ARYNews.tv | Urdu – Har Lamha Bakhabar

Tag: گجرات

  • پاکستان اور غریب عوام کی ترقی ہمارا وِژن ہے: قائم مقام گورنر پنجاب

    پاکستان اور غریب عوام کی ترقی ہمارا وِژن ہے: قائم مقام گورنر پنجاب

    گجرات: قائم مقام گورنر پنجاب چوہدری پرویز الہٰی نے کہا ہے کہ پاکستان اور غریب عوام کی ترقی ہمارا وِژن ہے، اس پر عمل کر کے ہی پاکستان ترقی کرے گا۔

    تفصیلات کے مطابق گجرات میں شیف انٹرنیشنل کے زیر اہتمام چودھری سجاد حیدر میموریل اسپتال کے سنگِ بنیاد کی تقریب سے خطاب کرتے ہوئے پرویز الہیٰ نے کہا کہ عمران خان غریبوں کا درد رکھتے ہیں، ہماری سوچ ایک ہے۔

    قائم مقام گورنر پنجاب کا کہنا تھا کہ پاکستان کی ترقی ہی ہم سب کی ترقی ہے، تاجر برادری عمران خان کے وژن میں تعاون کرے۔

    چوہدری پرویز الہٰی نے کہا کہ نواز شریف اور شہباز شریف نے پورا ملک اجاڑ دیا، یہ اب اور کیا چاہتے ہیں، شریف خاندان ملکی معیشت کو دیوالیہ کرنے کے بعد اب اپنی مظلومیت کا رونا رو رہا ہے، آج عوام ان سے حساب مانگ رہے ہیں۔

    انھوں نے کہا کہ وزیر آباد کارڈیالوجی اسپتال شروع نہ کرنے پر جو قیمتی جانیں ضایع ہوئیں، آج انھی کے لواحقین کی بد دعائیں شہباز شریف کا پیچھا کر رہی ہیں، اب وزیر اعلیٰ پنجاب نے اسپتال کو ترجیحی بنیادوں پر شروع کرنے کی یقین دہانی کرائی ہے۔

    قائم مقام گورنر پرویز الہیٰ نے مزید کہا کہ چیئرمین ایف بی آر نے تاجروں کے مسائل پر غور کا یقین دلایا ہے۔

    قبل ازیں، پاکستان مسلم لیگ ق کے صدر اور سابق وزیر اعظم چودھری شجاعت حسین نے شیف انٹرنیشنل کے زیر اہتمام چودھری سجاد حیدر میموریل اسپتال کا سنگ بنیاد رکھا۔

  • سمندری طوفان وایو کے دوبارہ گجرات سے ٹکرانے کی پیش گوئی

    سمندری طوفان وایو کے دوبارہ گجرات سے ٹکرانے کی پیش گوئی

    نئی دہلی : بھارتی محکمہ موسمیات نے سمندری طوفان وایو کے آئندہ 48 گھنٹوں میں ایک مرتبہ پھر گجرات سے ٹکرائے جانے کا خدشہ ہے۔

    تفصیلات کے مطابق بھارتی حکومت نے سمندری طوفان وایو کے دوبارہ گجرات سے ٹکرانے کی پیش گوئی کردی، ساحلی علاقوں میں بارشوں کا سلسلہ شروع ہوگیا۔

    محکمہ موسمیات کا کہنا ہے کہ سمندری طوفان 17 اور 18 جون کو بھی طوفان کے ٹکرائے جانے کا خدشہ ہے۔

    بھارتی محکمہ موسمیات کا کہنا ہے کہ سمندری طوفان وایو ایک بار پھر سے ریاست گجرات کی جانب رخ کررہا ہے۔ آئندہ 48 گھنٹوں میں گجرات کے سمندر سے ٹکرائے جانے کا امکان ہے۔ 17 اور 18 جون کو گجرات کے ضلع کَچھ کے ساحل سے ٹکرائے گا۔

    غیر ملکی خبر رساں ادارے کے مطابق حکام نے ماہی گیروں کو ساحل پرجانے سے روک کر الرٹ جاری کردیا، جمعرات کے روزسمندری طوفان وایو نےگجرات سے منہ موڑ لیا تھا اور عمان کی طرف بڑھ گیا تھا۔

