Tag: کے پی ٹی

کراچی: کراچی پورٹ ٹرسٹ کی حدود میں ایک اور بڑا حادثہ پیش آیا ہے، چینی بیگز سے برا کنٹینر ٹرالر سمندر میں جا گرا۔

اے آر وائی نیوز کے مطابق کے پی ٹی پر دس دن کے دوران دوسرا بڑا حادثہ پیش آ گیا، ایسٹ وہارف برتھ نمبر فائیو پر چینی کے بیگز سے بھرا کنٹینر ٹرالر سمندر میں جا گرا۔

ٹرالر کے بریک فیل ہونے کی وجہ سے چینی سے بھرا ٹرالر سمندر میں گرا، حادثے میں ڈرائیور کو بروقت بچا لیا گیا، کنٹینر میں 780 بیگز لوڈ کیے گئے تھے، ٹرالر اور کنٹینر سمندر میں گرنے سے ٹی سی پی کی کروڑوں روپے کی چینی سمندر برد ہو گئی۔

ایم وی یونٹی جہاز دبئی سے ٹی سی پی کے لیے 33 ہزار ٹن چینی لے کر 27 جولائی کو کراچی پہنچا تھا، تاہم لاک ڈاؤن کی وجہ سے کے پی ٹی پر مزدوروں کی تعداد کم ہونے سے جہاز سے چینی کی ان لوڈنگ مکمل نہ ہو سکی تھی۔

تیل نکالنے کا آپریشن مکمل، ہینگ ٹونگ کو نکالنے کے لیے سالویج ماسٹر سنگاپور سے آئے گا

کے پی ٹی ذرائع کا کہنا ہے کہ ٹرالر کو سمندر سے نکالنے کا کام کل صبح شروع کیا جائے گا، رات کے وقت ٹرالر کو سمندر سے نکالنے کے لیے کے پی ٹی کے پاس وسائل نہیں ہیں۔

واضح رہے کہ عید کے دن ایک کارگو جہاز بھی کے پی ٹی چینل سے ساحل پر پھنس چکا ہے، اورر دس دن گزرنے کے بعد بھی ساحل میں ریت میں دھنسے ہوئے جہاز ہینگ ٹونگ کو نہیں نکالا جا سکا ہے۔

کے پی ٹی کے پاس جہاز کو نکالنے کے لیے کوئی ٹگ یا انتظام بھی نہیں ہے۔

کراچی: حکومت نے ملک کے بندرگاہوں کے چارجز کم کرنے کا فیصلہ کر لیا ہے۔

تفصیلات کے مطابق وفاقی حکومت کی ہدایت پر کراچی پورٹ ٹرسٹ کے صدر دفتر میں منعقدہ اجلاس میں بندرگاہوں کے چارجز کم کرنے کا فیصلہ کیا گیا ہے، جس سے ملک کے درآمد اور برآمد کنندگان کو فائدہ ہوگا۔

وفاقی کی جانب سے بندرگاہوں کے نرخ ریشنلائز کرائے جانے کے حوالے سے اجلاس بلانے کی ہدایت کی گئی تھی، جس میں چیئرمین کے پی ٹی، چیئرمین پورٹ قاسم اتھارٹی، چیئرمین پاکستان نیشنل شپنگ کارپوریشن، سی ای او PICT خرم عزیز اور چیئرمین PSAA محمد راجپر نے شرکت کی۔

اجلاس میں پورٹ چارجز کو ریجن کی دیگر بندرگاہوں کے مساوی لانے پر غور کیا گیا، اور اس حوالے مختلف موجودہ ذرائع پر گفتگو کی گئی۔

میٹنگ میں شریک تمام ممبران اس امر متفق تھے کہ پورٹ کسٹمرز جو چارجز ادا کرتے ہیں، ان میں کمی لانی پڑے گی، انھوں نے اس پر اتفاق کیا کہ بندرگاہوں اور جہاز رانی سیکٹرز کے لیے اس معاملے کو یکساں طور پر دیکھنا ہوگا۔

یاد رہے کہ رواں برس کے پہلے مہینے کے پی ٹی حکام نے ایک رپورٹ میں کہا تھا کہ 4 ماہ میں درآمدی گندم کے 36 بحری جہاز کراچی پورٹ پر آئے، اور اس دوران 21 لاکھ میٹرک ٹن درآمدی گندم کی ہنڈلنگ کی گئی، گندم کے علاوہ 4 ماہ میں 2 کروڑ 75 لاکھ ٹن کارگو 13 جنوری تک ہینڈل کیا گیا، اور کےپی ٹی کے کارگو ہینڈلنگ میں 13 جنوری تک 19 فی صد اضافہ ہوا۔

