ARYNews.tv | Urdu – Har Lamha Bakhabar

Tag: گارڈن

  • کراچی: گارڈن میں بھتہ نہ دینے پر فائرنگ سے 2 مزدور زخمی

    کراچی: گارڈن میں بھتہ نہ دینے پر فائرنگ سے 2 مزدور زخمی

    کراچی: گارڈن کے علاقے میں شادی ہال کے قریب زیر تعمیر عمارت میں فائرنگ کے نتیجے میں 2 مزدور زخمی ہوگئے۔

    اے آر وائی نیوز کے مطابق پولیس کا اس حوالے سے کہنا ہے کہ ملزمان نے ٹانگ پر گولی مار کر 2 مزدوروں کو زخمی کردیا، عمارت کے مالک سے ایک سال پہلے بھی بھتہ مانگا گیا تھا۔

    زخمی مزدوروں کا اپنے بیان میں کہنا ہے کہ ملزمان آئے اور پرچہ دیکرکہا اس نمبر پر فون کرو۔

    پولیس کے مطابق ملزمان نے سپروائزر کو گولی ماری جو اس کو لگ کر دوسرے مزدور کو جا لگی، واقعے کی مزید تفصیلات حاصل کی جا رہی ہیں۔

    اس سے قبل کراچی کے علاقے بن قاسم میں فائرنگ سے اے ایس آئی محمد خان ابڑو جاں بحق ہوگیا۔

    پولیس حکام کا کہنا ہے کہ اے ایس آئی محمد خان ابڑو کو اسٹیل ٹاؤن میں گھر کے باہر گولیاں ماری گئیں۔ پولیس کے مطابق مقتول اے ایس آئی اسٹیل ٹاؤن تھانے میں تعینات تھے۔

    پولیس حکام کے مطابق محمد خان ابڑو کو شدید زخمی حالت میں اسپتال منتقل کیا گیا جہاں وہ زخموں کی تاب نہ لاتے ہوئے دم توڑ گئے۔

    تفتیشی حکام کے مطابق محمد خان ابڑو، پولیس افسر جاوید ابڑو کے بھائی ہیں۔

    پولیس کی بھاری نفری موقع پر پہنچ گئی اور کرائم سین یونٹ کی جانب سے تفتیش کا عمل شروع کردیا گیا ہے، ابتدائی تحقیقات مکمل ہونے کے بعد لاش کو پوسٹ مارٹم کے لیے اسپتال منتقل کیا جائے گا۔

    کراچی میں فائرنگ سے ایک پولیس اہلکار شہید، دو زخمی

    بعدازاں لواحقین نے بتایا کہ شہید اے ایس آئی کے خلاف گزشتہ روز اسٹیل ٹاؤن تھانے میں مقدمہ درج ہوا تھا، وہ عدالت سے بھائی کے ہمراہ گھر واپس آیا تھا۔

    لواحقین کے مطابق اے ایس آئی بڑے بھائی جاوید کو گھر چھوڑ کر اپنے گھر کی جانب گیا تھا، وہ جیسے ہی گاڑی سے اترا ملزمان نے فائرنگ کردی، شہید اے ایس آئی چار بچوں کا باپ تھا۔

  • عالیان علی رضا کیس، لاپتا بچے کی والدہ کی درخواست پر اے آئی جی کا بڑا فیصلہ

    عالیان علی رضا کیس، لاپتا بچے کی والدہ کی درخواست پر اے آئی جی کا بڑا فیصلہ

    کراچی: گارڈن کے علاقے سے عالیان اور علی رضا کے مبینہ اغوا کے کیس میں لاپتا بچے کی والدہ کی درخواست پر ایڈیشنل آئی جی نے ہائی پروفائل کیس کی تفتیش اے وی سی سی کو منتقل کر دی۔

    تفصیلات کے مطابق گارڈن سے لاپتا بچوں عالیان اور علی رضا کیس اے آئی جی کراچی نے اینٹی وائلنٹ کرائم سیل کو منتقل کر دیا ہے، یہ فیصلہ لاپتا بچے کی والدہ کی درخواست پر کیا گیا ہے۔

