Tag: کے ایل راہول

برسبین ٹیسٹ میں بھارتی کپتان روہت شرما اور کے ایل راہول کی بیٹنگ کے دوران ویڈیو سوشل میڈیا پر وائرل ہوگئی۔

بھارت اور آسٹریلیا کے کھیلے جارہے تیسرے ٹیسٹ میچ کے چوتھے روز بھارت نے کھیل کے اختتام پر 9 وکٹوں کے نقصان پر 252 رنز بنالیے ہیں جبکہ انہیں کینگروز کی برتری ختم کرنے کے لیے مزید 198 رنز درکار ہیں، آسٹریلیا کی ٹیم پہلی اننگز میں اسٹیو اسمتھ اور ٹریوس ہیڈ کی سنچریوں کی بدولت 445 رنز بنا کر آؤٹ ہوئی تھی۔

آکاش دیپ 27 اور جسپریت بمراہ 10 رنز کے ساتھ ناٹ آؤٹ ہیں۔

آسٹریلیا کی جانب سے کپتان پیٹ کمنز نے چار کھلاڑیوں کو پویلین کی راہ دکھائی، مچل اسٹارک نے تین جوش ہیزل ووڈ اور نیتھن لائن نے ایک، ایک وکٹ حاصل کی۔

کے ایل راہول نے شاندار 84 رنز کی اننگز کھیلی جبکہ کپتان روہت شرما 10 رنز بنا کر پیٹ کمنز کا نشانہ بنے۔

تاہم چوتھے اوور میں مچل اسٹارک بولنگ کررہے تھے کے ایل راہول نے گیند کو روکا اور سنگل لینے کے لیے دوڑ پڑے لیکن روہت شرما بھاگتے ہوئے بیچ میں رکے اور پھر بمشکل کریز پر پہنچنے میں کامیاب ہوئے اور رن آؤٹ ہوتے بچے۔

رنز مکمل کرنے کے بعد روہت شرما نے کے ایل راہول سے کہا کہ ’میں رک گیا تھا یار‘ ان کی یہ گفتگو اسٹمپ مائیک میں ریکارڈ ہوگئی جو وائرل ہورہی ہے۔

واضح رہے کہ بھارت اور آسٹریلیا کے درمیان پانچ میچوں کی سیریز 1-1 سے برابر ہے اور دونوں ٹیموں کو چیمپئنز ٹرافی کے فائنل میں جگہ بنانے کے لیے جیت لازمی درکار ہے۔

آئی پی ایل کے 2025 کے ایڈیشن کے لیے بولی کا عمل اس بار سعودی عرب کے شہر جدہ میں ہوا ہے، جہاں کرکٹرز کی بڑی بولیاں لگائی گئیں۔

ہائی پروفائل پلیئرز میں ایک کرکٹر کے ایل راہول بھی تھے جنھیں دہلی کیپٹلز نے 14 کروڑ روپے کی خطیر رقم میں خریدا، تاہم ایسے میں انگلینڈ کے سابق کپتان اور کولکتہ نائٹ رائیڈرز کے سابق قائد ای این مورگن نے کے ایل راہول کی نیلامی پر اپنے خیالات کا اظہار کیا ہے۔

ای این مورگن نے دہلی کیپٹلز کی تعریف کرتے ہوئے کہا کہ ان کی ترجیحات مجموعی طور پر کافی اچھی ہیں، دہلی نے راہول کی خریدا اور کرکٹرز ٹیم میں کئی رول بخوبی نبھانے کی اہلیت رکھتے ہیں۔

سابق انگلش کپتان نے کہا کہ رائل چیلنجز بنگلورو بھی اس دوڑ میں شامل تھے تاہم دہلی کیپٹلز نے اچھا فیصلہ کیا انھوں نے ٹیبل پر آکر اچھی قدر کے حامل پلیئرز کے لیے درست فیصلہ کیا۔

انھوں نے کہا کہ کے ایل راہول 14 کروڑ کا پلیئر نہیں ہے بلکہ وہ جس طرح کا کھلاڑی ہے اور اپنی ٹیم کے لیے جو کرسکتا ہے اسے 20 سے 22 کروڑ روپے میں فروخت ہونا چاہیے تھا۔

