ARYNews.tv | Urdu – Har Lamha Bakhabar

Tag: کینیڈا

  • کینیڈا میں سیلاب ایک ہزار گھر بہا لے گیا، فوج کی امدادی کارروائیاں شروع

    کینیڈا میں سیلاب ایک ہزار گھر بہا لے گیا، فوج کی امدادی کارروائیاں شروع

    اوٹاوا : کینیڈا میں تیز بارشوں کے نتیجے میں آنے والے سیلاب نے تباہی مچا دی، دو ہزار سے زیادہ افراد بے سرو سامانی کے عالم میں نقل مکانی کرنے پر مجبور ہوگئے، متاثرہ علاقوں میں فوج نے امدادی کارروائیاں شروع کردیں۔

    تفصیلات کے مطابق کینیڈا کے صوبے کیوبک اور نیوبرنزوک میں طوفانی بارشوں کے بعد آنے والے سیلاب میں ایک ہزار گھر بہہ گئے ہیں، بڑے پیمانے پر علاقہ زیر آب آ گیا۔ حکام نے سیلاب زدہ علاقے کا فضائی دورہ کر کے نقصانات کا جائزہ بھی لیا۔

    غیر ملکی خبر رساں ادارے کا کہنا تھا کہ سیلاب نے دو ہزار سے زائد افراد نقل مکانی کرنے پر مجبور کردیا ہے تاہم متاثرہ علاقے میں چھے سو فوجی امدادی کاموں میں مصروف ہیں۔

    غیر ملکی خبر رساں ادارے کا کہنا تھا کہ دریاوں میں پانی کی سطح تاحال بلند ہو رہی ہے جس کے باعث دریاوں کے کناروں پر بند باندھے جا رہے ہیں۔

    مقامی میڈیا کا کہنا تھا کہ کینیڈا میں تین برس قبل بھی طوفان نے ہولناک تباہی مچائی تھی، صوبے کیوبک کی عوام کو سنہ 2017 میں بھی خوفناک سیلاب کا سامنا کرنا پڑا تھا۔

    مزید پڑھیں : جنوبی امریکہ میں تباہ کن طوفان سے مرنیوالوں کی تعداد 41 ہوگئی

    یاد رہے کہ کچھ برس قبل امریکہ اور کینیڈا میں طوفانی بارشوں اور سیلاب نے تباہی مچائی تھی، امریکا کی وسطی اور جنوبی ریاستوں میں بارشوں اور طوفان سے اکتالیس افراد ہلاک ہوئے تھے۔

  • کینیڈا میں فائرنگ کے دو مختلف واقعات میں 4 افراد ہلاک

    کینیڈا میں فائرنگ کے دو مختلف واقعات میں 4 افراد ہلاک

    اوٹاوا: کینیڈا میں فائرنگ کے دو مختلف واقعات میں 4 افراد ہلاک ہوگئے جبکہ پولیس نے حملہ آور کو گرفتار کرلیا۔

    تفصیلات کے مطابق کینیڈا کے صوبے برٹس کولمبیا میں فائرنگ کے دو مختلف واقعات میں 4 افراد جان کی بازی ہار گئے۔

    پولیس حکام نے بتایا کہ فائرنگ کے واقعات کی تحقیقات کے دوران ایک شخص کو گرفتار کیا گیا ہے تاہم حراست میں لیے گئے ملزم کی شناخت ظاہر نہیں کی گئی۔

    پولیس حکام کے مطابق فائرنگ کے واقعات کی وجوہات جاننے کے لیے تحقیقات جاری ہیں، ملزم کا مقصد بھی اب تک سامنے نہیں آسکا۔

    کینیڈا میں فائرنگ کرکے 6 نمازیوں کو شہید کرنے والے ملزم کو عمر قید کی سزا

    یاد رہے کہ رواں سال 9 فروری کو کینیڈا کے شہر کیوبک کی مسجد میں فائرنگ کرکے 6 نمازیوں کو شہید کرنے والے ملزم کو عمر قید کی سزا سنائی گئی تھی۔