    ایڈیشنل آئی جی کراچی جاوید عالم اوڈھو نے اس سلسلے میں ایک حکم نامہ جاری کیا ہے، جس میں اے وی سی سی کے ایس ایس پی کو ہدایت کی گئی ہے کہ یہ کیس ذاتی نگرانی میں دیکھیں اور تفتیش ذمہ دار افسر کے سپرد کریں جو مکمل میرٹ پر کام کرے۔

    واضح رہے کہ عالیان کی والدہ زینب یونس کی جانب سے تفتیش تبدیلی کی درخواست دی گئی تھی، ڈسٹرکٹ سٹی پولیس کی جانب سے ایک بورڈ تشکیل دیا گیا تھا، اس بورڈ نے بھی تفتیش تبدیل کرنے کی سفارش کی تھی، جس پر ڈی آئی جی انویسٹی گیشن سندھ کی جانب سے درخواست منظور کی گئی، اور گارڈن پولیس کا کیس فوری طور پر اے وی سی سی منتقل کر دیا گیا۔

    سراغ رساں کتا بو سونگھتے کہاں جا کر رکا؟ گارڈن سے لاپتا بچوں کی تلاش میں بڑی پیش رفت

    یاد رہے کہ 14 جنوری کو 5 سالہ عالیان عرف علی اور 6 سالہ علی رضا اپنے گھر کے باہر کھیلتے ہوئے گزشتہ ماہ گارڈن ویسٹ سے لاپتا ہو گئے تھے۔ اس کیس میں سرچ آپریشن کے دوران 19 مشتبہ افراد کو حراست میں لے کر پوچھ گچھ کی گئی تھی تاہم کوئی پیش رفت نہیں ہو سکی تھی، پولیس نے لاپتا بچوں کے بارے میں معلومات فراہم کرنے والے کو 3 لاکھ روپے انعام دینے کا بھی اعلان کیا تھا۔

    بچوں کو لاپتا ہوئے تقریباً 49 دن گزر چکے ہیں لیکن تاحال بچوں کا کوئی پتا نہیں چل سکا ہے، نہ ہی پولیس کوئی سراغ ڈھونڈ پائی ہے۔

    لاپتا بچے علی رضا کے والد کی حالت اور فریاد

  • کراچی : جعلی سرکاری افسر پولیس کے ہتھے چڑھ گیا

    کراچی : جعلی سرکاری افسر پولیس کے ہتھے چڑھ گیا

    کراچی میں جعلی سرکاری افسر اصلی پولیس کے ہتھے چڑھ گیا، ملزم رعب جمانے کیلیے اپنے ساتھ سیکیورٹی گارڈ بھی رکھتا تھا۔

    اے آر وائی نیوز کی رپورٹ کے مطابق کراچی کے علاقے گارڈن سے پولیس نے جعلی سرکاری افسر کو گرفتار کیا ہے، ملزم سبز رنگ کی نمبر پلیٹ کی گاڑی میں پولیس لائٹ لگا کر گھومتا تھا۔

    اس حوالے سے پولیس حکام کا کہنا ہے کہ ملزم خود کو سرکاری افسر ظاہر کرتا تھا اور لوگوں پر رعب جمانے کیلیے سیکیورٹی گارڈ بھی ساتھ رکھتا تھا۔

    پولیس حکام کا بتانا ہے کہ ملزم کے ساتھ اس کے سادہ لباس سیکیورٹی اہلکار کو بھی گرفتار کرلیا گیا ہے، ملزمان کی شناخت بابر خان نیازی اور نبی بخش کے ناموں سے ہوئی ہے۔

    ملزمان سے سرکاری نمبر پلیٹ والی گاڑی اور رائفل برآمد کرلی گئی۔ ملزم بابر خان نیازی اپنے آپ کو سرکاری افسر ظاہر کرتا رہا۔

    پولیس حکام کے مطابق گرفتار ملزمان کے خلاف مقدمہ درج کرلیا گیا ہے اور مزید تفتیش جاری ہے۔

