ARYNews.tv | Urdu – Har Lamha Bakhabar

Tag: گجرات

  • گجرات: تعمیراتی ٹھیکوں کی مد میں سوا ارب روپے کی کرپشن کا انکشاف

    گجرات: تعمیراتی ٹھیکوں کی مد میں سوا ارب روپے کی کرپشن کا انکشاف

    لاہور: صوبہ پنجاب میں تعمیراتی ٹھیکوں کی مد میں سوا ارب روپے کی کرپشن کے بعد، قومی ادارہ احتساب (نیب) نے سابق وزیر اعلیٰ پنجاب پرویز الٰہی اور دیگر افراد کے خلاف تحقیقات کا آغاز کردیا ہے۔

    تفصیلات کے مطابق صوبہ پنجاب کے شہر گجرات اور منڈی بہاؤ الدین میں تعمیراتی ٹھیکوں کی مد میں 1 ارب 25 کروڑ روپے کی کرپشن کی شکایت سامنے آئی ہے۔

    قومی ادارہ احتساب (نیب) نے سابق وزیر اعلیٰ پنجاب پرویز الٰہی، علی افضل ساہی و دیگر افراد کے خلاف تحقیقات کا آغاز کردیا ہے، ملزمان پر 226 ٹھیکوں میں فرنٹ مین کے ذریعے سوا ارب کی کرپشن و کک بیکس کا الزام ہے۔

    ذرائع کا کہنا ہے کہ رشوت وصولی کے لیے سابق پرنسپل سیکریٹری محمد خان بھٹی کی نگرانی میں پورا گروہ سرگرم رہا۔

    ایکسیئن رانا اقبال کے خلاف پنجاب ہائی وے ڈپارٹمنٹ کے افسران اور اہلکاروں سے تبادلوں پر بھی رشوت لینے کا الزام ہے۔

    نیب کی جانب سے محکمہ مواصلات و دیگر اعلیٰ حکام کے خلاف تحقیقات کے لیے تحقیقاتی ٹیم تشکیل دے دی گئی ہے۔

  • عدالت نے رانا ثنا اللہ کو گرفتار کر کے پیش کرنا کا حکم دے دیا

    عدالت نے رانا ثنا اللہ کو گرفتار کر کے پیش کرنا کا حکم دے دیا

    گوجرانوالہ: عدالت نے رانا ثنا اللہ کو گرفتار کر کے 7 مارچ کو عدالت میں پیش کرنے کا حکم دے دیا۔

    تفصیلات کے مطابق تھانہ انڈسٹریل ایریا گجرات میں وزیر داخلہ رانا ثنا اللہ کے خلاف انسداد دہشت گردی عدالت کی خصوصی عدالت میں سماعت ہوئی۔

    رانا ثنا اللہ پر اداروں اور چیف سیکریٹری کو جان سے مارنے کی دھمکیاں دینے کا مقدمہ درج ہے، ان کے خلاف یہ مقدمہ 5 اگست 2022 کو درج کیا گیا تھا، گجرات پولیس نے مقدمے کی تفتیش مکمل کر کے اخراج رپورٹ عدالت میں پیش کی تھی۔

    اے ٹی سی نے پولیس کی مقدمے کے اخراج کی رپورٹ کو مسترد کر دیا اور ملزم رانا ثنا اللہ کے قابل ضمانت وارنٹ گرفتاری جاری کر دیے۔

    مقدمے کے اخراج کی رپورٹ پر ایس پی انویسٹی گیشن گجرات، ڈی ایس پی اور تفتیشی افسر کو شوکاز نوٹس بھی جاری کر دیا گیا۔

    اے ٹی سی نے کیس کی سماعت 7 مارچ تک ملتوی کر دی، آئندہ سماعت پر تمام پولیس افسران کو بھی عدالت طلب کر لیا گیا، واضح رہے کہ رانا ثنا اللہ کے خلاف مسلم لیگ ق کے رہنما شہکار اسلم نے مقدمہ درج کرایا تھا۔

  • مودی حکومت نے گجرات میں 6 مدارس اور 36 دکانیں مسمار کر دیں

    احمد آباد: بھارتی ریاست گجرات میں مودی حکومت نے مسلمانوں کے کئی مدارس، مساجد اور دکانیں مسمار کر دیں۔

    میڈیا رپورٹس کے مطابق بھارت میں مسلم مخالف اقدامات جاری ہیں، بھارتیہ جنتا پارٹی کی حکومت نے ریاست گجرات کے شہر کچھ میں بلڈوزر استعمال کرتے ہوئے مسلمانوں کی 36 دکانیں اور 6 مدارس کو گرا دیا۔

