ARYNews.tv | Urdu – Har Lamha Bakhabar

Tag: کینیڈین شہری

  • کراچی میں ڈکیتی مزاحمت پر قتل ہونے والے کینیڈین شہری کے چھوٹے بھائی کا اہم انکشاف

    کراچی میں ڈکیتی مزاحمت پر قتل ہونے والے کینیڈین شہری کے چھوٹے بھائی کا اہم انکشاف

    کراچی : ڈکیتی مزاحمت پر قتل ہونے والے کینیڈین شہری کے چھوٹے بھائی نے ملزمان کےساتھ اسپتال انتظامیہ کوبھی ذمہ دار ٹہراتے ہوئے انکشاف کیا نرس نے بجائے طبی امداد دینے کے انتظار کرنے کا کہا اور اس دوران بھائی دم توڑ گیا۔

    تفصیلات کے مطابق کراچی میں میٹرک بورڈ آفس کے قریب کینیڈین شہری کے قتل کے معاملے پر مقتول کےچھوٹے بھائی آخری رسومات ادا کرنے کراچی پہنچ گئے۔

    چھوٹےبھائی نےملزمان کےساتھ اسپتال انتظامیہ کوبھی ذمہ دار ٹہراتے ہوئے کہا کہ امین نےعباسی شہیداسپتال انتظامیہ کی غفلت کےباعث دم توڑا، بھائی کو زخمی حالت میں عباسی شہیداسپتال منتقل کیا گیا تھا، اسپتال میں نرس کی جانب سے کہا گیا یہ قتل کا کیس ہے۔

    بھائی طارق علوی نے انکشاف کیا کہ نرس نے بجائے طبی امداد دینے کے انتظار کرنے کا کہا، اس دوران امین علوی کا خون بھی بہہ رہا تھا اور 15منٹ کےبعد امین علوی دم توڑ گئے تھے۔

    مقتول کےچھوٹے بھائی نے کہا کہ بھائی کو جب اسپتال منتقل کیا تب ہمیں اطلاع ملی ، بھائی غریب بچوں کی امداد کیا کرتے تھے،مقتول خصوصی طور پر صرف ان بچوں کے لے پاکستان آتے تھے۔

    کینیڈین شہری امین علوی کے بھائی نے ملزمان اوراسپتال انتظامیہ کے خلاف کارروائی کا مطالبہ کردیا۔

  • کراچی میں قتل ہونے والے کینیڈین شہری کے قتل کا مقدمہ درج

    کراچی میں قتل ہونے والے کینیڈین شہری کے قتل کا مقدمہ درج

    کراچی : شہر قائد میں قتل ہونے والے کینیڈین شہری کے قتل کا مقدمہ درج کرلیا گیا، امین علوی کو گزشتہ رات ناظم آباد بورڈ آفس کے قریب ڈکیتی مزاحمت پر قتل کردیا گیا تھا۔

    تفصیلات کے مطابق کراچی میں قتل ہونے والے کینیڈین شہری کے قتل کا مقدمہ پاپوش تھانے میں درج کرلیا گیا، مقدمہ مقتول کی بہن کی مدعیت میں قتل اوراقدام قتل کی دفعات کےتحت درج کیا گیا ہے۔

    مقدمے کے متن میں کہا گیا کہ میں ڈاکٹرہوں،میرابھائی پرسوں کینیڈاسےکراچی آیا تھا ، گزشتہ رات بھائی امین علاقے کے کچھ بچوں کو عید کی شاپنگ کرانے جارہا تھا کہ پاپوش نگر ریلوے پھاٹک کے قریب ایک موٹرسائیکل پر 2 ملزمان آئے۔

    متن کے مطابق ملزمان نے اسلحہ کے زور پر بھائی کولوٹنےکی کوشش کی، بھائی نےاس دوران مزاحمت کی توملزمان نےفائرنگ کردی، اطلاع ملنے پر فوراً اسپتال پہنچی تو بھائی کی لاش مردہ خانے میں تھی۔

    یاد رہے پاکستانی نژاد امین علوی کو گزشتہ رات ناظم آباد بورڈ آفس کے قریب ڈکیتی مزاحمت پر قتل کردیاگیا تھا، مقتول چار غریب بچوں کو شاپنگ کرانے ناظم آباد گیا تھا۔