    مزید پڑھیں : گلشن معمارسے جعلی پولیس افسر گرفتار، مقدمہ درج 

    یاد رہے کہ گزشتہ ماہ دسمبر میں کراچی کے علاقے گلشن معمار سے جعلی پولیس افسر کو گرفتار کیا گیا تھا۔ ملزم پولیس یونیفارم پہن خود کو اے ایس آئی بتا رہا تھا۔

    پولیس کے مطابق جعلی پولیس افسر اشفاق دکاندار سے جھگڑا کررہا تھا کہ اس موقع پر پولیس پہنچ گئی، پولیس نے شبہ ہونے پر پوچھا تو ملزم اپنی پوسٹنگ کا واضح جواب نہیں دے سکا اور کہا درخشاں تھانے میں تعینات ہے اس کے بعد بولا کہ ڈیفنس تھانے میں تعینات ہے۔

  • سراغ رساں کتا بو سونگھتے کہاں جا کر رکا؟ گارڈن سے لاپتا بچوں کی تلاش میں بڑی پیش رفت

    سراغ رساں کتا بو سونگھتے کہاں جا کر رکا؟ گارڈن سے لاپتا بچوں کی تلاش میں بڑی پیش رفت

    کراچی: شہر قائد کے علاقے گارڈن سے لاپتا ہونے والے 2 بچوں کی بازیابی کی کوششیں کرتے ہوئے پولیس کو کتے کی مدد سے ایک سراغ ملا ہے۔

    پولیس حکام کے مطابق گارڈن سے لاپتا دو بچوں 5 سالہ علیان اور 6 سالہ عمر علی کی تلاش کے سلسلے میں حیدر آباد سے لائے گئے سراغ رساں کتے کی مدد سے ایک مقام کی نشان دہی ہوئی ہے۔

    پولیس حکام کا کہنا ہے کہ کتے کو بچوں کے کپڑے سنگھائے گئے تو بو کا پیچھا کرتے ہوئے سراغ رساں کتا لیاری کشتی مسجد کے قریب رک گیا۔

    پولیس کے مطابق بچوں کی تلاش سے متعلق ایک عینی شاہد سے بیان بھی لیا گیا ہے، عینی شاہد نے بھی بچوں کے کشتی مسجد کے قریب دیکھے جانے کی نشان دہی کی ہے۔ مذکورہ مقام پر لیاری ندی بھی ہے، مشینری کی مدد سے ندی کو صاف کیا گیا، ندی میں مزید مقامات کو صاف کر کے تلاشی کا عمل جاری ہے۔

    گارڈن سے مبینہ اغوا بچوں کی دوسری فوٹیج سامنے آ گئی، پہلی فوٹیج مشکوک

    یاد رہے گارڈن ویسٹ سے لاپتا ہونے والے پانچ سالہ علیان اور چھ سالہ رضا کو 14 جنوری کو مبینہ طور پر اغوا کیا گیا تھا، جس کے بعد تاحال ان کا کچھ پتا نہیں چل سکا ہے۔

    واضح رہے کہ کراچی میں بچوں کے اغوا و لاپتا ہونے کے واقعات کے پیش نظر کراچی کے تمام تھانوں میں سیکیورٹی الرٹ جاری کر دیا گیا ہے، جس میں کہا گیا ہے کہ بچوں کے لاپتا ہونے کی صورت میں فورا مددگار 15 پر اطلاع دیں، اسکول اور مدارس کے انتظامیہ کو بھی لیٹر جاری کیا گیا ہے، کہ بچوں کو والدین یا ان کی گاڑی والے کے علاوہ کسی کے حوالے نہ کریں۔

  • دلاسوں کے بجائے بچے بازیاب کرائے جائیں ، گارڈن سے لاپتہ 2 کمسن بچوں کے اہلخانہ کا مطالبہ

    دلاسوں کے بجائے بچے بازیاب کرائے جائیں ، گارڈن سے لاپتہ 2 کمسن بچوں کے اہلخانہ کا مطالبہ

    کراچی‌ : گارڈن سےلاپتہ ہونے والے دو کمسن بچے کے اہلخانہ نے سندھ اسمبلی کے باہر احتجاج کرتے ہوئے مطالبہ کیا دلاسوں کے بجائے بچے بازیاب کرائے جائیں۔