    انتخابی مہم کو کامیاب بنانے کے لیے مودی سرکار کی سرپرستی میں انتہا پسند ہندوؤں نے مسلمانوں کے خلاف نفرت کو اپنا ہتھیار بنا لیا ہے، میڈیا رپورٹس کے مطابق سرحدی ساحلی علاقے میں اسی لیے بلڈوزر حرکت میں آ گئے ہیں۔

    یاد رہے کہ نومبر میں گجرات اسمبلی انتخابی مہم کے دوران شہر سورت میں بی جے پی کارکنوں نے بلڈوزر پر مہم چلائی تھی، بالخصوص یوپی کے وزیر اعلیٰ یوگی آدتیہ ناتھ کو بلڈوزر بابا کے نام سے بھی جانا جاتا ہے۔

    انتخابی مہم کے دوران بی جے پی نے گجرات میں ناجائز تجاوزات کی آڑ میں مسلمانوں کے املاک کے خلاف بلڈوزر استعمال کرنے پر فخر کیا تھا۔

  • تیز رفتار گاڑی ڈھابے میں گھس کر لوگوں پر چڑھ دوڑی، دل دہلا دینے والی ویڈیو

    تیز رفتار گاڑی ڈھابے میں گھس کر لوگوں پر چڑھ دوڑی، دل دہلا دینے والی ویڈیو

    گجرات: بھارتی ریاست گجرات کے شہر سورت میں ایک تیز رفتار گاڑی ڈھابے کی دیوار توڑتے ہوئے وہاں بیٹھے لوگوں پر چڑھ دوڑی، اس واقعے کی دل دہلا دینے والی ویڈیو سامنے آئی ہے۔

    تفصیلات کے مطابق سورت میں سڑک کے کنارے بنے ڈھابہ ہوٹل میں ایک تیز رفتار ٹیمپو گھس گئی، اور وہاں بیٹھے لوگوں کو کچل دیا، حادثے میں 3 افراد شدید زخمی ہو گئے۔

    ڈھابے پر باپانو بگیچو (باپ کا باغ) کا بورڈ لگا ہوا تھا، جو سرولی کے علاقے میں واقع ہے، سی سی ٹی وی کیمرے میں ڈھابے میں اچانک گھسنے والی گاڑی کا دل دہلا دینے والا منظر محفوظ ہو گیا۔

    تیز رفتار گاڑی نے ڈھابے کی دیوار توڑ دی تھی، اور رکھا فرنیچر بھی تہس نہس ہو گیا تھا، وہاں چند لوگ کرسیوں پر بیٹھے ہوئے تھے، ان پر بھی گاڑی چڑھ دوڑی۔

    اطلاعات کے مطابق ڈرائیور نے پک اپ گاڑی کا کنٹرول کھو دیا تھا، واقعے کے وقت ڈھابے کے اندر 8 سے 10 گاہک موجود تھے۔ حادثے کے بعد ڈرائیور موقع سے فرار ہو گیا۔

  • بھارت میں پل گرنے کا ہولناک حادثہ: ننھے بچے نے اپنے خاندان کی جان کیسے بچائی؟

    بھارت میں پل گرنے کا ہولناک حادثہ: ننھے بچے نے اپنے خاندان کی جان کیسے بچائی؟

    نئی دہلی: بھارت میں پل گرنے کے حادثے میں 135 افراد کی ہلاکت کے بعد، ایک ایسا خوش نصیب خاندان بھی سامنے آیا ہے جو پل گرنے سے صرف 10 منٹ پہلے پل سے اتر گیا تھا۔

    بھارتی میڈیا کے مطابق ریاست گجرات میں 140 سالہ پرانا پل گرنے کے واقعے میں 9 سالہ بچے کے رونے نے پورے خاندان کی جان بچالی۔

    30 اکتوبر کو بھارتی شہر موربی میں دریائے مچھو پر بنا 140 سال پرانا پل گر گیا تھا جس کے نتیجے میں 135 افراد جاں بحق اور متعدد زخمی ہوئے۔

    پل گرنے کے واقعے میں بچ جانے والا ایک خوش قسمت خاندان بھی سامنے آیا ہے جو بچے کے رونے کی وجہ سے حادثے کا شکار ہونے سے بچ گیا۔

    بھارتی میڈیا رپورٹس کے مطابق گجرات کے رہائشی ساگر مہتا نامی رہائشی نے بتایا کہ وہ اہلیہ، 2 بچوں اور رشتے داروں کے ہمراہ سیر و تفریح کے لیے موربی پل گئے تھے۔

