نجر کے قتل کے بعد سکھوں کے جذبہ آزادی میں نیا جوش آگیا، 42 ہزار سے زائد سکھوں نے گھنٹوں قطاروں میں لگ کر ووٹ ڈالا، ووٹنگ کیلئے مقرر سینٹر کو مہندر سنگھ خالصہ کے نام سے منسوب کیا گیا ہے۔

ووٹ ڈالنے آئے افرادنے خالصتان کے پرچم اٹھا رکھے تھے، شرکا آزادی کے حق میں نعرےلگاتے رہے، کینیڈا میں سکھ رہنما ہردیپ سنگھ نجر کے قتل کے بعد یہ ریفرنڈم کیلئے ہونے والی پہلی ووٹنگ ہے۔

ہردیپ سنگھ کے قتل کےبعد بھارت کی یہ غلط فہمی دور ہوگئی کہ خالصتان کی تحریک دم توڑ جائے گی، کینیڈا میں خالصتان کی تحریک کے علم بردار ہردیپ سنگھ کو ریفرنڈم سے ایک ماہ قبل قتل کردیا گیا تھا۔

جنرل قونصل سکھ فار جسٹس گرپتونت سنگھ پنوں کا کہنا تھا کہ بھارت کے ہاتھوں ہردیپ سنگھ نجر کے قتل سے آزادی کی تحریک مزید تیز ہوئی، بھارت کے تشدد کا جواب طاقت سے دیں گے۔

سکھ رہنماؤں کا کہنا ہے کہ خالصتان کے قیام سے خوفزدہ بھارت نے ہردیپ سنگھ نجر کو راستے سے ہٹانےُ کیلئے اپنی ایجنسیوں کا استعمال کیا، برمنگھم میں بھی ایک سکھ رہنما کی پراسرار موت کے پیچھے بھی بھارت کے ملوث ہونے کا شبہ ہے۔

سکھ فار جسٹس نے کہا کہ کینیڈا میں بھارتی ہائی کمشنرنے دھمکی دی تھی کہ بھارت نواز انڈینز پرتشدد جواب دیں گے۔

یاد رہے سکھ فار جسٹس نے کینڈین وزیراعظم سے مطالبہ کیا تھاسکھوں کے حقوق میں مداخلت پر بھارتی ہائی کمشنر کو نکال دیا جائے، 13 جولائی کو بھارتی ہائی کمشنر نے ریفرنڈم کے انعقاد کو بھارت کینیڈا تعلقات خراب کرنے کی کوشش قرار دیا تھا اور یہ انتباہ بھی دیا تھا کہ لاکھوں بھارتی گریٹر ٹورنٹو میں ہونے والے ریفرنڈم کا مقابلہ کریں گے۔

سکھ فار جسٹس نے گزشتہ ہفتہ برطانیہ، کینڈا، امریکا اور اٹلی میں کل انڈیا ریلیاں بھی نکالی تھیں جبکہ ہردیپ سنگھ نجر کے قتل میں مبینہ طور پر ملوث بھارتی سفارتکاروں کی تصاویر بھی جاری کی تھیں۔

ریفرنڈم کی ووٹنگ سے 24 گھنٹے قبل بھارتی وزیر خارجہ ایس جے شنکر کی کینیڈین ہم منصب سے ملاقات ہوئی تھی ، جس میں کینیڈا نے بھارتی سفارتکاروں کی حفاظت کو یقینی بنانے کی یقین دہانی کرائی تھی

خیال رہے برطانیہ سمیت دنیا کے مختلف ممالک میں خالصتان ریفرنڈم میں 10 لاکھ سے زائد سکھ ووٹ ڈال چکے ہیں۔

کیوبیک: موسمیاتی تغیرات کی وجہ سے کینیڈا کے جنگلات میں لگنے والی خوفناک آگ پر تاحال قابو نہیں پایا گیا ہے۔

غیرملکی میڈیا کے مطابق کینیڈا کے صوبے کیوبیک میں 160 مختلف مقامات پر لگی آگ پر قابو پانے کی کوششیں جاری ہیں جس سے لگ بھگ 45 لاکھ 7 ہزار ایکڑ رقبہ جل کر خاکستر ہو گیا، 600 فائر فائٹرز آگ بجھانے کی کوشش کر رہے ہیں۔

آگ سے اوٹاوا اور کینیڈا کے سب سے بڑے شہر ٹورنٹو شدید متاثر ہوا ہے، اب تک گیارہ ہزار افراد بے گھر ہو گئے ہیں۔

رپورٹ کے مطابق کینیڈا کے جنگلات میں آگ کی وجہ سے امریکا کی کئی ریاستوں میں فضائی آلودگی تیسرے روز بھی برقرار ہے اس کے علاوہ ہوا کا معیار بد ترین سطح پر پہنچ گیا ہے۔

کینیڈا کے جنگل میں لگنے والی آگ نے نیویارک کا رنگ بدل دیا

مغربی ریاستوں اور کیرولینا میں الرٹ جاری کر دیا گیا،  نیویارک کا مشہور جارج واشنگٹن پُل کو بھی زدی مائل دھوئیں نے اپنی لپیٹ میں لے لیا۔

رپورٹ میں بتایا گیا کہ کینیڈا کے جنگلات میں لگی آگ کی وجہ سے فیلاڈیلفیا اور نیویارک میں فضائی آپریشن بھی متاثر ہوا، پینسلوانیا، میری لینڈ، واشنگٹن اور نیویارک میں جلتی لکڑیوں کی بو آنےلگی۔

واضح رہے نیویارک کا ائیر کولٹی انڈیکس ڈھاکہ اور ہنوئی شہر سے بھی زیادہ خراب ہوگیا۔

کینیڈا میں ہزاروں ایکڑ تک پھیلی ہوئی جنگل کی بے قابو آگ نے ہزاروں سے زیادہ کینیڈینوں کو اپنے گھر خالی کرنے پر مجبور کر دیا ہے۔

غیر ملکی میڈیا کے مطابق کینیڈا کے صوبے البرٹا کے جنگلات میں کئی ہفتوں قبل آگ بھڑک اٹھی تھی، آگ بے قابو ہونے کی وجہ سے 16 ہزار سے زائد افراد بے گھر ہوگئے۔

رپورٹ کے مطابق کیوبک نامی مشرقی قصبے کی آدھی آبادی نے شہر چھوڑ دیا، ہزار میں سے پانچ سو مکان خالی ہو گئے تاہم طیاروں کے زریعے آگ بجھانے کی کوشیشیں کی جا رہی ہیں۔

رواں سال جنگلا ت میں دو سو چودہ مقامات پر آگ بھڑکی جس کے نتیجے میں مجموعی طور پر 29 افراد متاثرہ علاقوں سے نقل مکانی کر چکے ہیں جبکہ آگ سے اب تک دو اعشاریہ سات ملین ہیکٹر سے زائد کا رقبہ خاکستر ہو چکا ہے۔