    واضح رہے کہ 29 سالہ الیگزینڈر ہسونیٹ نے 2017 میں کینیڈا کے شہر کے کیوبک کی ایک مسجد میں مسلح حملہ آور نے فائرنگ کرکے 6 نمازیوں کو شہید اور 6 کو زخمی کردیا تھا، کینیڈین وزیراعظم جسٹن ٹروڈو نے واردات کو دہشت گردی قرار دیا تھا۔

  • کینیڈا، ڈیم فنڈز مہم، عمران خان کی دستخط شدہ گیندیں 65 ہزار ڈالر میں فروخت

    کینیڈا، ڈیم فنڈز مہم، عمران خان کی دستخط شدہ گیندیں 65 ہزار ڈالر میں فروخت

    اوٹاوا: کینیڈا میں ڈیم فنڈز جمع کرنے کی تقریب میں عمران خان کی دستخط شدہ 2 گیندیں 65 ہزار ڈالر میں فروخت ہوگئیں۔

    تفصیلات کے مطابق تحریک انصاف کے سینیٹر فیصل جاوید خان، سابق چیف جسٹس ثاقب نثار سمیت چار رکنی وفد کینیڈا کے دورے پر ہے جہاں وہ ڈیم فنڈز کے لیے عطیات جمع کررہے ہیں۔

    کینیڈا میں ڈیموں کی تعمیر کے لیے سمندر پار مقیم پاکستانیوں کو آگاہی فراہم کی جاتی ہے جس کے بعد وہ اس ضرورت کو خود ہی محسوس کرتے ہوئے بڑھ چڑھ کر عطیات جمع کراتے ہیں۔

    ایک روز قبل کینیڈامیں ڈیم فنڈریزنگ کی تقریب میں وزیراعظم عمران خان کی دستخط شدہ ایک کرکٹ بال 30 ہزار کینیڈین ڈالر جبکہ دوسری 35 ہزار ڈالر میں دو شہریوں نے خریدی، نیلامی کی صورت میں فروخت ہونے والی گیندوں کی رقم ڈیم فنڈز میں جمع کی جائے گی۔

    قبل ازیں تقریب سے خطاب کرتے ہوئے سابق چیف جسٹس کا کہنا تھا کہ ’سپریم کے فیصلے کے بعد دیا میر اور بھاشا ڈیموں کی تعمیر کوئی روک نہیں سکتا، عمران خان کی دیانتداری پر کوئی شک نہیں ہے‘۔

    اُن کا کہنا تھا کہ پاکستان سے دور رہنے والے پاکستانیوں کی وطن سے محبت کی کوئی مثال نہیں ملتی، وہ ہزاروں میل کی مسافت کے باوجود بھی اپنے ملک کے اچھے مستقبل کی خواہش رکھتے ہیں۔

    تحریک انصاف کے سینیٹر فیصل جاوید خان نے آگاہ کیا کہ کینیڈا دورے کے دوران اب تک 20 لاکھ ڈالرز سے زائد عطیات جمع ہوچکے جو پاکستانیوں کی وطن سے محبت کا منہ بولتا ثبوت ہے۔

    یاد رہے کہ کینیڈا کے تین شہروں اوٹاوا، ٹورنٹو اور مونٹیرل میں ڈیم فنڈز جمع کرنے کی مہم کامیاب رہی، اب عطیات جمع کرنے والی ٹیم کیلگری میں موجود ہے جہاں پاکستانی عطیات جمع کرنے کے لیے بڑھ چڑھ کر حصہ لے رہے ہیں۔

