ARYNews.tv | Urdu – Har Lamha Bakhabar

Tag: گائیڈ لائنز

  • اب تیل کمپنیاں پاکستانی روپے میں بھی ادائیگیاں کرسکیں گی

    اب تیل کمپنیاں پاکستانی روپے میں بھی ادائیگیاں کرسکیں گی

    اسلام آباد : نگران حکومت نے کسٹمز بانڈڈ پالیسی گائیڈ لائنز کا نوٹیفکیشن جاری کردیا، جس کے تحتتیل کمپنیاں پاکستانی روپے میں بھی ادائیگیاں کرسکیں گی۔

    تفصیلات کے مطابق نگران حکومت نے کسٹمز بانڈڈ پالیسی گائیڈ لائنز کا نوٹیفکیشن جاری کردیا، سابق اتحادی حکومت نے کسٹمز بانڈڈ پالیسی منظور کی تھی، جس کے بعد اب پیٹرولیم ڈویژن نے گائیڈ لائنز کا نوٹفکیشن جاری کیا۔

    گائیڈ لائنز کے تحت بین الاقوامی کمپنیوں کو پاکستان میں ایک ذیلی کمپنی قائم کرنا ہوگی، یہ تیل ریفائنریوں اور تیل کمپنیوں کو فروخت کیا جائے گا۔

    پالیسی گائیڈ لائنز کے مطابق عالمی خریدار تیل خرید کر پاکستان کی بندرگاہوں کے قریب ذخیرہ کرسکیں گے اور تیل کمپنیاں پاکستانی روپے میں بھی ادائیگیاں کرسکیں گی۔

    پالیسی گائیڈ لائنز میں بتایا گیا ہے کہ تیل کی خرید و فروخت میں حکومت کو کوئی ضمانت نہیں دینا پڑے گی ، عالمی کمپنیوں کا اسٹور کیا ہوا تیل اوگرا کی لائسنس یافتہ کمپنیوں کو ہی فراہم کیا جاسکے گا۔

    پاکستانی بندرگاہوں میں اسٹور کیا ہوا تیل دوبارہ برآمد بھی کیا جاسکے گا تاہم برآمد کرنے کیلئے اوگرا سے اجازت لینا پڑے گی۔

  • کرونا وائرس ویکسین کے حوالے سے چین کا اہم اقدام

    کرونا وائرس ویکسین کے حوالے سے چین کا اہم اقدام

    بیجنگ: چین نے کووڈ 19 کی ویکسین کے حوالے سے ضوابط جاری کرتے ہوئے کہا ہے کہ اگر ویکسینز کی افادیت کی شرح کم از کم 50 فیصد ہو اور وہ کرونا وائرس کے خلاف قوت مدافعت 6 ماہ تک برقرار رکھے تب ہی اس کی منظوری دی جائے گی۔

    بین الاقوامی میڈیا کے مطابق چین کے سینٹر فار ڈرگ ایولوشن (سی سی ڈی ای) کا تجویز کردہ مسودہ سامنے آیا ہے جس میں کرونا وائرس ویکسین کے حوالے سے ضوابط دیے گئے ہیں۔

    چین نے کہا ہے کہ کووڈ 19 کی روک تھام کے لیے ویکسینز کی منظوری اسی صورت میں دی جائے گی جب ان کی افادیت کی شرح کم از کم 50 فیصد اور کرونا وائرس کے خلاف قوت مدافعت 6 ماہ تک برقرار رکھ سکے گی۔

    اگرچہ اس میں ویکسین کی کم از کم افادیت 50 فیصد قرار دی گئی ہے مگر ویکسینز کے لیے جو ہدف مقرر کیا گیا ہے وہ 70 فیصد آبادی کے لیے مؤثر ہونا ہے۔

    مسودے کے مطابق ویکسینز کے ہنگامی استعمال کے لیے کم از کم افادیت کی شرح رکھی گئی ہے اور ان میں ایسی ویکسین بھی شامل ہوگی جس کا کلینیکل ٹرائل مکمل نہ ہوا ہو مگر افادیت کو دیکھتے ہوئے اس کے استعمال کی منظوری دے دی جائے گی۔