    ان کا کہنا تھا کہ پل کے ہلنے پر 9 سالہ بیٹا خوفزدہ ہو گیا تھا اور اس نے رونا شروع کردیا جس پر پورا خاندان پل سے اتر آیا۔

    ان کا کہنا تھا کہ پل سے اترنے کے 10 منٹ بعد ہی حادثہ پیش آیا جس سے ہمارے رونگٹے کھڑے ہوگئے۔

    خیال رہے کہ 1880 میں دریا پر بنایا گیا پل سیر و تفریح کا مرکز تھا اور گزشتہ ہفتے ہی اسے مرمت کے بعد 26 اکتوبر کو عوام کے لیے کھولا گیا تھا۔

    میڈیا رپورٹس کے مطابق پل پر 100 افراد کی گنجائش تھی تاہم جس وقت حادثہ پیش آیا اس وقت پل پر 400 افراد موجود تھے۔

    پولیس نے مرمت کرنے والی کمپنی کے مینیجر سمیت 9 افراد کو گرفتار کرلیا ہے۔

  • گجرات میں مسلمانوں پر ظلم اور تشدد کا ایک اور شرمناک واقعہ (ویڈیو)

    گجرات میں مسلمانوں پر ظلم اور تشدد کا ایک اور شرمناک واقعہ (ویڈیو)

    گجرات: فاشسٹ مودی کی ریاست گُجرات میں ملسمانوں پر ظلم اور تشدد کا ایک اور شرمناک واقعہ سامنے آیا ہے، 9 مسلمانوں کو کھمبے سے لگا کر ہندو انتہا پسندوں نے ڈنڈے برسا دیے۔

    تفصیلات کے مطابق ریاست گجرات میں مسلمانوں پر تشدد کا ایک اور شرمناک واقعہ پیش آیا ہے، کچھ مسلمانوں کو ایک کھمبے کے ساتھ لگا کر بھارتی پولیس اہل کاروں نے عوام کے سامنے تشدد کا نشانہ بنایا۔

    کوئی ایسا دن نہیں گزرتا جب بھارت میں کسی مسلمان کو ہندو انتہا پسندوں کے ہاتھوں تشدد کا نشانہ نہ بنایا جائے۔ بھارتی پولیس بھی مودی کے غنڈوں کے ساتھ مل کر نہتے مسلمانوں پر تشدد کرنے لگی، مسلمانوں کی چیخ و پکار پر ہجوم ہندو انتہا پسند غنڈوں کو تالیا بجا کر داد دیتا رہا۔

    بھارتی میڈیا کے مطابق پولیس نے دعویٰ کیا ہے کہ ان افراد نے گجرات کے کھیڑا ضلع میں گجرات کے لوک رقص ’گربا‘ کی ثقافتی تقریب پر مبینہ طور پر پتھراؤ کیا تھا، جنھیں پکڑ کر پولیس نے منگل کو عوام کے سامنے سر عام کوڑے مارے۔ واضح رہے کہ پیر کی رات کھیڑا کے اندھیلہ گاؤں میں نوراتری کی تقریبات کے دوران گربا تقریب میں پتھراؤ کا ایک واقعہ سامنے آیا تھا، جس میں کم از کم چھ افراد زخمی ہوئے تھے۔

    معروف بھارتی دانشور اشوک اسوین نے تشدد کی ویڈیو ٹویٹ کرتے ہوئے اس پر رد عمل دیا کہ نیا بھارت قرون وسطیٰ کا ہندوستان ہے، جس میں 9 مسلم مردوں کو سرعام کوڑے مارے جا رہے ہیں، جب کہ مودی کی ریاست گجرات میں بھیڑ قوم پرست نعرے لگا رہی ہے!

    آل انڈیا مجلس اتحاد المسلمین کے صدر بیرسٹر اسد الدین اویسی نے رد عمل میں کہا کہ مسلمانوں کے خلاف ٹارگٹڈ تشدد کو ’انصاف‘ سمجھا جاتا ہے۔

    انھوں نے ایک ٹویٹ میں لکھا کہ بھارت میں ہر روز بڑے پیمانے پر بنیاد پرستی کے ثبوت سامنے آ رہے ہیں، پولیس والوں کی طرف سے کوڑے مارنا اور پُر ہجوم تشدد عام ہو گیا ہے، یہ ہے مودی کے نئے بھارت کی حقیقت۔

