Tag: کیپ ٹاؤن ٹیسٹ

قومی ٹیسٹ ٹیم کے کپتان شان مسعود نے آؤٹ ہونے کے بعد ہاک آئی کی درستگی پر سوال اٹھا دیا۔

کیپ ٹاؤن ٹیسٹ کے چوتھے روز کپتان شان مسعود نے 145 رنز کی عمدہ اننگز کھیلی اور انہیں 84ویں اوورز میں ریویو پر تھرڈ امپائر نے آؤٹ قرار دیا۔

شان مسعود کو کروائی گئی گیند تھوڑی نیچے رہی اور اسے امپائر نتن مینن نے ناٹ آؤٹ قرار دیا۔

جنوبی افریقا نے امپائر کے فیصلے پر ریویو لیا اور بال ٹریکنگ سسٹم میں گیند آف اسٹمپ سے ٹکرا گئی جس کے بعد شان مسعود آؤٹ قرار پائے۔

لیکن ٹی وی اسکرین پر ڈریسنگ روم میں شان مسعود ساتھیوں کے ساتھ فیصلے پر اعتراض کرتے ہوئے دکھائی دیئے۔

شان نے ڈریسنگ روم میں جا کر ہیڈ کوچ عاقب جاوید کی اس جانب توجہ کروائی اور یہ تاثر ملا کہ انہیں غلط آؤٹ قرار دیا گیا ہے لیکن عاقب جاوید نے کوئی بڑا ریسپانس نہیں دیا۔

کاگیسو ربادا کی بال پر آف اسٹمپ کے باہر گری لیکن ریویو میں دکھائی دیاکہ وہ وکٹ کو اڑاتے ہوئے نظر آئی جس کی وجہ سے امپائروں نے اپنے فیصلے کو تبدیل کیا اور شان مسعود کو ایل بی ڈبلیو آؤٹ قرار دیا ۔ شان مسعود 145 رنز بنا کر آؤٹ ہوئے۔

واضح رہے کہ کیپ ٹاؤن ٹیسٹ میں جنوبی افریقا نے پاکستان کو 10 وکٹوں سے شکست دے کر وائٹ واش کیا تھا۔

کیپ ٹاؤن ٹیسٹ میں شکست کے بعد آئی سی سی نے پاکستان ٹیم پر جرمانہ بھی عائد کردیا۔

انٹرنیشنل کرکٹ کونسل (آئی سی سی) نے جنوبی افریقا کے خلاف ٹیسٹ میچ میں سلو اوور ریٹ پر پاکستان کے 5 ورلڈ ٹیسٹ چیمپئن شپ پوائنٹس کاٹ لیے ہیں۔

آئی سی سی کی جانب سے پاکستانی کھلاڑیوں پر میچ فیس کا 25 فیصد جرمانہ بھی لگادیا گیا ہے۔

کیپ ٹاؤن ٹیسٹ میں پاکستان ٹیم مقررہ وقت میں پانچ اوورز پیچھے رہی، کپتان شان مسعود نے بھی سلو اوور ریٹ پر اپنی غلطی تسلیم کرلی ہے۔

واضح رہے کہ جنوبی افریقا نے گزشتہ روز کیپ ٹاؤن ٹیسٹ میں پاکستان کو شکست دے کر سیریز میں 2-0 سے وائٹ واش کیا تھا۔

کیپ ٹاؤن میں کھیلے گئے دوسرے ٹیسٹ میچ میں میزبان جنوبی افریقا نے پاکستان کو 10 وکٹوں سے شکست دی اور 58 رنز کا ہدف بغیر کسی نقصان کے 8ویں اوور میں ہی حاصل کرلیا، پاکستان کو جنوبی افریقی سرزمین پر لگاتار 9ویں ٹیسٹ میں شکست ہوئی ہے۔

پاکستان کی ٹیم دوسری اننگز میں 478 رنز بنا کر آؤٹ ہوئی اور جنوبی افریقہ کو جیت کے لیے 58 رنز کا ہدف دیا۔

یاد رہے کہ پاکستان پہلی اننگز میں 194 رنز پر آؤٹ ہوکر فالو آن کا شکار ہوا تھا، جنوبی افریقا نے پہلی اننگز میں 615 رنز کا پہاڑ کھڑا کیا تھا اور پہلی اننگز میں 421 رنز کی برتری حاصل کی تھی۔

