Tag: کے پی کی خبریں

پشاور: وزیرِ اعلیٰ خیبر پختون خوا کے مشیر ضیا اللہ بنگش نے سعودی ولیٔ عہد کے سامنے پاکستانی مزدوروں کی بات کرنے پر وزیرِ اعظم کا شکریہ ادا کیا۔

تفصیلات کے مطابق کے پی وزیرِ اعلیٰ کے مشیر ضیا بنگش نے سماجی رابطوں کی ویب سائٹ ٹویٹر پر لکھا ’شکریہ عمران خان، ہمیں آپ پر فخر ہے۔‘

[bs-quote quote=”پاکستانی مزدوروں اور قید پاکستانیوں کے مسائل کے حوالے سے بات کرنے پر ہم وزیرِ اعظم عمران خان کے شکر گزار ہیں۔” style=”style-8″ align=”left” color=”#dd3333″ author_name=”ضیا اللہ بنگش”][/bs-quote]

سوشل میڈیا پر عوام میں بھی ’شکریہ عمران خان‘ کہنے کا ٹرینڈ چل پڑا ہے۔

مشیر کے پی نے کہا کہ محمد بن سلمان کے سامنے سعودی عرب میں کام کرنے والے پاکستانی مزدوروں اور قید پاکستانیوں کے مسائل کے حوالے سے بات کرنے پر ہم وزیرِ اعظم عمران خان کے شکر گزار ہیں۔

ضیا اللہ بنگش نے ٹویٹ کیا ’ماضی میں کسی وزیرِ اعظم نے اس مسئلے پر اتنی توجہ نہیں دی۔‘

ان کا کہنا تھا کہ عمران خان نے ہمیشہ پاکستانی مزدوروں کے مسائل اور مشکلات پر بات کی، مگر اب بہ طورِ وزیرِ اعظم شاہی مہمان کے سامنے یہ مسئلہ پیش کیا۔

یہ جو احساس @ImranKhanPTI کے پاس ہے، یہ صرف میری ماں کے پاس تھا کہ کیسے پردیس میں پاکستانی گزارہ کرتے ہیں، اسکے علاوہ میں نے کسی میں نہیں دیکھا :: سعودی عرب میں ایک پاکستانی ورکر اپنے خیالات کا اظہار کرتے ہوئےآبدیدہ ہوگیا #ThanksPMIKandCrownPrince #CrownPrinceinPakistan pic.twitter.com/iLvddgK8BB

— PTI (@PTIofficial) February 18, 2019

مشیر وزیرِ اعلیٰ نے کہا کہ سعودی ولی عہد کی جانب سے مثبت جواب نے پاکستانیوں کے دل جیت لیے ہیں۔

یاد رہے کہ گزشتہ روز عشائیے سے خطاب کرتے ہوئے وزیرِ اعظم عمران خان نے سعودی ولی عہد کے سامنے سعودی عرب میں کام کرنے والے پاکستانیوں اور قیدیوں کے حوالے سے کہا کہ یہ پاکستان کے اسپیشل لوگ ہیں اور میرے دل کے قریب ہیں۔

تفصیل پڑھیں:   سعودی ولی عہدکا 2107پاکستانیوں کی فوری رہائی کاحکم

اس پر ولیٔ عہد نے اپنے خطاب میں عمران خان کو مخاطب کرتے ہوئے کہا کہ مجھے سعودی عرب میں پاکستان کا سفیر سمجھا جائے۔

بعد ازاں، سعودی ولی عہد نے سعودی عرب کے جیلوں میں قید 2107 پاکستانیوں کی فوری رہائی کا حکم دے دیا۔

کوہاٹ: خیبر پختون خوا کے شہر کوہاٹ کے مرکزی اسپتال میں ایک انوکھا اقدام کیا گیا ہے، دن کا آغاز تلاوت کلامِ پاک سے کرنے کے لیے اسپتال میں ساؤنڈ سسٹم لگا دیا گیا۔

تفصیلات کے مطابق کے پی کے ضلع کوہاٹ کے ایک اسپتال میں انتظامیہ نے دن کا آغاز اللہ تعالیٰ کے بابرکت کلام سے کرنے کے لیے خصوصی ساؤنڈ سسٹم نصب کر دیا ہے۔

[bs-quote quote=”ساؤنڈ سسٹم کی تنصیب کا افتتاح مشیرِ تعلیم کے پی نے کیا۔” style=”style-7″ align=”left” color=”#dd3333″][/bs-quote]

اس موقع پر مشیرِ تعلیم خیبر پختون خوا ضیا اللہ خان بنگش نے کے ڈی اے اسپتال کوہاٹ کا دورہ کیا۔

ضیا اللہ بنگش نے اسپتال میں تلاوتِ کلام سے دن کا آغاز کرنے کے لیے پورے اسپتال بہ شمول تمام وارڈز میں ساؤنڈ سسٹم نصب کیے جانے کے منصوبے کا افتتاح کیا۔

مشیر تعلیم کے پی نے اسپتال میں صحت کی سہولیات کا جائزہ بھی لیا اور مریضوں کی عیادت کی۔

ضیا اللہ خان بنگش نے مریضوں سے اسپتال میں فراہم کی جانے والی سہولیات اور اسٹاف کے رویے سے متعلق بھی پوچھ گچھ کی۔

