ARYNews.tv | Urdu – Har Lamha Bakhabar

Tag: کینیڈا

  • کینیڈا کا سعودی عرب سے معافی مانگنے سے انکار

    کینیڈا کا سعودی عرب سے معافی مانگنے سے انکار

    اوٹاوا: کینیڈین وزیراعظم جسٹن ٹروڈو نے سعودی عرب میں انسانی حقوق کے کارکنوں کی گرفتاری پرتشویش کا اظہار کرنے پرمعافی مانگنے سے انکار کردیا۔

    تفصیلات کے مطابق کینیڈا کے وزیراعظم جسٹن ٹروڈو نے مونٹریال میں پریس کانفرنس کرتے ہوئے کہا کہ ہم سعودب عرب سے تعلقات خراب نہیں کرنا چاہتے۔

    کینیڈین وزیراعظم نے تسلیم کیا کہ سعودی عرب نے انسانی حقوق کے معاملے پرکافی کام کیا ہے تاہم انہوں نے سعودی عرب سے معافی مانگنے سے انکار کردیا۔

    جسٹن ٹروڈو کا کہنا تھا کہ وزیرخارجہ کرسٹیا فریلینڈ نے سعودی وزیرخارجہ عادل الجبیرسے بات چیت کی ہے تاکہ دونوں ممالک میں بڑھتی کشیدگی کو کم کیا جاسکے۔

    انہوں نے واضح کیا کہ سفارتی سطح پردونوں ممالک کے درمیان بات چیت ہوتی رہے گی اور ضروری نہیں کہ ہمارے سعودی عرب کے ساتھ تعلقات خراب ہوں۔

    کینیڈا کو اپنی غلطیاں درست کرنے کی ضرورت ہے‘ سعودی عرب

    سعودی وزیر خارجہ عادل الجبیر کا گزشتہ روز کہنا تھا کہ کینیڈا کو اپنی غلطیاں درست کرنے کی ضرورت ہے، ان سے مذاکرات کے لیے کچھ بھی نہیں ہے۔

    یاد رہے کہ دو روز قبل سعودی عرب کی جانب سے کینیڈا کے سفیر کو ملک بدرکرنے بعد ٹورنٹو کے لیے تمام فلائٹس معطل کردی تھیں۔

    سعودی عرب کا کینیڈا کےسفیرکوملک چھوڑنےکا حکم

    واضح رہے کہ سعودی عرب نے رواں ہفتے کے آغاز میں کینیڈا کے سفیر کونا پسندیدہ شخصیت قرار دیتے ہوئے 24 گھنٹوں میں ملک چھوڑے کا حکم دیا تھا۔

  • سعودی ایئرلائنزنے ٹورنٹو کےلیے تمام پروازیں معطل کردیں

    سعودی ایئرلائنزنے ٹورنٹو کےلیے تمام پروازیں معطل کردیں

    ٹورنٹو: سعودی عرب کی جانب سے کینیڈا کے سفیر کو ملک بدرکرنے بعد ٹورنٹو کے لیے تمام فلائٹس معطل کردی گئیں۔

    تفصیلات کے مطابق سعودی عرب کی جانب سے کینیڈا کے سفیر کونا پسندیدہ شخصیت قرار دے کر ملک چھوڑنے کے حکم کے بعد سعودی ایئرلائنز نے ٹورنٹو کے لیے تمام پروازیں بند کردیں۔

    دوسری جانب سعودی عرب نے اعلان کیا ہے کہ کینیڈا میں اسکالرشپ، تربیتی اورفیلوشپ پروگرام معطل کیے جا رہے ہیں اور یہ پروگرام کسی اور ملک میں منتقل کیے جائیں گے۔

    سعودی حکام کا کہنا ہے کہ کینیڈا کے ساتھ تمام نئے تجارتی اور سرمایہ کاری کے معاہدے بھی ختم کررہا ہے۔

    ادھرکینیڈا نے سعودی عرب کی جانب سے اٹھائے گئے اقدامات پرردعمل دیتے ہوئے کہا ہے کہ کینیڈا انسانی حقوق کے لیے آواز بلند کرتا رہے گا۔

    سعودی عرب کی جانب سے یہ اعلان ایسے وقت میں سامنے آیا ہے جب کینیڈا نے سعودی عرب میں انسانی حقوق کے کارکنوں کی گرفتاری پرتشویش کا اظہار کیا تھا۔