  • بارشوں سے سڑکیں زیر آب، مگرمچھ سڑکوں پر آگئے

    بارشوں سے سڑکیں زیر آب، مگرمچھ سڑکوں پر آگئے

    بھارتی ریاست گجرات میں موسلا دھار بارشوں اور سڑکوں کے زیر آب آنے کے بعد مگر مچھ بھی دریا سے نکل کر سڑکوں پر آگئے۔

    گجرات کے شہر ودودرا میں وشومتری دریا کے کنارے رہائشی افراد کو بارش کے دنوں میں سخت احتیاط کی تاکید کی جاتی ہے۔

    اس تاکید کی وجہ یہ ہے کہ دریا میں کم از کم 300 مگر مچھ ہیں جو بارش کے بعد سڑکوں پر آجاتے ہیں جب سڑکیں بھی زیر آب آجاتی ہیں۔

    اس دوران مگر مچھ بعض اوقات گھروں کے دروازے پر بھی آجاتے ہیں جس کی وجہ سے مکینوں کا گھر سے باہر نکلنا مشکل ہوجاتا ہے۔

    ایسی ایک ویڈیو سوشل میڈیا پر بھی وائرل ہورہی ہے جس میں دیکھا جاسکتا ہے کہ ایک مگر مچھ سڑک پار کر رہا ہے اور اسے دیکھ کر 2 موٹر سائیکل سوار اپنی جگہ رک گئے ہیں۔

    ایسے ہی ایک اور واقعے میں ریسکیو اہلکاروں کو مدد کے لیے آنا پڑا جب ایک مگر مچھ ڈرین کور میں پھنس گیا۔

    مقامی انتظامیہ کا کہنا ہے کہ مون سون بارشوں کے دوران انہیں روزانہ 25 سے 30 کالز موصول ہوتی ہیں جس میں رہائشی علاقوں میں مگر مچھ کی نشاندہی کی جاتی ہے۔

  • گجرات: کار نہر میں ڈوبنے سے ایک ہی خاندان کے 6 افراد جاں بحق

    گجرات: کار نہر میں ڈوبنے سے ایک ہی خاندان کے 6 افراد جاں بحق

    گجرات: کار نہر میں ڈوبنے سے ایک ہی خاندان کے 6 افراد جاں بحق ہو گئے۔

    تفصیلات کے مطابق گجرات میں نہر اپر جہلم میں گاؤں سمبلی کے مقام پر ایک کار نہر میں گر گئی، کار میں سوار ایک ہی خاندان کے دو سالہ بچے سمیت 6 افراد ڈوب کر جاں بحق ہو گئے۔

    پولیس حکام کے مطابق جاں بحق افراد کی شناخت شاہ زیب، رشیدہ بیگم، عابدہ پروین، شاہین بی بی، نادیہ جواد اور سیف جواد کے ناموں سے ہوئی ہے۔

    بد قسمت خاندان سرائے عالمگیر سے اپنے گاؤں کھوہار جا رہا تھا، شدید بارش کے باعث کار پھسل کر نہر میں جا گر، پولیس حکام کے مطابق ریسکیو آپریشن دو گھنٹے جاری رہا، جس میں نہر میں ڈوبنے والے تمام افراد کی لاشیں نکال لی گئیں۔

  • گجرات میں مردہ لڑکی کو قبر سے نکال کر برہنہ حالت میں پھینک دیا گیا، وزیراعلی پنجاب کا نوٹس

    گجرات میں مردہ لڑکی کو قبر سے نکال کر برہنہ حالت میں پھینک دیا گیا، وزیراعلی پنجاب کا نوٹس

    گجرات : مردہ لڑکی کو قبر سے نکال کر برہنہ حالت میں پھینک دیا گیا، وزیراعلی پنجاب حمزہ شہباز نے واقعے میں ملوث ملزمان کو جلد گرفتار کرنے کی ہدایت کردی۔

    تفصیلات کے مطابق پنجاب میں شرمناک واقعہ پیش آیا ، جہاں گجرات کے ایک گاؤں میں مردہ لڑکی کو قبر سے نکال کر برہنہ حالت میں پھینک دیا گیا تاہم پولیس اب تک کسی کو گرفتار نہ کرسکی۔

    گزشتہ روز گاؤں چک کمالہ کا رہائشی محمد نذیر اپنی اٹھارہ برس کی ذہنی معذور بیٹی کی قبر پر فاتحہ خوانی کیلئے پہنچا تو قبر کھلی ہوئی اور میت غائب تھی۔

    محمد نذیر نے گاؤں والوں کو بلاکر بیٹی کی تلاش شروع کی تو تھوڑی دور جھاڑیوں میں وہ برہنہ حالت میں ملی، اطلاع ملتے ہی پولیس پہنچ گئی، مگر ابتدائی تفتیش کے مطابق چوبیس گھنٹے بعد بھی پولیس اب تک ملزم کوگرفتارنہیں کرسکی ہے۔