مورگن نے کہا کہ اس میں کوئی شک نہیں کہ وہ دہلی کے کپتان بھی بن سکتے ہیں، خیال رہے کہ اس سے قبل کے ایل راہول لکھنو سپر جائنٹس کا حصہ تھے۔

بھارتی ہیڈ کوچ گوتم گمبھیر نے تنقید کرتے ہوئے کہا ہے کہ سوشل میڈیا کے ایکسپرٹ نہیں بلکہ ہم لوگ بھارتی پلینگ الیون کو سلیکٹ کرتے ہیں۔

بھارتی مڈل آرڈر بیٹر سرفراز خان نے نیوزی لینڈ کے خلاف جب سے 150 رنز کی شاندار اننگز کھیلی ہے بھارتی ٹیم میں کے ایل راہول کی جگہ خطرے میں پڑ گئی ہے اور اب انھیں نیوزی لینڈ کے خلاف دوسرے ٹیسٹ کے اسکواڈ سے بھی باہر کیے جانے کا امکان ہے۔

پہلے ٹیسٹ میں کیویز کیخلاف راہول کی کارکردگی انتہائی واجبی رہی تھی، ان کی جگہ دوسرے ٹیسٹ میں شبمن گل کی واپسی ہوسکتی ہے، ایسے میں سوشل میڈیا پر کے ایل راہول کے حق میں ان کے مداح کافی پوسٹس کررہے ہیں۔

بدھ کو میچ سے پہلے پریس کانفرنس میں بلیو شرٹس کے ہیڈ کوچ گوتم گمبھیر نے کہا کہ سب سے پہلے، سوشل میڈیا سے کوئی فرق نہیں پڑتا۔ آپ سوشل میڈیا یا ماہرین کی رائے کی وجہ سے کھلاڑیوں کا انتخاب نہیں کرتے۔

انھوں نے کہا کہ ٹیم انتظامیہ کیا سوچتی ہے، قیادت کیا سوچتی ہے سب سے اہم یہ ہے، ہر کسی کو بین الاقوامی کرکٹ میں جانچا جاتا ہے اور ہر کسی کی کارکردگی کا اندازہ لگایا جاتا ہے۔

کے ایل راہول اب تک 53 ٹیسٹ میچز میں 33.87 کی اوسط سے بھارتی ٹیم کی جانب سے کھیلتے ہوئے 2981 رنز اسکور کرچکے ہیں۔

بھارتی کپتان روہت شرما نے سرفراز خان کی سنچری کے بعد کے ایل راہول کو الٹی میٹم دیدیا، بیٹر کی ٹیم میں جگہ خطرے میں پڑگئی۔

نیوزی لینڈ کے خلاف بھارتی ٹیم کو پہلے ٹیسٹ میچ میں عبترتناک شکست کا سامنا کرنا پڑا ہے، پہلی اننگز میں پوری بھارتی ٹیم 46 رنز پر ڈھیر ہوگئی اور تمام میزبان بیٹرز بری طرح ناکام رہے تھے جبکہ دوسری اننگز میں سرفراز خان کی 150 رنز کی بدولت بھارتی ٹیم 462 رنز بنانے میں کامیاب رہی تھی۔

بھارت کی شکست کے بعد پریس کانفرنس کرتے ہوئے کپتان روہت شرما نے کہا کہ میں وہ شخص نہیں ہوں کہ جو ہر میچ کے بعد کھلاڑیوں سے جاکر بات کرے، وہ خود بہتر جانتے ہیں کہ وہ اپنی گیم میں کہاں کھڑے ہیں۔

روہت شرما نے کے ایل راہول کا نام لیے بغیر کہا کہ ہر پلیئر یہ بھی جانتا ہے کہ وہ اپنے کیریئر میں اس وقت کس مقام پر موجود ہے، ہم ہر میچ یا سیریز کی بنیاد پر اپنا مائنڈ سیٹ تبدیل نہیں کرسکتے۔

بھارتی کپتان نے مزید کہا کہ یہ بدقسمتی تھی کہ شبمن گل اس میچ سے محروم رہے، سرفراز کو موقع ملا اور انھوں نے بڑی سنچری اسکور کی، یہ ٹیم کے لیے ایک اچھی علامت ہے۔