واضح رہے کہ کراچی پورٹ ٹرسٹ کو سٹی اسٹیشن سے بذریعہ ریل نیٹ ورک جوڑنے کے منصوبے پر بھی کام جاری ہے، جس میں مختلف یارڈ، 12 لیول کراسنگ، 2 پل آ رہے ہیں۔

کراچی: کراچی پورٹ ٹرسٹ (کے پی ٹی) بورڈ اور وزارت میری ٹائم کے درمیان جنگ شدت اختیار کر گئی، بورڈ نے وزیر اعظم عمران خان کو شکایتی خط لکھ دیا ہے۔

اے آر وائی نیوز کے مطابق کے پی ٹی بورڈ نے وزیر اعظم کو خط لکھ کر کہا ہے کہ بیوروکریٹک مسائل ڈال کر کے پی ٹی بورڈ کے فیصلے روکے جا رہے ہیں، ٹگ خریداری میں رکاوٹ سمیت بورڈ میں چیئرمین پی این ایس سی کی شمولیت پر کے پی ٹی نے سوالات اٹھا دیے۔

خط میں کہا گیا ہے کہ کے پی ٹی بورڈ نے 75 ٹن کے 4 اے ایس ڈی شپنگ ٹگس کی خریداری کی منظوری دی، ٹرکش کمپنی سے 4 ٹگس کی خریداری کا معاہدہ 30 ملین ڈالر کا ہوا، ٹگ کی خریداری پورٹ آپریشن کو چلانے کے لیے نہایت اہمیت کی حامل ہے، ٹگ نہ آنے کی صورت میں بڑے جہازوں کو ہینڈل کرنے میں مشکلات ہوں گی۔

خط کے مطابق ٹگ نہ ہونے کی صورت میں پورٹ آپریشن مکمل طور پر بند ہو سکتا ہے یا بڑا حادثہ ہو سکتا ہے، اس صورت میں ساری ذمہ داری وزارت میری ٹائم پر ہوگی، متعلقہ وزارت کے پی ٹی کے کام میں رکاوٹ اور مداخلت کر رہی ہے، ماضی قریب میں کراچی پورٹ پر 3 حادثات ہو چکے ہیں جس میں سے 2 ٹگس نہ ہونے کی وجہ سے ہوئے۔

خط کے مطابق کے پی ٹی کے پاس اس وقت 5 ٹگس موجود ہیں، 25 سے 60 ٹن کے یہ ٹگس بڑے جہازوں کے لیے ناکافی ہیں، جب کہ نئے ٹگس کی خریداری کے لیے ایل سی کھولنے کے لیے وزارت میری ٹائم کی اجازت درکار ہے، کے پی ٹی نے منسٹری آف میری ٹائم سے وزارت خزانہ کو 30 ملین ڈالر کی ایل سی کھولنے کی درخواست بھی کی ہے۔ کے پی ٹی کا کہنا ہے کہ پاکستانی روپوں میں قیمت خزانے میں جمع کرائی جائے گی اور اس کا بوجھ وفاقی حکومت پر نہیں ہوگا۔

کے پی ٹی بورڈ نے چیئرمین پی این ایس سی کی بورڈ میں شمولیت پر بھی اعتراض اٹھا دیا، اس سلسلے میں خط میں کہا گیا ہے کہ چیئرمین پی این ایس سی شکیل احمد منگنیجو کی بورڈ میں شمولیت درست نہیں ہے، وہ شپ اونر ایسویسی ایشن کی نشست پر ممبر بنے ہیں، جس کا وجود ہی نہیں تو ان کی رکنیت درست نہیں ہو سکتی۔

وزیر اعظم کو خط میں کہا گیا ہے کہ بورڈ نے کرونا کے باعث بزنس کمیونٹی کو کرائے کی مد میں 20 دن کے ریلیف کا فیصلہ کیا تھا، بورڈ کے فیصلے کے باوجود وزارت میری ٹائم اس کی اجازت نہیں دے رہی، جب کہ وفاقی وزیر علی زیدی نے 20 جون کو بورڈ میٹنگ میں یقین دہانی کرائی تھی کہ اس کو منظور کر لیا جائے گا۔

واضح رہے کہ کے پی ٹی بورڈ نے وزارت میری ٹائم پر بورڈ کے فیصلے پر مداخلت کا بھی الزام عائد کیا ہے۔