کراچی : کیپٹن(ر)صفدر کو عدالت لے جانے کیلئے بکتر بند گاڑی عزیز بھٹی تھانے پہنچادی گئی ، پولیس عدالت سے کیپٹن(ر)صفدر کا ریمانڈ حاصل کرنے کی استدعا کرے گی۔

تفصیلات کے مطابق کیپٹن(ر)صفدر کو عدالت لے جانے کیلئے لیے خصوصی گاڑی طلب کی گئی تھی ، جس کے بعد بکتر بند گاڑی عزیز بھٹی تھانے پہنچادی گئی ہے۔

کیپٹن(ر)صفدر کو آج عدالت میں پیش کیا جائے گا ، جہاں پولیس عدالت سے ان کا ریمانڈ حاصل کرنے کی استدعا کرے گی۔

ن لیگی وکلا نے کاغذات تیارکرلئے ہیں ، جس میں کہا گیا ہے کہ کیپٹن(ر)صفدرپرمقدمہ بد نیتی پرمبنی ہے، پی ایم ایل ن لائرزونگ کے وکلاعدالت میں پیش ہوں گے، وکلاکی جانب سےپولیس کوریمانڈلینےسےروکنے کی کوشش کی جائے گی۔

مزید پڑھیں : کیپٹن (ر) صفدر کو کراچی کے تھانے میں کیا ناشتہ پیش کیا گیا؟

کیپٹن(ر)صفدر نے وکالت نامے پر دستخط کردیے جبکہ مریم نواز نے وکالت نامے پر دستخط کرنے سے انکار کردیا ہے تاہم ن لیگی وکلاکی ٹیم وکالت نامہ لیکر سٹی کورٹ روانہ ہوگئی ہے۔

دوسری جانب مریم نواز کی شاہد خاقان،محمد زبیر، مفتاح اسماعیل ودیگر سے مشاورت جاری ہے کہ کیپٹن(ر)صفدرکی ضمانت کرائی جائے یا صورتحال کا سامنا کریں۔

یاد رہے مزارقائد تقدس پامالی کیس میں کیپٹن(ر)صفدر کو گرفتار کر لیا گیا تھا ، کیپٹن(ر)صفدرکی گرفتاری نجی ہوٹل سےعمل میں لائی گئی۔

کیپٹن(ر)صفدرکو تھانے منتقل کرتے ہی پولیس نے موبائل فون تحویل میں لئے ، انھیں ناشتےمیں دودھ پتی چائے،بیکری کےبسکٹ پیش کئےگئے، ایس ایچ اوعزیز بھٹی اور انویسٹی گیشن آفیسر کیپٹن(ر)صفدر کے ساتھ موجود رہے۔

اسلام آباد : سابق وزیراعظم نواز شریف کے داماد کیپٹن صفدر نے نواز شریف کے ممبئی حملوں سے متعلق بیان پر تنقید کو سازش قرار دے دیا اور کہا کہ الیکشن سے پہلے نواز شریف کیخلاف سازشیں کی گئی ہیں۔

تفصیلات کے مطابق اسلام آباد میں احتساب عدالت کے باہر میڈیا سے صحافیوں سے گفتگو میں کیپٹن(ر)صفدر نے نواز شریف کے بیان پر ردعمل کا اظہار کرتے ہوئے سابق وزیراعظم کے بیان پر تنقید کو سازش قرار دے دیا اور کہا کہ میڈیا نے سیاق وسباق سے ہٹ کر بیان پیش کیا ، یہ وہی معاملہ ہے،ہم دعا لکھتے رہے وہ دغا پڑھتے رہے۔

کیپٹن (ر) صفدر کا کہنا تھا کہ ایک نقطے نے محرم سے مجرم بنا دیا، سازش کنٹینر سےشروع ہوکر عدالتوں تک پہنچی، نواز شریف کے بیان کو صحیح طرح سے پڑھاجائے، بھارتی میڈیا نے نواز شریف کے بیان کو تبدیل کیا۔

صحافی نے سوال کیا کہ کیا سرل المیڈا کا نواز شریف سے انٹرویو فواد حسن فواد نے طے کرایا؟ جس کے جواب میں نواز شریف کے داماد نے کہا کہ اس بارے میں فواد حسن فواد ہی بتا سکتے ہیں مجھے معلوم نہیں۔

