دیربالا: صوبہ خیبر پختون خوا کے ضلع دیر بالا میں ایک گاڑی گہری کھائی میں گرنے 4 افراد جاں بحق ہو گئے۔
تفصیلات کے مطابق دیر بالا کے علاقے گوالدئی بنجو کے مقام پر ایک ڈبل کیبن گاڑی گہری کھائی میں گرنے سے چار افراد جاں بحق ہو گئے، جب کہ 5 افراد کے زخمی ہونے کی اطلاع ہے۔
جاں بحق افراد میں 3 خواتین بھی شامل ہیں، لاشوں اور زخمی افراد کو شرینگل اسپتال منتقل کیا گیا ہے، مقامی ذرائع کا کہنا ہے کہ حادثہ سڑک خراب ہونے کے باعث پیش آیا ہے۔
بونیر: صوبہ خیبر پختونخوا کے علاقے بونیر میں گاڑی کھائی میں گرنے سے 8 افراد جاں بحق جبکہ 12 افراد زخمی ہوگئے۔
تفصیلات کے مطابق بونیر میں چلندری چغرزئی میں گاڑی کھائی میں گرنے سے 8 افراد جان کی بازی ہار گئے جبکہ 12 افراد زخمی ہوگئے۔
ریسکیو حکام کا کہنا ہے کہ حادثے میں زخمی ہونے والے افراد کو ڈی ایچ کیو اسپتال ڈگر اور آر ایچ سی دیوانہ بابا منتقل کر دیا گیا ہے جہاں انہیں طبی امداد دی جا رہی ہے۔
پولیس کا کہنا ہے کہ گاڑی میں سوار افراد شادی میں شرکت کے بعد واپس لوٹ رہے تھے کہ افسوس ناک حادثہ پیش آیا، جاں بحق افراد میں 2 خواتین اور 2 بچے بھی شامل ہیں۔
نوشہرہ: اکبر پورہ کے قریب بس کھائی میں گر گئی، 5 افراد جاں بحق
اس سے قبل خیبر پختونخواہ میں موٹروے پر جبہ داؤد زئی میں مسافر بس کھائی میں گرنے سے 5 افراد جان کی بازی ہار گئے تھے،حادثے میں متعدد افراد زخمی ہوئے تھے۔
پولیس حکام کا کہنا تھا کہ حادثے کی شکار ہونے والی کوچ لاہور سے پشاور جا رہی تھی۔