    طوفانی ہواؤں اور موسلا دھار بارش کے خدشے کے باعث گجرات اور مغربی ساحلی علاقوں میں الرٹ بدستور  برقرار  ہے، گجرات میں تین لاکھ افراد کو محفوظ مقامات پر منتقل کیا جاچکا ہے۔

    خیال رہے کہ گجرات میں اسکولز  اور کالجز بند ہیں اور ٹرین سروس بھی متاثر ہے جبکہ پوربندر اور دیگرعلاقوں میں فلائٹ آپریشن معطل کردیا گیا ہے جبکہ بھارتی حکام نے ماہی گیروں کوپندرہ جون تک سمندرمیں نہ جانے کی ہدایت کی ہے۔

  • سمندری طوفان وایو کا راستہ تبدیل ، گجرات سے نہیں ٹکرائے گا

    سمندری طوفان وایو کا راستہ تبدیل ، گجرات سے نہیں ٹکرائے گا

    گجرات : سمندری طوفان وایونے راستہ تبدیل کرلیا، اب سمندری طوفان بھارتی ریاست گجرات سے نہیں ٹکرائے گا تاہم ساحلی علاقوں میں الرٹ بدستور برقرار ہے۔

    تفصیلات کے مطابق بھارتی میڈیا نے کہا بحیرہ عرب میں بننے والے سمندری طوفان وایو نے راستہ بدل لیا اب طوفان گجرات کے ساحلی علاقوں سے نہیں ٹکرائے گا تاہم بھارت کے ساحلی علاقوں دوارکا ، پور بندر اور دیگرعلاقوں کے قریب سے گزرے گا۔

    طوفانی ہواؤں اورموسلادھاربارش کے خدشے کے باعث گجرات اورمغربی ساحلی علاقوں میں الرٹ بدستور برقرار ہے، گجرات میں تین لاکھ افراد کو محفوظ مقامات پر منتقل کردیا گیا۔

    گجرات میں اسکولز اور کالجز بند ہیں اور ٹرین سروس بھی متاثر ہے جبکہ پوربندر اور دیگرعلاقوں میں فلائٹ آپریشن معطل کردیا گیا ہے۔

    بھارتی حکام نے ماہی گیروں کوپندرہ جون تک سمندرمیں نہ جانے کی ہدایت کی ہے۔

    دوسری جانب بحیرہ عرب میں بننےوالےسمندری طوفان’وایو‘نے شدت اختیارکرلی ہے ، طوفان سے پاکستان میں ہواؤں کا رخ بدل گیا، سمندری ہوائیں بند ہونے سےگرمی کی شدت بڑھےگی اور آئندہ تین روز کراچی کیلئے خطرناک قرار دیتے ہوئے کہا ہیٹ ویوجیسی صورتحال رہےگی۔

    سمندری طوفان کراچی سے 443کلومیٹر جنوب مشرق میں موجود ہے اور طوفان 12کلومیٹرفی گھنٹہ کی رفتار سے شمال مغرب میں بڑھ رہاہے ۔

    طوفا ن کے بعد 3دن تک سندھ کے جنوبی اور ساحلی علاقے میں بارشوں کاامکان ہے جبکہ ٹھٹھہ، بدین، تھرپارکر،گردونواح میں گرج چمک کیساتھ بارشیں متوقع ہے، کراچی میں کل بھی دوپہرمیں گردآلودہوائیں چلنے کاسلسلہ جاری رہےگا، گرد الودہواؤں سے حدنگاہ جزوی متاثر ہوسکتی ہے۔

  • عمر 12 سال، وزن 200 کلو، گجرات کا ابرار سرجری کے لیے تیار

    عمر 12 سال، وزن 200 کلو، گجرات کا ابرار سرجری کے لیے تیار

    گجرات: دو سو کلو وزنی بارہ سالہ بچے ابرار کی سرجری آج ہوگی، جس کے بعد وہ عام زندگی گزار سکے گا۔

    تفصیلات کے مطابق بارہ سالہ ابرار کا وزن دو سو کلو ہے، جو اس کے لیے پریشانیوں‌ کا سبب بن گیا ہے.

    کھیلنا تو در کنار، وہ تو صحیح سے چل بھی نہیں‌ سکتا، ہر کام کے لیے اسے دوسروں‌ پر انحصار کرنا پڑتا ہے. اسی وجہ سے وزن اس کے بوجھ بن گیا ہے.