    سعودی عرب کا کینیڈا کےسفیرکوملک چھوڑنےکا حکم

    خیال رہے کہ گزشتہ روز سعودی عرب نے کینیڈا کے سفیر کونا پسندیدہ شخصیت قرار دیتے ہوئے 24 گھنٹوں میں ملک چھوڑے کا حکم دیا تھا۔

    سعودی وزارت خارجہ کا کہنا تھا کہ اندورنی معاملات میں مداخلت قبول نہیں کی جاسکتی، گرفتاریاں قانون کے مطابق مجازاتھارٹی کی جانب عمل میں لائی گئیں۔

    سعودی عرب: انسانی حقوق کی دو سرگرم خواتین کارکن گرفتار

    واضح رہے کہ گزشتہ ہفتے سعودی عرب میں انسانی حقوق باالخصوص خواتین کےلیےآوازاٹھانے والی دو سرگرم خواتین کو گرفتارکیا گیا تھا۔

  • کینیڈا میں نسل پرست شخص کا مسلمان خاندان پر حملہ، قتل کی دھمکیاں

    کینیڈا میں نسل پرست شخص کا مسلمان خاندان پر حملہ، قتل کی دھمکیاں

    اوٹاوا : کینیڈا کے شہر ٹورنٹو میں نسل پرست شخص کی مسلمان فیملی پر تشدد اور قتل کی دھمکیاں دینے کی ویڈیو سوشل میڈیا پر وائرل ہوگئی، پولیس نے واقعے کی تحقیقات کا آغاز کردیا۔

    تفصیلات کے مطابق کینیڈا کے شہر ٹورنٹو میں پولیس نے نسل پرست متعصب شخص کو مسلمان فیملی پر تشدد کرنے، زبانی طور پر ہراساں کرنے اور قتل کی دھمکیاں دینے کے جرم میں گرفتار کرکے واقعے کی تحقیقات شروع کردی ہیں۔

    غیر ملکی خبر رساں ادارے کا کہنا تھا کہ سوشل میڈیا پر وائرل ہونے والی ویڈیو میں دیکھا جاسکتا ہے کہ 50 سالہ کینیڈین شخص شہر کے وسط میں واقع تفریحی مقام پر مسلم خاندان کو مسلسل نسل پرستی اور تعصب کا نشانہ بنارہا ہے۔

    کینیڈین پولیس کی جانب سے جمعے کے روز جاری بیان کہا تھا کہ تفتیش کاروں نے مذکورہ شخص کے اقدام کو تعصب اور نفرت پر مبنی جرم قرار دیا ہے اور ملزم کے خلاف سخت کارروائی کرنے کا اعلان کیا ہے۔

    کینیڈین میڈیا کا کہنا ہے کہ ٹورنٹو کی عدالت نے 50 لامبرے بال کے خلاف دو مقدمات تشدد کرنے اور ایک مسلم خاندان کو سر عام قتل کی دھمکیاں دینے کا مقدمہ درج کیا ہے۔

    غیر ملکی خبر رساں ادارے کے مطابق پولیس نے ابتدائی تحقیقات مکمل کرلی ہیں لیکن ابھی تک ملزم گرفتار نہیں کیا ہے، تاہم پولیس نے واضح کیا ہے کہ حملہ اسلام دشمنی اور نفرت کی وجہ سے کیا گیا ہے۔

    کینیڈین خبر رساں ادارے کا کہنا تھا کہ حسن احمد پہلی بار اپنے اہلیہ اور دو بچوں کے ہمراہ ٹورنٹو شہر کا دورہ کرنے گئے تھے جو کینیڈا کے شہر سسکاٹون میں مقیم ہیں۔

    حسن احمد نے میڈیا کو بتایا کہ ’مذکورہ ملزم نے مجھے اور دیگر افراد کو دھکے دیئے اور میرے خاندان والوں سے کہا کہ صوبے نے نکل جاؤ‘۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • ٹورنٹو میں نامعلوم شخص کی فائرنگ، ایک خاتون ہلاک، متعدد افراد زخمی

    ٹورنٹو میں نامعلوم شخص کی فائرنگ، ایک خاتون ہلاک، متعدد افراد زخمی

    ٹورنٹو : کینیڈا  میں نامعلوم مسلح شخص کی فائرنگ کے نتیجے میں 1 خاتون  جاں بحق جبکہ بچی سمیت 14 افراد زخمی ہوگئے، حملہ آور خود کوگولی مار خودکشی کرلی۔

