Tag: کے پی کے

شانگلہ: خیبر پختون خوا کے مالاکنڈ ڈویژن کے ضلع شانگلہ میں ایک ماہ کے دوران دوسرا پُل ٹوٹ کر دریا میں جا گرا۔

تفصیلات کے مطابق ضلع شانگلہ کے پی کے میں یونین کونسل رانیال کا واحد رابطہ پل ٹوٹ گیا ہے، پل ٹوٹنے سے ایک گاڑی بھی دریا میں گر گئی، تاہم اس کے ڈرائیور کو بچا لیا گیا۔

پل ٹوٹنے سے 50 ہزار آبادی کا رابطہ دیگر علاقوں سے منقطع ہو گیا ہے۔ نیوز رپورٹس کے مطابق لکڑی کا پرانا اور بوسیدہ پل گاڑی کا وزن برداشت نہ کر سکا تھا اور ٹوٹ گیا، یہ پل اس سے پہلے بھی ٹوٹ چکا ہے۔

ادھر 2 مئی کو شانگلہ چکیسر کے یو سی سرکول کے علاقے ولیج کونسل جٹکول کو تورغر سے ملانے والا واحد ذریعہ، دریائے سندھ پر تعمیر پُل رات کو آنے والے طوفان کی وجہ سے ٹوٹ گیا تھا جس سے 10 ہزار کی آبادی رکھنے والا ولیج کونسل جٹکول کا زمینی رابطہ مکمل منقطع ہو گیا تھا۔

ضلعی انتظامیہ کی جانب سے حادثے سے 2 ماہ قبل ایک سروے کے دوران اس پل کو مکمل ناکارہ قرار دے کر نئے سرے سے بنانے کی سفارش کی گئی تھی۔

یاد رہے کہ ویلج کونسل رانیال کا واحد پُل گزشتہ برس بھی رمضان المبارک کی آمد سے قبل ایک بار پھر بھاری گاڑی کا لوڈ برداشت نہ کرتے ہوئے ٹوٹ گیا تھا۔

پشاور: خیبر پختونخواحکومت نے قومی رابطہ کمیٹی سے پہلے اہم اجلاس آج طلب کر لیا۔

تفصیلات کے مطابق خیبرپختونخوا حکومت کا اہم اجلاس وزیراعلیٰ محمود خان کی زیرصدارت میں ہوگا، اجلاس میں وزیر صحت تیمور جھگڑا اور چیف سیکرٹری بھی شامل ہوں گے۔

اہم بیٹھک میں لاک ڈاؤن سفارشات اور طبی سازوسامان کی صورت حال پر بات چیت ہوگی، اجلاس میں مرتب کردہ تمام تر سفارشات کو حتمی شکل دی جائے گی اور سفارشات کو قومی رابطہ کمیٹی اجلاس میں پیش کیا جائے گا۔

ادھر وزیراعظم عمران خان کی زیرصدارت قومی رابطہ کمیٹی کے اجلاس میں لاک ڈاؤن میں سختی یا مزید نرمی سے متعلق فیصلہ آج کیا جائے گا، اس حوالے سے نیشنل کمانڈ اینڈ آپریشن سینٹرنے حکمت عملی تیارکرلی ہے۔

لاک ڈاؤن میں سختی یا مزید نرمی سے متعلق فیصلہ آج کیا جائے گا

سندھ اور بلوچستان لاک ڈاؤن میں نرمی کیخلاف اور پابندیاں مزید سخت کرنے کے حامی جبکہ دیگر دو صوبوں کے وزرائے اعلیٰ بھی اجلاس میں تجاویز پیش کریں گے اور قومی رابطہ کمیٹی اجلاس میں تجاویز کا جائزہ لیا جائے گا۔

جبکہ خیبرپختونخوا حکومت کیا حکمت عملی اپناتی ہے اس سے متعلق فیصلہ آج ہوجائے گا۔

پشاور: صوبہ خیبرپختونخوا میں کروناوائرس کی روک تھام کے یے اقدامات تیز کردیے گئے، خیبرمیڈیکل یونیورسٹی میں ٹیسٹنگ استعداد کار 40 سے بڑھا کر 700کر دی گئی۔

تفصیلات کے مطابق کے پی کے مشیر اطلاعات اجمل وزیر کا کہنا ہے کہ حیات آباد میڈیکل کمپلیکس اور سیدوٹیچنگ اسپتال میں ٹیسٹنگ شروع کی جاچکی ہے، ایبٹ آباد اور ڈیرہ اسماعیل خان میں جلد کروناٹیسٹ شروع ہوں گے۔

انہوں نے کہا کہ نجی اسپتالوں میں بھی کرونا کی تشخیص کے لیے ٹیسٹ ہوں گے، میڈل ایسٹ سے آئے 189 مسافروں میں ایک کا ٹیسٹ مثبت آیا، 16مسافروں کے ٹیسٹ کے نتائج آنا باقی ہیں۔