    ویکسین کی افادیت کے حوالے سے چینی گائیڈ لائنز میں عالمی ادارہ صحت اور یو ایس فوڈ اینڈ ڈرگ ایڈمنسٹریشن کی ہدایات کو مدنظر رکھا گیا ہے۔

    سی سی ڈی ای کے مطابق اس معیار کا تعین عالمی ادارہ صحت کی ہدایات اور 50 سے زائد ماہرین اور 37 سائنسی ٹیموں سے مشاورت کے بعد کیا گیا ہے۔

    یاد رہے کہ چین میں 4 کرونا ویکسینز کلینیکل ٹرائلز کے آخری مرحلے میں داخل ہوچکی ہیں۔

  • امریکا میں اسکول کھولنے کا معاملہ، سی ڈی سی کا ٹرمپ کا حکم ماننے سے انکار

    امریکا میں اسکول کھولنے کا معاملہ، سی ڈی سی کا ٹرمپ کا حکم ماننے سے انکار

    واشنگٹن: امریکا میں اسکول کھولنے کے معاملے پر ٹرمپ انتظامیہ نئے تنازع کا شکار ہو گئی ہے، امریکی سینٹر فار ڈیزیز کنٹرول (سی ڈی سی) نے صدر ٹرمپ کا حکم نامہ ماننے سے انکار کر دیا ہے۔

    امریکی میڈیا کے مطابق صدر ٹرمپ نے ٹویٹ کیا تھا کہ اسکول کھولنے کے لیے بنائی جانے والی گائیڈ لائنز ‘بہت سخت’ اور ‘مہنگے’ ہیں، ایک اور ٹویٹ میں انھوں نے دھمکی دی کہ اگر اسکول کھولے جانے کے خلاف مزاحمت کی گئی تو اسکول فنڈنگ بند کر دی جائے گی، حالاں کہ ایسا کرنے کے لیے وفاقی حکومت کا اختیار محدود ہے۔

    امریکی صدر ڈونلڈ ٹرمپ نے سی ڈی سی کو نئی گائیڈ لائنز تیار کرنے کا حکم نامہ بھی جاری کیا، تاہم سی ڈی سی کے سربراہ ڈاکٹر رابرٹ ریڈ فیلڈ نے دو ٹوک الفاظ میں کہا ہے کہ اسکول کھولنے کے لیے دی گئی گائیڈ لائنز تبدیل نہیں کر سکتے، ہماری گائیڈ لائنز تبدیل نہیں ہو سکتیں۔

    امریکا سے غیرملکی طلبہ کو نکالنے کا ٹرمپ انتظامیہ کا فیصلہ عدالت میں چیلنج

    انھوں نے واضح کیا کہ سی ڈی سی کسی کی ضروریات کو نہیں دیکھتی بلکہ رہنما اصول تیار کرتی ہے۔

    خیال رہے کہ صدر ٹرمپ نے ملک کے صحت کے اعلیٰ عہدے داروں کے مشوروں کے بر خلاف، بار بار مطالبہ کیا ہے کہ اسکول دوبارہ کھولے جائیں، حالاں کہ ملک بھر میں کرونا کیسز میں اضافہ ہوا۔

    دوسری طرف اسکولوں کے دوبارہ کھولنے کے لیے سی ڈی سی نے رہنما خطوط جاری کیے ہیں، جو بچوں کو محفوظ رکھنے کے لیے اقدامات پر مشتمل ہیں، ان میں ڈیکسز کا 6 فٹ کے فاصلے پر رکھنا، بچوں کا فیس ماسک استعمال کرنا شامل ہے۔ وہ جگہیں جہاں بچے گھل ملتے ہیں جیسا کہ کھانے کی جگہ اور کھیل کا میدان، سی ڈی سی نے ان جگہوں کو بند کرنے اور جہاں ضروری ہو وہاں چھینک کے ذرات پھیلنے سے روکنے والے شیلڈز لگانے کی تجویز بھی دی۔

