Tag: کے الیکٹرک

اسلام آباد: اقتصادی رابطہ کمیٹی کے اجلاس میں کے الیکٹرک کیلئے 70 ارب کی ایڈوانس سبسڈی کی منظوری کا امکان ہے۔

تفصیلات کے مطابق وفاقی کابینہ کی اقتصادی رابطہ کمیٹی کا اجلاس آج ہوگا، اجلاس کا ایجنڈا جاری کردیا ہے۔

ایرا کیلئے 5 ارب 89 کروڑ روپے کی ضمنی گرانٹ کی منظوری دی جائے گی جبکہ کے الیکٹرک کیلئے 70 ارب کی ایڈوانس سبسڈی کی منظوری کا امکان ہے۔

آزاد کشمیر کے بقایاجات کی مد میں 55 ارب کی منظوری پر غور کیا جائے گا جبکہ ایٹمی توانائی کمیشن کیلئے 4 ارب 86 کروڑ روپے کی ضمنی گرانٹ ایجنڈے میں شامل ہیں۔

وزارت توانائی کیلئے 2.5 ارب روپے کی تکنیکی ضمنی گرانٹ اور دفاعی پیداوار کیلئے 20 کروڑ روپے کی تکنیکی گرانٹ کی منظوری متوقع ہے۔

چمن بارڈر پر کام کرنے والے ڈیلی ویج ورکرز کیلئے خصوصی ریلیف کی منظوری کا امکان ہے، خریف سیزن کیلئے یوریا کھاد کی ضروریات پوری کرنے کیلئے حکمت عملی پر غور ہوگا۔

پاکستان اسٹیل ملز ملازمین کو تنخواہوں کی ادائیگی کیلئے فنڈز کی منظوری متوقع ہے ، پاکستان اسٹیل ملز ملازمین کو جنوری سے جون تک کی تنخواہ جاری کی جائے گی۔

نیکسٹ جنریشن موبائل برانڈ بینڈ سروس کیلئے ایڈوائزری کمیٹی کی تشکیل میں نظرثانی متوقع ہے ، وزارت داخلہ اور ہاؤسنگ کیلئے اضافی فنڈز کی منظوری کا امکان ہے۔

یو این مشن میں تعیناتی کیلئے پولیس یونٹ کیلئے فنڈز کا اجرا ایجنڈے میں شامل ہیں ، ای سی سی نیب کے فنڈز سے متعلق سمری پر بھی غور کرے گی۔

اسلام آباد : کراچی والے بجلی کی قیمت میں بڑے اضافے کیلئے تیار ہوجائیں، کے الیکٹرک نے ایک ساتھ9 ماہ کی ماہانہ فیول ایڈجسٹمنٹ کی درخواست جمع کرادی۔

تفصیلات کے مطابق کے الیکٹرک نے7 ماہ کی ماہانہ ایڈجسٹمنٹ کیلئے فی یونٹ 18.86 روپے کا اضافہ مانگ لیا۔

ایک ساتھ 9 ماہ کی ماہانہ فیول ایڈجسٹمنٹ کی درخواست نیپرا میں جمع کرائی ہے۔

جولائی2023 تا مارچ 2024 کی ماہانہ ایڈجسٹمنٹ کی درخواست دائر کی گئی، نیپرا میں دائر 7 ماہ کی ماہانہ ایڈجسٹمنٹ میں اضافہ مانگا ہے۔

الیکٹرک کمپنی نے 2 ماہ کی ماہانہ ایڈجسٹمنٹ میں کمی کی درخواست کی ہے، درخواست کے مطابق 7ماہ کا اضافہ فی یونٹ 18.86 روپے بنتا ہے۔

2 ماہ کے لئے کمی کی مدمیں29 پیسے کی درخواست کی گئی ہے تاہم نیپرا درخواست پر 9 مئی کو سماعت کرے۔

کراچی : کے الیکٹرک نے پٹیل پاڑہ میں غیراعلانیہ لوڈ شیڈنگ ختم کرنے کیلئے مہلت طلب کرلی، جس پر عدالت نے آئندہ سماعت پر کے الیکٹرک سے رپورٹ طلب کرلی ہے۔

تفصیلات کے مطابق کراچی میں اعلانیہ اور غیر اعلانیہ لوڈ شیڈنگ کیخلاف شہریوں کی درخواست پر سندھ ہائی کورٹ میں سماعت ہوئی، وکیل کےالیکٹرک نے بتایا کہ حکومت کی پالیسی ہے کہ نادہندہ علاقوں میں لوڈ شیڈنگ میں اضافہ کیا جائے، جس پر عدالت نے کہا کہ وضاحت کریں کہ یہ پالیسی حکومت کی ہے یا ڈسٹری بیوشن کمپنیوں کی۔

جسٹس صلاح الدین پنہور نے کے الیکٹرک وکیل سے استفسار کیا جو لوگ بل دیتے ہیں، ان کا کیا قصور ہے؟ وکیل نے بتایا کہ یہ حکومت کی پالیسی ہے اور کے الیکٹرک اس پر عملدرآمد کررہی ہے،ہائی لاسز ایریا میں لوڈ شیڈنگ کی جاتی ہے تا کہ زیادہ نقصان سے بچا جا سکے، لوڈ شیڈنگ سے متعلق پشاور ہائیکورٹ کا فیصلہ بھی موجود ہے۔

