ARYNews.tv | Urdu – Har Lamha Bakhabar

Tag: گجرات

  • انسانی اسمگلنگ اور ویزا فراڈ میں ملوث 4 ملزمان گرفتار

    انسانی اسمگلنگ اور ویزا فراڈ میں ملوث 4 ملزمان گرفتار

    گجرات(23 اگست 2025): ایف آئی اے نے گجرات اور گوجرانوالہ سے انسانی اسمگلنگ اور ویزا فراڈ میں ملوث 4 ملزمان کو گرفتار کرلیا۔

    تفصیلات کے مطابق ایف آئی اے نے گجرات اور گوجرانوالہ میں کارروائی کرتے ہوئے انسانی اسمگلنگ اور ویزا فراڈ میں ملوث 4 ملزمان کو گرفتار کرلیا۔

    ایف آئی اے ترجمان کے مطابق گرفتار ملزمان میں صابر حسین، شمشاد علی، طلحہ اور منیر  احمد شامل ہے، ملزمان نے بیرون ملک ملازمت کا جھانسہ دیکر شہریوں سے لاکھوں روپے لیے۔

    ایف آئی اے ترجمان کا کہنا ہے کہ ملزمان شہریوں کو بیرون ملک بھجوانے میں ناکام رہے، ملزمان بھاری رقوم وصول کر کے روپوش ہو گئے تھے۔

    دوسری جانب ایف آئی اے نے ویزےکیلئے جعلی دستاویزات فراہم کرنے میں ملوث  اشتہاری کو گرفتار کرلیا، گرفتار سجاد احمد نے ترک سفارتخانے میں ویزےکیلئے جعلی دستاویزات دیں، ملزم کی جانب سے کمرشل بینک کی جعلی اسٹیٹمنٹ جمع کروائی گئی۔

    ایف آئی اے ترجمان کا مزید کہنا ہے کہ کمرشل بینک نے بھی جعلی اکاؤنٹ اسٹیٹمنٹ کی تصدیق کی ہے، ملزم کیخلاف ترک سفارتخانے کی شکایت پر 2024 میں مقدمہ درج ہوا تھا، اشتہاری گزشتہ سال سے روپوش تھا، گرفتای کیلئے متعدد بار چھاپے مارےگئے۔

    https://urdu.arynews.tv/lahore-fia-human-smugglers-arrest/

  • بھارتی گجرات میں بھوک اور قرض سے تنگ ایک خاندان نے اجتماعی خودکشی کرلی

    بھارتی گجرات میں بھوک اور قرض سے تنگ ایک خاندان نے اجتماعی خودکشی کرلی

    گجرات : مودی راج کے گجرات میں بھوک و قرض سے تنگ ایک خاندان نے اجتماعی خودکشی کرلی، گھر کا واحد کفیل بھاری قرض کے بوجھ تلے دبا ہوا تھا۔

    تفصیلات کے مطابق مودی کا چوتھی بڑی معیشت کا فریب بے نقاب ہوگیا، عوام بھوک اور قرض سے خود کشی کرنے پر مجبور ہیں۔

    مودی راج کے گجرات میں بھوک اور قرض سے تنگ ایک خاندان نے اجتماعی خودکشی کرلی۔

    این ڈی ٹی وی نے بتایا کہ بیس جولائی کواحمد آباد میں میاں بیوی اورتین بچوں کی لاشیں گھر سے برآمد کی گئیں۔

    والدین نے مبینہ طور پر دو بیٹیوں اور ایک بیٹے کو زہر دے کر خودکشی کر لی، گھر کا واحد کفیل آٹو رکشہ چلا تاتھا اور بھاری قرض کے بوجھ تلے دبا ہوا تھا۔

    بھارت بھر میں بڑھتے ہوئے خودکشی کے واقعات مودی سرکار کے معاشی ماڈل کی ناکامی کا ثبوت ہے۔

    بھارت میں تین سال کے دوران 1866 افراد نے خودکشی کی، جن میں انیس فیصد مالی دباؤ اور غربت کا شکار تھے۔

  • گجرات سے سیروسیاحت کیلئے گلگت بلتستان آنے والے 4 نوجوان لاپتہ

    گجرات سے سیروسیاحت کیلئے گلگت بلتستان آنے والے 4 نوجوان لاپتہ

    گلگت: گجرات سے سیروسیاحت کیلئے گلگت بلتستان آنے والے 4 نوجوان لاپتہ ہوگئے، آخری بار یہ تمام افراد 16 مئی کو دیکھے گئے تھے۔

