Tag: کینیڈین ہائی کمشنر

لاہور : وزیراعلیٰ پنجاب مریم نواز کی پاکستان میں تعینات کینیڈین ہائی کمشنرلیسلی اسکینلین سے ملاقات میں کینیڈا کے اعلیٰ تعلیمی اداروں میں پنجاب کے طلبا کیلئے اسکالر شپ بڑھانے کا جائزہ لیا گیا۔

تفصیلات کے مطابق وزیراعلیٰ پنجاب مریم نواز سے پاکستان میں تعینات کینیڈین ہائی کمشنرلیسلی اسکینلین کی ملاقات ہوئی ، ایگزیکٹو ڈائریکٹر پاکستان ریجن نیل سٹیوارڈ، فرسٹ سیکرٹری علیشا سوسا اور ٹریڈ کمشنر بھی ملاقات میں موجود تھے۔

مریم نواز کو کینیڈین ہائی کمشنر نے پنجاب کی پہلی خاتون وزیراعلیٰ بننے پر مبارکباد دی، ملاقات میں کینیڈا اور پنجاب کے درمیان معاشی تعلقات کےفروغ کے امکانات پر تبادلہ خیال کیا گیا۔

دوران ملاقات کینیڈا کے اعلیٰ تعلیمی اداروں میں پنجاب کے طلبا کیلئے اسکالر شپ بڑھانے کا جائزہ بھی لیا گیا۔

وزیراعلیٰ مریم نواز نے کہا کہ کینیڈا کے ساتھ معاشی تعلقات کو بلند ترین سطح پر لے جانا چاہتے ہیں، جس پر کینیڈین ہائی کمشنر کا کہنا تھا کہ وزیراعلیٰ پنجاب مریم نواز سے مل کر خوشی ہوئی۔

اسلام آباد : کینیڈین ہائی کمشنر لیسلی لون کاکہنا ہے ریکوڈیک منصوبہ پاکستان میں بہت کامیابی لےکرآئےگا، مجھے بہت خوشی ہے کہ میں نے اس سرمایہ کاری کے فورم میں حصہ لیا۔

تفصیلات کے مطابق حکومت اور فوج کے تعاون سے معدنیات میں ترقی کےمنصوبوں سے متعلق ماہرین نے اظہار خیال کیا۔

کینیڈین ہائی کمشنر لیسلی سکین لون نے کہا کہ خوشی ہورہی ہے بیرک نے پاکستان اور بلوچستان حکومت کی شراکت داری سے اتنی شاندار سرمایہ کاری کی ہے ، میں اندازہ لگا سکتی ہوں کہ یہ منصوبہ (ریکوڈیک )پاکستان میں بہت کامیابی لے کر آئے گا۔

کینیڈین ہائی کمشنر کا کہنا تھا کہ مجھے بہت خوشی ہے کہ میں نے اس سرمایہ کاری کے فورم میں حصہ لیا، کمپنیوں کو پاکستان میں سرمایہ کاری اورتجارت کو فروغ دینے کے لیے اس سے بہترکوئی طریقہ نہیں ہوسکتا۔

سینئرایڈوائزرآراین اے نے اظہار خیال کرتے ہوئے کہا کہ پاکستان میں مائننگ اورمیٹل انڈسٹری کاایک عالمی کھلاڑی بن کر اجاگر ہونے کی صلاحیت موجود ہے، پاکستان گلوبل انرجی کی منتقلی میں ضروری کاپراوراہم میٹلزکانمایاں سپلائربھی بن سکتا ہے۔

جوائنٹ سیکریٹری پیٹرولیم ڈویژن شہبازطاہر کا کہنا تھا کہ تمام اسٹیک ہولڈرز،صوبائی حکومتیں،تاجر،سرمایہ کار،ایک ویژن کےساتھ آگےبڑھے ہیں۔

چیف جیولوجسٹ ایف ڈبلیواو فیصل خان نے کہا کہ ہمارےمنصوبے پورے پاکستان میں شروع کئےجاچکےہیں، وزیرستان میں کاپر کے بڑے پیمانے پرمنصوبے چل رہے ہیں۔