مشیر اطلاعات کا مزید کہنا تھا کہ افغانستان میں پھنسے پاکستانیوں کو ہفتے میں 2 دن مرحلہ وار لایا جائے گا، ہفتہ اور منگل کو 500،500 پاکستانیوں کو لایا جارہا ہے، صوبے میں ہرممکن اقدامات کیے جارہے ہیں۔

خیبرپختونخوا میں کرونا وائرس کے مریضوں کی تعداد 16 ہوگئی

دوسری جانب سماجی رابطے کی ویب سائٹ ٹویٹر پر وزیر صحت خیبرپختونخوا تیمور سلیم جھگڑا نے اپنے پیغام میں کہا کہ خیبرپختونخوا میں کرونا کا ایک اور کیس رپورٹ ہوا ہے۔

تیمور سلیم جھگڑا نے بتایا کہ ایبٹ آباد کا متاثرہ مریض برطانیہ سے واپس آیا تھا۔ انہوں نے اپنے پیغام میں مزید کہا کہ خیبرپختونخوا میں متاثرہ مریضوں کی تعداد 16 ہوگئی ہے۔

پشاور: خیبرپختونخوا حکومت نے کروناوائرس کے پیش نظر لاک ڈاؤن میں پھنسے کان کنوں کو اپنے گھروں تک پہنچانے کا فیصلہ کرلیا، اعلامیہ بھی جاری کردیا گیا۔

تفصیلات کے مطابق محکمہ بحالی و آباد کاری خیبر پختونخوا نے اعلامیہ جاری کردیا۔ اعلامیہ صوبے بھر کے کمشنرز اور ڈپٹی کمشنرز کو جاری کیا گیا ہے، شانگلہ کےکان کنوں کی گھروں میں واپسی کے لیے اقدامات کیے گئے ہیں۔

اعلامیہ میں کہا گیا ہے کہ کان کنوں کی واپسی کے لیے ٹرانسپورٹ میں رعایت دے دی گئی، مزدوروں کو گھروں کی واپسی کے لیے حفاظتی اقدامات کیے جارہے ہیں، مزدوروں کو لانے والی گاڑیوں کو سینیٹائزر سے دھویا جائے گا۔

‘لاک ڈاؤن بڑھانے کا فیصلہ 14اپریل کے بعد کیا جائے گا’

اعلامیہ کے مطابق مزدوروں کی روانگی سے قبل ان کی اسکریننگ کی جائے گی، اپنے اضلاع پہنچنے پر ان مسافروں کو ضلعی انتظامیہ کے حوا لے کیا جائے گا، یہ مسافر اپنے گھروں میں قائم قرنطینہ مراکز میں وقت گزاریں گے۔

کان کنوں روانگی کے وقت مسافروں کو ماسک، پینےکا پانی اور خوراک فراہم کی جائے گی۔

پشاور: خیبرپختونخوا حکومت نے کرونا وائرس سے متعلق ہدایات پر عمل نہ کرنے والے افراد کے خلاف کارروائی کرنے کا فیصلہ کر لیا۔

خیبرپختونخوا حکومت کے مطابق کرونا وائرس سے متعلق ہدایات پر عمل نہ کرنے والے افراد کو ایک سال قید و جرمانے کی سزا ہوگی، حکومت کی جانب سے مراسلے میں کیا گیا ہے کہ جرمانے میں اضافہ وقید 2 سال تک قابل توسیع ہوگی۔

صوبائی حکومت نے مراسلے میں کہا کہ این ڈی ایم اے ایکٹ کے تحت کار سرکارمیں مداخلت پر افسران کو کارروائی کا اختیار ہوگا۔ مراسلے کے مطابق تمام اضلاع کے ڈپٹی کمشنر جہاں ضروری سمجھیں نوٹس جاری کریں۔

وزیراعلیٰ خیبرپختونخوا کا قیدیوں کے لیے بڑا اعلان

یاد رہے کہ گزشتہ روز وزیراعلیٰ خیبرپختونخوا محمود خان نے قیدیوں کی سزاؤں میں 2 ماہ کی کمی کی ہدایت کرتے ہوئے کہا تھا کہ کرونا وبا کی شکل اختیار کرگیا، قیدیوں کو بھی ریلیف دیں گے۔

وزیراعلیٰ خیبر پختونخوا کا مزید کہنا تھا کہ سزائیں کم ہونے سے بیشتر قیدیوں کو رہائی مل جائے گی۔

واضح رہے کہ پنجاب اور سندھ میں کرونا وائرس کے مزید کیسز سامنے آنے کے بعد ملک بھر میں متاثرہ افراد کی تعداد 195 ہوگئی ہے۔