    تفصیلات کے مطابق گلگت بلتستان سیروتفریح کےلیے آنے والے گجرات کے 4 نوجوان تقریباً چھ دنوں سے لاپتہ ہیں، ترجمان جی بی حکومت نے بتایا کہ نوجوان 16 مئی سے لاپتہ ہیں، صوبائی حکومت نے اسکا نوٹس لےلیا ہے۔

    لائن آف کنٹرول پر آزاد کشمیر اور گلگت بلتستان میں بھارتی تخریبی کارروائیاں بے نقاب

     

    وزیراعلیٰ گلگت بلتستان حاجی گلبرخان نے اس سلسلے میں آئی جی اور سیکریٹری داخلہ کو ہدایات جاری کردی ہیں۔

    ترجمان جی بی نے بتایا کہ وزیراعلیٰ نے لاپتہ نوجوانوں کی تلاش میں تمام وسائل بروئےکار لانے کی ہدایت کی ہے، ٹورسٹ پولیس اور ریسکیو 1122 کا عملہ لاپتہ افراد کی تلاش میں مصروف ہے۔

    https://urdu.arynews.tv/propaganda-about-missing-persons-in-pakistan-real-facts/

  • کھیت میں آگ لگنے کے بعد دھاتی ٹکڑے مل گئے، پولیس الرٹ ہو گئی

    کھیت میں آگ لگنے کے بعد دھاتی ٹکڑے مل گئے، پولیس الرٹ ہو گئی

    گجرات: پنجاب کے شہر گجرات میں ایک کھیت میں آگ لگنے کے بعد وہاں سے 2 دھاتی ٹکڑے ملے ہیں، جنھیں متعلقہ حکام نے قبضے میں لے لیا ہے۔

    تفصیلات کے مطابق گجرات کے علاقے گلیانہ کے گاؤں پیر جنڈ کے کھیت سے دو دھاتی ٹکڑے ملے ہیں، پولیس حکام کا کہنا ہے کہ اس بات کی تحقیقات کی جا رہی ہے کہ آیا یہ ڈرون کے ٹکڑے تو نہیں ہیں۔

    پولیس کے مطابق ڈی ایس پی کھاریاں نفری کے ساتھ علاقے میں موجود ہیں اور سرچ آپریشن جاری ہے، جس کی تکمیل پر صورت حال واضح ہوگی، پولیس کا یہ بھی کہنا ہے کہ گاؤں پیر جنڈ میں پولیس کا سرچ آپریشن دوبارہ شروع کر دیا گیا ہے، اور علاقہ مکین بھی سرچ آپریشن میں پولیس کے شانہ بشانہ کھڑے ہیں۔

    لاہور والٹن روڈ کے علاقے میں یکے بعد دیگرے 3 دھماکے

    پولیس حکام نے بتایا ہے کہ کھیت میں گندم کی باقیات کو آگ لگی تھی جس کے بعد وہاں سے میٹل کے ٹکڑے ملے، علاقے کا ایک نوجوان کھیت سے ملنے والے ٹکڑے اٹھا کر گھر لے گیا تھا، تاہم اب ٹکڑے ڈرون کے ہونے کے شبہ پر متعلقہ حکام نے انھیں تحویل میں لے لیا ہے۔

    پولیس کا کہنا ہے کہ فی الوقت دھاتی ٹکڑے ڈرون کے ہونے کی تصدیق نہیں ہو سکی ہے۔

  • گینگ ریپ کی مدعیہ نے دلبرداشتہ ہو کر زہریلی گولیاں کھا لیں

    گینگ ریپ کی مدعیہ نے دلبرداشتہ ہو کر زہریلی گولیاں کھا لیں

    گجرات میں گینگ ریپ کی مدعیہ نے دلبرداشتہ ہوکر زہریلی گولیاں کھا لیں جسے اسپتال منتقل کردیا گیا ہے۔

    تفصیلات کے مطابق گجرات کی خاتون نے شوہر کی کردار کشی پر یہ اقدام اٹھایا ہے جسے اسپتال منتقل  کردیا گیا ہے، اسپتال ذرائع کا کہنا ہے کہ خاتون کی حال اب خطرے سے باہر ہے۔