  • ٹوائلٹ پیپر جنگلات کے خاتمے کا سبب

    ٹوائلٹ پیپر جنگلات کے خاتمے کا سبب

    یوں تو ہم سب پلاسٹک کے خطرات سے آگاہ ہیں اور دنیا بھر میں اس کی آلودگی کو کم کرنے پر کام بھی کیا جارہا ہے، تاہم ماحول کو نقصان پہنچانے والی ایک چیز ایسی ہے جس سے ہم سب بے خبر ہیں۔

    ماحول کے لیے نقصان دہ اس شے کا ہم بے دریغ استعمال کر رہے ہیں یہ جانے بغیر کہ ان کی تیاری کے لیے قیمتی درختوں کو کاٹا جاتا ہے، وہ چیز ہے ٹوائلٹ پیپر۔

    امریکا کے نیچرل ریسورس ڈیفنس کاؤنسل نامی ادارے کے زیر اہتمام شائع ہونے والی ایک رپورٹ کے مطابق امریکا میں ٹوائلٹ پیپرز کے بے تحاشہ استعمال نے کینیڈا کے جنگلات کو خاتمے کے دہانے پر پہنچا دیا ہے۔

    رپورٹ کے مطابق امریکا میں استعمال ہونے والے ٹشو پیپرز کے لیے کینیڈا میں موجود جنگلات کاٹے جاتے ہیں۔ کینیڈا کے تقریباً 60 فیصد رقبے پر جنگلات موجود ہیں جو سالانہ 2 کروڑ 80 لاکھ کاروں سے خارج ہونے والے دھوئیں کے برابر کاربن جذب کرتے ہیں۔

    تاہم امریکا میں ٹشوز کی بے تحاشہ مانگ کی وجہ سے ان جنگلات کو بے دریغ کاٹا جارہا ہے۔ سنہ 1996 سے 2 کروڑ 80 لاکھ ایکڑ رقبے پر موجود درختوں کو کاٹا جا چکا ہے۔

    رپورٹ میں کہا گیا کہ پوری دنیا میں استعمال ہونے والے ٹشو پیپرز کے 20 فیصد صرف امریکا میں استعمال ہورہے ہیں، دوسری جانب امریکیوں کو نرم ملائم ٹشوز بھی درکار ہیں جن کے لیے ٹشوز بناتے ہوئے اس میں دیگر مٹیریل استعمال کرنے سے گریز کیا جاتا ہے۔

    اس حوالے سے دنیا بھر کی بڑی کمپنیوں نے ٹشو بنانے کے لیے ماحول دوست اقدامات کرنے سے انکار کردیا ہے، وجہ وہی ہے امریکیوں کی نرم ٹشوز کی مانگ۔

    ماہرین کے مطابق ٹشوز بناتے ہوئے اگر اس میں استعمال شدہ (ری سائیکل) مٹیریل کی آمیزش کی جائے تو یہ عمل درختوں کی کٹائی میں کمی کرے گا تاہم ایسے ٹشوز سخت اور کھردرے ہوتے ہیں۔

    رپورٹ میں ایک قدیم رومن رواج کا حوالہ بھی دیا گیا جس میں ٹوائلٹ پیپرز کی جگہ اسفنج استعمال کیا جاتا تھا اور اسے سرکے سے بھرے ہوئے جار میں چھوڑ دیا جاتا تھا تاکہ وہ صاف ہو کر دوبارہ استعمال کے قابل ہوسکے۔

    ماہرین کا کہنا ہے کہ ٹوائلٹ پیپرز کی ضرورت کو پورا کرنے کے لیے ماحول دوست ذرائع اپنانے ہوں گے ورنہ ہماری زمین پر موجود تمام درخت ٹشو پیپرز میں بدل جائیں گے۔