    تفصیلات کے مطابق کراچی کے علاقے گارڈن سے لاپتہ ہونے والے دو کمسن بچے دو ہفتے سے زائد گزرنے کے بعد بھی تلاش نہ کیے جاسکے۔

    کمسن علیان اور رضا کے اہلخانہ احتجاج کرتے ہوئے سندھ اسمبلی پہنچ گئے۔

    سندھ اسمبلی کے باہراحتجاج کرتے ہوئے بچوں کی یاد میں تڑپی ماں نے کہا کہ نہ جانے بچے کس حال میں ہوں گے روزانہ تلاش میں سڑکوں پر مارے مارے پھر رہے ہیں ہر در پہ جارہے ہیں لیکن کوئی ساتھ نہیں دے رہا۔

    بچوں کے والد کا کہنا ہے پولیس روز بچوں کی تلاش کے متعلق آگاہی تو دیتی ہے لیکن بچوں کو ڈھونڈے میں ناکام ہے۔

    گمشدہ بچوں کےاہلخانہ کاپولیس سےبات کرنے سے انکار کردیا ، والدعلیان کا کہنا تھا کہ پولیس پربھروسہ نہیں،وزیرآ کریقین دہانی کرائیں۔

    مظاہرین نے وزیراعلی سندھ سے اپیل کے ہے کہ دلاسوں کے بجائےجلد سے جلد بچے بازیاب کرائے جائیں۔

    یاد رہے گارڈن ویسٹ سے لاپتا ہونے والے پانچ سالہ علیان اورچھ سالہ رضا کو چودہ جنوری کومبینہ طورپراغوا کیا گیا، جس کے ببعد تاحال کچھ پتانہ چلا سکا

     

    View this post on Instagram

     

    A post shared by ARY News Urdu (@urdu.arynews.tv)

  • امریکی خاتون گارڈن میں اپارٹمنٹ کی پارکنگ سے اچانک روانہ، پولیس کی دوڑیں لگ گئیں

    امریکی خاتون گارڈن میں اپارٹمنٹ کی پارکنگ سے اچانک روانہ، پولیس کی دوڑیں لگ گئیں

    کراچی : امریکی خاتون اچانک گارڈن میں اپارٹمنٹ کی پارکنگ سے اچانک روانہ ہوگئیں ، جس پر پولیس حکام کی دوڑیں لگ گئیں۔

    تفصیلات کے مطابق کراچی میں موجود امریکی خاتون پورا دن فلیٹ کی بیسمنٹ میں رہنے کے بعد اچانک آن لائن ٹیکسی میں نامعلوم مقام کی جانب روانہ ہوگئی، جس پر فلیٹ مکین خوش اور پولیس پریشان ہیں، پولیس کا کہنا ہے نہیں معلوم خاتون کہاں گئی۔

    گذشتہ روز سے امریکی خاتون نے پہلے گارڈن میں لڑکے کی بلڈنگ کی پارکنگ میں ڈیرے ڈالے ہوئے تھے جبکہ محبت کا دم بھرنے والا 19 سالہ نوجوان ندال احمد میمن فلیٹ پر لگا کرفیملی سمیت بھاگ گیا ہے۔

    مزید پڑھیں : لڑکے سے شادی ! امریکی خاتون کا بڑا دعویٰ سامنے آگیا

    خاتون کا کہنا تھا کہ آن لائن شادی کی تھی، مجھے پیسے نہیں چاہیے میرے پاس پیسے ہیں۔

    یاد رہے خاتون اونیجا اینڈریو نے گارڈن میں واقع پاکستانی لڑکے ندال میمن کے گھرپر دھرنا دے دیا تھا اور فلیٹس کے پارکنگ ایریا میں کرسی ڈال کر بیٹھ گئی تھی۔

    اونیجا اینڈریو کا کہنا تھا کہ کچھ بھی ہوجائے اپنی محبت حاصل کئے بغیر نہیں جاؤں گی۔

    پولیس حکام کا کہنا تھا خاتون لڑکے سے ملاقات اور ہر ہفتے 5 ہزار امریکی ڈالرز کی ادائیگی کا مطالبہ کررہی ہے۔

