بھارتی فلم انڈسٹری کی ایک سابق اداکارہ جسٹن ٹروڈر کے ہٹنے کے بعد کینیڈین وزیراعظم بننے کی دوڑ میں شامل ہونے جارہی ہیں۔
بالی ووڈ کی سابق روبی ڈھالہ جو کہ موجودہ سیاستدان ہیں وہ باقاعدہ طور پر جسٹن ٹروڈر کا جانشین بننے کے لیے میدان میں اتر چکی ہیں، وہ کینیڈا کی لبرل پارٹی کی رہنما ہیں اگر وہ وزیراعظم کا انتخاب جیتنے میں کامیاب ہوتی ہیں تو پہلی ایشیائی خاتون ہونگی جو یہ اعزاز حاصل کرے گی۔
روبی ڈھالہ اگر کینیڈین عوام کا اعتماد جیتنے میں کامیاب رہتی ہیں اور انھیں ووٹوں کے ذریعے ملک کے سب سے سپریم عہدے کے لیے چنا جاتا ہے تو وہ کینیڈا کی پہلی وزیراعظم بھی ہونگی جس کا تعلق سفید فام کمیونٹی سے نہیں ہوگا۔
کینیڈا میں پنجابی فیملی کے ہاں پیدا ہونے والی روبی ڈھالہ 2024 میں پہلی بار ہاؤس آف کامنز کے لیے منتخب کیا گیا تھا۔
روبی ڈھالہ کے بالی ووڈ کیریئر کی بات کی جائے تو یہ سفر ان کے لیے انتہائی مختصر رہا، انھوں نے 2003 میں ریلیز ہونے والی فلم ’کیوں؟ کس لیے؟‘ میں اداکار کے جوہر دکھائے تھے۔
اس فلم کی ہدایت کاری کے فرائض ونود تلوار نے انجام دیے تھے، فلم کی کہانی ہیملٹن کے سیریل کلر سکھوندر ڈھلون سے متاثر ہوکر بنائی گئی تھی۔