    ڈاکٹر معاذ کا کہنا ہے کہ سرجری کے بعد دو سو کلو کے ابرار کا وزن 60 کلو رہ جائے گی اور پھر وہ عام بچوں‌ کی طرح کھیلوں کی سرگرمیوں میں‌ حصہ لے سکے گا.

    نمائندہ اے ار وائی کے مطابق یہ پاکستان میں اپنی نوعیت کا پہلا واقعہ ہے، جب بارہ سال کے بچے کی سرجری کی جارہی ہے.آپریشن کے بعد اس کے لیے خاص ڈائٹ پلان بنایا جائے گا، جس کی پیروی لازم ہے.

    مزید پڑھیں: کراچی: سول اسپتال میں کینسر ’روبوٹک سرجری‘ بالکل مفت

    بچے کے مطابق اسے بچپن سے برگر، شورما اور نان بہت پسند تھے، وہ ایک وقت کے کھانے میں‌ تین نان کھاتا ہے، ایسی ہی بد احتیاطیوں کی وجہ سے اس کا وزن اتنا بڑھا.

    ابرار کی لیپوپلاسٹی سرجری کی جائے گی، جس میں‌ جسم سے چربی کو نکال لیا جاتا ہے. بچے کے ماں باپ پرامید ہیں کہ اس سرجری کے بعد ان کا بیٹا بھی عام زندگی گزار سکے گا.

  • شفاف انتخابات جہاں بھی ہوں گے ن لیگ فاتح ہوگی: شہباز شریف

    شفاف انتخابات جہاں بھی ہوں گے ن لیگ فاتح ہوگی: شہباز شریف

    لاہور: پاکستان مسلم لیگ ن کے رہنما میاں شہباز شریف نے کہا ہے کہ جہاں جہاں شفاف انتخابات ہوں گے وہاں مسلم لیگ ن ہی فاتح ہوگی۔

    تفصیلات کے مطابق قومی اسمبلی میں اپوزیشن لیڈر شہباز شریف نے گجرات میں ن لیگی میئر منتخب ہونے پر کارکنوں کو مبارک باد دیتے ہوئے کہا کہ شفاف انتخابات جہاں ہوں گے وہاں ن لیگ فتح حاصل کرے گی۔

    شہباز شریف نے ن لیگی میئر کے انتخاب پر کہا ’ہم اللہ کا شکر ادا کرتے ہیں کہ اس نے ہمیں یہ فتح نصیب فرمائی۔‘

    ان کا کہنا تھا کہ عوام نے ایک بار پھر مسلم لیگ ن پر اپنے اعتماد کا اظہار کیا، نو منتخب میئر  طاہر اقبال مانڈہ اور ان کی تمام ٹیم کو مبارک باد دیتے ہیں، عوام کے اعتماد کو ٹھیس نہیں پہنچنے دیں گے، ماضی کی طرح ہر سطح پر ان کی بھرپور خدمت کریں گے۔

    یہ بھی پڑھیں:  نیب نے شہباز شریف کی اہلیہ اور بیٹیوں کو سوال نامہ بھجوا دیا

     خیال رہے کہ آج 17 اپریل کو گجرات کی میئر شپ کے لیے مسلم لیگ ن اور مسلم لیگ ق کے درمیان الیکشن لڑا گیا۔ چوہدری پرویز الہیٰ نے کہا تھا کہ گجرات کے میئر الیکشن میں سرپرائز دیں گے۔

    یاد رہے کہ گزشتہ روز نیب لاہور نے شہباز شریف کی اہلیہ نصرت شہباز، بیٹی جویریہ اور رابعہ کو بذریعہ ڈاک سوال نامہ بھجوا دیا ہے، چیئرمین نیب جسٹس (ر) جاوید اقبال کی ہدایت پر طلبی کے نوٹسز کینسل کر دیے گئے تھے۔

    سوال نامے میں مبینہ منی لانڈرنگ اور بینکوں میں آنے والی رقوم کے حوالے سے پوچھا گیا۔ یاد رہے 13 اپریل کو نیب نے اثاثہ جات کیس میں شہباز شریف خاندان کے خلاف تحقیقات کا دائرہ کار مزید وسیع کرتے ہوئے ان کے پورے خاندان کو بیان کے لیے طلب کیا تھا۔

  • مودی مقبوضہ کشمیر میں گجرات طرز پر قتل عام کی منصوبہ بندی کرسکتا ہے: صدر آزاد کشمیر

    مودی مقبوضہ کشمیر میں گجرات طرز پر قتل عام کی منصوبہ بندی کرسکتا ہے: صدر آزاد کشمیر

    اسلام آبادد: صدر آزاد کشمیر مسعود خان نے کہا ہے کہ مودی مقبوضہ کشمیر میں گجرات طرز پر قتل عام کی منصوبہ بندی کرسکتا ہے.