  • کینیڈا، ڈیم فنڈریزنگ تقریب، 50 لاکھ ڈالر جمع، بھارتی سکھ عمران خان کے معترف

    کینیڈا، ڈیم فنڈریزنگ تقریب، 50 لاکھ ڈالر جمع، بھارتی سکھ عمران خان کے معترف

    اوٹاوا: کینیڈامیں وزیراعظم عمران خان کے امن پسند اقدامات کی زبردست پذیرائی ہوئی، سکھ برادری نے بھارتی وزیراعظم کو امن دشمن قرار دے دیا، سمندر پار پاکستانیوں نے دل کھول کر ڈیم فنڈز کے لیے عطیات دیے۔

    تفصیلات کے مطابق کینیڈین پارلیمنٹ میں پاکستانی کمیونٹی کےزیراہتمام تقریب کیا گیا جس میں کینیڈین سینیٹر سلمیٰ عطاء اللہ جان کی دعوت پر تحریک انصاف کے سینیٹر فیصل جاوید خان نے شرکت کی جبکہ سابق چیف جسٹس ثاقب نثار بھی بطور مہمانِ خصوصی شریک ہوئے۔

    کینیڈامیں مقیم سکھ برادری کےافراد بطورخاص تقریب میں شریک  ہوئے اور انہوں نے  مودی کے امن دشمن ہتھکنڈوں پر کھل کرتنقید کرتے ہوئے وزیراعظم عمران خان کو امن کی عالمی شخصیت قرار دے دیا۔

    سکھ براداری نے کرتار پور راہداری کھولنے پر وزیر اعظم عمران خان کا شکریہ ادا کیا اور علاقائی امن داؤ پر لگانے کی بھارتی وزیراعظم کی کوششوں کی مذمت کی۔

    فیصل جاوید خان نے سماجی رابطے کی ویب سائٹ پر ایک ٹویٹ کے ذریعے بتایا کہ ڈیم فنڈ ریزنگ کی تقریب بہت زبردست ہوئی انہوں نے اس کے لیے ماشاء اللہ کا لفظ بھی استعمال کیا۔

    اُن کا کہنا تھا کہ ابھی اوٹاوا، ٹورنٹو، کلگرے، ایڈمونٹن میں تقاریب کا انعقاد کیا گیا اور سمندر پار پاکستانیوں نے دل کھول کر ڈیم کی تعمیر  کے لیے فنڈ دیا۔ چار شہروں سے 50 لاکھ ڈالر جمع ہوئے۔

  • ڈیم فنڈریزنگ تقریب ، وزیراعظم عمران خان کا دستخط شدہ بلا 15 ہزار ڈالرز میں نیلام

    ڈیم فنڈریزنگ تقریب ، وزیراعظم عمران خان کا دستخط شدہ بلا 15 ہزار ڈالرز میں نیلام

    اسلام آباد : کینیڈا میں ڈیم فنڈریزنگ تقریب میں وزیراعظم عمران خان کا دستخط شدہ بلا 15ہزار ڈالرز میں نیلام ہوگیا ، فیصل جاوید کا کہنا ہے کہ  دل کھول کر عطیات دینے پر اوورسیز پاکستانی مبارکباد کے مستحق ہیں۔

    تفصیلات کےمطابق کینیڈا میں ڈیم فنڈریزنگ کے لئے تقریب کا انعقاد کیا گیا ، تقریب میں سابق چیف جسٹس ثاقب نثار، فردوس عاشق اعوان اور سینیٹر فیصل جاوید موجود تھے۔

    ڈیم فنڈریزنگ تقریب میں وزیراعظم عمران خان کا دستخط شدہ بلا15 ہزار ڈالرز میں نیلام ہوگیا۔

    لوگوں کےعطیات صرف ڈیم کی تعمیر پر خرچ ہوں گے، سابق چیف جسٹس ثاقب نثار

    سابق چیف جسٹس ثاقب نثار نے تقریب سے خطاب میں کہا بیرون ملک پاکستانیوں میں بہت جذبہ ہے، وزیراعظم کو بتایا ڈیم کا نہ بننامجرمانہ غفلت ہے، تربیلا کے بعد پاکستان میں ڈیم نہ بننے کی تحقیقات ہونی چاہئیں۔