    امین علوی عید کے موقع پر غریب بچوں کو پیسے دیتے یا خریداری کرواتے تھے لیکن ڈکیتوں نے چندہزار روپوں کیلئے جان لےلی، بچوں کے مطابق گولی لگنے کے بعد امین علوی تڑپتے رہے، نہ ایمبولینس آئی نہ ہی پولیس۔

  • کینیڈین شہری کو لوٹنے والا گرفتار، ساتھی پہلے ہی مارا جا چکا

    کراچی: شاہراہ فیصل پر غیر ملکیوں کو لوٹنے والا ملزم آصف عرف باس ٹیپو سلطان پولیس کے ہاتھوں گرفتار ہو گیا۔

    تفصیلات کے مطابق پی ای سی ایچ سوسائٹی بلاک 6 میں ایک کینیڈین شہری اور ان کے ساتھیوں کو لوٹنے والا لٹیرا گرفتار ہو گیا، جب کہ اس کا ساتھی پہلے ہی پولیس کے ہاتھوں مارا جا چکا ہے۔

    ایس ایس پی ایسٹ عبدالرحیم شیرازی کے مطابق 2 ملزمان نے 18 نومبر کو کینیڈین شہری کیون رچرڈ ملر اور ساتھیوں سے لوٹ مار کی تھی۔

    غیر ملکی شہری منی چینجر سے کرنسی تبدیل کر کے نکلے تھے، جن سے لٹیروں نے 22 لاکھ 80 ہزار روپے لوٹے، پی ای سی ایچ سوسائٹی بلاک 6 میں ہوئی اس لوٹ مار میں رقم آصف عرف باس نے لوٹی تھی۔

    ایس ایس پی کے مطابق واردات کے وقت موٹر سائیکل چلانے والا ملزم سلمان شاہراہ فیصل پر مقابلے میں ہلاک ہو چکا ہے۔

    گرفتار ملزم آصف عرف باس کے قبضے سے واردات میں لوٹا گیا کینیڈین پاسپورٹ، اور کریڈٹ کارڈز برآمد ہو گئے، غیر ملکی مدعی کیون رچرڈ ملر کا رقم کا بیگ بھی برآمد کر لیا گیا ہے۔

    گرفتار ملزم آصف عرف باس بینک سے رقوم لے کر نکلنے والے شہریوں کو لوٹنے میں بھی ملوث رہا، آصف عرف باس عادی جرائم پیشہ ہے، پہلے بھی متعدد بار گرفتار ہو چکا ہے۔

  • منشیات اسمگلنگ کا الزام، ایک اور کینیڈین شہری کو سزائے موت

    منشیات اسمگلنگ کا الزام، ایک اور کینیڈین شہری کو سزائے موت

    بیجنگ : چین کی عدالت نے چار ماہ کے مختصر دوراینے میں ایک اور کینیڈین شہری سمیت 10 غیر ملکیوں کو منشیات اسمگلنگ کے مقدمے میں سزائے موت کا حکم سنا دیا۔

    غیرملکی خبر رساں ادارے کے مطابق کینیڈا نے چین میں اپنے شہری کو ملنے والی سزائے موت پر سخت برہمی کا اظہار کیا جس کے باعث دونوں ممالک کے مابین سفارتی کشدیدگی میں مزید اضافہ ہوگیا، عدالت نے ایک کینیڈین شہری فن وائی، ایک امریکی اور 4 میکسیکن سمیت 10 مجرموں کی سزائے موت کا حکم دیا۔

    غیر ملکی خبر رساں ادارے کا کہنا تھا کہ تمام مجرم چین کے شہر تیانج میں جولائی اور نومبر 2012 کے درمیانی عرصے میں عالمی منشیات کے گروہ سے تعلق رہا۔

    عدالتی اعلامیے کے مطابق مذکورہ گروہ نے 63 کلو کرسٹل میتھ تیار کی جو دماغی امراض، وزن گھٹانے، اتھیلیٹ کی کارکردگی کو بڑھانے کے لیے استعمال کی جاتی ہے۔

    غیر ملکی میڈیا کے مطابق اعلامیے میں کہا گیا کہ کینیڈین شہری اور چینی باشندے نے کرسٹل میتھ کی تیاری میں مرکزی کردار ادا کیا جنہیں سزائے موت سنائی گئی۔

