ARYNews.tv | Urdu – Har Lamha Bakhabar

Tag: کینیڈا

  • کیوبک کی مسجد میں فائرنگ ‘دہشتگرد حملہ ہے ‘وزیراعظم جسٹن ٹروڈو

    کیوبک کی مسجد میں فائرنگ ‘دہشتگرد حملہ ہے ‘وزیراعظم جسٹن ٹروڈو

    اوٹاوہ: کینڈین وزیراعظم نے کیوبک شہر کی مسجد میں مسلح حملہ آوروں کی جانب سے فائرنگ کےواقعےکو بزدلانہ حرکت قراردیا ہے۔

    تفصیلات کےمطابق سماجی رابطے کی ویب سائٹ ٹویٹر پر کینیڈاکے وزیراعظم جسٹن ٹروڈو نے کیوبک مسجد حملے میں جاں بحق ہونے والے افراد کے خاندان سے ہمدری کااظہارکرتے ہوئے کہا کہ پوری قوم اس واقعے پر افسردہ ہے۔

    کینیڈا کے وزیراعظم جسٹن ٹروڈو نے کیوبک شہر کی مسجدمیں مسلح افراد کی فائرنگ کو دہشت گرد حملہ قرار دیا ہے۔

    وزیراعظم جسٹن ٹروڈو نے اپنے بیان میں کہا کہ فائرنگ کے اس واقعےکی تحقیقات کی جارہی ہے،انہوں نےکہا کہ مسلمان کمیونٹی ہماری سوسائٹی کا اہم حصہ ہے۔انہوں نےکہا کہ اس طرح کے حملوں کی ہمارے معاشرے میں کوئی جگہ نہیں ہے۔

    مزید پڑھیں: کینیڈا میں مسجد پر فائرنگ ‘6نمازی شہید

    واضح رہےکہ کینیڈاکےشہرکیوبک کی مسجد میں نامعلوم افراد کی فائرنگ کےنتیجےمیں چھ نمازی شہید جبکہ آٹھ افراد زخمی ہوگئے،فائرنگ کے وقت مسجد میں 40افراد موجود تھے۔

  • کینیڈا میں مسجد پر فائرنگ ‘6 نمازی شہید

    کینیڈا میں مسجد پر فائرنگ ‘6 نمازی شہید

    کیوبک: کینیڈاکےشہرکیوبک کی مسجد میں نامعلوم افراد کی فائرنگ کےنتیجےمیں 6 نمازی شہید ہوگئے، فائرنگ کے وقت مسجد میں متعددافراد موجود تھے۔

    تفصیلات کےمطابق کینیڈا کے شہر کیوبک کی مسجد میں نامعلوم مسلح افراد نے فائرنگ کردی جس کے نتیجے میں چھ افراد جاں بحق ہوگئے، واقعےکی اطلاع ملتے ہی پولیس نے علاقے کو گھیرلیا اورحملہ آوروں کی تلاش شروع کردی۔

    عینی شاہد کے مطابق 3حملہ آوروں نےمسجد میں داخل ہونے کے ساتھ ہی نمازیوں پرفائرنگ کردی،حملے کے وقت مسجدمیں 40افراد موجود تھے۔

    کینیڈین پولیس حکام کےمطابق مسجدپرحملےکےشبہ میں 2افرادگرفتار کرلیاہےتاہم پولیس کی جانب سے کوئی مزید تفصیلات نہیں دی گئی۔

    اسلامک سینٹر کے صدر محمد ینگوئی کےمطابق زخمیوں کو کیوبیک شہر کے مختلف اسپتالوں میں لے جایا گیا ہے لیکن ان کو صحیح تعداد کا علم نہیں ہے۔

    یاد رہے کہ یہ وہی مسجد ہے جہاں پچھلے سال ایک سؤر کا سر تحفے کی شکل میں اس کے دروازے پر چھوڑا گیا تھا اور اس کے ساتھ ایک پرچہ پر لکھا ہوا تھا ‘بون اپیٹیٹ’ یعنی ‘کھانے کا مزہ لو’۔

    مزید پڑھیں:امریکی ریاست ٹیکساس میں مسجد نذرآتش

    واضح رہےکہ گزشتہ روز امریکی ریاست ٹیکساس کےشہرہیوسٹن میں قائم اسلامی مرکز اور مسجد آتشزدگی سے جل کرمکمل طور پرجل کرشہیدہوگئی تھی۔


