Tag: کے الیکٹرک

کراچی : ایم کیو ایم  نے کے الیکٹرک کیخلاف سندھ ہائیکورٹ میں پٹیشن دائر کردی اور کہا کے الیکٹرک ریاست کے اندر ریاست بنا کر بیٹھا ہواہے۔

تفصیلات کے مطابق ایم کیوایم نے کے الیکٹرک کیخلاف سندھ ہائیکورٹ میں درخواست دائر کردی ، اس موقع پر ایم کیوایم کےممبرصوبائی اسمبلی عامر صدیقی نے ہائیکورٹ میں بات چیت کرتے ہوئے کہا کہ لوڈ شیڈنگ کی وجہ سے لوگوں کی زندگی اجیرن کردی گئی ہے، جو لوگ بل بھر رہےوہ بھی لوڈ شیڈنگ کا سامنا کررہے ہیں۔

عامر صدیقی کا کہنا تھا کہ کے ای اربوں ڈالر کراچی کے لوگوں سے کما چکا ہے، چند لوگ امیر بنیں گے اور ملک کےسسٹم کو خراب کریں گے ، نیپرا ہر جگہ کہہ چکا ہے کہ لوڈ شیڈنگ نہیں کی جاسکتی۔

رہنما ایم کیو ایم نے کہا کہ کے ای ریاست کے اندر ریاست بنا کر بیٹھا ہواہے۔

رہنما حسان صابر کا کہنا تھا کہ نگراں حکومت نے کے ای سے معاہدے کو کرکے لوگوں کیساتھ زیادتی کی، نیپرا نے کبھی بھی کے ای کی کسی بھی درخواست کو رد نہیں کیا۔

انھوں نے مزید کہا کہ صرف کراچی میں ایک پرائیویٹ کمپنی کو کام کرنے دیا جا رہا ہے، ہم حکومت میں رہ کروہ کردار ادا کرتے ہیں جو اپوزیشن کو کرنا چاہیے۔

کراچی : کے الیکٹرک صارفین پر اضافی بوجھ ڈالنے کی تیاری کرلی گئی، اگست کی فیول ایڈجسٹمنٹ کی مد میں بجلی مزید مہنگی ہوگی۔

تفصیلات کے مطابق کراچی کیلئے بجلی مزید 51 پیسے فی یونٹ مہنگی کرنے کی درخواست پرنیپرا آج سماعت کرے گا۔

کے الیکٹرک نے اگست کی فیول ایڈجسٹمنٹ کی درخواست نیپرا میں جمع کرارکھی ہے ، اضافے سے صارفین پر 85 کروڑ 30 لاکھ روپے کا مزید بوجھ پڑے گا۔

ستمبر میں کے ای صارفین پرانی ماہانہ ایڈجسٹمنٹ میں فی یونٹ ایک روپے ادا کر چکے ہیں جبکہ نیپرا سے جولائی کی ماہانہ ایڈجسٹمنٹ کا فیصلہ آناباقی ہے۔

ذرائع نے بتایا کہ کے ای نے جولائی کی ایڈجسٹمنٹ میں فی یونٹ3.9 روپے کا اضافہ مانگ رکھا ہے۔

خیال رہے کے الیکٹرک صارفین ماہانہ اور سہہ ماہی ایڈجسٹمنٹس کے مسلسل بوجھ کی زد میں ہیں ، ستمبر میں کراچی والے ماہانہ اورسہ ماہی ایڈجسٹمنٹس میں فی یونٹ 2.74 روپے اداکریں گے جبکہ ملک کےباقی صارفین کوماہانہ ایڈجسٹمنٹ میں رواں ماہ فی یونٹ37 پیسےکاریلیف ملے گا۔

کے ای صارفین کو جنوری سےمارچ 2024 کی ماہانہ ایڈجسٹمنٹس میں فی یونٹ ایک روپے دینے یوں گے جبکہ اپریل تا جون 2024 کی سہہ ماہی ایڈجسٹمنٹ میں کے ای صارفین فی یونٹ 1.74 روپے دیں گے۔

اسی طرح اکتوبر میں صارفین ماہانہ،سہہ ماہی ایڈجسٹمنٹس میں فی یونٹ 4.33 روپے اور مئی 2024 کی ماہانہ ایڈجسٹمنٹ میں فی یونٹ 2.59 روپے ادا کریں گے۔

نومبرمیں صارفین ماہانہ اورسہہ ماہی ایڈجسٹمنٹس میں فی یونٹ 4.91وپےاداکریں گے جبکہ نومبر میں ہی جون 2024کی ماہانہ ایڈجسٹمنٹ میں کےای صارفین کوفی یونٹ 3.17روپے دینے ہوں گے۔

کراچی : وفاقی وزیرِ توانائی اویس لغاری نے بھی کے الیکٹرک کے سامنے ہتھیار ڈال دیے اور کہا کے ای کی وجہ سے کراچی کے صارفین کو مہنگی بجلی مل رہی ہے۔

تفصیلات کے مطابق وفاقی وزیرِ توانائی اویس لغاری نے انسٹیٹیوٹ آف بزنس ایڈمنسٹریشن کراچی میں طلبا سے خطاب کرتے ہوئے کہا وفاق کے-الیکٹرک کو اربوں روپے کی سبسڈی فراہم کررہا ہے اور کراچی کے صارف مہنگی بجلی خرید رہے ہیں، کے الیکٹرک کو اللہ ہدایت دے۔