    سابق چیف جسٹس ثاقب نثار کا کہنا تھا کہ کراچی میں ٹینکر مافیا کے خلاف ازخود نوٹس لیا، مجھے فخر ہے ملکی سالمیت کے خلاف ازخود نوٹس کا استعمال کیا ، خوشی ہے وزیراعظم بھی ڈیم فنڈ کا حصہ بن گئے، لوگوں کےعطیات صرف ڈیم کی تعمیر پر خرچ ہوں گے۔

    ڈیم کے لئے روزانہ ساڑھے5کروڑ روپے کی فنڈریزنگ ہورہی ہے، سینیٹر فیصل جاوید

    سینیٹر فیصل جاوید نے کہاہم مشن کے لئے پاکستانیوں کی سخاوت قابل دید ہے، دل کھول کر عطیات دینے پر اوورسیز پاکستانی مبارکباد کے مستحق ہیں، جوکہتےہیں ڈیم نہیں بنےگاانہیں بتاناچاہتاہوں ڈیم ضرور بنےگا، ڈیم کے لئے روزانہ ساڑھے5کروڑ روپے کی فنڈریزنگ ہورہی ہے۔

    فیصل جاوید کا کہنا تھا حکومت نے ڈیم تعمیر کے لئے17ارب روپے جاری کئے ہیں، عمران خان ناممکن کو ممکن بنانا جانتے ہیں، ڈیم ضرور بنے گا، چیئرمین واپڈا کے مطابق 20 مارچ کو مہمند ڈیم پر کام شروع ہوجائے گا، دیامر بھاشا ڈیم اس سال اکتوبر میں شروع ہو جائے گا۔

    یاد رہے چندروز قبل سینیٹر فیصل جاوید نے اپنے بیان میں کہا تھا ڈیم فنڈ میں عطیات 10 ارب تک پہنچ گئے ہیں ، ڈیم فنڈمیں حصہ ڈالنےپرقوم زبردست تحسین کی مستحق ہے، سپریم کورٹ اوروزیراعظم خصوصی شاباش کےمستحق ہیں۔

    مزید پڑھیں : ڈیم فنڈ میں عطیات 10 ارب تک پہنچ گئے ہیں ، فیصل جاوید

    سینیٹرفیصل جاوید کا کہنا تھا کہ پاکستان دنیامیں خیرات کرنےوالی اقوام میں سرفہرست ہے، اپنےلوگوں کےعزم کوخصوصی سلام پیش کرتا ہوں، ہمارے قومی جذبے کو کوئی شکست نہیں دے سکتا۔

    انھوں نے کہا  تھا  ڈیم کیلئے1200 سے1300 ارب روپے چاہئیں، ڈیم صرف فنڈزسےنہیں جذ بےسے بنتے ہیں، ڈیم فنڈ کیلئے کمرشل فنانسنگ کی طرف بھی جارہے ہیں، ڈیم کی رقم 5 سے 9 سال میں پوری ہوجائےگی۔

    بعد ازاں  وزیراعظم عمران خان نے ملک بھر سے عوام کی جانب سے ڈیم فنڈ میں10 ارب روپے کے رقم جمع ہونے پر پاکستانی عوام کو خراج تحسین پیش کیا تھا۔

    خیال رہے فروری میں سنچورین میں ڈیم فنڈ ریزنگ میں 2 گھنٹے میں 3 کروڑ 70 لاکھ پاکستانی روپے جمع ہوئے تھے ، فیصل جاوید کا کہنا تھا کہ جنوبی افریقہ میں پاکستانی کمیونٹی کےجذبےکوخراج تحسین پیش کرتا ہوں، انشاءاللہ یہی جذبہ رہا تو ہم کئی ڈیم بنائیں گے۔

