اسلام آباد: وزیر اعظم شاہد خاقان عباسی کا کہنا ہے کہ کیڈٹ کالج حسن ابدال مستقبل کی قیادت پیدا کر رہا ہے۔ وہ کالج کی ایک تقریب میں بطور مہمان خصوصی شریک تھے۔
تفصیلات کے موقع پر حسن ابدال کیڈٹ کالج میں یوم والدین کے حوالے سے تقریب منعقد ہوئی۔ اس موقع پر وزیر اعظم شاہد خاقان عباسی تقریب کے مہمان خصوصی تھے۔ انہوں نے پریڈ کا معائنہ کیا جبکہ گورنر پنجاب رفیق رجوانہ بھی وزیر اعظم کے ساتھ تھے۔
تقریب سے خطاب کرتے ہوئے وزیر اعظم کا کہنا تھا کہ کیڈٹ کالج حسن ابدال اعلیٰ معیار کا حامل ہے۔ یہ کالج مستقبل کی قیادت پیدا کر رہا ہے۔
انہوں نے کہا کہ حسن ابدال کیڈٹ کالج برانڈ کی حیثیت اختیار کر گیا ہے۔ کالج سے فارغ التحصیل طلبہ ترقی کی بلندیوں کو چھوئیں گے اور ہر شعبہ میں اپنی صلاحیتیں بروئے کار لائیں گے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
