Tag: کیچ ڈراپ

پاکستان کرکٹ ٹیم کے سابق وکٹ کیپر بیٹر کامران اکمل نے گلین میکسویل کی اننگز کو ون ڈے کی تاریخی اننگز میں سے ایک قرار دیدیا۔

اے آر وائی نیوز کے پروگرام میں گفتگو کرتے ہوئے کامران اکمل کا کہنا تھا کہ گلین میکسویل کا کیچ ڈراپ ہوا اس کے بعد انھیں روکنا مشکل ہوگیا۔ آسٹریلوی بیٹر نے ون ڈے کرکٹ کی تاریخی اننگز کھیلی۔

انھوں نے کہا کہ گلین میکسویل انجرڈ تھا اس کے باوجود ڈبل سنچری بنا دی۔ جوصورتحال تھی کوئی سوچ بھی نہیں سکتا تھا آسٹریلیا جیتے گا۔

اس کے علاوہ سابق کرکٹر اظہرعلی کا کہنا تھا کہ گلین میکسویل نے مضبوط اعصاب کے ساتھ بہترین بیٹنگ کی۔

انھوں نے کہا کہ عام طور پر میکسویل کی جب بیٹنگ آتی ہے تو20 سے 22 اوورز باقی ہوتے ہیں۔ آج میکسویل کو جلدی باری ملی، انجری کے باوجود ڈبل سنچری بنا ڈالی۔

View this post on Instagram

A post shared by ICC (@icc)

سابق پاکستانی بیٹر باسط علی نے کہا کہ گلین میکسویل کی جتنی بھی تعریف کی جائےکم ہے۔ گلین میکسویل نے انجری کے باوجود ڈبل سنچری بنا کر تاریخ رقم کردی۔

باسط علی کا مزید کہنا تھا کہ افغانستان اگر آکرجیت جاتا تو پاکستان کے لیے سیمی فائنل کے رستے بند ہو جاتے۔

سوئنگ کے سلطان وسیم اکرام نے جمعہ کو آسٹریلیا کے خلاف دوسرے اوور میں کیچ ڈراپ ہونے پر اسامہ میر کے حق میں بیان دیا ہے۔

بنگلورو کے چناسوامی اسٹیڈیم میں کھیلے گئے میچ میں آسٹریلیا کی جانب سے دیے گئے 368 رنز کے تعاقب میں پاکستانی ٹیم 305 رنز پر ڈھیر ہوگئی۔

میچ میں اسامی میر نے شاہین آفریدی کی گیند پر مچل مارش کا شاندار کیچ ڈراپ کیا تھا، جس کے بعد مچل مارش نے 121 رنز کی شاندار اننگز کھیلی۔

اے سپورٹس کے پروگرام ’دی پویلین‘ میں گفتگو کرتے ہوئے وسیم اکرم نے کہا کہ اسامہ میر ورلڈ کپ میں اپنا پہلا میچ کھیل رہا تھا، اورپہلے ہی میچ میں اس سے کیچ ڈراپ ہوگیا۔

سوئنگ کے سلطان نے کہا کہ اگر اس سے غلطی ہوئی کیچ ڈراپ ہوا، تو اس وقت اس کی حوصلہ افزائی کرنی چاہیے تھی، پوری ٹیم خاص طور پر اسکیپر کو  اس کے پاس جانا چاہیے تھا اسے کم بیک کرنا چاہیے تھا، اس کی حوصلہ افزائی کرنی چاہیے تھی۔

وسیم اکرم نے یہ بھی کہا کہ ’ اسامہ میر ایک عرصے سے کرکٹ کھیل رہے ہیں، انگلینڈ کے خلاف اس نے بہترین کارکردگی دکھائی ہے، یہ کپتان کا کام نہیں اسے بتانا چاہیے کہ وہ کس سائیڈ بہترین فیلڈنگ کرسکتا ہے۔

ان کا کہنا تھا کہ جس طرح شاہین آفریدی اور حارث رؤف ہیں، انہین پتا ہے کہ مخالف ٹیم کس طرف کھیل سکتی ہے، انہیں اپنی فیلڈ سائیڈ کا پتا ہے، اسی طرح اسامہ کو بھی اپنی فیلڈ کا پتا ہونا چاہیے۔