    6 dead in shooting at Quebec City mosque, 2 men… by arynews

    واضح رہے کہ امریکی صدر ٹرمپ کی جانب سے سات مسلم ممالک کے باشندوں پر پابندی کے حکم نامے کی مخالفت کرتے ہوئے کینیڈین وزیراعظم جسٹن ٹروڈو نے کہا ہے کہ ایسے تمام لوگ اور پناہ گزین جو دہشت گردی اور جنگ سے متاثر ہیں انہیں کینیڈا خوش آمدید کہتا ہے۔

    یہ ضرور پڑھیں: ویلکم ٹو کینیڈا‘ کینڈین وزیراعظم کا ٹرمپ کو جواب

    ان کے بیان کے چند گھنٹوں بعد ہی کینیڈا میں مسجد پر فائرنگ کا یہ واقعہ پیش آیا ہے، خیال کیا جارہا ہے کہ دہشت گردی کی  اس کارروائی کا مقصد پناہ گزینوں اور مسلمانوں کو خاموش پیغام دیا ہے کہ وہ یہاں کا رخ کرنے سے گریز کریں چاہے کینیڈین وزیراعظم کچھ بھی کہیں۔

  • بھارتی ترنگے والے ڈور میٹس کے بعد ’گاندھی چپل‘ فروخت کے لیے پیش

    بھارتی ترنگے والے ڈور میٹس کے بعد ’گاندھی چپل‘ فروخت کے لیے پیش

    نیویارک: آن لائن خرید و فروخت کی مشہور ویب سائٹ ایمازون نے بھارتی جھنڈے والے ڈور میٹس کے بعد مہاتما گاندھی چپل بھی فروخت کے لیے پیش کردی جس نے ایک بار پھر بھارتیوں کو چراغ پا کردیا۔

    صرف دو دن قبل ہی ایمازون کینیڈا نے اپنی ویب سائٹ پر ایسے ڈور میٹس فروخت کے لیے پیش کیے تھے جن پر مختلف ممالک کے جھنڈے بنے ہوئے تھے۔ ان جھنڈوں میں سے ایک بھارتی ترنگا بھی تھا۔

    اشتہار کے جاری ہوتے ہی دنیا بھر میں مقیم بھارتیوں نے اپنے غم و غصہ کا اظہار شروع کردیا یہاں تک بھارتی وزیر خارجہ سشما سوراج نے ایمازون کو دھمکی دی کہ اگر انہوں نے مذکورہ ڈور میٹس اپنی ویب سائٹ سے نہ ہٹائے تو آئندہ ایمازون حکام کو بھارتی ویزہ جاری نہیں کیا جائے گا۔

    انہوں نے ایمازون سے اس معاملے پر معافی کا مطالبہ بھی کیا تھا۔

    بھارتی وزیر خارجہ کی اس دھمکی کے بعد ایمازون نے مذکورہ ڈورمیٹس تو اپنی ویب سائٹ سے ہٹا دیے، تاہم معافی نہیں مانگی۔ لیکن اس معاملے کی گرد ابھی بیٹھنے بھی نہ پائی تھی کہ ایمازون نے بھارتی رہنما گاندھی کی تصاویر والی چپلیں فروخت کے لیے پیش کردیں۔

    gandhi-2

    ایمازون کا کہنا ہے کہ یہ ایسی پروڈکٹ ہے جو بہت خوبصورت دکھائی دے گی اور دیکھنے والوں کو مسکرانے پر مجبور کردے گی۔

    معاملے پر ایک بار پھر بھارتی وزارت خارجہ حرکت میں آئی اور اس بار نرمی سے کام لیتے ہوئے ایمازون حکام کو پیغام پہنچایا گیا کہ کسی ’تیسری‘ پارٹی کو پلیٹ فارم فراہم کرتے ہوئے ایمازون کو بھارتیوں کے جذبات و احساسات کا خیال رکھنا چاہیئے۔

    g2

    اس پیغام کے چند گھنٹے بعد یہ چپلیں بھی ایمازون کی ویب سائٹ سے غائب ہوگئیں تاہم بھارتیوں کا غصہ کم نہ ہوا اور انہوں نے ٹوئٹر پر ایمازون کے خلاف اپنی بھڑاس نکالنی شروع کردی۔