  • کورونا وائرس کے شدید متاثر مریضوں کے علاج کے لیے گائیڈ لائنز جاری

    کورونا وائرس کے شدید متاثر مریضوں کے علاج کے لیے گائیڈ لائنز جاری

    لاہور : کورونا وائرس کے شدید متاثر مریضوں کے علاج کے لیے گائیڈ لائنز جاری کردی گئی ، گائیڈ لائنز ہائیڈروکسی کلوروکوئن ، کلوروکوئین دینے سے روکنے کیلئے جاری کی گئی۔

    تفصیلات کے مطابق کورونا وائرس کے شدید متاثر مریضوں کے علاج کے لیے گائیڈ لائنز جاری کردی گئی ، ہدایات اسپیشلائزڈ ہیلتھ کیئر اینڈ میڈیکل ایجوکیشن ڈیپارٹمنٹ نے جاری کیں۔

    مراسلہ ہائیڈروکسی کلوروکوئن ، کلوروکوئین دینے سے روکنے کیلئے جاری کیا گیا اور آکسیجن، اینٹیکوگولیشن، ٹوکسیلیزوماب ٹرائیل ڈرگ سےمتعلق ہدایت جاری کی گئی۔

    مراسلے میں کہا گیا متاثرہ افراد کو اسٹیرائیڈز، اینٹی بائیوٹکس مخصوص مقدارمیں ہی دی جاسکے گی، دستیاب اینٹی وائرس کا کورونا سے بچاؤ میں کوئی خاص کردار نہیں۔

    یاد رہے کورونا ایکسپرٹ ایڈوائزری گروپ کوروناکےمریضوں پر ملیریا سے بچاؤ کی دوا کوروکوئین کا استعمال فوری بند کرنے کا فیصلہ کیا تھا ، ایڈوائزری گروپ ممبر کا کہنا تھا کہ ہائیڈروکسی کلوروکوئین کےاستعمال سےڈیتھ ریٹ بڑھ رہاہے، صحت مند مریضوں کا کلوروکوئین کااستعمال کرنا زندگیوں کو خطرہ میں ڈالنا ہے۔

    پروفیسرثاقب نے کہا تھا کہ کلوروکوئین ،ہائیڈروکسی کلوروکوئین سے دل کی دھڑکن بے ترتیب ہورہی ہے، پہلی اسٹڈی میں کلوروکوئین کےاستعمال کے فائدہ مند اثرات تھے۔

  • قومی ادارہ صحت کی کانگو وائرس سے متعلق گائیڈ لائنز جاری

    قومی ادارہ صحت کی کانگو وائرس سے متعلق گائیڈ لائنز جاری

    اسلام آباد: قومی ادارہ صحت نے کانگو وائرس سے متعلق گائیڈ لائنز جاری کردیں۔

    تفصیلات کے مطابق عید قرباں سے پہلے کانگو وائرس کے پھیلاؤ کے خدشہ کے تحت قومی ادارہ صحت نے کانگو وائرس سے متعلق گائیڈ لائنز جاری کردیں۔

    گائیڈ لائنز کے مطابق کانگو بخار خطرناک نیرو نامی وائرس سے پھیلتا ہے۔ کانگو مویشی کی کھال سے چپکی چیچڑوں میں پایا جاتا ہے، چیچڑی کے کاٹنے سے وائرس انسان کو منتقل ہوتا ہے۔

    مزید پڑھیں: کانگو وائرس کی علامات اور احتیاطی تدابیر

    قومی ادارہ صحت کے مطابق نیرو وائرس صرف انسانوں میں کانگو بخار پھیلاتا ہے۔ نیرو وائرس انسانی خون، تھوک اور فضلات میں پایا جاتا ہے۔

    قومی ادارہ صحت کا کہنا ہے کہ تیز بخار، کمر، پٹھوں، گردن میں درد، قے، متلی، گلے کی سوزش اور جسم پر سرخ دھبے کانگو کی علامات ہیں۔

    گائیڈ لائنز کے مطابق بچوں کو مویشی منڈی لے جانے سے گریز کیا جائے، قربانی کے وقت ہاتھوں پر دستانوں کا استعمال کریں۔ کانگو وائرس کی ویکسین تا حال ایجاد نہیں ہوئیں۔