    تفصیلات کےمطابق کینیڈا کے شہر ٹورنٹو کی ڈینفوٹ اور لوگان ایوینو پر اتوار کی شب نامعلوم مسلح شخص نے فائرنگ کردی، جس کے نتیجے میں 1 خاتون جاں بحق ہوگئے، واقعے کی اطلاع ملتے ہی پولیس نے علاقے کو گھیرلیا۔

    عینی شاہد کے مطابق ایک نامعلوم مسلح شخص نے اچانک خودکار ہتھیار نکال کر سڑک پر موجود لوگوں پر فائرنگ کردی۔

    پولیس کا کہنا تھا کہ فائرنگ کے نتیجے میں ہلاک ہونے والے نوجوان خاتون گولی لگنے کے باعث موقع پر جاں بحق ہوگئی تھی، کچھ متاثرین کو موقع پر ہی طبی امداد فراہم کی گئی جبکہ متعدد کو نزدیکی ہسپتال منتقل کردیا گیاا۔

    اس حوالے سے ٹورنٹو پولیس نے سماجی رابطے کی ویب سائٹ ٹویٹر پر ٹویٹ کے ذریعے شہریوں کو  آگاہ کیا کہ واقعے میں ایک خاتون ہلاک جبکہ 14 افراد زخمی ہیں، زخمیوں میں ایک بچی کی حالت تشویش ناک ہے۔

    غیر خبر  رساں ادارے کے مطابق پولیس ذرائع کا یہ بھی کہنا ہے کہ مسلح شخص نے خود کو گولی مارنے سے قبل پولیس پر  بھی فائرنگ کی۔

    پولیس ترجمان کا کہنا ہے کہ حملے کی تحقیقات جاری ہیں، تاہم ابھی تک یہ معلوم نہیں ہوسکا ہے کہ حملے کی وجہ کیا تھی۔

    غیر ملکی خبر رساں ادارے کے مطابق عینی شاہد نے بتایا کہ ’میں اپنے اہل خانہ کے ہمراہ ریستوران میں کھانا کھا رہا تھا کہ اچانک فائرنگ فائرنگ شروع ہوگئی اور تقریباً 20 گولیاں چلی۔

    خیال رہے کہ مذکورہ واقعہ کینیڈا میں بڑھتئے ہوئے فائرنگ کے بڑھتے ہوئے واقعات کی طرف اشارہ کرتا ہے، صرف رواں برس کے دوران کینیڈا میں فائرنگ کے 200 واقعات رپورٹ ہوچکے ہیں جس میں سے 20 واقعات ہلاکت خیز ثابت ہوئے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • کینیڈا: 12لاکھ ڈالر کی انعامی رقم نے خالہ بھانجے کو ایک دوسرے کا دشمن بنادیا

    کینیڈا: 12لاکھ ڈالر کی انعامی رقم نے خالہ بھانجے کو ایک دوسرے کا دشمن بنادیا

    اوٹاوا : 12 لاکھ کینیڈین ڈالر کی انعامی رقم نے خالہ بھانجے کو ایک دوسرے کے خلاف کردیا، معاملہ عدالت میں جاپہنچا۔

    تفصیلات کے مطابق براعظم امریکا کے ملک کینیڈا کی ایک خاتون اور اس کے بھانجے نے 12 لاکھ کینیڈین ڈالر کی رقم لاٹری میں جیتی، تاہم انعامی رقم کا چیک ملنے کے بعد خاتون نے اپنے بھانجے کو آدھی رقم دینے سے انکار کردیا۔

    غیر ملکی خبر رساں ادارے کا کہنا تھا کہ لاٹری کمیٹی کی جانب سے دیئے جانے والے چیک پر خاتون اور ان کے بھانجے دونوں کا نام درج ہے، تاہم خاتون کا کہنا ہے کہ میں نے لاٹری میں اپنے بھانجے کا نام اس لیے دیا تھا کیوں وہ اس کی قسمت اچھی ہے، لیکن اس کا مطلب یہ نہیں کہ آدھی انعامی رقم اسے دے دوں۔

    کینیڈین خاتون باربارا ریڈیک کا کہنا تھا کہ میں اپنے بھانجے کے خلاف عدالت میں کیس کروں گی اور اس سلسلے میں وکیل سے بات ہوگئی ہے۔

    غیر ملکی خبر رساں ادارے سے گفتگو کرتے ہوئے خاتون کے بھانجے نے بتایا کہ لاٹری خریدتے ہوئے دونوں کے درمیان آدھی آدھی انعامی رقم رکھنے کا معاہدہ طے ہوا تھا، تاہم خاتون کا کہنا ہے بھانجا جھوٹ بول رہا ہے۔