    خاتون نے ڈی پی او، آرپی او کی کھلی کچہری میں اپنی کردار کشی کی نشاندہی کی تھی اس کے علاوہ گینگ ریپ کے واقعے کی ناقص تحقیقات پر تفتیشی افسرا معطل ہوچکا ہے۔

    دوسری جانب بوری والا میں گھریلو ناچاقی پر نواحی گائوں کے رہائشی محمد بوٹا کے جواں سالہ بیٹے ذیشان نے زہریلی گولیاں کھا لیں تھیں، طبیعت خراب ہونے پر تحصیل اسپتال بوریوالا لے جایا گیا جہاں اس نے دم توڑ دیا۔

    https://urdu.arynews.tv/actor-tiku-talsania-in-critical-condition/

  • گجرات: خاتون سے اجتماعی زیادتی میں ملوث 5 ملزمان گرفتار

    گجرات: خاتون سے اجتماعی زیادتی میں ملوث 5 ملزمان گرفتار

    پولیس نے گجرات میں خاتون سے اجتماعی زیادتی میں ملوث پانچ ملزمان کو گرفتار کر کے شناخت پریڈ کیلئے جیل بھیج دیا۔

    تفصیلات کے مطابق گجرات میں خاتون سے اجتماعی زیادتی میں ملوث پانچ ملزمان کو گرفتار کرلیا، جس کے بعد ملزمان کو جیل بھیج دیا گیا۔

    متاثرہ خاتون نے الزام عائد کیا تھا کہ بھرے بازار سے دو مسلح افراد نے اغوا کیا اور ڈیرے پر مزید تین ساتھی بلا کر اجتماعی زیادتی کانشانہ بنایا۔

    پولیس نے خاتون کا میڈیکل کروالیا، متاثرہ خاتون نے وزیراعلی پنجاب مریم نواز سے انصاف دلانےکی اپیل کی ہے۔

  • کالج کی طالبہ کو بلیک میل کرکے کئی ماہ تک زیادتی

    کالج کی طالبہ کو بلیک میل کرکے کئی ماہ تک زیادتی

    بھارتی ریاست گجرات میں پیش آنے والے افسوسناک واقعے میں کالج کی طالبہ کو غیر اخلاقی ویڈیو کی بنیاد پر بلیک میل کرکے کئی ماہ تک زیادتی کا نشانہ بنانے کا افسوسناک واقعہ رونما ہوا۔

    بھارتی میڈیا کا اس حوالے سے کہنا ہے کہ گجرات کے ضلع بناس کانٹھا میں 20 سالہ کالج کی طالبہ نے 6 معلوم اور نامعلوم افراد کے خلاف پولیس میں شکایت درج کرائی ہے۔

    مقدمے کے متن کے مطابق طالبہ نے پولیس کو اپنے بیان میں بتایا کہ پالن پور کے کالج میں داخلے کے ایک ماہ بعد ہی مقدمے میں نامزد ملزم وشال چوہدری نے 2023ء میں خاتون سے انسٹاگرام پر دوستی کی تھی۔

    اسی سال نامزد ملزم نے لڑکی کو اپنے ساتھ ہوٹل میں ناشتے پر ملنے پر آمادہ کیا اور کھانے کے دوران کپڑوں پر کھانا گرادیا اور کپڑے صاف کرنے کے بہانے روم میں لے گیا۔

    طالبہ نے کہا کہ جب میں کپڑے صاف کرنے کے لئے گئی تو ملزم وشال نے اس دوران میری غیر مناسب ویڈیو بنالی، طالبہ نے اس حرکت پر احتجاج کیا تو ملزم نے ویڈیو انسٹاگرام پر ڈالنے سمیت اُسے وائرل کرنے کی دھمکی دی۔

    مقدمے کے متن کے مطابق وشال نے نومبر 2023ء سے فروری 2025ء کے درمیان اسی ویڈیو کی بنیاد پر مختلف مواقعوں پر مختلف مقامات پر خود اور اپنے دوستوں کے ساتھ جسمانی تعلقات قائم کرنے پر مجبور کیا۔