صحافی نے ایک اور سوال کیا کہ آپ فوج میں رہے ہیں ، فوج کانواز شریف کے بیان پر کیا رد عمل ہوگا، جس پر کیپٹن (ر) صفدر کا کہنا تھا کہ میں اب بھی فوج کا حصہ ہوں اور مجاہد ہوں ، فوج کا سیاست سے کوئی تعلق نہیں جو اس بیان پرایکشن لے۔

انھوں نے کہا کہ ملک میں الیکشن ہو نے والے ہیں ،سیاسی جنگ جاری ہے، نواز شریف کے بیان کی مذمت نہیں کروں گا۔

مزید پڑھیں :ممبئی حملوں میں کالعدم تنظیمیں ملوث ہیں‘ نوازشریف

واضح رہے کہ سابق وزیر اعظم نواز شریف مقامی اخبار کو انٹرویو دیتے ہوئے کہا تھا کہ ممبئی حملوں میں پاکستان میں متحرک عسکریت پسند تنظیمیں ملوث تھیں، یہ لوگ ممبئی میں ہونے والی ہلاکتوں کے ذمہ دار ہیں، مجھے سمجھائیں کہ کیا ہمیں انہیں اس بات کی اجازت دینی چاہیے کہ سرحد پار جا کر ممبئی میں 150 لوگوں کو قتل کردیں۔

جس کے بعد نواز شریف کے متنازعہ بیان کو بھارتی میڈیا نے بھارت کی فتح قرار دیا تھا۔

نوازشریف کے ممبئی حملوں سے متعلق متنازع بیان پرملک کے سینئردفاعی، سیاسی تجزیہ کاروں اور سیاست دانوں کا شدید ردعمل سامنے آیا تھا،  جس میں بیان کو ملک دشمنی قرار دیا گیا ۔

خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔ 

اسلام آباد: سابق وزیراعظم نواز شریف کے داماد کیپٹن (ر) صفدر کا کہنا ہے کہ ہماری کمزوریوں سےخلائی مخلوق فائدہ اٹھاتی ہے، تمام سیاسی جماعتوں نےمل کرپاکستان چلانا ہے ، نظام سے خلائی مخلوق کو باہر نکالیں۔

تفصیلات کے مطابق سابق وزیراعظم نواز شریف کے داماد اور مسلم لیگ ن کے رہنما کیپٹن (ر) صفدر نے قومی اسمبلی میں اظہارخیال کرتے ہوئے کہا کہ ہمیں وقت نہیں دیا جاتا کہ نظام کو ٹھیک کریں، میری تقریر سے دل آزاری ہوئی ہے تو معذرت ہے۔

کیپٹن(ر)صفدر کا کہنا تھا کہ اپوزیشن لیڈر نے بڑی جرات کے ساتھ بات کی، بے نظیربھٹو جمہوریت کی راہ پر تھیں، پیپلزپارٹی کو بھی نہیں پتہ بی بی کے قاتل کون ہیں۔

نواز شریف کے داماد نے کہا کہ میثاق جمہوریت کا مقصد تھا بیٹھ کرجمہوریت کی بات کریں، ایوان کو طاقت دینے کیلئے قانون لانا پڑے گا، اب ووٹ کوعزت دو کا انتخاب ہے۔

خلائی مخلوق کا ذکر کرتے ہوئے ان کا کہنا تھا کہ ہماری کمزوریوں سےخلائی مخلوق فائدہ اٹھاتی ہے، تمام سیاسی جماعتوں نےمل کرپاکستان چلانا ہے، پرویز مشرف کوعدالتوں کاسامنا کرنا چاہیے، نظام سے خلائی مخلوق کو باہر نکالیں۔

یاد رہے کہ چند روز قبل کیپٹن (ر) صفدر کا احتساب عدالت میں پیشی کے بعد میڈیا سے گفتگو کرتے ہوئے کہنا تھا کہ مارشل لاء کی بات کرنے والوں کو پہلے کٹہرے میں کھڑا کیا جائے، شیخ رشید ووٹ سے کئی بار نااہل ہوچکے ہیں مگر امپائر کھڑا کردیتا ہے۔

نواز شریف کے داماد کا کہنا تھا کہ یہ ملک سیاستدانوں نےبنایا، انہیں سیاست کرنےدی جائے، بظاہرحکومت کے پس پردہ بھی کچھ اور لوگ ہوتے ہیں، بظاہر ایک حکومت چل رہی ہےمگرحکم اوپرسےہی آرہے ہیں، حکومت ہی نہیں ریاست پربھی حکم اوپرسے آرہے ہیں۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