Tag: گالی

  • ’گالی دے گا؟‘ خواتین نے رکشہ ڈرائیور کی چپل سے پٹائی کردی

    ’گالی دے گا؟‘ خواتین نے رکشہ ڈرائیور کی چپل سے پٹائی کردی

    رکشہ ڈرائیور کے گالی دینے پر مشتعل خواتین نے چپل سے بیچ سڑک پر اسکی پٹائی کردی، دونوں پارٹیوں میں کرائے پر تکرار شروع ہوئی تھی۔

    بھارتی شہر لکھنو کی سڑک پر اس وقت مجمع لگ گیا جب دو خواتین ایک رکشہ ڈرائیور کی پٹائی کرتی نظر آئیں، انھوں نے نہ صرف چپل سے رکشہ ڈرائیور کی زبردست پٹائی کی بلکہ تھپڑ اور گھونسوں کا بھی آزادنہ استعمال کیا، واقعے کی ویڈیو سوشل میڈیا پر وائرل ہوگئی۔

    لکھنو میں امین آباد کے علاقے سے مذکورہ ویڈیو سامنے آئی ہے، جس میں دیکھا جاسکتا ہے کہ ایک خاتون نے رکشہ ڈرائیور کو گردن سے پکڑا ہوا ہے جبکہ دوسری خاتون اس پر تھپروں کی بارش کرنے کی کوشش کررہی ہے۔

    اس دوران ایک شخص جو واقعے کی ویڈیو بنارہا تھا رکشہ ڈرائیور اسے کہتا ہے کہ ہاں ہاں بنالو ویڈیو، اسی اثنا میں عورت اپنی دوسری ساتھی سے کہتی ہے کہ اب اسے تم مارو جبکہ دوسری خاتون رکشہ ڈرائیور سے چلاتے ہوئے کہتی ہے ’گالی دے گا؟‘

    ویڈیو کے آخر میں دیکھا جاسکتا ہے کہ رکشہ ڈرائیور وہاں موجود آس پاس لوگوں سے درخواست کرتا ہے کہ پولیس کو بلائیں۔

    لکھنو پولیس نے واقعے کے سوشل میڈیا پر وائرل ہونے کے بعد دنوں پارٹیوں کو امین آباد پولیس اسٹیشن طلب کرلیا جبکہ ان کا کہنا ہے کہ جو قصوروار ہوا اس کے خلاف کارروائی کی جائےگی۔

  • گالی دینے کے الزام میں ’’طوطے ‘‘ پر مقدمہ

    گالی دینے کے الزام میں ’’طوطے ‘‘ پر مقدمہ

    ممبئی: بھارت میں پولیس اہلکاروں نے ایک طوطے کو ایک بزرگ خاتون کو گالیاں دینے کے الزام میں پیش ہونے کا حکم دیا اور پھر یہ جاننے کے لیے اس کا معائنہ کیا گیا کہ آیا وہ برے طرز عمل کا مرتکب ہوا ہے یا نہیں۔

    بین الاقوامی نیوز ایجنسی کے مطابق بھارتی دارالحکومت نئی دہلی سے پولیس کے ایک اہلکار کے حوالے سے بتایا ہے کہ یہ واقعہ مغربی بھارتی ریاست مہاراشٹر کے ایک گاوں میں پیش آیا، جہاں ایک پچھتر سالہ خاتون ’جانابائی ساکھارکر‘ نے پیر 17 اگست کو پولیس میں ایک شکایت درج کروائی۔

    اس بزرگ خاتون نے الزام لگایا کہ اس کے پڑوسی نے پنجرے میں رکھے ہوئے اپنے طوطے ’ہریل‘ کو گالیاں سکھا رکھی ہیں اور جب کبھی بھی وہ اس کے گھر کے پاس سے گزرتی ہے، طوطا اسے گالیاں دینے لگتا ہے۔ اس رپورٹ میں بتایا گیا ہے کہ اس خاتون کا جائیداد کے معاملے پر اپنے سوتیلے بیٹے کے ساتھ کوئی تنازعہ چل رہا ہے۔

     خاتون کا الزام تھا کہ اس کا یہ بیٹا بھی ہمسائے کے ساتھ ملا ہوا ہے۔ مقامی پولیس چیف پی ایس ڈونگرے کے مطابق اس شکایت پر پولیس نے تینوں کو، جن میں بیٹے اور ہمسائے کے ساتھ ساتھ طوطا بھی شامل تھا، پولیس سٹیشن میں طلب کر لیا، تاہم پولیس کے اتنے سارے سپاہیوں کو دیکھ کر طوطا غالباً گھبرا گیا اور اس وقت اس کی زبان پر جیسے تالا پڑ گیا، جب اس کا شکایت کنندہ بزرگ خاتون سے سامنا کروایا گیا۔

     پولیس چیف ڈونگے کے مطابق ’جب طوطے کا پنجرہ خاتون کے قریب لایا گیا تو اس خاتون نے بار بار اپنا نام اس کے سامنے دہرایا لیکن مجال ہے کہ طوطا ایک لفظ بھی بولا ہو: ”ہم بہت غور سے اس سارے منظر کا جائزہ لے رہے تھے۔“ ڈونگرے کے مطابق بعد ازاں یہ طوطا محکمہ جنگلات کے سپرد کر دیا گیا تاکہ اسے جنگل میں لے جا کر آزاد کر دیا جائے۔