Tag: کے الیکٹرک

کراچی : سندھ ہائی کورٹ نے کے الیکٹرک سے 15 جولائی کو بجلی کی پیدوار اور لوڈشیڈنگ سے متعلق پلان مانگ لیا۔

تفصیلات کے مطابق سندھ ہائی کورٹ میں کراچی الیکٹرک کمپنی کی جانب سے ہیٹ ویو کے دوران لوڈشیڈنگ اور غیراعلانیہ بجلی کی بندش پر جماعت اسلامی کی درخواست پر تحریری حکم نامہ جاری کردیا گیا۔

عدالت نے کہا کہ کراچی کو بجلی سپلائی کرنے والی کمپنی کے وکیل عابد زبیری عدالت میں پیش ہوئے، وکیل نے نوٹس موصول کرتے کو درخواست کی کاپی مانگ لی ہے ، وکیل نے ہیٹ ویو کےدوران ذمہ داری سے متعلق رپورٹ پیش کرنے کیلئے مہلت مانگی ہے۔

حکم نامے میں عدالت نے کے الیکٹرک سے 15 جولائی کو بجلی کی پیدوار اور لوڈشیڈنگ سے متعلق پلان مانگ لیا۔

درخواست میں کہا گیا تھا کہ کراچی کو بجلی سپلائی کرنے والی کمپنی کو بالخصوص ہیٹ ویو میں بلا تعطل بجلی فراہم کرنے کی ہدایت کی جائے، کمپنی کی جانب سے 71فیصد فیڈرز کو لوڈ شیڈنگ فرکرنے کو غلط قرار دیا گیا ہے۔

جماعت اسلامی کا کہناتھا کہ کمپنی کی غیر معیاری کارکردگی کے باعث نیپرانے5کروڑ کا جرمانہ بھی عائد کیا تھا جبکہ کراچی کاکاروباری طبقہ بھی متاثر ہو رہا ہے۔

درخواست میں وزارت توانائی ، نیپرا اور کراچی الیکٹرک کمپنی کو فریق بنایا گیا ہے۔

کراچی : کے الیکٹرک نے سندھ حکومت سے10 ارب پچاس کروڑ روپے واجبات کی فوری ادائیگی کا مطالبہ کردیا۔

تفصیلات کے مطابق کے الیکٹرک کے ترجمان کی جانب سے بیان میں کہا گیا ہے کہ حکومت سندھ کی جانب تقریبآ 10.50 ارب روپے کے واجبات ہیں، عدم ادائیگیوں کے باعث بجلی کی بلاتعطل فراہمی میں شدید مسائل درپیش ہیں۔.

حکومت سندھ کی جانب تقریبآ 10.50 ارب روپے کے واجبات ہیں، ترجمان کے-الیکٹرک

حکومت سندھ کی جانب سے عدم ادائیگیوں کے باعث بجلی کی بلاتعطل فراہمی میں شدید مسائل درپیش ہیں، ترجمان کے-الیکٹرک

واجبات کی فوری ادائیگی کی اپیل کرتے ہیں، ترجمان کے-الیکٹرک

— Imran Rana, Spokesperson, K-Electric (@imranrana21) June 25, 2024

ترجمان نے مطالبہ کیا کہ سندھ حکومت سے دس ارب پچاس کروڑ روپے واجبات کی فوری ادا کرے

خیال رہے شہر کراچی میں قیامت خیز گرمی کے ساتھ بجلی سپلائی کرنے والی کمپنی کی ہٹ دھرمی عروج پر ہے، شدید گرمی میں بھی 12 سے 16 گھنٹے کی لوڈشیڈنگ کی جارہی ہے

کراچی : شدید گرمی میں بجلی کی بدترین لوڈشیڈنگ کے الیکٹرک کراچی والوں کے جان کی دشمن بن گئی، شہر کا کوئی علاقہ لوڈشیڈنگ سے نہ بچا۔

تفصیلات کے مطابق کراچی میں شدید گرمی کے باوجود شہریوں کو بجلی میسر نہیں، دن ہو یا رات، کہیں مرمت کے نام پرتو کہیں لوڈ شیڈنگ کی صورت میں شہری بجلی سے محروم ہیں اور دہری اذیت برداشت کرنے پر مجبور ہیں۔

سو فیصدبلنگ والےعلاقوں کو بھی مرمت کے نام پر بجلی کی بندش کاعذاب جھیلنا پڑ رہا ہے، تکنیکی فالٹ اور منٹیننس کے نام پر کئی علاقوں میں بجلی کی بندش کا دورانیہ سولہ گھنٹے تک جا پہنچا ہے۔

شہریوں کا کہنا ہے کہ دن ہو یا رات، گھروں میں پنکھے نہیں چلتے، بجلی آتی نہیں لیکن بل ہوش اُڑا دیتے ہیں۔

نارتھ کراچی ، لیاری، شاہ فیصل، لانڈھی، کورنگی، ملیر، گلستان جوہر ہو یا صفورا، شہر کا کوئی علاقہ بجلی کی بندش سے محفوظ نہیں رہا۔

شہریوں کا کہنا ہے شدید گرمی میں عوام کو مشکل میں مبتلا کرنے کے بجائے بجلی فراہم کی جائے۔

کراچی: عید سے قبل کراچی کو بجلی فراہمی کرنے والے والی کمپنی کے الیکٹرک نے سرکاری محکموں کی بجلی منقطع کردی ہے۔