    ان خیالات کا اظہار انھوں‌ نے میڈیا سے گفتگو کرتے ہوئے کیا. صدر آزاد کشمیر مسعود خان نے کہا کہ جموں میں ہندو انتہا پسند مسلمانوں کودھمکیاں دے رہے ہیں.

    [bs-quote quote=”ھارت مقبوضہ کشمیرمیں آبادی کا تناسب تبدیل کرنا چاہتا ہے.” style=”style-8″ align=”left” author_name=”صدر آزاد کشمیر”][/bs-quote]

    انھوں نے کہا کہ ہندوانتہا پسند مسلمانوں کو نقل مکانی پر مجبور کر رہے ہیں، بھارت مقبوضہ کشمیرمیں آبادی کا تناسب تبدیل کرنا چاہتا ہے.

    صدرآزادکشمیر نے کہا کہ بھارتی جارحیت پر پاکستان نے مؤثر جواب دیا ہے، امید ہے کہ بھارت دوبارہ ایسی غلطی کا ارتکاب نہیں کرے گا.

    یاد رہے کہ بھارت پر جنگی جنون سوار ہے. پلوامہ حملے کے بعد بھارتی فوج نے فضائی حدود کی خلاف ورزی کی اور نفرت انگیز پروپیگنڈا کیا، بعد ازاں پاکستان نے دو بھارتی جنگی جہاز گرا کر ایک بھارتی پائلٹ گرفتار کر لیا.

    مزید پڑھیں: وزیر اعظم عمران خان کا امن کی خاطر بھارتی پائلٹ کو کل رہا کرنے کا اعلان

    خیال رہے وزیر اعظم عمران خان نے امن کی خاطر بھارتی پائلٹ کو کل رہا کرنے کا اعلان کردیا ہے.

    وزیراعظم عمران خان نے پارلیمنٹ کے مشترکہ اجلاس سے خطاب کرتے ہوئے کہا کہ بھارت اس سےزیادہ کشیدگی کوآگے نہ بڑھائے اور کشیدگی کم کرنے اور امن کو ہماری کمزوری نہ سمجھاجائے۔

  • گجرات: ممانی نے ڈیڑھ سالہ بھانجے کو قتل کر دیا

    گجرات: ممانی نے ڈیڑھ سالہ بھانجے کو قتل کر دیا

    گجرات: حسد نے ہنستا بستا گھر اجاڑ دیا، ممانی نے ڈیڑھ سالہ بھانجے کو قتل کر دیا۔

    تفصیلات کے مطابق ملزمہ ماریہ نے بیٹے سے زیادہ خوبصورت ہونے پر بھانجے کو قتل کیا۔

    ڈی پی او سید علی محسن نے پریس کانفرنس کرتے ہوئے گجرات میں پیش آنے والے اس ہولناک واقعے کی تفصیلات بتائیں۔

    ملزمہ نے اعتراف کرتے ہوئے کہا کہ ڈیرھ سالہ سلیمان اس کے بیٹے سے زیادہ خوبصورت تھا، جس پرساس اور نند طعنے دیتی تھیں، اس نے حسد اور انتقام کے ہاتھوں مجبور ہو کر بچے کو اغوا کرکے قتل کر دیا۔

    مزید پڑھیں: لاہور: دو روز قبل اغوا ہونے والا بچہ بازیاب کروا لیا گیا

    ملزمہ ماریا کے مطابق بچے کو تشدد کے بعد گلا دبا کر قتل کیا، دس روز پہلے قتل کر کے لاش بکسے میں ڈال کرسنسان جگہ پھینکی دی، اس گھناؤنے جرم میں ملوث ماریہ گریجویