کراچی : سندھ کابینہ نے واہ انڈسٹریز کو گاڑیوں کی فٹنس سرٹیفیکیشن کی اجازت دینے کی اصولی منظوری دے دی۔

تفصیلات کے مطابق وزیراعلیٰ سندھ سید مراد علی شاہ کی صدارت میں کابینہ کا اجلاس ہوا،م اجلاس میں صوبائی وزراء ، چیف سیکریٹری آصف حیدر شاہ، مشیران، خصوصی معاونین اور متعلقہ سیکریٹریز شریک ہوئے، اجلاس میں یومِ آزادی کی تقریبات اور دیگر امور پر تبادلہ خیال کیا گیا۔

سینئر وزیر شرجیل انعام میمن نے گاڑیوں کے فٹنس انسپیکشن سینٹر کے قیام کے حوالے سے کابینہ کو بریفنگ میں بتایا کہ سندھ میں اسوقت 92 لاکھ (9.2 ملین) گاڑیاں رجسٹرڈ ہیں۔

گاڑیوں کی فٹنس کے جدید نظام کے حوالے سے بریفنگ میں کہا کہ معیاری فٹنس سسٹم کی عدم موجودگی کے باعث گاڑیوں کی فزیکل انسپیکشن موٴثر طریقے سے ممکن نہیں۔

ان کا کہنا تھا کہ محکمہ ٹرانسپورٹ سندھ نے ڈیجیٹائزڈ موٹر وہیکل انسپیکشن سسٹم کا آغاز کر دیا ہے اب گاڑیوں کو دی جانے والی فٹنس اسناد (Fitness Certificates) میں کیو آر کوڈ شامل کیا گیا ہیں ، رجسٹریشن اور چالان کی آن لائن ادائیگی کا نظام بھی قائم کر دیا گیا ہے اب تک 33000 سے زائد گاڑیاں فٹنس سرٹیفکیٹ حاصل کر چکی ہیں۔

مزید پڑھیں : گاڑی یا موٹر سائیکل کی ملکیت کیسے تبدیل کروائیں؟ مکمل طریقہ کار جانیئے

ذوالفقار آباد آئل ٹرمینل، ملیر، ابراہیم حیدری اور کورنگی میں فٹنس کے لیے جدید آلات نصب کیے گئے ہیں۔

کابینہ اجلاس میں تجویزدی گئی کہ محکمہ ٹرانسپورٹ چاہتا ہے کہ گاڑیوں کی فٹنس کا کام واہ انڈسٹریز لمیٹڈ کو سونپا جائے۔

وزیر ٹرانسپورٹ نے کہا کہ فٹنس سرٹیفکیٹ کا اجرا کمرشل اور ہیوی گاڑیوں کے لیے کیا جائے گا، فٹنس سینٹرز کراچی میں 5 مقامات پر جبکہ حیدرآباد، سکھر، لاڑکانو، میرپورخاص اور شہید بینظیر آباد میں بھی قائم کیے جا رہے ہیں۔

سندھ کابینہ نے واہ انڈسٹریز کے ساتھ وہیکل فٹنس سرٹیفکیشن کرنے کی اصولی منظوری دے دی۔

وزیراعلیٰ سندھ نے ہدایت دی کہ محکمہ ٹرانسپورٹ واہ انڈسٹریز سے مشاورت کے بعد نیا پروپوزل کابینہ کو پیش کرے۔

کراچی : سندھ میں گاڑیوں اور موٹرسائیکلوں کی بائیو میٹرک کی تصدیق کی آخری تاریخ میں توسیع کردی گئی۔

تفصیلات کے مطابق محکمہ ایکسائز اینڈ ٹیکسیشن سندھ نے گاڑیوں اور موٹر سائیکلوں کی بائیو میٹرک تصدیق کی آخری تاریخ میں 14 اگست 2025 تک توسیع کر دی ہے، اس توسیع کا مقصد شہریوں کو سہولت فراہم کرنا اور رجسٹریشن کے عمل کو مکمل کرنے کے لیے مزید وقت دینا ہے۔

ڈپٹی ڈائریکٹر آصف علی بھٹی نے اس توسیع کی تصدیق کرتے ہوئے کہا ہے کہ یہ آخری مہلت ہوگی، اور اس کے بعد مزید کوئی توسیع نہیں دی جائے گی۔

انہوں نے شہریوں پر زور دیا کہ وہ مقررہ تاریخ سے قبل اپنی گاڑیوں کی بائیو میٹرک رجسٹریشن لازمی مکمل کر لیں، بصورت دیگر قانونی کارروائی کا سامنا کرنا پڑ سکتا ہے۔