    ایک ٹوئٹر صارف کا کہنا تھا کہ تصور کریں کہ آپ نے ایسی چپلیں پہنی ہوں جن پر آپ کے والدین کی تصاویر بنی ہوں، ان چپلوں کو پہن کر آپ خود کو کتنا آرام دہ محسوس کریں گے؟

    کئی ٹوئٹر صارفین نے بھارت میں ایمازون پر پابندی عائد کرنے کا مطالبہ بھی کیا۔

  • کلائمٹ چینج کے باعث دنیا بھر میں غیر معمولی واقعات

    کلائمٹ چینج کے باعث دنیا بھر میں غیر معمولی واقعات

    واشنگٹن: امریکی سائنسی ماہرین نے حال ہی میں ایک چونکا دینے والی رپورٹ جاری کی ہے جس میں بتایا گیا ہے کہ موسمیاتی تغیرات یعنی کلائمٹ چینج نے سال 2015 میں دو درجن سے زائد ایسے موسمیاتی مظاہر پیدا کیے جن کا اس سے پہلے تصور بھی ناممکن تھا۔

    ماہرین نے ان واقعات میں سنہ 2015 میں کراچی کو اپنا نشانہ بنانے والی خوفناک اور جان لیوا ہیٹ ویو کو بھی شامل کیا ہے۔

    report-1

    امریکا کے نیشنل اوشینک اینڈ ایٹموسفیریک ایڈمنسٹریشن کی جانب سے جاری کی گئی اس تحقیقاتی رپورٹ میں دنیا بھر میں ہونے والے 24 سے 30 ایسے غیر معمولی واقعات کی فہرست بنائی ہے جو اس سے پہلے کبھی ان علاقوں میں نہیں دیکھے گئے۔

    ان واقعات میں دنیا کے 11 علاقوں بشمول پاکستان اور بھارت کی ہیٹ ویو، برطانیہ میں سردیوں کے موسم میں سورج کا نکلنا، اور امریکی شہر میامی کے ایسے سیلاب کو شامل کیا گیا ہے جو اس وقت آیا جب سورج سوا نیزے پر تھا۔

    report-2
    امریکی شہر میامی میں آنے والا سیلاب

    رپورٹ میں مزید واقعات میں جنوب مشرقی چین کی شدید بارشیں، جبکہ شمال مغربی چین کی سخت گرمی، برفانی خطے الاسکا کے درجہ حرارت میں اضافہ اور اس کی وجہ سے وہاں کے جنگلات میں آتشزدگی، اور مغربی کینیڈا میں ہونے والی سخت خشک سالی شامل ہے۔

    ادارے کے پروفیسر اور رپورٹ کے نگران اسٹیفنی ہیئرنگ کے مطابق ان عوامل کی وجوہات کا تعین ہونا ضروری ہے۔

    report-3
    الاسکا کے جنگلات میں آگ

    انہوں نے کہا کہ دنیا کو تیزی سے اپنا نشانہ بناتا کلائمٹ چینج دراصل قدرتی عمل سے زیادہ انسانوں کا تخلیق کردہ ہے اور ہم اپنی ترقی کی قیمت اپنے ماحول اور فطرت کی تباہی کی صورت میں ادا کر رہے ہیں۔

    مزید پڑھیں: کلائمٹ چینج سے مطابقت کیسے کی جائے؟

    پروفیسر اسٹیفنی کا کہنا ہے کہ یہ سب کچھ غیر معمولی تو ضرور ہے تاہم غیر متوقع ہرگز نہیں اور اب ہمیں ہر سال اسی قسم کے واقعات کا سامنا کرنے کے لیے تیار رہنا ہوگا۔

    اس سے قبل گزشتہ ماہ مراکش میں ہونے والی ماحولیاتی تبدیلیوں سے متعلق عالمی کانفرنس کوپ 22 میں بھی ماہرین متنبہ کر چکے تھے کہ موسمیاتی تغیرات میں مزید شدت آتی جائے گی اور یہ دنیا کے تمام حصوں کو متاثر کرے گی۔

  • دنیا کے انوکھے اور عجیب و غریب گھر

    دنیا کے انوکھے اور عجیب و غریب گھر

    دنیا میں رہنے والے مہم جو اور انفرادیت پسند افراد ہر شے میں مہم جوئی اور انفرادیت چاہتے ہیں چاہے وہ کوئی سفر ہو، یا ان کے زیر استعمال رہنے والی کوئی بھی معمولی شے۔