    برطانوی خبر رساں ادارے کے مطابق لاٹری کمیٹی کی خاتون سربراہ کا کہنا ہے کہ ’خاتون کی لالچ دیکھ کر بہت حیرت ہوئی، عموماً لوگ لاٹری کی رقم خیراتی اداروں میں عطیہ کردیتے ہیں‘

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • پاکستان کے بوم بوم آفریدی کی بھارت کے سپر اسٹار سلمان خان سے ملاقات

    پاکستان کے بوم بوم آفریدی کی بھارت کے سپر اسٹار سلمان خان سے ملاقات

    کراچی: قومی ٹیم کے سابق کپتان بوم بوم شاہد خان آفریدی نے کینیڈا میں ایک تقریب کے دوران بھارتی فلم انڈسٹری کے سپر اسٹار سلمان خان سے ملاقات کی۔

    تفصیلات کے مطابق جارحانہ بلے بازی کے لیے مشہور بوم بوم آفریدی کی بالی ووڈ کے بھائی جان سلمان خان کے ساتھ ملاقات کی تصاویر انٹرنیٹ پر وائرل ہوگئیں۔

    کرکٹ اور فلم کے سپر اسٹارز کی یہ ملاقات نہایت دل چسپ رہی، دنوں نے کینیڈا میں منعقد ہونے والی ایک خصوصی تقریب میں مل بیٹھ کر خوش گوار موڈ میں گفتگو کی۔

    آخری بار ’ریس تھری‘ میں نظر آنے والے سپر اسٹار سلمان خان بھی کینیڈا کے شہر ٹورنٹو میں ہونے والی تقریب میں پہنچ گئے، تقریب میں مختلف شعبوں سے تعلق رکھنے والے اہم افراد نے شرکت کی۔

    پاکستان کرکٹ کے آل راؤنڈر شاہد خان آفریدی کی سلمان خان کے ساتھ خوش گوار ملاقات کی تصاویر نے انٹرنیٹ کی دنیا میں دل چسپی کی لہر پیدا کر دی۔

    شاہد آفریدی نے ملاقات کے بعد اپنے ٹویٹر اکاؤنٹ سے ایونٹ میں سلمان خان کے ساتھ بنائی جانے والی تصاویر بھی شیئر کر دیں۔

    بوم بوم آفریدی نے ٹویٹ کرتے ہوئے کہا کہ ایونٹ میں کمیونٹی ممبر کے ساتھ مل کر سلمان خان کے ساتھ ملاقات زبر دست رہی۔ آفریدی نے ایونٹ کے لیے نیک تمناؤں کا بھی اظہار کیا۔

    چیف جسٹس بہترین طریقے سے عوام کی خدمت کررہے ہیں، شاہد آفریدی

    ملاقات کے دوران بالی ووڈ اداکار سلمان خان نے اپنے مخصوص انداز میں پینٹ کی جیبوں میں ہاتھ ڈال رکھے تھے، جب کہ شاہد آفریدی کے چہرے پر سنجیدگی تھی۔

    سلمان خان پاکستانی اداکاروں کے حق میں بول پڑے

    شاہد آفریدی نے سلمان خان کے ساتھ ملاقات کو ایک اچھی اور خوش گوار ملاقات قرار دیا، ایونٹ میں سلمان خان نے  ”Being“ پرنٹ والی شرٹ پہنی تھی۔ واضح رہے دبنگ اداکار سلمان ان دنوں کینیڈا میں اپنی چیریٹی فاؤنڈیشن ’بی اِنگ ہیومین‘ کے سلسلے میں شو کر رہے ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کینیڈا میں شدید گرمی کی لہر‘ 33 افراد ہلاک

    کینیڈا میں شدید گرمی کی لہر‘ 33 افراد ہلاک

    اوٹاوا: کینیڈا میں ایک ہفتے سے جاری شدید گرمی کی لہر کے باعث 33 افراد ہلاک ہوگئے، ہیٹ ویو کے سبب سے زیادہ ہلاکتیں صوبہ کیوبک کے شہرمونٹریال میں ہوئی ہیں۔

    تفصیلات کے مطابق کینیڈا گزشتہ ایک ہفتے سے شدید گرمی کی لیپٹ میں ہے اور اب تک 33 افراد گرمی کے باعث جان کی بازی ہار چکے ہیں۔