یہ بھی پڑھیں:  خیبر پختون خوا میں گرلزاسکولز کے پروگرامز میں مردوں کی شرکت پرپابندی

یاد رہے کہ 31 جنوری کو صوبہ خیبر پختون خواہ کی کابینہ کا اجلاس پہلی بار قبائلی ضلع میں منعقد ہوا تھا جس میں صوبے کی پہلی ہیلتھ پالیسی سال 2025-2018 کی منظوری دی گئی۔

صحت پالیسی کے تحت قبائلیوں کو صحت کارڈ، تعلیم اور ترقیاتی منصوبے دیے جائیں گے، اور اسپتالوں میں ہیلتھ کیئر سسٹم مضبوط کیا جائے گا۔

پشاور: خیبر پختون خوا میں جیل اصلاحات کے تحت قوانین میں اہم ترمیم کر دی گئی، اس ترمیم کے تحت غیر مسلم قیدیوں کو مذہبی کتابوں کی پڑھائی مکمل کرنے پر سزا میں چھوٹ ملے گی۔

تفصیلات کے مطابق خیبر پختون خوا میں پی ٹی آئی حکومت نے غیر مسلم قیدیوں کو خوش خبری دے دی ہے، جیل قوانین میں اصلاحات کے تحت قیدی اگر مذہبی کتابیں پڑھیں گے تو ان کی سزا میں کمی کی جائے گی۔

[bs-quote quote=”قیدیوں کے اہلِ خانہ مذہبی تہوار جیل میں قیدیوں کے ساتھ منا سکیں گے۔” style=”style-7″ align=”left” color=”#dd3333″][/bs-quote]

مذہبی کتابوں کا امتحان پاس کرنے پر 6 ماہ سے لے کر ایک سال تک کی معافی ملے گی۔

سپرنٹنڈنٹ جیل نے بتایا کہ غیر مسلموں کو تمام مذہبی رسومات کی ادائیگی کی اجازت ہوگی، قیدیوں کے اہلِ خانہ مذہبی تہوار جیل میں قیدیوں کے ساتھ منا سکیں گے۔

واضح رہے کہ کے پی حکومت نے قبائلی اضلاع میں سِول و سیشن کورٹ کے قیام کی منظوری بھی دے دی ہے۔

یہ بھی پڑھیں:   قبائلی اضلاع میں سِول و سیشن کورٹ کے قیام کی منظوری

ابتدائی مرحلے میں سِول و سیشن کورٹ کے لیے اسامیاں پُر کی جائیں گی، کورٹ کے قیام پر سالانہ 545 ملین روپے سے زائد لاگت آئے گی۔

سیشن کورٹ کے قیام کا فیصلہ اکتیس جنوری کو پہلی بار قبائلی ضلع میں منعقد ہونے والے کے پی کے کی کابینہ اجلاس میں کیا گیا تھا۔

پشاور: خیبر پختون خوا کی حکومت نے قبائلی اضلاع میں سِول اور سیشن عدالت کے قیام کی منظوری دے دی۔

تفصیلات کے مطابق قبائلی اضلاع (سابقہ فاٹا) میں پی ٹی آئی حکومت نے عدالتوں پر کام شروع کر دیا، کے پی حکومت نے اس سلسلے میں سِول و سیشن کورٹ کے قیام کی منظوری دے دی۔

[bs-quote quote=”کورٹ کے قیام پر سالانہ 545 ملین روپے سے زائد لاگت آئے گی۔” style=”style-7″ align=”left” color=”#dd3333″][/bs-quote]

سِول و سیشن کورٹ کے قیام اور اسامیوں کی منظوری وزیرِ اعلی محمود خان نے دی۔

ابتدائی مرحلے میں سول و سیشن کورٹ کے لیے اسامیاں پُر کی جائیں گی، کورٹ کے قیام پر سالانہ 545 ملین روپے سے زائد لاگت آئے گی۔

وزیرِ اعلیٰ خیبر پختون خوا محمود خان نے کہا کہ ملک کے دیگر علاقوں کی طرح قبائلی عوام کو انصاف کی فراہمی کو ممکن بنا رہے ہیں۔

کے پی وزیرِ اعلیٰ کا کہنا تھا کہ عدالتوں کے قیام کے ذریعے قبائلی علاقوں میں تیزی کے ساتھ سستے انصاف کی فراہمی یقینی بنائیں گے۔

یہ بھی پڑھیں:  خیبر پختون خوا کابینہ کا اجلاس پہلی بار قبائلی ضلع میں 

خیال رہے کہ اکتیس جنوری کو صوبہ خیبر پختون خواہ کی کابینہ کا اجلاس پہلی بار قبائلی ضلع میں ہوا، یہ فیصلہ وزیرِ اعظم عمران خان کی ہدایات کی روشنی میں کیا گیا۔

اسٹیبلشمنٹ ڈپارٹمنٹ نے کابینہ اجلاس کا ایجنڈا مرتب کیا، اجلاس 16 نکاتی ایجنڈے پر مشتمل تھا، قبائلی اضلاع میں سیشن کورٹس کے قیام سے متعلق امور بھی ایجنڈے کا حصہ تھے۔