    اسی طرح یہ افراد اپنے رہنے کے گھروں کو بھی عجیب وغریب انداز میں تخلیق کرتے ہیں۔ ایسے افراد اگر تخلیقی صلاحیت کے حامل ہوں تو ان کا فن اور انفرادیت کا شوق ان کی بنائی گئی چیزوں کو شاہکار بنا دیتا ہے۔

    آج ہم آپ کے سامنے دنیا کے ایسے ہی کچھ عجیب و غریب گھر پیش کر رہے ہیں۔ یہ گھر دیکھنے میں بھی بے حد خوبصورت لگتے ہیں اور انہیں دیکھ کر بے اختیار یہاں رہائش اختیار کرنے کا دل چاہتا ہے۔

    9

    سوئٹزر لینڈ میں 13 ہزار فٹ بلند پہاڑ کی چوٹی پر واقع اس گھر میں رہائش رکھنا دل گردے کا کام ہے۔ دروازہ کھلتے ہی آپ کا سامنا پہاڑوں، بادلوں اور خلا سے ہوتا ہے۔

    5

    پرتگال کی سرحد پر واقع یہ گھر ایک بڑے پتھر کے اندر تعمیر کیا گیا ہے۔

    7

    اسی طرح کا ایک اور گھر وسطی یورپ کے علاقے بوکووینیا میں بھی ہے جو دیکھنے میں کسی قدیم دور کے چرواہے کا گھر لگتا ہے۔

    8

    مکمل طور شمسی پینلز سے تیار کیا گیا یہ گھر توانائی کی ضروریات میں خود کفیل ہے۔

    3

    جاپان میں واقع اس گھر کو دیکھ کر بظاہر یوں لگتا ہے کہ یہ بغیر چھت اور دیواروں کے ہے لیکن درحقیقت یہ مکمل طور پر شیشے سے بنایا گیا ہے۔

    دن بھر سورج کی روشنی ان شیشوں کے ذریعہ گھر میں داخل ہوتی ہے جس سے مکینوں کو مصنوعی روشنی کے استعمال کی ضرورت ہی نہیں پڑتی۔ یہی نہیں اس گھر میں رہنے والے چاندنی راتوں، بارش اور بوندا باندی کا بھی صحیح معنوں میں لطف اٹھاتے ہیں۔

    2

    سوئٹزر لیںڈ کے ایک چھوٹے سے گاؤں میں یہ گھر ایک ڈھلان کے اندر تراشا گیا ہے۔ یہ صحیح معنوں میں لفظ ’زیر زمین‘ کی عکاسی کرتا ہے۔

    11

    امریکی ریاست ٹیکسس میں ایک پہاڑی پر تعمیر کیے گئے اس گھر کی خاص بات یہ ہے کہ یہ مکمل طور پر لوہے سے بنا ہوا ہے۔ اس کی تعمیر میں 110 ٹن لوہا استعمال کیا گیا ہے۔

    4

    فطرت سے محبت کرنے والے کسی شخص نے یہ گھر کینیڈا کے جنگل میں بنایا ہے۔ درخت پر رہنے کا قدیم طریقہ لیکن گھر میں موجود تمام جدید سہولیات کے باعث جنگل میں رہائش رکھنا بے حد آسان ہوگیا ہے۔

    6

    میکسیو میں بنایا گیا یہ گھر سمندری گھونگھے کے خول جیسا ہے۔

    10

    آئس لینڈ کے ایک دور دراز جزیرے پر واقع یہ گھر ان افراد کے لیے نہایت موزوں ہے جو دنیا اور دنیا والوں سے بچ کر رہنا چاہتے ہیں۔

  • کینیڈا میں نوعمر مسلمان لڑکے پر بے رحمانہ تشدد

    کینیڈا میں نوعمر مسلمان لڑکے پر بے رحمانہ تشدد

    اوٹاوا: دنیا بھر میں مسلمانوں سے نفرت، انہیں ہراساں اور ان پر تشدد کرنے کے واقعات میں اضافہ ہو رہا ہے۔ حال ہی میں کینیڈا میں بھی ایک ایسا ہی واقعہ پیش آیا جب ایک نو عمر مسلمان لڑکے کو چند گوروں نے بلے سے بری طرح تشدد کا نشانہ بنا ڈالا۔