    عدالت کے مطابق مجرموں کے پاس سزا کے خلاف اپیل کرنے کے لیے 10 دن کی مہلت ہے۔ دوسری جانب کینیڈا کے وزیر خارجہ چریسٹیا فریلینڈ نے سزائے موت پر کہا کہ کینیڈا کی حکومت کو اپنے شہری کی سزا پر شدید خدشات ہیں۔

    انہوں نے کہا کہ کینیڈا چین سمیت دنیا کے کسی بھی ملک میں سزائے موت کے خلاف واضع موقف رکھتا ہے اور اس کی مخالفت کرتا ہے۔

    خاتون وزیر خارجہ کا کہنا تھا کہ ہم سمجھتے ہیں کہ یہ ظلم اور غیر انسانی سزا ہے، جسے کسی بھی ملک میں اپنانے کی اجازت نہیں ہونی چاہیے۔

    خیال رہے کہ جنوری میں چین کی عدالت نے منشیات کی اسمگلنگ کے الزام میں کینیڈا کے شہری کی 15 سال قید کی سزا کو پھانسی میں تبدیل کردیا تھا۔ چین کے لائیوننگ صوبے کی عدالت نے کینیڈا کے 36 سالہ شہری رابرٹ لوئیڈ شیلین برگ کی بے گناہی کی اپیل کو مسترد کردی تھی۔

    مزید پڑھیں : منشیات اسمگلنگ کا الزام، چین میں کینیڈین شہری کو سزائے موت

    غیر ملکی خبر رساں ادارے کا کہنا تھا کہ رابرٹ شیلن برگ کو پھانسی کی سزا سنائے جانے کے بعد کینیڈا اور چین کے درمیان جاری کشیدگی میں اضافہ ہوگیا تھا۔

    خیال رہے کہ شیلن برگ کو نومبر 2018 میں 15 برس قید اور ایک لاکھ 50 ہزار یوآن (22ہزار ڈالر) جرمانے کی سزا سنائی گئی تھی۔

    مزید پڑھیں : چینی ٹیلی کام کمپنی ’ہواوے‘ کے بانی کی بیٹی کینیڈا میں گرفتار

    یاد  رہے کہ گذشتہ برس کینیڈا میں ہواوے کمپنی کے بانی کی بیٹی اور چیف فنانشل آفیسر مینگ وینزوا کو یکم دسمبر کو کینیڈین شہر وانکوور سے حراست میں لیا گیا تھا۔

  • منشیات اسمگلنگ کا الزام، چین میں کینیڈین شہری کو سزائے موت

    منشیات اسمگلنگ کا الزام، چین میں کینیڈین شہری کو سزائے موت

    بیجینگ : چینی عدالت نے منشیات اسمگلنگ کا الزام ثابت ہونے پر کینیڈین شہری کو سزائے موت سنا دی۔

    تفصیلات کے مطابق چین اور کینیڈا میں معروف چینی ٹیلی کام کمپنی ’ہواوے‘ کے بانی کی بیٹی و چیف فنانشل آفیسر مینگ وینزوا کی گرفتاری کے بعد سے کشیدگی چل رہی ہے۔

    غیر ملکی خبر رساں ادارے کا کہنا ہے کہ عدالت کی جانب سے سنہ 2014 میں منشیات اسمگلنگ کے الزام میں گرفتار ہونے والے کینیڈین شہری رابرٹ کو 2 برس قبل 15 برس قید کی سزا سنائی گئی تھی۔

    چینی پراسیکیوٹر کی جانب سے عدالت میں منشیات اسمگلنگ جرم میں 15 برس قید کی سزا کو ناکافی قرار دیتے ہوئے رابرٹ کو سزائے موت دینے کی اپیل کی تھی جسے عدالت نے منظور کرلیا تھا۔

    رابرٹ کو منشیات اسمگلنگ کے الزام میں سزائے موت سنانے پر کینیڈین وزیر اعظم جسٹن ٹرودو نے تشویش کا اظہار کرتے ہوئے کہا ہے کہ کینیڈین شہری کو چین سزائے موت دئیے جانے پر ہمارے اتحادیوں کو بھی سوال اٹھانا چاہیے۔