ڈپٹی اٹارنی جنرل نے کہا کہ قرآن کہتا ہے کہ کسی ایک کے جرم کی سزا دوسرے کو نہیں دی جاسکتی، جس پر وکیل کے الیکٹرک کا کہنا تھا کہ سرکاری وکیل یہ موقف تحریری طور دیدیں تو جائزہ لیں گے۔

جسٹس صلاح الدین پنہور نے کہا کہ ایک عام شہری آپ کے سامنے کھڑا ہے، لوڈ شیڈنگ سے متاثر ہے، آپ اس شہری کا مسئلہ کیسے حل کریں گے، جس پر وکیل کے الیکٹرک نے بتایا کہ جہاں جہاں بجلی چوری ہوتی ہے وہاں کارروائی کر رہے ہیں، کنڈانکال لیتے ہیں لوگ پھر لگا دیتے ہیں، اب ہمیں ایف آئی آر کا اختیار مل گیا ہے، پٹیل پاڑہ حساس علاقہ ہے، قانون نافذ کرنیوالے کو تعاون کی ہدایت کی جائے۔

درخواست گزار نے بتایا کہ یہ علاقہ کے الیکٹرک نے خود حساس قرار دیاہے،پہلے معمول کے مطابق بجلی آتی تھی، ہماری پی ایم ٹی سے 79فیصد ادائیگی ہوتی تھی،اسے دوسرے فیڈر اے منسلک کردیا گیا، اب پٹیل پاڑہ میں 24 گھنٹوں میں صرف ساڑھے 11 گھنٹے بجلی آتی ہے، جو لوگ بل دیتے ہیں ان کا کیا قصور ہے، اعلانیہ لوڈ شیڈنگ اپنی جگہ اب تو غیر اعلانیہ لوڈ شیڈنگ کی جا رہی ہے۔

کے الیکٹرک نے پٹیل پاڑہ میں غیراعلانیہ لوڈ شیڈنگ ختم کرنے کیلئے مہلت طلب کرلی ، جس پر عدالت نےآئندہ سماعت پر کے الیکٹرک سےرپورٹ طلب کرلی ہے۔

ترجمان کے الیکٹرک کا کہنا ہے کہ گلشنِ حدید میں ٹاور گرنے کے واقعے سے شہر کی بجلی فراہمی متاثر نہیں ہوئی۔

تفصیلات کے مطابق شہر میں چلنے والی تیز ہواؤں کے باعث گلشنِ حدید میں ٹاور گرنے کا واقعہ پیش آیا تھا۔ اب اس حوالے سے شہر کو بجلی فراہم کرنے والی کمپنی کے الیکٹرک کا موقف سامنے آگیا ہے۔

کے الیکٹرک حکام نے بتایا کہ گلشنِ حدید میں ٹاور گرنے سے کراچی کو بجلی کی فراہمی متاثر نہیں ہوئی ہے۔

ترجمان نے کہا کہ گلشنِ حدید کے قریب ہائی ٹینشن پول سے کوئی سپلائی منسلک نہیں ہے۔ کسی قسم کے جانی یا مالی نقصان کی اطلاع بھی موصول نہیں ہوئی۔

ٹرانسمیشن انفرااسٹرکچر ٹیسٹنگ کے لیے استعمال ہو رہا تھا جو کہ گزشتہ دنوں شہر میں چلنے والی تیز ہواؤں سے متاثر ہوا۔

ترجمان کے الیکٹرک کا مزید کہنا تھا کہ کے الیکٹرک کے عملے کو مرمتی کام کرنے کے لیے متحرک کردیا گیا ہے۔

اسلام آباد : کے الیکٹرک قابل تجدید توانائی سے سستی بجلی کی پیداوار بڑھانے میں ناکام رہی اور سستی کے بجائے مہنگی بجلی کی پیداوار پر انحصار برقرار ہے۔

تفصیلات کے مطابق کے الیکٹرک کا مہنگی بجلی کی پیداوار پر انحصار برقرار ہے اور کے الیکٹرک قابل تجدید توانائی سے سستی بجلی کی پیداوار بڑھانے میں ناکام رہی۔

نیپرا نے قابل تجدید توانائی سے کے الیکٹرک کی پیداوار غیرتسلی بخش قرار دے دی جبکہ کے الیکٹرک کا سستی کے بجائے مہنگی بجلی کی پیداوار پر اصرار ہے۔

نیپرا نے پاور پلانٹس کی کارکردگی جائزہ رپورٹ 23-2022میں تفصیلات جاری کردیں ، جس میں کہا ہے کہ قابل تجدید توانائی کی شمولیت میں کے الیکٹرک کی کارکردگی غیر تسلی بخش ہے۔

نیپرا رپورٹ میں کہا گیا ہے کہ کے الیکٹرک کی قابل تجدید توانائی سےپیداوار صرف2.4 فیصد رہی ، کےالیکٹرک کوبار بارقابل تجدید توانائی والے پلانٹس کی تعمیر کا مشورہ دیا گیا۔

کےالیکٹرک کوجنریشن مکس بہترکرکےپیداواری لاگت کم کرنے کا مشورہ دیا تاہم کےالیکٹرک مہنگے پاور پلانٹس کی شمولیت کیلئے رجوع کرتی رہی اور کےالیکٹرک سسٹم میں مہنگےپاورپلانٹس کی کیلئےاصرار کرتی رہی۔