  • کینیڈین ڈپٹی وزیر خارجہ کا تہمینہ جنجوعہ کو فون، دو طرفہ امور پر گفتگو

    کینیڈین ڈپٹی وزیر خارجہ کا تہمینہ جنجوعہ کو فون، دو طرفہ امور پر گفتگو

    اسلام آباد: کینیڈین ڈپٹی وزیرِ خارجہ نے سیکریٹری خارجہ تہمینہ جنجوعہ سے ٹیلی فونک رابطہ کیا، رابطے میں دو طرفہ امور پر تفصیلی گفتگو کی گئی۔

    تفصیلات کے مطابق کینیڈا کے ڈپٹی وزیر خارجہ ایان شوگرٹ نے پاکستانی سیکریٹری خارجہ کو فون کر کے دو طرفہ امور پر تفصیل کے ساتھ گفتگو کی۔

    [bs-quote quote=”تہمینہ جنجوعہ نے کینیڈا کے ڈپٹی وزیر خارجہ کو پاکستانی شہریوں کو کینیڈین ویزے کے حصول میں درپیش مشکلات سے آگاہ کیا۔” style=”style-8″ align=”left”][/bs-quote]

    ترجمان دفترِ خارجہ کا کہنا ہے کہ تہمینہ جنجوعہ اور ایان شوگرٹ کے درمیان ایک گھنٹے تک گفتگو ہوئی۔

    ٹیلی فونک رابطے کے دوران دو طرفہ امور کے علاوہ علاقائی صورت حال پر بھی تبادلہ خیال کیا گیا، ایان شوگرٹ نے پاکستان کے کشیدگی کم کرنے کے خیر سگالی جذبے کو سراہا۔

    دفتر خارجہ کے ترجمان نے کہا کہ تہمینہ جنجوعہ نے کینیڈا کے ڈپٹی وزیر خارجہ کو پاکستانی شہریوں کو کینیڈین ویزے کے حصول میں درپیش مشکلات سے آگاہ کیا۔

    اس موقع پر ایان شوگر نے کہا کہ کینیڈا پاکستان اور بھارت کے درمیان سفارتی طریقے سے مسائل کے حل کا حامی ہے۔

    یہ بھی پڑھیں:  پاک اوربھارت کے درمیان امن کے لیے مذاکرات ہی واحد راستہ ہیں، کینیڈا

    یاد رہے کہ سیکریٹری خارجہ تہمینہ جنجوعہ نے 7 مارچ کو اوٹاوا کا دورہ کرنا تھا، تاہم یہ دورہ موجودہ سیکورٹی صورت حال کے پیش نظر منسوخ کیا گیا۔

    واضح رہے کہ کینیڈین وزارت خارجہ نے پاک بھارت کشیدگی پر اظہار تشویش کرتے ہوئے کہا تھا کہ خطے میں امن و سلامتی کے لیے مذاکرات ہی واحد حل ہیں۔

  • برف سے بنی دنیا کی سب سے بڑی بھول بھلیاں

    برف سے بنی دنیا کی سب سے بڑی بھول بھلیاں

    کینیڈا میں ایک جوڑے نے برف سے دنیا کی سب سے بڑی بھول بھلیاں تخلیق کر کے گنیز بک آف دی ورلڈ ریکارڈز میں اپنا نام درج کروا لیا۔

    2 ہزار 7 سو 89 اسکوائر پر مشتمل ان بھول بھلیوں نے اس سے قبل بنائی جانے والی بھول بھلیوں کا ریکارڈ توڑ دیا جو کینیڈا ہی میں فورٹ ولیم پارک میں بنائی گئی تھی۔

    اسے بنانے والا جوڑا کسان ہے، کلنٹ اور اینجی نامی اس جوڑے نے ایک چھوٹے سے قصبے میں اپنے گھر کے باہر مکئی کی بھول بھلیاں بھی بنا رکھی ہیں۔ رواں برس انہوں نے اس دلچسپ کام کو مزید بڑے پیمانے پر کرنے کا سوچا۔