کیپ ٹاؤن ٹیسٹ میں جنوبی افریقا نے پاکستان کے خلاف رنز کا پہاڑ کھڑا کردیا، پاکستان نے پہلی اننگز میں تین وکٹیں گنوا کر 64 رنز بنالیے۔

پاکستان اور جنوبی افریقا کے درمیان جاری کیپ ٹاؤن ٹیسٹ کے دوسرے روز کا کھیل ختم ہوگیا، پاکستان نے پہلی اننگز میں 3 وکٹیں گنوا کر 64 رنز بنالیے اور جنوبی افریقا کی برتری ختم کرنے کے لیے مزید 551 رنز درکار ہیں۔

بابر اعظم 31 اور محمد رضوان 9 رنز بنا کر ناٹ آؤٹ ہیں، کامران غلام 12، شان مسعود 2، سعود شکیل بغیر کوئی رن بنائے پویلین لوٹ گئے۔

جنوبی افریقا کی جانب سے کاگیسو ربادا نے دو اور مارکو ینسن نے ایک کھلاڑی کو آؤٹ کیا ہے۔

اس سے قبل جنوبی افریقا کی ٹیم پہلی اننگز میں 615 رنز بنا کر آؤٹ ہوئی، رائن ریکلٹن نے ریکارڈ 259 رنز کی اننگز کھیلی، ٹیمبا باووما نے 106 او رکائل ویرینا نے 100 رنز بنائے۔

View this post on Instagram

A post shared by Pakistan Cricket (@therealpcb)

مارکو ینسن 62 اور کیشو مہاراج 40 رنز کے ساتھ نمایاں رہے، مارکرم 17، ربادا 6، ویان ملڈر اور بیڈنگھم 5، 5 رنز بناسکے، ٹرسٹن اسٹبس اور کوینا ماپھاکا بغیر کوئی رن بنائے آؤٹ ہوئے۔

پاکستان کی جانب سے محمد عباس اور سلمان علی آغا نے تین، تین کھلاڑی آؤٹ کیے، خرم شہزاد اور میر حمزہ نے دو، دو وکٹیں حاصل کیں۔

واضح رہے کہ جنوبی افریقا کو دو ٹیسٹ میچز کی سیریز میں 1-0 کی برتری حاصل ہے، میزبان ٹیم نے پاکستان کو پہلے ٹیسٹ میچ میں سنسنی خیز مقابلے کے بعد 2 وکٹوں سے شکست دی تھی۔

جنوبی افریقا کے خلاف کل سے شروع ہونے والے دوسرے ٹیسٹ سے قبل کپتان شان مسعود کا اہم بیان آگیا۔

اے آر وائی نیوز کے مطابق قومی ٹیم کے کپتان شان مسعود نے میڈیا سے گفتگو کرتے ہوئے کہا کہ جنوبی افریقا کے پاس آل راؤنڈرز موجود ہیں لیکن وہ اسپنر کھلا رہے ہیں، حتمی ٹیم کا فیصلہ ابھی نہیں کیا کل کریں گے۔

شان مسعود نے بتایا کہ پچ پر سنچورین سے کم گھاس ہے جبکہ پہلے میچ کی صورتحال کو دیکھتے ہوئے عامر جمال سے زیادہ بولنگ نہیں کروائی تھی۔

واضح رہے کہ دو ٹیسٹ میچز کی سیریز میں جنوبی افریقا کو 1-0 کی برتری حاصل ہے، میزبان ٹیم نے پاکستان کو سنچورین ٹیسٹ میں سنسنی خیز مقابلے کے بعد 2 وکٹوں سے شکست دی تھی۔

جنوبی افریقا کی جانب سے دوسرے ٹیسٹ میچ کے لیے پلیئنگ الیون کا اعلان کردیا گیا ہے۔

میزبان ٹیم میں تین تبدیلیاں کی گئی ہیں، اوپنر ٹونی ڈی زورزی، کوربن بوش، ڈین پیٹرسن کی جگہ کیشو مہاراج، ویان ملڈر اور کوینا ماپھاکا کو شامل کیا گیا ہے۔

واضح رہے کہ بوش اور ڈین پیٹرسن نے پاکستان کے خلاف کامیابی اہم کردار ادا کیا تھا۔

پیٹرسن نے پہلی اننگز میں پاکستان کے خلاف پانچ وکٹیں حاصل کی تھیں جبکہ بوش نے 81 رنز کی شاندار اننگز کھیلنے کے ساتھ 4 شکار بھی کیے تھے۔