تفصیلات کے مطابق کے الیکٹرک کی جانب سے بجلی منقطع ہونے سے بلدیاتی کاموں میں ملازمین کو مشکلات کا سامنا ہے، بجلی کمپنی نے کراچی کے 25 ٹاؤن میونسپل کارپوریشن کی بجلی منقطع کی ہے۔

کے الیکٹرک اور انرجی ڈیپارٹمنٹ کے تنازع کے سبب بجلی منقطع کی گئی، ٹاؤنز کو عیدِ قربان کی الائیش اٹھانے کے حوالے سے تیاریوں میں مشکلات کا سامنا ہے۔

خیال رہے کہ اس سے قبل کے الیکٹرک نے سندھ حکومت سےایک ارب 70 کروڑ کی ادائیگی کا مطالبہ کرتے ہوئے کہا تھا کہ واجبات ادا نہیں کیے گئے تو بجلی منقطع کر دیں گے۔

مالی سال کے اختتام پر کے الیکٹرک نے مختلف اداروں سے واجبات کا تقاضا شروع کردیا ہے، کمپنی نے چیف سیکریٹری اور سیکریٹری توانائی کو خط ارسال کر دیے ہیں۔

خط میں واضح کیا گیا ہے کہ کمپنی مالی پریشانی کا شکار ہے۔ کے الیکٹرک نے سندھ حکومت سے ایک ارب 70 کروڑ روپے واجبات کی ادائیگی کا مطالبہ کرتے ہوئے کہا تھا کہ مخلتف محکموں کے واجبات ادا نہیں کیے تو بجلی منقطع کر دیں گے۔

خط میں سندھ حکومت کے 64 نادہندہ محکموں کوموجودہ بل ادا کرنے کی ڈیڈ لائن دی گئی تھی اور کہا گیا تھا کہ بل ادا نہ کرنے پر سندھ کے 64 محکموں کی بجلی کاٹ دیں گے۔

کراچی: کے الیکٹرک نے سندھ حکومت سےایک ارب 70 کروڑ کی ادائیگی کا مطالبہ کرتے واجبات ادا نہیں کیے تو بجلی منقطع کر دیں گے۔

تفصیلات کے مطابق مالی سال کے اختتام کے الیکٹرک سرگرام مختلف ادارون سے واجبات کا تقاضا شروع کر دیا۔

کراچی کو بجلی سپلائی کرنے والی کمپنی کی جانب سے چیف سیکریٹری اور سیکریٹری توانائی کو خط ارسال کر دیے، خط میں واضع کیا گیا ہے کہ کمپنی مالی پریشانی کا شکار ہے۔

کراچی الیکٹرک سپلائی کارپوریشن نے مالی سال کے اختتام پر سندھ حکومت سے ایک ارب 70 کروڑ روپے واجبات کی ادائیگی کا مطالبہ کرتے ہوئے کہا کہ مخلتف محکموں کے واجبات ادا نہیں کیے تو بجلی منقطع کر دیں گے۔

خط میں سندھ حکومت کے 64 نادہندہ محکموں کوموجودہ بل ادا کرنے کی ڈیڈ لائن دے دی اور کہا کہ بل ادا نہ کرنے پر سندھ کے 64 محکموں کی بجلی کاٹ دیں گے۔

خط میں طے شدہ معاہدے کے تحت واجبات ادا نہ کرنے کی شکایت کی ہے اور کہا کہ سندھ حکومت کو 8 خط لکھے جاچکے ہیں مگر وعدے کے مطابق واجبات اور بل ادا نہیں کئے گئے۔

حکومت سندھ نے 2019میں طے کیا تھا کہ تمام واجبات اور نئے بل ادا کردیئے جائیں گے ، محکمہ توانائی سندھ کو بجلی کے بل اور واجبات ادا کرنے کی ذمہ داری دی گئی تھی۔

صوبائی محکموں کے بجلی کنکشن منقطع کرنے کی کارروائی شروع کرچکے ہیں ۔

کراچی کو بجلی سپلائی کرنے والی کمپنی نے خط میں 64 صوبائی محکموں کی فہرست بھی شامل کردی گئی ہے، جس پر چیف سیکریٹری نے محکموں سے تفصیلات طلب کرلی ہیں۔

کراچی : کے الیکٹرک کو بہترین کارکردگی والی کمپنی قرار دے دیا گیا ، کمپنی نے بجلی پیدوار میں 96.5، ٹرانسمیشن میں95 اور ڈسٹری بیوشن میں 88 اسکورحاصل کیا۔

تفصیلات کے مطابق نیشنل الیکٹرک پاور ریگولیٹری اتھارٹی (نیپرا) نے ایچ ایس ای رپورٹ میں کے الیکٹرک کو بہترین کارکردگی والی کمپنی قرار دے دیا۔

ترجمان نے بتایا کہ کمپنی کو حفاظتی اقدامات کی وجہ سےیہ مقام حاصل ہوا، بجلی کی پیدوار، ترسیل اور تقسیم میں کمپنی نے نمایاں کارکردگی دکھائی۔

ترجمان کا کہنا تھا کہ بجلی پیدوارمیں96.5،ٹرانسمیشن میں95،ڈسٹری بیوشن میں88اسکورحاصل کیا، یہ اسکور ملک میں کام کرنے والی تمام ڈسٹری بیوشن کمپنیوں سے کئی درجہ بہتر ہے۔

کراچی کو بجلی سپلائی والی کمپنی نے مزید کہا کہ سرمایہ کاری کے ذریعےآپریشنل مقامات پرحفاظت کویقینی بنایاگیا اور خطرات کم کرنے، حادثات سے بچاؤ کیلئے ایچ ایس ای نظام میں خطیر سرمایہ کاری کی۔