    بھارت میں اسرائیلی خاتون سیاح سے اجتماعی زیادتی

    بھارتی میڈیا کے مطابق متاثرہ طالبہ نے نئے مجرمانہ قوانین اور آئی ٹی ایکٹ کے تحت متعدد مرتبہ زیادتی،مجرمانہ دھمکیوں اور فحش مواد کی اشاعت کی دفعات کے تحت کیس رجسٹرڈ کرادیا ہے، پولیس کے مطابق ملزمان کی گرفتاری کے لئے چھاپے مارے جارہے ہیں، جلد گرفتار کرلیں گے۔

  • گجرات میں دیرینہ دشمنی پر 6 افراد کے قتل کا مقدمہ درج

    گجرات میں دیرینہ دشمنی پر 6 افراد کے قتل کا مقدمہ درج

    گجرات: دیرینہ دشمنی پر 6 افراد کے قتل کا مقدمہ درج کرلیا گیا، مقدمے میں اختر علی سمیت 18 ملزمان نامزد اور سات سے آٓٹھ نامعلوم افراد شامل ہیں۔

    تفصیلات کے مطابق گجرات میں تھانہ ڈنگہ میں دیرینہ دشمنی پرچھ افراد کے قتل کا مقدمہ درج کرلیا گیا ، مقدمہ محمد راسب کی مدعیت میں درج کیا گیا۔

    مقدمے میں اختر علی سمیت اٹھارہ ملزمان نامزد اور سات سے آٓٹھ نامعلوم افراد شامل ہیں۔

    ایف آئی آر میں کہا گیا کہ اختر گروپ کا ایک ساتھی ظہور عرف جوری بھی ماراگیا ، ظہور عرف جوری تھانہ ڈنگہ میں دہرے قتل کا اشتہاری تھا

    مزید پڑھیں : گجرات میں گاڑی پر فائرنگ سے 6 افراد قتل

    مقدمے کے متن میں کہنا تھا کہ حملہ آور زخمی ساتھی کو اٹھا کر موٹرسائیکلوں پرفرارہوگئےتھے، ظہورعرف جوری اپنے ساتھی حملہ آوروں کی فائرنگ سےماراگیا تھا، جس کے بعد پولیس نے رکھ پبی کے جنگل سے ظہورعرف جوری کی لاش برآمد کرلی ،ظہورعرف جوری کےساتھ موٹرسائیکل بھی برآمد کی گئی۔

    حکام نے بتایا کہ اختری گروپ نے راسب گروپ کی گاڑی پر حملہ کیا گیا ، جس مین مسلح ملزموں نے گھات لگا کر گاڑی کو فائرنگ کا نشانہ بنایا، بعد ازاں پولیس نے ضلع بھرکی ناکہ بندی کرکے تین مشتبہ افراد کو حراست میں لے لیا جبکہ آئی جی پنجاب ڈاکٹر عثمان انور نے آر پی او گوجرانوالہ سے رپورٹ طلب بھی کرلی ہے۔

    یاد رہے گذشتہ روز گجرات میں متحارب گروپوں میں فائرنگ کے نتیجے میں 6 افراد ہلاک ہو گئے تھے۔

    پولیس کا کہنا تھا کہ دشمنی کی بنا پر مخالفین کو فائرنگ کر کے قتل کیا، مقتولین میں زاہد ناظم، مبشر، ضمیر، جاوید، رخسار اور نامعلوم شخص شامل تھے۔

  • بھارتی گجرات میں مسلمانوں کے گھر اور درگاہیں مسمار کرنے کی ویڈیو سامنے آ گئی

    بھارتی گجرات میں مسلمانوں کے گھر اور درگاہیں مسمار کرنے کی ویڈیو سامنے آ گئی

    احمد آباد: بھارتی گجرات میں مسلمانوں کے گھر اور درگاہیں مسمار کی جا رہی ہیں، اس سلسلے میں حکام نے ایک ویڈیو بھی شیئر کر دی ہے۔

    بھارتی میڈیا رپورٹس کے مطابق گزشتہ ایک ہفتے کے دوران گجرات کے ضلع بیٹ دوارکا میں حکام نے تقریباً 335 عمارات کو منہدم کر دیا ہے، جن میں درگاہیں، گھر اور دکانیں شامل تھیں۔

