Tag: کیپ ٹاؤن

محمد سراج اور جسپریت بمراہ کی تباہ کن بولنگ کے باعث اپنی تاریخ میں پہلی بار بھارتی ٹیم کیپ ٹاؤن میں کوئی ٹیسٹ میچ جیتنے میں کامیاب ہوگئی۔

تفصیلات کے مطابق جنوبی افریقہ اور بھارت کے درمیان کیپ ٹاؤن کے نیولینڈ اسٹیڈیم میں کھیلے جانے والے ٹیسٹ میچ میں کئی ریکارڈ بنے۔ بلیو شرٹس تاریخ میں پہلی مرتبہ جنوبی افریقہ کو کیپ ٹاؤن میں کسی ٹیسٹ میچ میں ہرانے میں کامیاب رہے جس کا سہرا سراج اور بمراہ کے سر رہا۔

سیریز کے دوسرے ٹیسٹ میچ میں بھارت نے ہوم سائیڈ کو 7 وکٹوں سے شکست دی۔ پروٹیز اپنی پہلی اننگز میں محض 55 پر ڈھیر ہوگئے تھے۔ اس اننگز میں محمد سراج نے 15 رنز دے کر 6 وکٹیں حاصل کی تھیں۔

بعد ازاں اپنی پہلی اننگز میں بھارتی ٹیم 153 پر آل آؤٹ ہوئی تھی جبکہ اس کی چھ وکٹیں بغیر کسی اسکور کے 153 کے اسکور پر ہی گری تھیں جو کہ تاریخ میں پہلی بار ہوا تھا۔

جنوبی افریقہ کی ٹیم دوسری اننگز میں بھی کوئی خاص کارکردگی نہ دکھا سکی اور 176 رنز بنا کر آل آؤٹ ہوگئی۔ مشکل بیٹنگ کنڈیشنز میں ایڈن مارکرم نے عمدہ سنچری اسکور کی۔ جسپریت بمراہ نے شاندار بولنگ کرتے ہوئے 61 رنز کے عوض 6 وکٹیں اپنے نام کیں۔

دوسری اننگز میں بھارت کو جیت کےلیے صرف 79 رنز کا آسان ہدف ملا جو اس نے 12 ویں اوور میں تین وکٹیں کے نقصان پر حاصل کرلیا اور کیپ ٹاؤن میں ٹیسٹ میچ نہ جیتنے کی روایت توڑ ڈالی۔

کیپ ٹاؤن میں بھارت کا بدترین ریکارڈ ابھی سے سورماؤں کے ہوش اڑانے لگا، انڈین ٹیم یہاں کبھی کوئی ٹیسٹ میچ نہیں جیت پائی۔

تفصیلات کے مطابق بھارتی کرکٹ ٹیم کو جنوبی افریقہ کے خلاف کیپ ٹاؤن میں ہونے والے دوسرے ٹیسٹ میں تاریخ بدلنے کے لیے کچھ الگ قسم کی پرفارمنس کا مظاہرہ کرنا ہوگا۔ کیپ ٹاؤن میں بھارتی ٹیم کی کارکردگی کسی کلب لیول کی ٹیم سے بھی گئی گزری ہے۔

کیپ ٹاؤن کا نیولینڈز اسٹیڈیم اب تک بھارت کی کرکٹ ٹیم کے لیے ڈراؤنا خواب ثابت ہوا ہے۔ بلیو شرٹس کو یہاں کھیلے جانے والے 6 ٹیسٹ میچز میں بھی کامیابی نہیں ملی ہے۔

بھارتی ٹیم کا جنوبی افریقہ میں جنوبی افریقہ کے خلاف ریکارڈ ویسے بھی بدترین ہے۔ جنوبی ایشیائی ٹیم اب تک یہاں سے ٹیسٹ سیریز میں کبھی بھی فاتح بن کر نہیں لوٹی۔

سال 2010-2011 میں ایم ایس دھونی کی قیادت میں بھارتی ٹیم جنوبی افریقہ میں سیریز 1-1 سے ڈرا کرنے میں کامیاب رہی تھی۔

اس بار بھی بھارتی ٹیم کا جنوبی افریقہ کو اس کی سرزمین پر سیریز ہرانے کا خواب پورا نہیں ہوسکے گا کیوں کہ میزبان ٹیم کو پہلے ٹیسٹ میچ میں شکست ہوچکی ہے۔ اگر بلیوشرٹس کیپ ٹاؤن ٹیسٹ جیت بھی جائیں تو سیریز برابری پر ختم ہوگی۔

کیپ ٹاؤن میں کھیلے جانے والے چھ ٹیسٹ میچز میں سے 4 میں بھارت کو شکست کا سامنا کرنا پڑا ہے جبکہ ٹیم دو میچ ڈرا کرنے میں کامیاب رہی۔ آخری بار 2022 میں ہونے والے ٹیسٹ میچ میں بھارت کو جنوبی افریقہ کے خلاف سات وکٹوں سے شکست ہوئی تھی۔