یوحنا آباد : یوحناآباد میں تین افراد کو کچل کر ہلاک کر نے کے الزام میں گرفتار خاتون کی عبوری ضمانت میں اٹھارہ اپریل تک توسیع کر دی گئی۔
لاہورکی عدالت میں یوحناآباد میں مظاہرین پر گاڑی چڑھانے والی خاتون کی درخواست ضمانت کی سماعت ہوئی، عدالت نے مریم صفدر نامی خاتون کی عبوری ضمانت میں اٹھارہ اپریل تک توسیع کر دی۔
مریم صفدر پر الزام ہے کہ اس نے سانحہ یو حناآباد کیخلاف مظاہرے کے دوران تین افراد کو اپنی گاڑی تلے کچل دیا تھا۔
واضح رہے کہ سانحہ یوحناآباد کیخلاف مظاہرے کے دوران مریم صفدر اپنی کار میں وہاں سے گزر رہی تھیں کہ مشتعل مظاہرین نے انکی گاڑی پر پتھراؤ کیا، ڈنڈے برسائے اور انہیں روکنے کی کوشش کی۔
خاتون نے خوف سے تیزی سے اپنی گاڑی نکالنا چاہی جسکے نتیجے میں چار سے زائد افراد گاڑی تلے کچلےگئے۔ ان میں سے تین افراد ہلاک ہوگئے تھے۔