اوپنر زورزی دونوں اننگز میں صرف 2 رنز بنا کر پویلین لوٹ گئے تھے، ایڈن مرکرام اور ریان رکیلٹن اننگز کا آغاز کریں گے۔

مڈل آرڈر میں کپتان ٹمبا باووما، ٹرسٹن اسٹبس، ڈیوڈ بیڈنگھم اور وکٹ کیپر بیٹر کیل ویرینے شامل ہیں، فاسٹ بولر میں کاگیسو ربادا، مارکو جنسن، ماپھاکا شامل ہیں۔

جنوبی افریقا پلیئنگ الیون

جنوبی افریقا کی ٹیم میں کپتان ٹمبا باووما، ایڈن مرکرام، ریان رکیلٹن، ویان ملڈر، ٹرسٹن اسٹبسم ڈیوڈ بیڈنگھم، کیل ویرینے، مارکو جنسن، کیشو مہاراج، کاگیسو ربادا اور کوینا ماپاکھا شامل ہیں۔

جنوبی افریقہ اور بھارت کے درمیان کیپ ٹاؤن کے نیولینڈز اسٹیڈیم میں کھیلا جانا والا ٹیسٹ تاریخ میں سب سے کم دورانیے کا میچ ثابت ہوا۔

تفصیلات کے مطابق کیپ ٹاؤن میں کرکٹ کی 147 سالہ تاریخ میں ایسا پہلی بار ہوا کہ صرف 107 اوورز میں کھیل ختم اور پیسہ ہضم ہوگیا۔ یہ اب تک کی تاریخ کا مختصر ترین ٹیسٹ میچ ثابت ہوا جس میں پہلے دن 23 وکٹیں گرنے کا بھی ریکارڈ قائم ہوا۔

اس میچ میں دونوں ٹیموں کی جانب سے مجموعی طور پر صرف اور صرف 642 گیندیں پھینکی گئیں۔ میچ کا اختتام دوسرے ہی دن بھارت کی جیت پر ہوا جس نے سیریز بھی 1-1 سے برابر کردی۔

اس سے قبل 2021 میں بھارت اور انگلینڈ کے درمیان ہونے والا ٹیسٹ میچ بھی کافی مختصر دورانیے کار رہا تھا جس میں 842 بالز کرائی گئی تھیں۔ ایسا بھارتی ٹیم کے ساتھ دوسری بار ہوا ہے۔

اب تک ٹیسٹ کرکٹ کی تاریخ کے مختصر ترین پانچ میچز کا احوال درج ذیل ہے۔ پہلا مقابلہ تو حال ہی میں جنوبی افریقہ اور بھارت کے مابین ہوا جس میں محض 107 اوورز پھینکے گئے۔ مہمان بھارت کو اس میچ میں 7 وکٹوں سے فتح ملی۔

دوسرے نمبر پر آسٹریلیا اور جنوبی افریقہ کے درمیان 1935 میں ہونے والا ٹیسٹ میچ ہے جس میں محض 109.2 اوورز ہی کرائے جاسکے۔ اس میچ کی خاص بات یہ تھی کہ جنوبی افریقی ٹیم دنوں اننگز میں کل ملا کر 81 رنز ہی بنا سکی تھی اور آسٹریلیا یہاں فاتح ٹھہرا۔

تیسرا مختصر ٹیسٹ میچ بھی 1935 میں ہوا جس میں انگلینڈ اور ویسٹ انڈیز مدمقابل تھے۔ اس میچ میں 112 اوورز پھینکے گئے جبکہ فتح انگلش ٹیم کے حصے میں آئی تھی۔

چوتھے نمبر پر 1888 میں انگلینڈ اور آسٹریلیا کے درمیان کھیلا جانے والا ٹیسٹ میچ اوورز اور دورانیے لے لحاظ سے سب سے چھوٹا رہا۔ ایشیر سیریز کے اس میچ میں مجموعی طور پر 196 اوورز کرائے گئے اور فتح انگلینڈ کی جھولی میں گری۔

پانچویں نمبر پر مختصر ترین ٹیسٹ میچ میں 197 اوورز پھینکے گئے اور یہ بھی سن 1888 میں انگلینڈ اور آسٹریلیا کے درمیان منعقد ہوا۔ اس میچ میں کامیابی آسٹریلوی ٹیم کی جھولی میں گری۔