    مزید پڑھیں : چینی ٹیلی کام کمپنی ’ہواوے‘ کے بانی کی بیٹی کینیڈا میں گرفتار

    خیال رہے کہ گذشتہ برس کینیڈا میں ہواوے کمپنی کے بانی کی بیٹی اور چیف فنانشل آفیسر مینگ وینزوا کو یکم دسمبر کو کینیڈین شہر وانکوور سے حراست میں لیا گیا تھا۔

    امریکا نے ان الزام عائد کیا تھا کہ ایران پر امریکی پابندیوں کے باوجود چینی ٹیلی کام کمپنی ہواوے ایران کو نیٹ ورکنگ کا سامان فروخت کرتی رہی ہے اور مینگ نے ان معاہدوں کو مخفی رکھا۔

    امریکا کی جانب سے مینگ کی حوالگی کا مطالبہ کیا گیا تھا تاکہ مینگ پر نیو یارک میں مقدمہ چلا سکیں، غیر ملکی میڈیا کا کہنا ہے کہ ممکن ہے مینگ کو امریکا میں 30 برس قید کی سزا سنادی جائے۔

  • کینیڈین شہری نے 13 لاکھ سے زائد ڈالر کی رقم جیت لی

    کینیڈین شہری نے 13 لاکھ سے زائد ڈالر کی رقم جیت لی

    اوٹاوا : کینیڈین شہری گرےگوریو دی سینٹس نے اپنی ناقابل یقین قسمت کے باعث لاٹری پرانے کوٹ سے برآمد ہونے والے لاٹری کے ٹکٹ سے 13 لاکھ 50 ہزار ڈالر کی رقم جیت لی۔

    تفصیلات کے مطابق براعظم امریکا کے ملک کینیڈا کے شہر مونٹریال میں مقیم شہری نے دس ماہ قبل خریدی گئی لاٹری ٹکٹ کے ذریعے لاکھوں ڈالر کی جیت لی، رقم جیتنے والا شخص لاٹری کا ٹکٹ اپنے میں رکھ کر بھول گیا تھا۔

    غیر ملکی خبر رساں ادارے کا کہنا ہے کہ کینیڈین شہری نے لاٹری کا ٹکٹ گذشتہ برس دسمبر میں خریدا تھا لیکن اپنے جیکٹ میں ہی بھول گیا، دو روز قبل گرے گوریو کی بہن نے صفائی کی تو لاٹری ٹکٹ برآمد ہوا اس سے ساڑھے 13 لاکھ کینیدین ڈالر کی انعامی رقم جیت لی۔

    مقامی میڈیا کے مطابق کینیڈین شہری کی بہن کا کہنا ہے کہ ’میں خیراتی ادارے میں عطیہ کرنے کے لیے پرانے کپڑے نکال رہی تھی جس میں سے یہ انعامی ٹکٹ نکل آیا۔

    گرے گوریو دی سینٹس کا کہنا ہے کہ جب مجھے معلوم ہوا کہ میں نے 10 ڈالر میں خریدی گئی لاٹری سے ساڑھے 13 لاکھ ڈالر کی خطیر رقم جیتی ہے تو میرا دل یک دم رُک گیا۔

    غیر ملکی خبر رساں ادارے کا کہنا تھا کہ لاٹری ٹکٹ جیتنے والا شخص انعامی رقم کو اپنے بڑھاپے کے لیے محفوظ رکھنا چاہتا تھا۔

    کینیڈین خبر رساں ادارے کا کہنا تھا کہ دی سینٹس نے اس سے قبل سنہ 1970 میں لاٹری ٹکٹ خریدا تھا جس میں 4 ہزار ڈالر انعامی رقم نکلی تھی۔

    یاد رہے کہ گذشتہ ماہ بھی کینیڈا میں مقیم افریقی مہاجر میل ہگ نے اپنی ناقابل یقین قسمت کے باعث پانچ ماہ کے دوران دو مرتبہ لاٹری کے ٹکٹ سے 35 ڈالر کی رقم جیتی تھی۔

    غیر ملکی خبر رساں ادارے کا کہنا تھا کہ 28 سالہ افریقی مہاجر میلہگ نامی شخص نے لاٹری ٹکٹ کے ذریعے مجموعی طور پر 35 لاکھ کینیڈین ڈالر کی خطیر رقم انعام میں جیتی ہے۔