آصف علی بھٹی نے مزید کہا کہ جو گاڑیاں ابھی تک اصل مالک کے نام پر رجسٹر نہیں ہوئیں، ان کی منتقلی اور بائیو میٹرک تصدیق فوری طور پر کروانا لازم ہے۔ 14 اگست کے بعد گاڑیوں کی خرید و فروخت کے دوران خریدار اور فروخت کنندہ دونوں کے لیے بائیو میٹرک تصدیق لازمی قرار دی جائے گی۔

مزید پڑھیں : گاڑی اور موٹر سائیکل مالکان کے لیے نئی پریشانی

محکمہ کے مطابق کراچی سمیت سندھ بھر میں 50 لاکھ سے زائد موٹر سائیکل مالکان نے ابھی تک اپنی سرکاری نمبر پلیٹس وصول نہیں کیں۔ اگرچہ صوبے میں 65 سے 70 لاکھ موٹر سائیکلیں رجسٹرڈ ہیں، لیکن اب تک صرف 16 لاکھ پلیٹس ہی جاری کی جا سکی ہیں۔ موٹر سائیکل نمبر پلیٹ کی معیاری فیس 2,450 روپے مقرر ہے۔

نمبر پلیٹوں کے اجرا کے عمل کو آسان بنانے کے لیے کراچی میں سوک سینٹر، ایگزیکٹو آفس کلفٹن، اور عوامی مرکز سمیت کئی مقامات پر ڈسٹری بیوشن کاؤنٹرز قائم کیے گئے ہیں۔ شہری آن لائن درخواست بھی دے سکتے ہیں۔

حکام کے مطابق سوک سینٹر میں بڑھتے ہوئے ہجوم کو دیکھتے ہوئے مزید کاؤنٹرز کے قیام کا منصوبہ زیر غور ہے۔

محکمہ نے بتایا کہ نئی ڈیزائن کی گئی نمبر پلیٹس میں جدید حفاظتی خصوصیات شامل کی گئی ہیں، جنہیں رات کے وقت بھی کیمرے آسانی سے شناخت کر سکتے ہیں۔ اس کے باوجود، شہریوں کی شکایات ہیں کہ اگرچہ پلیٹیں ایک ہفتے میں جاری کرنے کا دعویٰ کیا جاتا ہے، مگر حقیقت میں اکثر ایک ماہ یا اس سے زائد کا وقت لگ جاتا ہے۔

ڈپٹی ڈائریکٹر نے مزید کہا کہ محکمہ ایجنٹ مافیا کے اثر و رسوخ کو روکنے کی مسلسل کوششیں کر رہا ہے، مگر یہ گروہ مختلف طریقوں سے دوبارہ متحرک ہو جاتے ہیں۔

کراچی : گاڑی مالکان کے لئے اہم خبر آگئی ، کمشنر کراچی کی جانب سے 2 ماہ کے لئے بڑی پابندی عائد کردی گئی۔

تفصیلات کے مطابق ڈی آئی جی ٹریفک کی سفارش پر کمشنرکراچی کا بڑا اقدام سامنے آیا ، گاڑیوں کے ممنوعہ پارٹس کی فروخت پر 2 ماہ کی پابندی عائد کردی گئی۔

پولیس ہارن، بلوریڈلائٹس، پریشرہارن ، ٹنٹڈ گلاسز، سبز نمبر پلیٹ دیگر ممنوعہ اشیا کی فروخت پر پاپند ی عائدکر دی۔

کمشنرکراچی کی جانب سے2ماہ کی پابندی کا نوٹیفکیشن جاری کر دیا گیا ، پابندی کا اطلاق 8اپریل سے 7جون تک ہوگا۔

محکمہ داخلہ نےممنوعہ اشیا سےمتعلق دفعہ 144 نافذکررکھی ہے، ڈی آئی جی ٹریفک کا کہنا ہے کہ ممنوعہ اشیا کھلے عام فروخت کی جارہی ہیں۔

ڈی آئی جی ٹریفک نے ممنوعہ اشیا کی فروخت پرپابندی کی سفارش کرتے ہوئے کہا تھا کہ ممنوعہ سامان ٹریفک اور سیکیورٹی کے ضوابط کی خلاف ورزی ہے، ممنوعہ سامان عوامی تحفظ کے لیے بھی خطرہ ہوتے ہیں۔

مزید پڑھیں : گاڑی اور موٹرسائیکل مالکان ہوشیار ہوجائیں !