  • گارڈن سے مبینہ اغوا بچوں کی دوسری فوٹیج سامنے آ گئی، پہلی فوٹیج مشکوک

    گارڈن سے مبینہ اغوا بچوں کی دوسری فوٹیج سامنے آ گئی، پہلی فوٹیج مشکوک

    کراچی: شہر قائد کے علاقے گارڈن سے مبینہ طور پر اغوا ہونے والے دو کم عمر بچوں کی دوسری سی سی ٹی وی فوٹیج پولیس کو ملی ہے، جس سے پہلی فوٹیج مشکوک ہو گئی ہے۔

    گارڈن ویسٹ سے کم عمر علی اور علیان کی گمشدگی کے کیس میں پیش رفت ہوئی ہے، پولیس کو ایک اور سی سی ٹی وی فوٹیج مل گئی ہے، مبینہ اغوا کی پہلی سی سی ٹی وی فوٹیج پر کام کرتے ہوئے پولیس کو ایک کلینک کے باہر دوسری فوٹیج ملی۔

    ایس ایس پی عارف عزیز کے مطابق سی سی ٹی وی فوٹیج میں موٹر سائیکل سوار مرد اور عورت کے ساتھ کلینک کے باہر دونوں بچوں کو دیکھا گیا ہے، اس دوسری فوٹیج سے لگتا ہے کہ موٹر سائیکل سوار خاتون اور مرد کے ساتھ نظر آنے والے بچے انہی کے ہیں۔

    دوسری فوٹیج میں صبح 11 بج کر 22 منٹ پر بچوں کو دیکھا گیا، علی اور علیان کے والدین کے مطابق ان کے بچے 12 بجے کے بعد لاپتا ہوئے تھے، واقعے کی دوسری فوٹیج سامنے آنے کے بعد علی اور علیان کے گھر والوں نے تصدیق کی، کہ سی سی ٹی وی میں نظر آنے والے بچے ان کے نہیں ہیں۔

    صارم کیس: تفتیش کے دوران اہم شواہد مل گئے

    گارڈن پولیس کا کہنا ہے کہ علی اور علیان کی گمشدگی کے پہلو پر کام جاری ہے، تمام ٹیکنیکل سپورٹ کو بچوں کی تلاش کے لیے استعمال کیا جا رہا ہے، اج سراغ رساں کتوں کی مدد سے بھی بچوں کو رہائشی علاقے کے اطراف فلیٹس اور گھروں میں تلاش کیا جائے گا۔

    ایس ایس پی عارف عزیز کے مطابق علی اور علیان کے والدین نے کچھ افراد پر شک کا اظہار کیا تھا، جس پر ان سے پوچھ گچھ کی جا رہی ہے۔

    دوسری طرف کراچی میں بچوں کے اغوا و لاپتا ہونے کے واقعات کے پیش نظر کراچی کے تمام تھانوں میں سیکیورٹی الرٹ جاری کر دیا گیا ہے، جس میں کہا گیا ہے کہ بچوں کے لاپتا ہونے کی صورت میں فورا مددگار 15 پر اطلاع دیں، اسکول اور مدارس کے انتظامیہ کو بھی لیٹر جاری کیا گیا ہے، کہ بچوں کو والدین یا ان کی گاڑی والے کے علاوہ کسی کے حوالے نہ کریں۔

  • گارڈن سے لاپتہ ہونے والے دو کمسن بچوں کے معاملے پر اہم پیش رفت سامنے آگئی

    گارڈن سے لاپتہ ہونے والے دو کمسن بچوں کے معاملے پر اہم پیش رفت سامنے آگئی

    کراچی : گارڈن سے لاپتہ ہونے والے دو کمسن بچوں کے معاملے پر اہم پیش رفت سامنے آگئی واقعے پر کمیٹی بنادی ہے ، جو لاپتہ بچوں کی بازیابی پر کام کرے گی۔

    تفصیلات کے مطابق کراچی کے علاقے گارڈن ویسٹ سے 14 جنوری کو لاپتہ ہونے والے دو کمسن پڑوسی بچوں کا پولیس تاحال سراغ نہیں لگا سکی۔