    گرمی کے باعث صوبہ کیوبک کے شہرمونٹریال میں صرف 12 افراد ہلاک ہوئے ہیں اور درجہ حرارت 35 ڈگری تک ریکارڈ کیا گیا ہے جبکہ ملک کے وسطی اور مشرقی علاقے بھی شدید گرمی کی لپیٹ میں ہیں۔

    کینیڈین حکام کے مطابق شہری سخت گرم موسم میں زیادہ سے زیادہ ٹھنڈے مشروبات کا استعمال کریں اور سایہ دار جگہ پر رہیں۔

    محکمہ صحت کا کہنا ہے کہ گرمی کے باعث گرمی سے ہلاک ہونے والے افراد کی اکثریت کے پاس ایئرکنڈیشن کی سہولت نہیں تھی اور وہ پہلے سے طبی مسائل سے دوچار تھے۔

    دوسری جانب کینیڈین وزیراعظم جسٹن ٹروڈو نے گرمی کے باعث اموات دکھ اور افسوس کا اظہار کرتے ہوئے کہا میری ہمدردیاں ہلاک ہونے والے افراد کے اہل خانہ کے ساتھ ہیں۔

    محکمہ موسمیات کا کہنا ہے ملک میں جاری شدید گرمی کی شدت میں آج سے کمی آنے کا امکان ہے۔

    واضح رہے کہ 2010ء میں آنے والی ہیٹ ویو میں کیوبک کے شہرمونٹریال میں 100 افراد ہلاک ہوئے تھے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کینیڈا میں شدید گرمی، 33 افراد ہلاک

    کینیڈا میں شدید گرمی، 33 افراد ہلاک

    اوٹاوا: کینیڈا میں گزشتہ ایک ہفتے سے جاری شدید گرمی کے باعث 33 افراد ہلاک ہوگئے، کینیڈین وزیر اعظم جسٹن ٹروڈو نے لواحقین سے اظہار تعزیت کیا ہے۔

    غیر ملکی خبر رساں ادارے کے مطابق کینیڈا کے مختلف شہروں میں گزشتہ ایک ہفتے سے جاری گرمی کے باعث 33 افراد ہلاک ہوگئے 18 افراد شہر مونٹریال اور 15 افراد دیگر علاقوں میں ہوئیں۔

    کینیڈا کے محکمہ موسمیات کے مطابق گزشتہ ہفتے سے درجہ حرارت 34 ڈگری تک پہنچ گیا ہے جبکہ ہیٹ انڈیکس 45 تک پہنچ گیا ہے، تاہم ہفتے کے اختتام تک گرمی کی شدت میں کمی آنے کے امکانات ہیں۔

    محکمہ موسمیات نے عوام کو خبردار کیا ہے کہ ٹھنڈے مشروبات کا استعمال کریں اور گرمی کے اوقات میں غیر ضروری گھروں سے باہر نکلنے سے گریز کیا جائے۔

    دوسری جانب کینیڈا کے وزیر اعظم جسٹن ٹروڈو نے 33 افراد کی ہلاکت پر افسوس کا اظہار کرتے ہوئے کہا ہے کہ وہ لواحقین کے غم میں برابر کے شریک ہیں۔

    واضح رہے کہ کینیڈا کا شمار ٹھنڈے ملکوں میں ہوتا ہے، جہاں اوسطاً درجہ حرارت 25 ڈگری تک رہتا ہے جبکہ 2010 میں شدید گرمی کے باعث مونٹریال میں 100 افراد ہلاک ہوگئے تھے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ڈونلڈ ٹرمپ نے کینیڈین وزیراعظم کو بے ایمان اورکمزورقرار دے دیا

    ڈونلڈ ٹرمپ نے کینیڈین وزیراعظم کو بے ایمان اورکمزورقرار دے دیا

    واشنگٹن : امریکی صدر ڈونلڈ ٹرمپ نے کینیڈا کے وزیراعظم جسٹن ٹروڈو کو بے ایمان اور کمزور قرار دے دیا۔

    تفصیلات کے مطابق امریکی صدر ڈونلڈ ٹرمپ نے جی 7 اجلاس کے بعد سماجی رابطے کی ویب سائٹ ٹویٹرپراپنے پیغام میں کینیڈین وزیراعظم کو بے ایمان اور کمزور کہا ہے۔

