Tag: کے پی کے

پشاور: وزیرِ اعلیٰ خیبر پختون خوا محمود خان کی زیرِ صدارت صوبے میں سیاحت کے فروغ پر اجلاس میں ٹور ازم پولیس کے قیام کا فیصلہ کیا گیا ہے۔

تفصیلات کے مطابق صوبائی کابینہ نے صوبے بھر میں بہ شمول ضم شدہ اضلاع میں سیاحت کے فروغ کے لیے قانونی مسودے کی فوری تیاری کا حکم دے دیا۔

[bs-quote quote=”سوات موٹر وے کی توسیع بھی موجودہ حکومت کے ایجنڈے میں شامل ہے۔” style=”style-8″ align=”left” color=”#dd3333″ author_name=”وزیرِ اعلیٰ کے پی”][/bs-quote]

اجلاس میں فیصلہ کیا گیا کہ سیاحتی مقامات پر تمام تعمیرات بلڈنگ کوڈ کے مطابق کی جائیں، سیاحت کا بہ طور صنعت مگر ماحول دوست فروغ حتمی ہدف ہے۔

کے پی حکومت نے فیصلہ کیا کہ صوبے میں ٹور ازم پولیس قائم کی جائے گی، جس میں نوجوان رضا کاروں کو شامل کیا جائے گا، فیصلہ کیا گیا کہ ٹور ازم پولیس کے لیے بین الاقوامی سطح پر بہترین ماڈل اپنایا جائے گا۔

اجلاس میں فیصلہ کیا گیا کہ سیاحت کے فروغ کے لیے قانون سازی محکمہ جنگلات اور ٹور ازم سمیت تمام اسٹیک ہولڈرز کی مشاورت اور اتفاق رائے سے کی جائے گی، نیز مزید سیاحتی مقامات کی نشان دہی اور زمین کے حصول کے لیے بھی اقدامات کیے جائیں گے۔

یہ بھی پڑھیں:  کے پی حکومت نے شندور پولو فیسٹیول کی تیاریاں شروع کردیں

وزیرِ اعلیٰ محمود خان نے اجلاس کی صدارت کرتے ہوئے موجودہ سڑکوں کی تعمیرِ نو اور جیپ ایبل ٹریکس کی بحالی کی ہدایت کی۔

اجلاس میں اس امر پر بھی اتفاق کیا گیا کہ سیاحتی کشش رکھنے والے ایریگیشن ڈیمز کی سائیڈز کو سیاسی خطوط پر ترقی دی جائے گی اور سیاحوں کے لیے آسان رجسٹریشن متعارف کرائی جائے گی۔

[bs-quote quote=”وزیرِ اعلیٰ محمود خان نے ’خپل کور ولیج‘ نامی شیلٹر ہوم کا سوات میں سنگِ بنیاد رکھا۔” style=”style-8″ align=”right” color=”#dd3333″][/bs-quote]

یاد رہے کہ سوات موٹر وے کی توسیع بھی موجودہ حکومت کے ایجنڈے میں شامل ہے، سوات میں موجود تمام سیاحتی مقامات تک رسائی آسان بنانے کے لیے تیزی سے اقدامات کیے جا رہے ہیں۔

گزشتہ روز وزیرِ اعلیٰ محمود خان نے ’خپل کور ولیج‘ نامی شیلٹر ہوم کا سوات میں سنگِ بنیاد رکھا، جسے پہلے ہی 5 کروڑ روپے فراہم کیے جا چکے ہیں، وزیرِ اعلی نے خپل کور کے لیے مزید 50 لاکھ انڈومنٹ فنڈ کا اعلان کیا۔

محمود خان کا کہنا تھا کہ پہلے کبھی بھی غریب عوام کے لیے شیلٹر ہوم نہیں بنے، پشاور جیسے شیلٹر ہوم صوبے کے تمام ڈویژنل ہیڈ کواٹرز میں بنائے جائیں گے، خپل کور میں تعلیم، صحت، کھیل کود اور دیگر سہولیات موجود ہیں۔