کے ایل راہول نے کہا ہے کہ کافی ود کرن میں شرکت خوفناک تجربہ تھا، مجھے کچھ سالوں پہلے ہرچیز پر ٹرولنگ کا نشانہ بنایا جاتا تھا۔

بھارتی کرکٹ ٹیم کے سینئر بیٹر کے ایل راہول نے ماضی میں بے رحمانہ ٹرولنگ کا نشانہ بننے پر اظہار خیال کیا ہے، راہول اور ہاردک پانڈیا نے 2019 میں کرن جوہر کے مشہور ٹاک شو کافی ود کرن میں شرکت کی تھی، جہاں ان کی جانب سے کیے گئے تبصروں پر شدید تنقید کی گئی تھی۔

راہول نے اب لب کشائی کرتے ہوئے اس تجربے کو تکلیف دہ قرار دیا ہے، بی سی سی آئی نے ردعمل کے طور پر دونوں کھلاڑیوں کو معطل کرکے سیریز کے درمیان میں ہی آسٹریلیا سے واپس بلالیا تھا۔

ایک پوڈ کاسٹ میں راہول نے بتایا کہ اس واقعے نے انھیں اتنا زیادہ متاثر کیا کہ ان کی زندگی اور کرکٹ کے حوالے سے نظریہ ہی بدل گیا، کافی ود کرن میں شرکت نے مجھے بہت متاثر کیا۔

راہول نے بتایا کہ اس سے قبل انھیں کبھی بھی یہاں تک کہ اسکول سے بھی معطل نہیں کیا گیا تھا، اس وجہ سے وہ اس نتائج کے لیے تیار نہیں تھے، اس واقعے سے پہلے ٹرولنگ کو اچھی طرح سے ہینڈل کرتا تھا لیکن اس کے بعد سب کچھ بدل گیا۔

بھارت کرکٹر نے بتایا کہ اس وقت میں نوجوان تھا اور اس دوران ٹرولنگ مسلسل جاری تھی میں جو کچھ بھی کرتا اس پر مجھے ٹرول کیا جاتا تھا۔

خیال رہے کہ کرن جوہر کے معروف شو کافی ود کرن میں ہاردک پانڈیا اور کے ایل راہول نے اپنے رشتوں، محبتوں، پسندیدہ فلموں، اداکاروں اور اداکاراہ کے بارے میں بات کی تھی۔

کے ایل راہل نے پورے شو میں کرن جوہر کے سوالوں کا بہتر جواب دیا، لیکن ہاردک پانڈیا نے کئی خواتین سے تعلقات رکھنے کا دعویٰ کیا تھا جس کے بعد دونوں کو سوشل میڈیا پر ٹرولنگ سامنا رہا اور معافی بھی مانگنی پڑی تھی۔

گراؤنڈ میں اپنی ٹیم کے کپتان پر برسنے کے بعد ہونے والی شدید تنقید سے فرنچائز اونر سنجیو گوئنکا کے ہوش ٹھکانے آگئے۔

غیرملکی میڈیا رپورٹس کے مطابق لکھنو جائنٹس کے مالک نے عوام ردعمل کا سامنا کرنے کے بعد بھارتی کرکٹر کے ایل راہول کو پیر کو خصوصی ڈنر پر مدعو کیا۔ لکھنؤ اور دہلی کے درمیان آئی پی ایل 2024 کے اہم میچ سے قبل ایل ایس جی کے مالک سنجیو نے راہول کی میزبانی کی۔

اس ڈنر کی تصویر سوشل میڈیا پر تیزی سے وائرل ہوگئی جس میں راہول اور راجیو کو گرمجوشی سے ایک دوسرے کو گلے لگاتے دیکھا جاسکتا ہے۔ اس دوران ایل ایس جی کے کپتان کے ہونٹوں پر مسکراہٹ سجی تھی۔

اس تصویر پر صارف مختلف کمنٹس کررہے ہیں ایک شخص نے لکھا کہ ہر کوئی لکھنؤ کی ہار پر پریشان تھا اور ظاہر ہے کہ مالک کو بھی پریشانی تھی لیکن اب سب کچھ اچھا ہے۔