    ڈی آئی جی ساؤتھ اسد رضا نے گارڈن سے 2 بچے لاپتہ ہونے کے واقعے پر کمیٹی بنادی ،ایس ایس پی سٹی کمیٹی کی سربراہی کریں گے۔

    اسد رضا کا کہنا تھا کہ 5رکنی کمیٹی میں ایس پی انوسٹی گیشن سٹی بھی شامل ہیں ، تفتیشی ٹیم لاپتہ بچوں کی بازیابی پر کام کرے گی۔

    انھوں نے بتایا کہ بچوں کی بازیابی کے لیے ہرممکن کوشش کررہے ہیں ، 3 مشکوک افراد کو حراست میں لیا گیا ہے۔

    مزید پڑھیں : اتنی سردی میں میرا بچہ نہ جانے کہاں ہوگا؟ گارڈن سے لاپتہ علیان کی والدہ کی دُہائی

    ڈی آئی جی ساؤتھ نے بتایا کہ گارڈن دھوبی گھاٹ سے لاپتہ بچوں کا روٹ چیک کیا گیا ہے، لیاری کشتی چوک تک بچوں کی آخری لوکیشن آئی ہے اور جائے وقوعہ کی جیو فینسگ کی گئی ہے۔

    پولیس حکام کا کہنا تھا کہ بچوں کی بازیابی کے لیے مختلف حکمت عملی کے تحت کام کیا جا رہا ہے، موٹرسائیکل سوار خاتون اور مرد کی سی سی ٹی وی حاصل کی ہیں اور پیشرفت کے لیے ٹیکنیکل سپورٹ سے بھی کام لیا جارہا ہے۔

    دوسری جانب کراچی میں بچوں کے لاپتہ اوراغواسےمتعلق سی پی او میں اے آئی جی کی زیرصدارت اجلاس ہوا کراچی پولیس چیف جاوید عالم اوڈھو نے موجودہ کیسز کی پیش رفت کا تفصیلی جائزہ لیا۔

    جاوید عالم اوڈھو نے بچوں کی بازیابی کو یقینی بنانے کیلئے سخت اقدامات عمل میں لانے کے احکامات جاری کرتے ہوئے کہا کہ مقدمات کی تفتیش میں تیزی لائیں اور والدین و متاثرہ خاندانوں کو ہر ممکن تعاون فراہم کریں۔

    یاد رہے چار سالہ علیان کی والدہ نے اے آر وائی نیوز سے گفتگو کرتے ہوئے کہا تھا کہ سردی کا موسم ہے ناجانے بچے کس حال میں ہوں گے، جلد بازیاب کروایا جائے۔

    مبینہ طور پر اغوا ہونے والے دنوں بچوں کے والدین کا کہنا تھا کہ ہماری کسی سے نہ کوئی دشنمی اور کسی نے بچوں کی بازیابی کے لئے تاوان کا مطالبہ کیا۔

  • اتنی سردی میں میرا بچہ نہ جانے کہاں ہوگا؟ گارڈن سے لاپتہ علیان کی والدہ کی دُہائی

    اتنی سردی میں میرا بچہ نہ جانے کہاں ہوگا؟ گارڈن سے لاپتہ علیان کی والدہ کی دُہائی

    کراچی : گارڈن سے لاپتہ علیان کی والدہ نے دُہائی دیتے ہوئے کہا کہ اتنی سردی میں میرابچہ نہ جانے کہاں ہوگا۔

    تفصیلات کے مطابق کراچی کے گارڈن ویسٹ سے لاپتہ دو بچوں کو سات روز بعد بھی تلاش نہیں کیا جا سکا۔

    بچوں کے والد کا کہنا ہے کسی سے دشمنی نہیں، اعلیٰ حکام سے اپیل ہے بچے جلد تلاش کیے جائیں ہم توڈھونڈ ڈھونڈ کرتھک گئے ہیں اور تاوان کے لیے بھی کوئی کال نہیں آئی، بچے کی والدہ بار بار بے ہوش ہوجاتی ہیں۔