    یہ واقعہ کینیڈا کے صوبے اونٹاریو کے شہر ہملٹن میں پیش آیا۔ 15 سالہ نوح ربانی رات کے وقت اپنے دوست کے گھر سے اپنی دادی کے گھر جا رہا تھا جب اس کے قریب ایک کار آ کر رکی۔

    کار میں سے دو مقامی افراد اترے اور انہوں نے بلے سے نوح پر بے رحمانہ تشدد شروع کر دیا۔ تشدد کے نتیجے میں نوح بری طرح زخمی ہوگیا اور اسے تشویشناک حالت میں اسپتال منتقل کر دیا گیا۔

    واضح رہے کہ یہ واقعہ جس علاقے میں پیش آیا ہے اسے ایک محفوط اور پرسکون علاقہ سمجھا جاتا ہے اور یہاں شاذ و نادر ہی کوئی ناخوشگوار واقعہ پیش آتا ہے۔

    ہنگری میں مسجد، مؤذن اور حجاب پر پابندی *

    نوح کے اہلخانہ نے بعد ازاں پولیس کو بتایا کہ کار سے اترنے والے دونوں لڑکوں نے نوح کے ساتھ چھینا جھپٹی یا ڈکیتی کی کوشش نہیں کی۔ یہ سیدھا سیدھا ایک نسل پرستانہ نفرت پر مبنی واقعہ تھا۔

    ان کا کہنا ہے کہ اس قدر بے رحمانہ تشدد سے نوح کا پورا جسم سوجا ہوا ہے۔ اس کے جسم کا دایاں حصہ مفلوج ہوچکا ہے، اس کے دونوں گھٹنے ٹوٹ چکے ہیں جبکہ ڈاکٹرز کا کہنا ہے کہ نوح کی یادداشت بھی متاثر ہوئی ہے۔

    teen-3

    انہوں نے کہا کہ نوح کے علاج کے اخراجات بہت زیادہ ہیں جبکہ ان کے گھر میں کمانے والا ایک ہی شخص موجود ہے اور انہیں سمجھ نہیں آرہا کہ وہ ان اخراجات کو کیسے پورا کریں گے۔

    نوح کی آنٹی کے مطابق واقعہ کے بعد نوح مشکلوں سے گھسٹتا ہوا گھر پہنچا اور وہاں سے آواز دے کر اس نے اپنے بھائیوں کو باہر بلایا جو اسے فوری طور پر اسپتال لے گئے۔ ان کا کہنا تھا کہ نوح نے واقعہ کو سنگین ہونے سے بچانے کے لیے اصل واقعہ بتانے سے گریز کیا اور صرف یہ بتایا کہ وہ گر گیا تھا۔

    امریکا میں مساجد کو دھمکی آمیز خطوط موصول *

    واضح رہے کہ کینیڈا کے وزیر اعظم جسٹن ٹروڈو شامی مہاجرین سمیت مختلف اقوام کے افراد کو اپنے ملک میں خوش آمدید کہہ چکے ہیں تاہم کینیڈا میں بھی مسلمانوں کے خلاف نفرت انگیز واقعات جاری ہیں۔

    پولیس کے مطابق صرف مسلمان ہی نہیں بلکہ دیگر مذاہب کے افراد بھی اس سے متاثر ہیں اور چند روز قبل ہی دارالحکومت اوٹاوا میں چرچ، یہویوں کی عبادت گاہ سیناگوگ اور ایک مسجد پر سیاہ پینٹ کے ذریعہ نفرت آمیز جملے لکھے گئے۔

  • ریچھ کی ممتا کتے کے لیے

    ریچھ کی ممتا کتے کے لیے

    آپ نے جانوروں کی دوستی اور محبت کی کئی کہانیاں سنی ہوں گی۔ ویسے تو ہر نسل کا جانور دوسری نسل کے جانور سے ذرا دور ہی رہتا ہے تاہم کچھ جانور اس فرق کو بھی بالائے طاق رکھتے ہوئے آپس میں دوست بن جاتے ہیں۔

    ایسی ہی ایک اور مثال کینیڈا میں دیکھنے میں آئی جہاں ایک سیاح نے نہایت خوبصورت اور حیرت انگیز منظر ریکارڈ کیا۔ اس کی ریکارڈ کی ہوئی ویڈیو میں ایک برفانی ریچھ ایک کتے سے شفقت کا اظہار کرتے ہوئے اس کے سر پر ہاتھ پھیر رہا ہے۔

    bear

    bear-3

    اس سے پہلے بھی کئی بار ایسا ہوچکا ہے کہ قصے کہانیوں میں دشمن دکھائے جانے والے جانور آپس میں ایک دوسرے کے دوست بن جاتے ہیں۔

