Tag: کے الیکٹرک

کراچی : کے الیکٹرک نے نیشنل گرڈ کی مین لائن میں فنی خرابی کے باعث مختلف علاقوں میں لوڈ شیڈنگ کا دورانیہ بڑھادیا۔

تفصیلات کے مطابق نیشنل گرڈ کی مین لائن میں فنی خرابی کے باعث کراچی کو بجلی کی فراہمی میں کمی کردی گئی، جس کے بعد کے الیکٹرک نے مختلف علاقوں میں لوڈ شیڈنگ کا دورانیہ بڑھادیا۔

بجلی کی لوڈ شیڈنگ والے علاقوں میں دورانیے میں 2 سے 3 گھنٹے کا اضافہ کردیا گیا جبکہ مستثنیٰ علاقوں میں بھی 1 سے 2 گھنٹے کی لوڈ شیڈنگ شروع کردی ہے۔

اس حوالے سے ترجمان کےالیکٹرک نے بتایا کہ 500کےوی جامشورواین کے آئی سرکٹ پرعارضی فالٹ ہے، عارضی فالٹ کے باعث کراچی کو بجلی فراہمی محدود ہے۔

ترجمان کا کہنا تھا کہ این ٹی ڈی سی عملہ فالٹ کی جلد درستی کیلئے سرگرم ہے، محدود سپلائی کے سبب طلب ورسد کے شارٹ فال میں اضافہ ہوسکتا ہے۔

اسلام آباد : کراچی والوں کیلئے سہ ماہی ایڈجسٹمنٹ کے تحت بجلی 3 روپے 2 پیسے مہنگی ہونے کا امکان ہے، نیپرا کے الیکٹرک کی درخواست پر 19اکتوبر کو سماعت کرے گا۔

تفصیلات کے مطابق کراچی کیلئے ایک ہی سہہ ماہی ایڈجسٹمنٹ میں دوسری بار بجلی مہنگی کرنے کی تیاری کرلی گئی۔

سہ ماہی ایڈجسٹمنٹ کے تحت بجلی 3 روپے 2 پیسے مہنگی ہونے کا امکان ہے ، جس کے لئے کے الیکٹرک نے ایک سہ ماہی ایڈجسٹمنٹ کے تحت دوسری بار اضافہ مانگ لیا ہے۔

گزشتہ مالی سال کی چوتھی سہ ماہی ایڈجسٹمنٹ کے تحت اضافے کی درخواست دائر کی گئی، اضافہ سہ ماہی نظرثانی پرائس سیٹنگ،آپریشنزاینڈ مینٹی ننس اورسالانہ مہنگائی کی مد میں مانگا گیا۔

نیپرا حکام کا کہنا تھا کہ کے الیکٹرک نے 13 ارب روپے کے رائٹ آف کی درخواست کی ہے، نیپرا کے الیکٹرک کی درخواست پر 19اکتوبر کو سماعت کرے گا۔

نیپرا ذرائع کے مطابق کے الیکٹرک کی درخواست کو سبسڈی میں ایڈجسٹ کیا جاسکتا ہے، نیپراسماعت کے بعد اپنا فیصلہ وفاقی حکومت کو بھجوائے گی ، وفاقی حکومت کی منظوری کے بعد اضافے کا اطلاق ہو گا۔

خیال رہے کراچی کے صارفین کے لئے اس سہ ماہی ایڈجسٹمنٹ کا اضافہ پہلے بھی کیا جا چکا ہے اور کراچی کیلئے چوتھی سہ ماہی ایڈجسٹمنٹ کی مد میں بجلی 3 روپے 28 پیسے مہنگی کی جا چکی ہے۔

کراچی: بجلی کی قیمتوں میں حالیہ اضافے پر کے الیکٹرک کا مؤقف سامنے آگیا ہے۔

اے آر وائی نیوز کے مطابق ترجمان کے الیکٹرک کا کہنا ہے کہ حکومت کی درخواست پر کے الیکٹرک کے صارفین کے لیے قیمتوں میں اضافہ کیا گیا ہے۔

ترجمان کے الیکٹرک کا کہنا ہے کہ ملک بھر میں یکساں ٹیرف پالیسی کے تحت سہ ماہی ایڈجسٹمنٹ کا اطلاق کے الیکٹرک پر بھی ہورہا ہے۔

کے الیکٹرک ترجمان کے مطابق ریگولیٹڈ نظام میں بجلی قیمت اور دیگر چارجز کے تعین کی ذمہ داری حکومت اور نیپرا کے پاس ہے، قیمتوں میں ردوبدل کے الیکٹرک سمیت کسی بھی تقسیم کار کمپنی کا اختیار نہیں ہے۔

واضح رہے کہ گزشتہ روز کے الیکٹرک صارفین کیلیے بجلی 1 روپے 48 پیسے سے 4 روپے 45 پیسے فی یونٹ تک مہنگی کر دی گئی تھی۔

اضافہ مالی سال 23-2022 کی پہلی سہ ماہی ایڈجسٹمنٹ کی مد میں کیا گیا تھا۔ وفاقی حکومت نے نیپرا کی درخواست پر اضافے کی منظوری دی تھی۔

وفاقی حکومت کے نوٹیفکیشن کے بعد اضافے کا اطلاق ہو جائے گا۔ کراچی کے صارفین کو اکتوبر اور نومبر میں اضافی ادائیگیاں کرنا ہوں گی۔

300 یونٹ والے صارفین کیلیے بجلی 1 روپے 48 پیسے فی یونٹ جبکہ 301 یونٹ سے زائد والے صارفین کیلیے 3 روپے 21 پیسے فی یونٹ مہنگی کر دی گئی۔