دورے کے موقع پر وفاقی وزیر کا استقبال کے الیکٹرک کی جانب سے لوڈ شیڈنگ کرکے کیا گیا۔

وفاقی وزیر کا کہنا تھا سولر نیٹ میٹرنگ سے امیر طبقہ کو فائدہ ہورہا ہے، آسٹریلیا سمیت دیگر ممالک میں نیٹ میٹرنگ ختم ہورہی ہے۔ملک میں جب اس مسئلے پر آواز اٹھانی چاہی تو شور مچا جس کے بعدمیں نے خاموشی اختیار کرلی

انھوں نے دعوی کیا کہ پاکستان میں 36 ہزار میگاواٹ کپیسٹی ہے ، ہزار میگا واٹ سولر پینلز امپورٹ ہوچکے ہیں، سولر، ہائیڈل، آئی پی پیزاور لائن لاسز میں اگر اصلاحات کی جائیں تو اٹھارہ ماہ میں 10 سے 12 روپے بجلی فی یونٹ تک کمی ممکن ہے۔

کراچی : کے الیکٹرک کا آن لائن بلنگ سسٹم بیٹھ گیا، جس کے باعث صارفین پوسٹ آفس میں لمبی لائنیں لگا کر بل جمع کرانے پر مجبورہوگئے۔
.
کے الیکٹرک کا آن لائن بلنگ سسٹم بیٹھ گیا، جس سے لوڈ شیڈنگ سے ستائے کراچی کے شہری کے ای کے دہرے عزاب میں مبتلا ہوگئے ہیں۔

بینکوں اورآن لائن سسٹم میں رواں مہینے کے بل اپ ڈیٹ نہیں ہوسکے ہیں ، جس کے باعث شہری بینکوں میں دھکے کھانے پر مجبور ہے۔

بینکس صارف کو جواب میں کہہ رہے ہیں آپ کا موجودہ مہینے کا بل اپ ڈیٹ نہیں ہے، بل آپ ڈیٹ نہ ہونے سے بینک بل لینے سے انکار کر رہے ہیں ۔

دوسری جانب کے ای نے شہر بھر میں بڑے پیمانے پر نان پیمنٹ پر بجلی کاٹنی شروع کردی، بجلی کاٹنے کی ٹیمیں شہر میں صارفین سے بغیر تصدیق کیے بجلی منقطع کر رہی ہیں۔

کراچی : کے الیکٹرک کی سی ای او مونس علوی کے لائسنس منسوخی سے متعلق بیان پر وضاحت آگئی ، جس میں کہا بیان کو حقائق سے ہٹ کر رپورٹ کیا گیا ہے۔

تفصیلات کے مطابق کے الیکٹرک کے ترجمان کی جانب سے بیان میں کہا گیا کہ کمپنی لائسنس کے حوالے سے سی ای او مونس علوی سے منسوب ایک بیان کو حقائق سے ہٹ کر رپورٹ کیا گیا ہے، سی ای او نے لائسنس کی منسوخی کے حوالے سے بات نہیں کی، یہ جھوٹی اطلاع دی گئی ہے۔

کے ای نے اپنی خدمات جاری رکھنے کے عزم کا اعادہ کیا اور اس بات پر زور دیا کہ کسی بھی طرح کے دعوے گمراہ کن ہیں۔

گذشتہ روز سندھ اسمبلی کی خصوصی کمیٹی کے اجلاس میں ممبران اور سی ای او کے ای مونس علوی نے شرکت کی تھی اور اجلاس میں اظہار خیال کرتے ہوئے انھوں نے کہا تھا کہ لوڈشیڈنگ ہم کرتے ہیں لیکن ریٹ ہم طے نہیں کرتے، ہمارا لائسنس منسوخ کردیں اور حکومت خود بجلی سپلائی کرے۔

ان کا کہنا تھا کہ آپ کی اور ہماری مشترکہ کمیٹی بنادیں، جہاں بجلی کی چوری نہیں ہورہی وہاں لوڈشیڈنگ نہیں ہورہی، لوڈشیڈنگ اس وقت ہوتی ہے جب کسی علاقے میں چوری زیادہ ہوتی ہے۔

انہوں نے اس بات پر بھی روشنی ڈالی کہ مخصوص علاقوں میں غیر ادا شدہ بل مزید بندش کا باعث بنتے ہیں، اس موضوع پر پہلے قومی اسمبلی میں بحث کی گئی تھی۔

سعدیہ جاوید، شبیر قریشی اور سلیم بلوچ سمیت کمیٹی کے ارکان نے کے ای کے آپریشنز پر تحفظات کا اظہار کیا۔

سعدیہ جاوید نے نشاندہی کی تھی کہ کے ای کو کراچی کے لوگوں کی جانب سے بے شمار شکایات کا سامنا ہے، جبکہ قریشی نے چوری پر مبنی لوڈ شیڈنگ کا جواز پیش کرنے پر کمپنی کو تنقید کا نشانہ بنایا اور سوال کیا کہ صارفین کو دوسروں کے اعمال کی سزا کیوں دی جاتی ہے۔