    چند روز قبل بھی انٹرنیٹ پر ایسی ہی کچھ تصاویر دیکھی گئیں جن میں چند مینڈک ایک مگر مچھ کی پیٹھ پر سواری کرتے دکھائی دے رہے ہیں۔

    frog-5

    ویڈیو بنانے والے کا کہنا ہے کہ وہ اس برفانی ریچھ کے قریب تو نہیں جاسکا، تاہم ایسا لگ رہا ہے کہ یہ مادہ ریچھ ہے جو کتے سے اپنی ممتا کا اظہار کر رہی ہے۔ اب ممتا تو کسی کے بھی بچے کو دیکھ کر امڈ سکتی ہے، خصوصاً مادہ میں جس کی فطرت میں ہی ممتا موجود ہو۔

  • صاف ماحول کو آئینی حق قرار دینے کا مطالبہ

    صاف ماحول کو آئینی حق قرار دینے کا مطالبہ

    مانٹریال: کینیڈا میں انسداد ماحولیاتی آلودگی کے لیے کام کرنے والے افراد نے مطالبہ کیا ہے کہ صاف ماحول کو ہر شہری کا آئینی حق قرار دیا جائے۔

    ماحولیات کے لیے کام کرنے والے افراد کا کہنا ہے کہ یہ اقدام اس لیے ضروری ہے کہ تاکہ بدلتی حکومتوں کی مختلف پالیسیوں کو ماحولیاتی بہتری کے اقدامات پر اثر انداز ہونے سے روکا جاسکے۔

    کینیڈا کے جنگلات میں شدید آگ ۔ کلائمٹ چینج میں اضافے کا خدشہ *

    کینیڈا کے ایک ماہر ماحولیات اور سائنس دان ڈیوڈ سوزوکی نے اس کی مثال دیتے ہوئے بتایا کہ جسٹن ٹروڈو سے پہلے وزیر اعظم اسٹیفن ہارپر نے ماحولیاتی بہتری کے کئی قوانین کو کالعدم قرار دے دیا تھا۔

    انہوں نے کہا ’جس طرح امریکا میں ڈونلڈ ٹرمپ نے ماحولیاتی بہتری کے اقدامات کو اٹھا کر پھینک دیا ہے، ہم نہیں چاہتے کہ ہمارے ملک میں بھی کوئی ایسا حکمران آئے جو ذاتی رائے پر پالیسیوں کو بنائے اور بگاڑے‘۔

    ٹرمپ ماحول کے لیے دشمن صدر؟ *

    واضح رہے کہ صاف ہوا، صاف پانی اور ایسی غذا جو دھاتوں اور کیڑے مار ادویات سے پاک ہو، کو بنیادی انسانی ضرورت یا حق قرار دینے کا خیال 70 کی دہائی سے ابھرا تھا۔

    ڈیوڈ نے بتایا کہ انہوں نے 35 سال قبل کینیڈا میں ماحولیات کو تباہ کرنے والے اقدامات کے خلاف طویل جنگ لڑی جن میں تیل کی تلاش کے لیے کی جانے والی کھدائی کے خلاف احتجاج بھی شامل تھا۔ ’ہم سمجھے تھے کہ ہم یہ جنگ جیت چکے ہیں، مگر اب ہمیں یہی جنگیں دوبارہ لڑنی پڑ رہی ہیں‘۔

    دنیا کو بچانے کے لیے کتنے ممالک سنجیدہ؟ *

    ماہرین کا کہنا ہے کہ اگر اس مطالبے پر سنجیدگی سے غور کیا بھی جاتا ہے تب بھی آئین میں ایک نئی چیز کو شامل کرنا آسان بات نہیں ہے۔

  • لوگوں کا متلاشی قصبہ، جو نوکری اور زمین فراہم کر رہا ہے

    لوگوں کا متلاشی قصبہ، جو نوکری اور زمین فراہم کر رہا ہے

    دنیا بھر میں بہتر مواقعوں اور بہتر روزگار کی تلاش میں قصبوں اور گاؤں سے شہروں کی طرف ہجرت کرنے کا رجحان عام ہے۔ زیادہ تر افراد شہروں کی طرف اس لیے جاتے ہیں کیونکہ ان کے گھر میں کمانے والوں سے زیادہ کھانے والے افراد موجود ہوتے ہیں یعنی وہ پیسہ کمانا چاہتے ہیں۔