ایک مداح نے لکھا کہ یہ اس دن کی سب سے بہترین تصویر ہے شکر ہے کہ معاملہ حل ہوگیا، جبکہ اکثر سوشل میڈیا صارفین اس تصویر پر اپنی پسندیدگی کا اظہار کررہے ہیں۔

واضح رہے کہ بھارتی پلیئر کے ایل راہول پر لکھنؤ سپر جائنٹس کے اونر کے برسنے کی ویڈیوز وائرل ہوئی تھی، وہ میدان میں ہی اپنے کپتان کو باتیں سناتے نظر آئے تھے۔

سن رائزرز حیدرآباد کے خلاف اہم مقابلے میں لکھنؤ سپر جائنٹس کو 10 وکٹوں سے شکست کا سامنا کرنا پڑا جس کے باعث اسکے پلے آف مرحلے تک کوالیفائی کرنے کے امکانات کو دھچکا پہنچا تھا۔

میچ کے اختتام پر لکھنؤ سپر جائنٹس کے مالک سنجیو گوئنکا ٹیم کے کپتان پر برستے نظر آئے، ان کے غصے کی ویڈیو سوشل میڈیا پر وائرل ہوگئی تھی۔

بھارتی پلیئر کے ایل راہول پر لکھنؤ سپر جائنٹس کے اونر کے برسنے کی ویڈیوز وائرل ہوگئی، وہ میدان میں ہی اپنے کپتان کو باتیں سناتے رہے۔

آئی پی ایل 2024 بھارتی کرکٹر کے ایل راہول کے لیے بالکل بھی اچھا ثابت نہیں ہوا ہے، وہ نہ تو اس سیزن میں بیٹ کے ساتھ اچھی پرفامنس دے سکے اور نہ ہی بھارتی ٹی ٹوئنٹی ورلڈکپ اسکواڈ میں جگہ بنا سکے۔ اب حیدرآباد کے خلاف میچ ہارنے کے بعد فرنچائز اونر ان پر برہم نظر آئے۔

سن رائزرز حیدرآباد کے خلاف اہم مقابلے میں لکھنؤ سپر جائنٹس کو 10 وکٹوں سے شکست کا سامنا کرنا پڑا جس کے باعث اسکے پلے آف مرحلے تک کوالیفائی کرنے کے امکانات کو دھچکا پہنچا ہے۔

میچ کے اختتام پر لکھنؤ سپر جائنٹس کے مالک سنجیو گوئنکا ٹیم کے کپتان پر برستے نظر آئے، ان کے غصے کی ویڈیو سوشل میڈیا پر وائرل ہوگئی۔

ایک طرف کپتان کے ایل راہول حیدرآباد کے ہاتھوں بری طرح شکست پر جھنجھلاہٹ کا شکار نظر آئے تو فرنچائز کے مالک نے بھی انھیں نہیں بخشا اور گراؤنڈ میں ہی ان سے حساب لینا شروع کردیا۔

https://youtube.com/shorts/W1JmlBe3lyw?si=AsHyzz7_o2dZELSe

تاہم سوشل میڈیا صارفین کو ایل ایس جی کے مالک سنجیو کا یہ انداز بالکل نہیں بھایا۔ ایک صارف نے لکھا کہ راہول بھارت کے انٹرنیشنل پلیئر ہیں اور ان پر اس طرح چیخنا نہایت بری حرکت ہے۔

ایک اور شخص نے لکھا کہ یہ سچ ہے کے ایل راہول اور انکی ٹیم نے اچھا نہیں کھیلا مگر اونر کا یہ رویہ ناقابل قبول ہے۔

تنقید کرتے ہوئے دوسرے شخص نے لکھا کہ حیدرآباد کی مینجمنٹ کو تو کبھی اس طرح کھلاڑیوں کے ساتھ میدان میں گھستے نہیں دیکھا جس طرح لکھنؤ کے اونر کررہے ہیں۔ ایک صارف کا کہنا تھا کہ مجھے یقین ہے کہ اگلے سال راہول لکھنؤ سپر جائنٹس کو چھوڑ دیں گے۔