    370 ٹرک برف سے بنی ان بھول بھلیوں کو بنانے میں کئی ہفتے لگے جس کے لیے درست منصوبہ بندی اور خطیر رقم درکار تھی۔ اس کی تیاری میں جوڑے نے کمرشل کمپیوٹر ڈیزائن اور ڈرافٹنگ سافٹ ویئرز کا بھی استعمال کیا۔

    اینجی بتاتی ہیں کہ اسے بنانا ایک مشکل کام تھا، ’آپ کو صرف دیواریں نہیں کھڑی کرنی تھیں، بلکہ ایسی دیواریں بنانی تھیں جن کے دونوں طرف راستہ ہو‘۔

    بھول بھلیوں کے مختلف راستوں میں مجسمے بھی بنائے گئے ہیں جبکہ اس کے گرد بیٹھنے کے لیے بینچیں بھی رکھی گئی ہیں۔

    منفی 40 درجہ حرارت پر بھی لوگ ان خوبصورت اور پیچیدہ راستوں کو دیکھنے کے لیے آرہے ہیں، اینجی کا کہنا ہے کہ اگر موسم سرما مزید کچھ دن جاری رہا تو یہ بھول بھلیاں بھی قائم رہیں گی اور انہیں کچھ منافع کمانے کا موقع مل جائے گا۔

  • کینیڈا نے مینگ وینزوا کی امریکا حوالگی کی تیاری شروع کردی

    کینیڈا نے مینگ وینزوا کی امریکا حوالگی کی تیاری شروع کردی

    اوٹاوا : کینیڈین حکام نے ہواوے کی گرفتار چیف فنانسل آفیسر مینگ وینزوا کو امریکا کے حوالے کرنے کی تیاری شروع کردی۔

    تفصیلات کے مطابق کینیڈا میں گرفتار ہونے والی ہواوے کمپنی کی چیف فنانشل آفیسر مینگ وینزوا کو یکم دسمبر کوکینیڈین شہر وانکوور سے حراست میں لیا گیا تھا جنہیں امریکا کے حوالے کرنے کی تیاری شروع کردی ہے۔

    کینیڈین محکمہ انصاف کی جانب سے جاری بیان میں دعویٰ کیا گیا ہے کہ ’مینگ وانزوا کے خلاف ٹھوس شواہد موجود جس کے بعد طویل مشاورت کے بعد امریکا حوالگی کا فیصلہ کیا گیا ہے تاہم حتمی بیان کینیڈین اٹارنی جنرل دیں گے۔

    غیر ملکی خبر رساں ادارے کا کہنا ہے کہ ہواوے کی اعلیٰ عہدیدار کی امریکا حوالگی سے متعلق کینیڈین عدالت میں کیس کی سماعت 6 مارچ ہوگی۔

    خیال رہے کہ ہواوے کی سی ایف اومینگ وانژو کو کینڈین حکام نے نومبر کے آخر میں برٹش کولمبیا کے شہر وینکوور کے ایئر پورٹ سے امریکی حکومت کی درخواست پر گرفتار کیا تھا۔

    کینیڈین حکام نے 7 روز بعد مینگ وانژو کی گرفتاری کو ظاہر کیا تھا۔

    مزید پڑھیں : چینی ٹیلی کام کمپنی ’ہواوے‘ کے بانی کی بیٹی کینیڈا میں گرفتار

    غیر ملکی خبر رساں ادارے کا کہنا ہے کہ امریکا نے ان الزام عائد کیا ہے کہ ایران پر امریکی پابندیوں کے باوجود چینی ٹیلی کام کمپنی ہواوے ایران کو نیٹ ورکنگ کا سامان فروخت کرتی رہی ہے اور مینگ نے ان معاہدوں کو مخفی رکھا۔