انھوں نے کہا کہ بہت جلد سیدو اسپتال کا افتتاح بھی کر دیا جائے گا، جس کے لیے درکار ورکنگ فورس کی منظوری دی جا چکی ہے۔

پشاور: مشیرِ تعلیم خیبر پختون خوا ضیاء اللہ خان بنگش نے قبائلی ضلع اورکزئی میں ایک ہی دن میں کالج اور تین اسکولوں کا افتتاح اور کیڈٹ کالج کے قیام کا اعلان کیا۔

تفصیلات کے مطابق قبائلی اضلاع میں تعلیم کی بہتری کے لیے مشیرِ تعلیم کے پی ضیاء اللہ بنگش کے نئے ضم ہونے والے اضلاع کے دوروں میں تیزی آ گئی ہے۔

[bs-quote quote=”مشیرِ تعلیم نے علاقے میں امن قائم کرنے پر پاک فوج کی کاوشوں کو سراہا اور شہدا کو خراج تحسین پیش کیا۔” style=”style-7″ align=”left” color=”#dd3333″][/bs-quote]

مشیرِ تعلیم نے ضلع اورکزئی کا مقامی مشران کے ہم راہ تفصیلی دورہ کیا، جہاں انھوں نے تعلیمی سہولیات اور اسکولوں کا جائزہ لیا اور متعلقہ حکام کو اہم ہدایات جاری کیں۔

ضلع اورکزئی کے ایک روزہ دورے میں ضیا بنگش نے جرگہ عمائدین کے ساتھ ملاقات بھی کی، عمائدین نے علاقے کے مسائل کے حوالے سے مشیر تعلیم کو آگاہ کیا۔

مشیرِ تعلیم نے علاقے میں امن قائم کرنے پر پاک فوج کی کاوشوں کو سراہا اور شہدا کو خراج تحسین پیش کیا۔

ضیاء اللہ بنگش نے دورے کے دوران گورنمنٹ ماڈل ہائی اسکول سما بازار اورکزئی، گورنمنٹ گرلز ہائیر سیکنڈری اسکول اورکزئی، گورنمنٹ ڈگری کالج فار بوائز غلجو اور پولیٹکل ایجنٹ پبلک اسکول اورکزئی کا افتتاح کیا۔

دورے کے دوران مشیرِ تعلیم نے اورکزئی میں کیڈٹ کالج قائم کرنے کا اعلان کیا، اساتذہ کی حاضری کی بہتری کے لیے آزاد مانیٹرنگ یونٹ کے قیام کا بھی اعلان کیا۔

یہ بھی پڑھیں:  کے پی: مذہبی کتابوں کی پڑھائی مکمل کرنے پر قیدیوں کی سزا میں کمی کا نیا قانون

ضیاء اللہ بنگش نے کہا کہ ضلع اورکزئی میں ترجیحی بنیادوں پر میرٹ پر اساتذہ بھرتی کر رہے ہیں جس کے لیے اشتہار بھی جاری ہو چکا، تمام اسکولوں میں بنیادی سہولیات فراہم کریں گے۔

انھوں نے کہا کہ عنقریب اورکزئی عوام تعلیمی شعبے میں بڑی تبدیلی دیکھیں گے، وزیرِ اعظم عمران خان کی ہدایت کے مطابق قبائلی اضلاع پر بھرپور توجہ دے رہے ہیں۔

سوات: پاکستان میں تعینات سوئٹزر لینڈ کے سفیر تھامس کولے نے ضلع سوات کی تعریف کرتے ہوئے کہا ہے کہ سوات کو دوسرا سوئٹزرلینڈ بھی کہا جاتا ہے۔

