Tag: کینیڈین حکومت

اسلام آباد : کینیڈا نے پاکستانی شہریوں کی سہولت کے لیے ویزا آفس ابوظہبی سے اسلام آباد منتقل کرنے کا اعلان کردیا۔

تفصیلات کے مطابق پاکستان نے سفارتی محاذ پر ایک اور کامیابی حاصل کرلی ، کینیڈا نے پاکستان کے لیے ویزا آفس ابوظہبی سے اسلام آباد منتقل کرنے کا اعلان کردیا۔

ذرائع نے بتایا کہ کینیڈاکی حکومت نے ویزا آفس اسلام آباد منتقل کرنے کیلئے خطیر رقم مختص کردی ہے۔

خیال رہے کینیڈین حکومت نے 10 سال پہلے مختلف وجوہات کی بنا پر ویزا آفس ابوظہبی منتقل کردیا تھا۔

مقامی ذرائع ابلاغ کا کہنا ہے کہ کینیڈین حکومت نے پاکستان کی مختلف درخواستوں کے بعد فیصلہ کیا ہے کہ ایک بار پھر سے پاکستان میں دفتر قائم کیا جائے گا۔

اوٹاوا : کینیڈین حکومت نے پاکستان کے سیلاب متاثرین کیلئے 5 ملین ڈالر امداد کا اعلان کردیا۔

تفصیلات کے مطابق کینیڈا کی حکومت نے سیلاب متاثرین کیلئے 5 ملین ڈالر امداد کا اعلان کردیا ، کینیڈین وزیرہرجیت سجن نے ابتدائی طور پر 5 ملین کینیڈین ڈالرامداد کا اعلان کیا۔

کینیڈا میں پاکستانی ہائی کمشنرظہیرجنجوعہ نے پاکستانی کمیونٹی سے ملاقاتیں کیں ، جس میں سیلاب سے تباہی اور سیلاب زدگان کی امداد اور بحالی پر بات چیت کی۔

ہائی کمشنر نے کہا کہ سیلاب اور بارش سے اب تک 3 کروڑ 30 لاکھ افراد متاثرہوچکےہیں، سیلاب اوربارش سے 1100سے زائدانسانی جانوں کا ضیاع ہوا ہے۔

ظہیر جنجوعہ کا کہنا تھا کہ سیلاب اوربارش سے 1600سےزائدافرادزخمی ہوئے، 7 لاکھ سے زائد مویشی ہلاک اور 10 لاکھ سے زائد مکانات جزوی یا مکمل طورپرتباہ ہوچکےہیں۔

انھوں نے بتایا کہ سیلاب سے 163 پلوں اور 170 دکانیں تباہ ہوچکی ہیں اور 3400 کلومیٹر طویل سڑکوں کونقصان پہنچا جبکہ سیلاب اور بارش سے بڑے پیمانے پر تیار فصلیں تباہ ہوچکی ہیں۔