Tag: کے الیکٹرک صارفین

اسلام آباد : کے الیکٹرک صارفین کیلئے بجلی 10 روپے 80 پیسے فی یونٹ سستی کردی گئی۔

تفصیلات کے مطابق نیپرا نے کے الیکٹرک صارفین کیلئے بجلی 10 روپے 80 پیسے فی یونٹ سستی کرنے کی منظوری دے دی۔

نیپرا نے دسمبر کی فیول ایڈجسٹمنٹ مد میں بجلی سستی کرنےکی منظوری دی ، جس سے کے الیکٹرک صارفین کو 12 ارب 71 کروڑ روپے کا ریلیف ملے گا۔

نیپرا اتھارٹی تفصیلی فیصلہ بعد میں جاری کرے گا۔

کے الیکٹرک حکام نے بتایا کہ دسمبر میں فرنس آئل کم استعمال کیا گیا، طلب میں کمی کےباعث سسٹم میں بہتری کارجحان رہا۔

سستی بجلی سسٹم میں شامل نہ کرنے پر ممبر سندھ نے برہمی کا اظہار کرتے ہوئے کہا کہ کان ترس گئے سننے کیلئےکہ سستی بجلی کا کوئی پلانٹ لے آئے ، صوبے میں جھمپیرسمیت سستی بجلی والےپلانٹس موجودہیں، سستی بجلی والے پلانٹس سے استفادہ نہیں کیا جارہا۔

کراچی : حکومت کی جانب سے پیٹرول مہنگا ہونے کے بعد کے الیکٹرک صارفین کیلئے بجلی فی یونٹ 10 روپے 26 پیسے سستی ہونے کا امکان ہے۔

تفصیلات کے مطابق کراچی کے صارفین کیلئے ایک ماہ کیلئے بجلی کی قیمتوں میں کمی کا امکان ہے۔

کےالیکٹرک نے بجلی فی یونٹ 10 روپے 26 پیسے سستی کرنے کی درخواست دے دی ، ماہ دسمبر کیلئے کمی کی درخواست کی گئی ہے۔

دوسری جانب سی پی پی اے نے بھی بجلی کی قیمتوں میں کمی کیلئے الگ درخواست دے دی ،سرکاری ڈسکوز کے صارفین کیلئے فی یونٹ 2 روپے 19 پیسے کمی کا امکان ہے۔

سی پی پی اے کی جانب سے بھی دسمبر کے ماہ کیلئے کمی کی درخواست کی ہے، نیپرا اتھارٹی دونوں درخواستوں پر الگ الگ کل سماعت کرے گی۔

اسلام آباد : کے الیکٹرک صارفین کیلئے بجلی 4 روپے 49 پیسے تک مہنگی کردی گئی ، اضافی ایڈجسٹمنٹ جنوری سے اپریل 2023 تک 4 ماہ میں وصول کی جائیں گی۔

تفصیلات کے مطابق کراچی کے بجلی صارفین کیلئے بری خبر آگئی، نیپرا نے کے الیکٹرک صارفین کیلئے بجلی 4روپے 49 پیسے تک مہنگی کرنے کی منظوری دے دی۔

نیپرا کا کہنا ہے کہ مختلف کیٹیگریز کیلئے قیمتوں میں اضافہ ایک روپے 49 پیسےسے 4 روپے 49 پیسے تک ہوگا۔

یکساں ٹیرف کے حوالے سے وفاقی حکومت کی درخواست پر نیپرا نے فیصلہ جاری کردیا۔

نیپرا نے کہا ہے کہ نیپرا اتھارٹی نے27 دسمبرکو وفاقی حکومت کی درخواست پرسماعت کی تھی، ایڈجسٹمنٹ اکتوبر، نومبر ، دسمبر 2022 اور جنوری 2023 میں استعمال ہوئیں۔

فیصلے میں کہا گیا کہ اضافی ایڈجسٹمنٹ جنوری سے اپریل 2023 تک 4 ماہ میں وصول کی جائیں گی۔

یاد رہے وفاقی حکومت نے ڈسکوز ، کے الیکٹرک کے یکساں ٹیرف کیلئے درخواست دائر کی تھی۔

کراچی : نیپرا نے کراچی والوں کے لئے بجلی 7 روپے 43 پیسے سستی کردی، اطلاق صرف ایک ماہ کے لئے ہوگا۔

تفصیلات کے مطابق نیپرا نے کے الیکٹرک صارفین کے لئے بجلی کی قیمت 7 روپے 43 پیسے کم کرنے کی منظوری دے دی۔

کے الیکٹرک کیلئے نومبر کے ماہانہ فیول چارجز ایڈجسٹمنٹ کی مد میں قیمتوں میں کمی کی منظوری دی گئی، اطلاق صرف ایک ماہ کے لئے ہوگا۔

نیپرا کی جانب سے جاری نوٹیفکیشن میں کہا گیا ہے کہ لائف لائن صارفین 300 یونٹس تک گھریلو صارفین، زرعی صارفین اور الیکٹرک وہیکل چارجنگ اسٹیشنز پراطلاق نہیں ہوگا۔

نیپرا کا کہنا تھا کہ کے الیکٹرک نے 7 روپے 4 پیسے فی یونٹ کمی کی درخواست کی تھی، اتھارٹی نے 27 دسمبر 2022 کو عوامی سماعت کی۔

اس سے قبل اکتوبر کا فیول چارجز ایڈجسٹمنٹ صارفین سے 2 روپے 45 پیسے فی یونٹ کمی کے ساتھ چارج کیا گیا تھا، نومبر کا ایف سی اے اکتوبر کی نسبت صارفین سے4 روپے 98 پیسےمزید کم چارج کیا جائے گا۔

دوسری جانب نیپرا نے بجلی 19 پیسے مہنگی کر دی، اطلاق صرف جنوری کے مہینے کے بلوں پر ہوگا۔

اطلاق ڈسکوز کے تمام صارفین ماسوائے لائف لائن اور الیکٹرک وہیکل چارجنگ اسٹیشنز پر ہوگا تاہم اطلاق کے الیکٹرک صارفین پر بھی اطلاق نہیں ہوگا۔

نیپرا کی جانب سے جاری نوٹیفکیشن کے مطابق نیپرا نے ڈسکوز کے نومبر کے ماہانہ فیول چارجز ایڈجسٹمنٹ کی مد میں سنٹر پاور پرچیزنگ ایجنسی نے 20 پیسے فی یونٹ اضافے کی درخواست کی تھی، اتھارٹی نے 27 دسمبر2022 کو ایف سی اے پرعوامی سماعت کی تھی۔