تفصیلات کے مطابق سوئس سفیر تھامس کولے نے ایک تقریب سے خطاب کرتے ہوئے کہا کہ سوات آ کر گھر کی طرح محسوس کر رہا ہوں۔

سوئس سفیر نے بتایا کہ خیبر پختونخوا اور سوئٹزر لینڈ حکومت گزشتہ 50 سال سے مختلف پراجیکٹس پر کام کر رہے ہیں۔

انھوں نے کہا کہ سوات کو دوسرا سوئٹزر لینڈ بھی کہا جاتا ہے، مجھے بھی یہاں آ کر گھر کی طرح محسوس ہوتا ہے، خیبر پختونخوا حکومت کے ساتھ تعاون جاری رہے گا۔

تقریب سے خطاب کرتے ہوئے سینئر صوبائی وزیر برائے سیاحت عاطف خان نے کہا کہ سیاحت کے فروغ کے لیے خیبر پختون خوا ٹور ازم اتھارٹی کا قیام عمل میں لایا جا رہا ہے۔

عاطف خان کا کہنا تھا کہ اتھارٹی کی منظوری کابینہ دے چکی ہے، سیاحت کے فروغ کے لیے ویزہ پالیسی میں رعایت دے رہے ہیں۔

انھوں نے کہا کہ دنیا بھر میں پاکستان کے تشخص کو بہتر بنانے کے لیے اقدامات کیے جا رہے ہیں، اس خطے کے لوگ ترقی اور امن کا فروغ چاہتے ہیں۔

وزیرِ سیاحت و ثقافت کا کہنا تھا کہ چترال اور ہزارہ میں سکی ریزارٹ بنائے جائیں گے۔

پشاور: وزیرِ اعلیٰ خیبر پختونخوا محمود خان نے ایک تقریب سے خطاب کرتے ہوئے کہا کہ کے پی پولیس ملکی سطح پر پیشہ ور فورس کے طور پر سامنے آئی ہے۔

تفصیلات کے مطابق کے پی وزیرِ اعلیٰ نے صوبے کی پولیس کی تعریف کرتے ہوئے کہا کہ یہ ایک پیشہ ور فورس بن گئی ہے، اس کے پیچھے وزیرِ اعظم عمران خان کا وژن کار فرما ہے۔

[bs-quote quote=”کے پی پولیس ملکی سطح پر پیشہ ور فورس کے طور پر سامنے آئی۔” style=”style-7″ align=”left” color=”#dd3333″ author_name=”محمود خان” author_job=”وزیرِ اعلیٰ کے پی”][/bs-quote]

محمود خان کا کہنا تھا کہ صوبائی حکومت نے پولیس کو خود مختار فورس بنا دیا ہے، تعداد، اسلحہ، اور تھانہ کلچر ٹھیک کر کے پولیس کو ایک پیشہ ور فورس میں تبدیل کر دیا گیا ہے۔

وزیرِ اعلیٰ خیبر پختونخوا محمود خان نے مزید کہا کہ 7 نئے اضلاع کے بعد پولیس کی ذمہ داریوں میں مزید اضافہ ہو گیا ہے، یہ اضلاع سب سے زیادہ دہشت گردی سے متاثر ہوئے، جرائم کے خاتمے کے لیے پولیس کو جدید ساز و سامان کی فراہمی ناگزیر ہے۔

انھوں نے کہا کہ خیبر پختونخوا سی پیک (پاک چین اقتصادی راہ داری) کا مرکزی حصہ بننے والا ہے، ہمارا آج گزشتہ کل سے بہت بہتر ہے، پولیس کو پسند نا پسند اور سیاسی اثر و رسوخ سے پاک کر دیا ہے۔

یہ بھی پڑھیں:  خیبر پختونخواہ حکومت نے 5سال کے لیے ترقیاتی منصوبہ بندی مکمل کرلی

محمود خان نے کہا ’گزشتہ دورِ حکومت میں پولیس کو عوام دوست بنایا، فورس کو زیادہ وسائل فراہم کیے، جدید حربی آلات سے لیس کیا، ہماری پولیس بہترین فورس ہے۔‘