    چار سالہ علیان کی والدہ نے اے آر وائی نیوز سے گفتگو مین دہائی دیتے ہوئے کہا سردی کا موسم ہے ناجانے بچے کس حال میں ہوں گے، اس نے نہ جیکٹ پہنا ہے نہ موزے پتہ نہیں کن ظالموں کے ہاتھ میں ہے، میرا بچہ ڈھونڈ کرلادیں۔

    ڈی آئی جی ساتھ اسد رضا کا کہنا ہے کہ بچوں کی بازیابی کے لیے ہر ممکن کوشش کر رہے ہیں، 3 مشکوک افراد زیرحراست ہیں اور جیو فینسنگ بھی کی گئی ہے۔

    یاد رہے گارڈن سے اغواء ہونے والے بچوں کی تلاش کے لئے پولیس نے شہریوں سے بھی مدد مانگنے کا فیصلہ کرتے ہوئے کہا تھا کہ بچوں سے متعلق اطلاع دینے والے شخص کو 3لاکھ روپے انعام دیا جائے گا۔

    مزید پڑھیں : کراچی: گارڈن سے گم شدہ بچوں کے اغوا کی سی سی ٹی وی فوٹیج سامنے آگئی

    پولیس کا کہنا تھا کہ بچوں کی بازیابی کیلئے کئی علاقوں میں سرچ آپریشن کیا گیا تھا اور سرچ آپریشن کے دوران 19 مشتبہ افراد تھانے منتقل کیا گیا،مشتبہ افراد سے پوچھ گچھ کا سلسلہ جاری ہے، کچھ شواہد ملیں ہیں انشاء اللہ بچے بہت جلد بازیاب ہو جائیں گے۔

    واضح رہے گذشتہ ہفتے کراچی میں گارڈن ویسٹ سے دو کمسن بچوں کو اغوا کرلیا گیا تھا ، لاپتہ دونوں بچے گھر کے باہر کھیل رہے تھے۔

  • گارڈن سے اغواء ہونے والے بچوں کی مائیں گورنر ہاؤس پہنچ گئیں

    گارڈن سے اغواء ہونے والے بچوں کی مائیں گورنر ہاؤس پہنچ گئیں

    کراچی : گارڈن سے اغواء ہونے والے بچوں کی مائیں گورنر ہاؤس پہنچ گئی اور اپیل کی کہ ہمارے بچوں کو بازیاب کرایا جائے۔

    تفصیلات کے مطابق کراچی گارڈن سے اغوا 2 بچوں کی مائیں گورنر ہاؤس امید کی گھنٹی پہنچ گئیں، ماؤں نے گورنر سندھ سے اپیل کی کہ ہمارےبچوں کو بازیاب کرایا جائے۔

    گورنر نے متاثرہ خاندانوں کی مدد کیلئے گورنرہاؤس میں خصوصی سیل قائم کر دیا اور آئی جی سندھ اور سی پی ایل سی چیف کو ٹیلیفون کرتے ہوئے بچوں کی بازیابی یقینی بنانے کیلئے تمام وسائل بروئے کار لانے کی ہدایت کردی۔

    مزید پڑھیں : کراچی: گارڈن سے گم شدہ بچوں کے اغوا کی سی سی ٹی وی فوٹیج سامنے آگئی

    اسلام آباد سے گورنرسندھ کی مغوی بچوں کی ماؤں سے فون پر گفتگو بھی ہوئی، جس میں انھوں نے ماؤں کو یقین دہانی کرائی کہ انشااللہ جلدبچےبازیاب ہوں گے۔

    یاد رہے کراچی میں گارڈن ویسٹ سے مبینہ طور پراغوا ہونے والے دو کمسن بچوں کاتاحال کچھ پتا نہ ہوسکا، انصاف کی تلاش میں اہلخانہ کراچی پریس کلب پہنچے اور احتجاج کیا۔

    گھروالوں کا کہنا تھا کہ پانچ سالہ عالیان اورچھ سالہ علی کوجلد سے جلد تلاش کیاجائے، جس پر پولیس حکام نے بتایا کہ بچوں کی بازیابی کےلیےٹیکنیکل اورہیومن انٹیلیجنس کی مدد سےبھرپورکوششیں کررہے ہیں۔