5 کلو واٹ سے زائد کے لوڈ والے صارفین کیلیے بجلی 4 روپے 45 پیسے فی یونٹ جبکہ الیکٹرک وہیکل چارجنگ اسٹیشنز کیلیے بجلی 4 روپے 45 پیسے فی یونٹ مہنگی کی گئی۔

کراچی : کے الیکٹرک نے بجلی چوری کے خلاف آپریشن میں کروڑوں روپے کی بجلی کی چوری پکڑلی، 5 ہائیڈرنٹس بجلی کے ساڑھے 3لاکھ یونٹس اور پانی کی چوری میں ملوث تھے۔

تفصیلات کے مطابق کے الیکٹرک کا شہر بھر میں بجلی چوری کے خلاف کریک ڈاون جاری ہے ، بجلی چوری کے خلاف آپریشن کے دوران کروڑوں روپے کی بجلی کی چوری پکڑی گئی۔

ترجمان کے الیکٹرک نے بتایا کہ ناظم آباد میں 5 غیر قانونی ہائیڈرنس پر کے الیکٹرک، کے ڈبلیو ایس بی اور رینجرز نے مشترکہ آپریشن کیا ، ہائیڈرنٹس بجلی کے ساڑھے تین لاکھ یونٹس کی چوری کے ساتھ پانی کی چوری میں ملوث تھے۔

ترجمان کا کہنا تھا کہ بجلی کے غیر قانونی کنکشنز منقطع کردیئے گیے ہیں اور رینجرز نے پانچوں غیر قانونی ہائیڈرنٹس کو مسمار کر دیا ہے۔

ناظم آباد میں 5 غیر قانونی ہائیڈرنس پر کے الیکٹرک، کے ڈبلیو ایس بی اور پاکستان رینجرز کا مشترکہ آپریشن۔ہائیڈرنٹس بجلی کے ساڑھے تین لاکھ یونٹس کی چوری کے ساتھ پانی کی چوری میں ملوث تھے۔ بجلی کے غیر قانونی کنکشنز منقطع۔ پاکستان رینجرز نے پانچوں غیر قانونی ہائیڈرنٹس کو مسمار کر دیا۔ pic.twitter.com/EfXdVEP0VE

— KE (@KElectricPk) September 19, 2023

تاجررہنماؤں نے کہا ہے کہ ظالمانہ بلوں میں نیپرا کے الیکٹرک کی سہولت کاری بند کرے، تاجر دیوالیہ اور عوام خود کشیوں پر مجبور ہوگئے ہیں۔

تفصیلات کے مطابق بہادر آباد میں نیپرا کے دفتر پر تاجر رہنماؤں کی جانب سے علامتی دھرنا دیا گیا۔ اس موقع پر تاجررہنماؤں محمود حامد، عتیق میر، شریف میمن اور آصف گلفام و دیگر کا خطاب کرتے ہوئے کہنا تھا کہ نیپرا ظالمانہ بلوں میں کے الیکٹرک کی سہولت کاری کررہا ہے۔

تاجر رہنماؤں نے کہا کہ نیپرا عوام کے جذبات سے نہ کھیلے، آپ کی تنخواہیں ہمارے ٹیکس سے ادا کی جاتی ہیں۔ کے الیکٹرک اور نیپرا کی ملی بھگت کو اب ہم برداشت نہیں کریں گے۔

احتجاج کرتے ہوئے تاجررہنماؤں نے کہا کہ تاجر دیوالیہ ہورہے ہیں جب کہ عوام خود کشیوں پر مجبورہوگئے ہیں۔ حکومت پیٹرول اور بجلی سستی کرے۔

انھوں نے کہا کہ بجلی اور پیٹرول اشرافیہ کو مفت دینے کا سلسلہ بند کیا جائے۔ پروٹوکول کے نام پر 30، 30 گاڑیاں چلانے کا سلسلہ بند کیا جائے۔

کراچی : کے الیکٹرک نے کنڈا مافیا کے خلاف بڑا آپریشن کرتے ہوئے بجلی چوری میں استعمال ہونے والی 7پی ایم ٹیز کو توڑ کر ضائع کر دیا۔

تفصیلات کے مطابق کراچی میں کے الیکٹرک نے کراچی کے نو گو ایریا میں بجلی چور کنڈا مافیا کے خلاف بڑا آپریشن کیا اور بجلی چوری میں استعمال 7پی ایم ٹیز کو توڑ کر ضائع کر دیا۔

ترجمان کےالیکٹرک نے بتایا کہ کنڈا مافیا 7پی ایم ٹیز کے ذریعے سیکڑوں گھروں کو چوری کی بجلی فروخت کر رہی تھی ، بجلی چور کنڈا مافیا 4 گوٹھوں کو چوری کی بجلی فراہم کر رہے تھے۔

یاد رہے کنڈا مافیا کیخلاف کام کرنے والے جماعت اسلامی کونسلر کو فائرنگ کر کے شہید کیا گیا تھا۔

خیال رہے ملک بھرمیں بجلی چوری کے خلاف کریک ڈاؤن کا ساتواں روز ہے ، مختلف شہروں میں بجلی چوروں کوگرفتارکرکے بھاری جرمانےعائد کیےجارہے ہیں۔

لاہور میں بجلی چوروں کیخلاف دو سو چھتیس مقدمات درج کئے گئے جبکہ دس ہزار 430 مقدمات کے چالان پیش کیے جا چکےہیں، فیصل آباد ریجن میں مزید ایک سو چھتیس بجلی چور پکڑے گئے، جن پر چھ کروڑ پچانوے لاکھ سے زائد کے جرمانے کیے گئے ہیں۔