انھوں نے بتایا کہ این ٹی ایس کے ذریعے پولیس میں شفاف بھرتیاں کی جا رہی ہیں، اداروں کو پیشہ ورانہ خطوط پر لانے کے لیے وسائل دیئے، وعدہ کرتا ہوں ادارے عوامی خدمت کریں گے۔

محمود خان نے نئے پاس آؤٹ جوانوں کو مبارک باد پیش کرتے ہوئے کہا کہ ادارے اچھے برے نہیں ہوتے، ان اداروں کو چلانے والے ذمہ دار ہوتے ہیں۔

پشاور: محکمۂ تعلیم خیبر پختونخوا نے سرکاری اسکولوں میں سیکنڈ شفٹ شروع کرنے کا اعلان کر دیا، ہزاروں مزید اساتذہ بھی بھرتی کیے جا رہے ہیں۔

تفصیلات کے مطابق کے پی کے محکمۂ تعلیم نے سرکاری اسکولوں میں سیکنڈ شفٹ شروع کرنے اور مزید 65 ہزار اساتذہ بھرتی کرنے کا فیصلہ کر لیا ہے۔

[bs-quote quote=”سیکنڈ شفٹ میں ہر پرائمری اسکول میں مڈل کلاسز کا اجرا کیا جائے گا۔” style=”style-7″ align=”left” color=”#dd3333″ author_name=”ضیا اللہ بنگش” author_job=”مشیر برائے تعلیم”][/bs-quote]

وزیر اعلیٰ کے پی کے مشیر برائے تعلیم ضیا اللہ بنگش نے کہا کہ صوبے میں 57 ہزار اساتذہ کی بھرتی کا عمل مکمل ہو چکا ہے، متعلقہ اضلاع کے امیدواروں کے آرڈر چند دنوں میں جاری ہوں گے۔

مشیر کا کہنا تھا کہ 5 ہزار مزید اساتذہ کی تعیناتی کے لیے اشتہار 2 ہفتے میں جاری کیے جائیں گے، 7 قبائلی اضلاع میں مزید 2500 اساتذہ کی بھرتی کے لیے بھی اشتہار جلد جاری ہوگا۔

ضیا اللہ بنگش نے کہا ’سرکاری اسکولوں میں سیکنڈ شفٹ شروع کر رہے ہیں، سیکنڈ شفٹ میں ہر پرائمری اسکول میں مڈل کلاسز کا اجرا کیا جائے گا۔‘

ان کا کہنا تھا کہ مڈل میں ہائی اور ہائی میں ہائیر سیکنڈری کلاسز کا اجرا کیا جائے گا، حکومت نے 57 ہزار ٹیچرز بھرتی کیے، مزید 65 ہزار بھرتی کریں گے۔

یہ بھی پڑھیں:  پشاور: سرکاری اسکولوں کو بحال کرنے کی ٹیم سرعام کی مہم جاری

خیال رہے کہ اے آر وائی نیوز کے پروگرام ’سرِ عام‘ کے تحت بھی کے پی کے میں سرکاری اسکولوں کی بحالی کا ایک بڑا مشن جاری ہے، جس کے سلسلے میں دو دن قبل ٹیم نے آرمی پبلک اسکول کے شہید بچوں کی یاد میں پشاور پہنچ کر ایک تقریب منعقد کی۔

اقرارالحسن کا کہنا تھا کہ پاکستان کے ایک ایک بچے کو تعلیم کی طرف لے کر آئیں گے، تمام اسکولوں میں ایک جیسی سہولتیں اور ایک جیسا ماحول فراہم کیا جائے گا، ہر سرکاری اسکول کو بہتر بنائیں گے اور قلم کی طاقت سے انقلاب لائیں گے۔