    انہوں نے کہا کہ جسٹن ٹروڈو نے جی 7 کے اجلاس کے دوران بہت نرم مزاج اور نیک رویہ اختیار کیا تاکہ ہمارے جانے کے بعد نیوز کانفرنس کرسکیں جس میں انہوں نے امریکی ٹیرف کو تضحیک آمیز قرار دیا اور کہا کہ ہمیں مزید نہیں دھکیلا جائے گا۔

    امریکی صدرڈونلڈ ٹرمپ نے کہا کہ ہمارے ٹیرف ان کے ڈیری کے 270 فیصد ٹیرف کا جواب تھا۔

    انہوں نے مزید کہا کہ کینیڈین وزیراعظم نیوز کانفرنس کے دوران جھوٹے بیان اور کینیڈا کی جانب سے امریکی کسان، کام کرنے والے اور کمپنیوں سے زیادہ پیسے وصول کرنے پرمیں نے امریکی نمائندوں کو ہمارے امریکی مارکیٹ میں آٹو موبائلز کی قیمتوں کو دوبارہ دیکھنے تک اس بیان کی تشہیرنہ کرنے کا حکم دیا ہے۔

    خیال رہے کہ اس سے قبل صافحیوں سے بات چیت کرتے ہوئے کینیڈا کے وزیراعظم کا کہنا تھا کہ ڈونلڈ ٹرمپ کا امریکہ کے اسٹیل اور ایلمونیم ی درآمدات پرامریکی ٹیرف کی وضاحت کے لیے قومی سلامتی کودرمیان میں لانا کینیڈا کے سابق فوجیوں جنہوں نے عالمی جنگ کے درمیان امریکہ کا ساتھ دیا تھا، ان کے لیے انتہائی تضحیک آمیز تھا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پراسرار صوتی حملہ: کینیڈا نے کیوبا سے سفیروں کے خاندان واپس بلالیے

    پراسرار صوتی حملہ: کینیڈا نے کیوبا سے سفیروں کے خاندان واپس بلالیے

    کینیڈا: کینیڈین حکام کو شبہ ہے کہ کیوبا میں ان کے سفارت کاروں کے خاندانوں پر  صوتی حملے ہوئے ہیں جس کے باعث انھوں نے کیوبا سے ان خاندانوں کو واپس بلالیا ہے۔

    تفصیلات کے مطابق کیوبا کے دارالحکومت ہوانا میں کینیڈا کے دس باشندوں میں غیر واضح طبی مسائل نمودار ہوئے ہیں، ان میں ایسے دماغی مسائل سامنے آئے ہیں جن کی بہ ظاہر کوئی وجہ دکھائی نہیں دے رہی ہے۔

    کینیڈا کے طبی ماہر کے مطابق یہ ایک نئی طرز کی دماغی چوٹ ہے جس کی وجہ سے متاثرہ افراد میں، جن میں بچے بھی شامل ہیں، چکر آنا، متلی اور توجہ مرکوز کرنے میں دشواری کے مسائل پیدا ہوئے ہیں۔

    واضح رہے کہ یہ بیماری کیوبا میں صرف کینیڈا کے سفارتی عملے اور ان کے خاندان پر اثر انداز ہوئی ہے تاہم گذشتہ برس ہوانا میں امریکی سفارتی عملے کو بھی اسی قسم کے مسائل کا سامنا کرنا پڑا تھا جس کے بعد امریکا نے کیوبا سے سفارتی عملہ واپس بلا لیا تھا۔

    پراسرار صوتی حملے، امریکا کا کیوبا کے 15 سفارتکاروں کو ملک سے نکل جانے کا حکم

    کینیڈا کا کہنا ہے کہ اسے لگتا ہے کہ صوتی حملہ اس بیماری کی وجہ بنا ہے۔ دوسری طرف کیوبا کے وزیر اعظم نے اکتوبر میں صوتی حملے سے انکار کرتے ہوئے کہا تھا کہ یہ الزامات محض سیاسی ساز باز کا نتیجہ ہیں اور اس کا مقصد باہمی تعلقات خراب کرنا ہے۔

    خیال رہے کہ کینیڈا کے دس لاکھ شہری ہر سال کیوبا جاتے ہیں تاہم گلوبل افییر کینیڈا کے مطابق کسی سیاح میں ایسی علامات کے شواہد نہیں ملے۔ ماہرین کے مطابق صوتی حملے میں صوتی آلات سے نہ سنائی دینے والی صوتی لہریں نکالی جاتی ہیں جو بہرا پن کا باعث بنتی ہیں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