    امریکا کی جانب سے مینگ کی حوالگی کا مطالبہ کیا گیا تاکہ نیو یارک میں مینگ پر مقدمہ چلا سکیں، غیر ملکی میڈیا کا کہنا ہے کہ ممکن ہے مینگ کو امریکا میں 30 برس قید کی سزا سنادی جائے۔

  • سوشل میڈیا آپ سے پرسکون نیند چھین رہا ہے

    سوشل میڈیا آپ سے پرسکون نیند چھین رہا ہے

     سوشل میڈیا  کے مضمر اثرات پر تحقیق کرنے والے  ماہرین نے صارفین  کو  خبردار کیا ہے کہ اگر دن کےچوبیس گھنٹوں میں سے 60 منٹ بھی سماجی رابطے کی ویب سائٹس یا موبائل ایپلیکشنز استعمال کی جائیں تو اس سے رات کی نیند  پر انتہائی مضر اثرات مرتب ہوتے

    [bs-quote style=”default” quote=”Great things in business are never done by one person. They are done by a team of people.” author_name=”Steve Jobs” author_job=”Apple co-founder” author_avatar=”https://arynewsudweb.wpengine.com/wp-content/plugins/blockquote-pack-pro/img/other/steve-jobs.png” align=”left” ]


    ہیں۔

     گزشتہ سال کینیڈا کے ایسٹرن اونٹارویو ریسرچ انسٹیوٹ میں ہونے والی تحقیق میں یہ بات سامنے آئی کہ اگر کوئی شخص میٹھی اور پرسکون نیند لینا چاہتا ہے تو  اس کے لیے لازم ہے کہ وہ موبائل ایپلیکشنز اور سماجی رابطے کی ویب سائٹس کا استعمال ترک کردے یا پھر انہیں انتہائی کم حد تک محدود کردے۔

    ماہرین کے مطابق جو لوگ دن میں  ایک گھنٹہ ہی فیس بک، واٹس ایپ یا پھر کوئی اور سوشل میڈیا نیٹ ورک استعمال کرتے ہیں اُن کی نیند دیگر کے مقابلے میں کم ہوجاتی ہے، اور جو ہوتی ہے اس میں بھی وہ پرسکون نیند نہیں سو پاتے۔

    تحقیق کے دوران 5 ہزار سے زائد خواتین اور مردوں سے انٹرویو کیا گیا جس میں یہ بات بھی سامنے آئی کہ خصوصاً رات کے وقت سوشل میڈیا استعمال کرنے والے لوگوں کی نیند 7 گھنٹے سے کم رہ جاتی ہے۔

    محققین کا کہنا ہے کہ ’لڑکیوں کی بڑی تعداد خطرناک حد تک سوشل میڈیا کی جانب راغب ہورہی ہے جس کے باعث اُن کی نیند پوری نہیں ہوتی اور پھر شادی کے بعد انہیں بہت سی پیچیدگیوں  کا سامنا کرنا پڑتا ہے، جبکہ ماہرین کا یہ بھی ماننا ہے کہ لڑکوں کی بھی بڑی تعداد سماجی رابطے کی ویب سائٹس استعمال کررہی ہے جس کے باعث اُن کی صحت پر برے نتائج مرتب ہورہے ہیں۔

    تحقیق کرنے والی ٹیم کے سربراہ کا ماننا ہے کہ مطالعے کے نتائج موجودہ وقت میں نہایت اہمیت کے حامل ہیں کیونکہ دنیا بھر میں سوشل میڈیا کے صارفین کی تعداد میں بہت تیزی کے ساتھ اضافہ ہورہا ہے۔

    ڈاکٹررابرٹ کہتے ہیں کہ کہ سوشل میڈیا استعمال کرنے والے نوجوان اور بچے بڑھتی عمر کے ساتھ بری عادات میں مبتلا ہوجاتے ہیں اور اُن کے لیے اس سے جان چھڑانا ناممکن ہوجاتا ہے۔