    لیکن ایک قصبہ ایسا ہے جو لوگوں کو اپنے گاؤں آنے کی ترغیب دے رہا ہے اور اس کے بدلے انہیں  ملازمت اور ذاتی زمین فراہم کر رہا ہے۔

    14

    کینیڈا کے صوبے نووا اسکوٹیا کے مضافات میں واقع کیپ بریٹن ایک خوبصورت اور چھوٹا سا قصبہ ہے۔

    town-2

    town-3

    town-4

    یہ قصبہ موسموں کے لحاظ سے نہایت متنوع ہے اور اس میں چاروں موسم پائے جاتے ہیں۔

    town-5

    town-6

    town-7

    لیکن اس قصبہ کی آبادی بے حد کم ہے۔ یہی وجہ ہے کہ گاؤں کے افراد باہر کے لوگوں کو اپنے قصبہ میں آنے کی ترغیب دے رہے ہیں۔

    10

    11

    اس کے بدلے میں یہ آنے والے کو ملازمت، اچھی تنخواہ اور ساتھ ساتھ 2 ایکڑ زمین بھی فراہم کرنے کا ارادہ رکھتے ہیں۔

    13

    12

    یہ پیشکش ان افراد کے لیے بہترین ہے جو شہروں کی بھیڑ بھاڑ سے دور فطرت کے قریب پرسکون زندگی گزارنا چاہتے ہیں۔

    town-8

    town-9

    لیکن شاید ہمارے لیے بری خبر یہ ہے کہ یہ قصبہ کینیڈا کے فارن ورکر پروگرام میں شامل نہیں ہے لہٰذا یہاں صرف وہی لوگ آ کر رہائش پذیر ہوسکتے ہیں جو کینیڈا کی شہریت کے حامل ہیں۔

  • کینیڈا میں ہیلی کاپٹر گرکرتباہ،2افراد ہلاک

    کینیڈا میں ہیلی کاپٹر گرکرتباہ،2افراد ہلاک

    اوٹاوا: کینیڈا میں ہیلی کاپٹر بجلی کے کھمبوں سے ٹکرا کر تباہ ہوگیا،حادثے میں 2 افراد جان کی بازی ہار گئے۔

    تفصیلات کے مطابق کینیڈا کے صوبے نیو برنزویک کے شہرکیمپ بلٹن میں ہیلی کاپٹر بجلی کے کھمبوں سے ٹکرا کر تباہ ہوگیا،حادثے میں ہیلی کاپٹر میں سوار دونوں افراد ہلاک ہوگئے.

    helicopter-post-1

    ہیلی کاپٹر حادثے کی عینی شاہد کا کہنا تھا کہ عام طور ہم ہیلی کاپٹر کی پرواز کی آواز سنتے ہیں اور ان کو اترتے ہوئےدیکھتے ہیں لیکن جو میں نے سنا وہ ایک عجیب سی آواز تھی.

    helicopter-post-2

    پیٹی گیلی کا کہنا تھا کہ جب وہ باہر گئیں تو انہوں نے دیکھا کہ ہیلی کاپٹر پاور لائنزسے ٹکرایا اور زوردار دھماکہ ہوا جس کے بعد ہیلی کاپٹر دریا میں جاگرا اوراس کے بکھرے ہوئے ٹکرے دیکھے جاسکتے تھے.

    helicopter-post-4

    حکام کے مطابق ہیلی کاپٹر کا یہ حادثہ روٹ سے باہر جانے کے باعث پیش آیا ہوگا ،تاہم واقعے کی تحقیقات جاری ہیں.

    helicopter-post-3

    *جکارتہ : انڈونیشیا کے صوبےجاوا میں فوجی ہیلی کاپٹر گر کر تباہ،3افراد ہلاک

    واضح رہے کہ اس سے قبل رواں سال جولائی میں ہیلی کاپٹرانڈونیشیا کے صوبےجاوا کے مرکزی شہر یوگویاکرتا کے شمال کی طرف مضافات میں گر کر تباہ ہواتھا.حادثے کے وقت ہیلی کاپٹر میں چھ افراد سوار تھے،جن میں سے تین افراد جان کی بازی ہار گئے.