    پولیس نے مرحومہ کا میڈیکل کرواکر رپورٹ پنجاب فرانزک لیب بھجوادی ہے، پولیس ترجمان کا کہنا ہے کہ تفتیش کا دائرہ وسیع کردیا گیا ہےلیکن ابھی تک مرحومہ سے زیادتی کی تصدیق نہیں ہو سکی ہے۔

    وزیر اعلی ٰپنجاب حمزہ شہباز نے گجرات میں لڑکی کی لاش کی بے حرمتی کے واقعے کا نوٹس لیتے ہوئے کمشنر گوجرانوالہ ڈویژن اور آر پی او گوجرانوالہ سے رپورٹ طلب کرلی۔

    حمزہ شہباز نے واقعے میں ملوث ملزمان کو جلد گرفتار کرنے کی ہدایت کرتے ہوئے کہا کہ ملزمان کو قانون کی گرفت میں لا کر مزید کارروائی کی جائے، لاش کی بے حرمتی کا واقعہ ناقابل برداشت ہے۔

  • اس سے پہلے کہ ہم پہنچیں، اسمبلی توڑ دو: بلاول

    اس سے پہلے کہ ہم پہنچیں، اسمبلی توڑ دو: بلاول

    گجرات: بلاول بھٹو زرداری نے وزیر اعظم کو چیلنج کیا ہے کہ ہمارے اسلام آباد پہنچنے سے پہلے اگر ہمت ہے تو اسمبلی توڑ دو۔

    تفصیلات کے مطابق پیپلز پارٹی کے چیئرمین بلاول بھٹو نے گجرات میں عوامی مارچ کے جلسے سے خطاب میں کہا کہ وزیر اعظم عمران خان کے پاس اب 24 گھنٹے بچے ہیں، وہ استعفیٰ دے کر گھر چلے جائیں۔

    بلاول نے عوام کو مخاطب کر کے کہا یہ آپ کے ووٹوں سے نہیں امپائر کی انگلی کی وجہ سے اقتدار میں ہیں، اسی لیے اقتدار میں آ کر وہ صرف اسی طرف دیکھتے رہتے ہیں۔

    بلاول بھٹو نے کہا ہم نے پہلے دن ہی سے وزیر اعظم کو نہیں مانا، اور پہلے ہی دن اسمبلی میں ان کو سلیکٹڈ کا نام دیا، آج گوگل میں لکھیں عمران خان تو سلیکٹڈ وزیر اعظم آئے گا۔

    انھوں نے کہا آج گجرات کے عوام نے بھی وہی نعرہ لگا دیا ہے، سندھ اور پنجاب نے اپنا فیصلہ دے دیا، اب ہم اسلام آباد کی طرف بڑھ رہے ہیں، عمران خان نے ہر طبقے کو پریشان کیا ہے، ہم نے ان سے حساب لینا ہے، انھوں نے پی ٹی آئی، ایم ایف ڈیل کرا کر معاشی بحران پیدا کر دیا۔

    پی پی چیئرمین نے کہا اب وہ اتنے گھبرا چکے ہیں کہ گالی دینے پر اتر آئے، لیکن جتنی بھی گالیاں دیں، جھوٹ بولیں بچ نہیں سکتے، لیکن یہ جاتے جاتے بھی آپ کو نقصان پہنچا رہے ہیں۔

    انھوں نے کہا کل وہاڑی میں وزیر اعظم نے یورپی یونین پر حملے کرنا شروع کر دیا ہے، یورپی یونین کے پیچھے ایسے پڑ گئے جیسے کشمیر فتح کر لیا، یہ شخص اس عہدے پر بیٹھنے کے لائق نہیں، انھوں نے جو نقصان پہنچایا تاریخ میں کبھی نہیں ہوا۔

    بلاول نے کہا صاف اور شفاف الیکشن ہمارا مطالبہ ہے، عوام صاف و شفاف الیکشن سے اپنا نمائندہ چن سکیں گے، وزیر اعظم نے بینظیر کی تصویر ہٹائی اور پھر بینظیر انکم سپورٹ پروگرام کو نقصان پہنچایا، غریب خواتین کو بینظیرانکم سپورٹ پروگرام سے باہر نکالا جا رہا ہے، لانگ مارچ کے دوران خواتین نے احتجاج کیا کہ اس نے ہمیں بینظیرپروگرام سے نکال دیا، ہم ان خواتین کا مقدمہ لڑیں گے۔