    گجرات کے وزیر داخلہ ہرش سنگھوی نے X پر انہدامی کارروائی کی ویڈیوز پوسٹ کیں، سنگھوی کے مطابق 53 کروڑ سے زائد روپے مالیتی 1 لاکھ 642 مربع میٹر اراضی پر انہدامی کارروائی کی گئی ہے، منہدم کی جانے والی عمارتوں میں 12 رہائشی، 9 تجارتی عمارتیں اور 12 مذہبی ڈھانچے شامل تھے۔

    حکام کا کہنا ہے کہ یہ کارروائی ناجائز قبضے ختم کرانے کے لیے کی گئی، واگزار کرائی گئی اراضی پر جلد ہی عوام کے لیے نئی سہولتیں تعمیر کی جائیں گی، دوسری طرف سوشل ڈیموکریٹک پارٹی آف انڈیا (ایس ڈی پی آئی) نے کہا ہے کہ حکومت ناجائز قبضے ہٹانے کے نام پر مذہبی مقامات اور عمارتوں کو نشانہ بنا رہی ہے۔

    باپ کے مرتے ہی ناخلف بیٹوں نے دولت کے ساتھ مسجد بھی تقسیم کر دی

    ایس ڈی پی آئی کے قومی سکریٹری ریاض فرنگی پیٹے کے مطابق انہدامی کارروائی میں حضرت پنج پیر رحمۃ اللہ علیہ کی درگاہ کو اتوار کے روز منہدم کر دیا گیا ہے۔ انھوں نے کہا یہ بتانے کی ضرورت نہیں کہ مسلمانوں کی عبادت گاہوں اور عمارتوں کو نشانہ بنایا جا رہا ہے۔

  • گجرات : 4 سالہ بچی زہرہ کا قاتل مبینہ پولیس مقابلے میں مارا گیا

    گجرات : 4 سالہ بچی زہرہ کا قاتل مبینہ پولیس مقابلے میں مارا گیا

    گجرات : سرائے عالمگیر میں چار سالہ بچی زہرہ کا قاتل مبینہ مقابلے میں مارا گیا، ملزم کوساتھیوں نےپولیس حراست سےچھڑایا اور ساتھیوں کی فائرنگ سے ہی ہلاک ہوگیا۔

    تفصیلات کے مطابق گجرات کی تحصیل سرائےعالمگیر میں چار سالہ بچی زہرہ کے قتل میں ملوث ملزم مبینہ پولیس مقابلے میں مارا گیا۔

    پولیس نے بتایا رات گئے ملزم ندیم کو ساتھیوں نے پولیس حراست سے چھڑا لیا تھا، جس کے بعد گاؤں کھوہار کے قریب پولیس اور ملزمان میں فائرنگ کا تبادلہ ہوا اور اس دوران ساتھیوں کی فائرنگ سے مفرور ملزم ندیم مارا گیا۔

    ملزم ندیم نے چار سالہ زہرہ جنید کو اغوا کرکے زیادتی کے بعد قتل کیا تھا،قتل کیس میں پانچ افراد سے تفتیش اور تین کے ڈی این اے ٹیسٹ کرائے گئے ، جس میں ملزم ندیم کا ڈی این اے میچ کرگیا تھا۔

    گذشتہ روز پولیس نےمحمد ندیم کو گرفتار کیا تھا، جو ننھی زہرا پڑوسی تھا، دوران تفتیش ملزم نے چارسالہ بچی کو زیادتی کے بعد قتل کرنے کااعتراف بھی کیا۔

    اس سے قبل قتل کی گئی 4 سالہ ننھی زہرہ کی پوسٹ مارٹم رپورٹ سامنے آئی تھی، جس میں بچی سے زیادتی تصدیق ہوئی تھی۔

    مزید پڑھیں : 4 سالہ زہرہ کا قاتل کونسا قریبی شخص نکلا؟

    یاد رہے زہرہ پانچ جنوری کو گھرکے قریب واقع خالہ کےگھر جانے کے لیے نکلی تھی اور اگلے روز محلے کےغیر آباد گھرسے اس کی بوری میں بند لاش ملی تھی۔

    پولیس نے بتایا تھا کہ بچی ٹیوشن پڑھنے جارہی تھی، ملزمان نے اغوا کے بعد زیادتی کی اور قتل کرکے لاش بوری میں بند کردی تھی۔