Tag: کیپ ٹاؤن ٹیسٹ

کیپ ٹاؤن: قومی کرکٹ ٹیم کے بیٹنگ کوچ گرانٹ فلاور نے اعتراف کیا ہے کہ ڈریسنگ روم کا ماحول اچھا نہیں ہے اور سنچورین ٹیسٹ میں ناکامی کے بعد کچھ کھلاڑیوں کی جگہ خطرے میں ہے۔

تفصیلات کے مطابق سنچورین ٹیسٹ میں ناکامی کے بعد بیٹنگ کوچ بھی ڈریسنگ روم کے ماحول پر خاموش نہ رہ سکے، گرانٹ فلاور نے اعتراف کیا کہ ڈریسنگ روم کا ماحول اچھا نہیں ہے جبکہ کچھ کھلاڑیوں کی جگہ خطرے میں ہے۔

بیٹنگ کوچ گرانٹ فلاور نے کہا کہ ہیڈ کوچ مکی آرتھر نے پلیئرز سے کچھ سخت الفاظ کہے مگر ان میں کچھ سچائی بھی تھی، امید ہے کھلاڑی ہیڈ کوچ کی باتیں چیلنج کے طور پر لیں گے۔

گرانٹ فلاور نے کہا کہ جو اندر کی خبریں باہر دے رہے ہیں انہیں خود کو آئینے میں دیکھنے کی ضرورت ہے۔

مزید پڑھیں: کیپ ٹاؤن ٹیسٹ، محمد عباس فٹ، محمد رضوان کی شمولیت کا امکان

انہوں نے کہا کہ کوئی بھی شکست پسند نہیں کرتا ہے، ٹیم سلیکشن میں میرا کوئی عمل دخل نہیں ہے مگر بہت سے کھلاڑیوں کے لیے خطرہ دکھائی دے رہا ہے تاہم ایک دو کھلاڑیوں پر انگلیاں نہیں اٹھائی جاسکتیں۔

فلاور نے اظہر علی کی جانب سے ڈین ایلگر کے کیچ کو تھرڈ امپائر کی جانب سے مسترد کرنے پر کہا کہ میرے خیال میں یہ ایک غلط فیصلہ تھا، فیلڈ امپائر جب بیٹسمین کو آؤٹ قرار دے چکا تھا تو ناکافی شواہد پر اس فیصلے کو برقرار رکھنے کی ضرورت تھی۔

واضح رہے کہ جنوبی افریقہ نے پاکستان کو سنچورین ٹیسٹ میچ میں 6 وکٹوں سے شکست دی تھی، تین ٹیسٹ میچز کی سیریز میں جنوبی افریقہ کو 1-0 کی برتری حاصل ہے۔

نیولینڈ: جنوبی افریقہ کے خلاف دوسرے ٹیسٹ میچ کے لیے محمد عباس فٹ ہوگئے ہیں، محمد رضوان کی بھی ٹیم میں شمولیت کا امکان ہے۔

تفصیلات کے مطابق سنچورین ٹیسٹ میں جنوبی افریقہ کے ہاتھوں شکست کے بعد ٹیم میں تبدیلیوں کا امکان ظاہر کیا جارہا ہے، فاسٹ بولر محمد عباس فٹ ہوگئے جبکہ مڈل آرڈر میں محمد رضوان کی شمولیت پر غور کیا جارہا ہے۔

[bs-quote quote=”حارث سہیل کو فٹنس ٹیسٹ پاس کرنے کی صورت میں ٹیم میں شامل کیا جائے گا” style=”style-6″ align=”left”][/bs-quote]

محمد رضوان کو اگر ٹیم میں شامل کیا جاتا ہے تو اسد شفیق کو باہر بیٹھنا ہوگا، اسد شفیق سنچورین ٹیسٹ کی دونوں اننگز میں ناکام رہے تھے۔

قومی ٹیم کے فاسٹ بولر محمد عباس بھی کیپ ٹاؤن ٹیسٹ کے لیے دستیاب ہوں گے، فاسٹ بولر کی واپسی سے ٹیم کا پیس اٹیک مضبوط ہوجائے گا۔

انجری کا شکار بلے باز حارث سہیل کو فٹنس ٹیسٹ پاس کرنے کی صورت میں ہی ٹیم میں شامل کیا جائے گا۔

واضح رہے کہ پاکستان اور جنوبی افریقہ کے درمیان دوسرا ٹیسٹ 3 جنوری سے شروع ہوگا جبکہ تین میچز کی سیریز میں جنوبی افریقہ کو 1-0 کی برتری حاصل ہے۔

مزید پڑھیں: سنچورین ٹیسٹ: جنوبی افریقہ نے پاکستان کو 6 وکٹوں سے شکست دے دی

یاد رہے کہ جنوبی افریقہ نے پاکستان کو سنچورین ٹیسٹ میچ میں 6 وکٹوں سے شکست دی تھی، فاسٹ بولر اولیویئر کو 11 وکٹیں حاصل کرنے پر میچ کا بہترین کھلاڑی قرار دیا گیا تھا۔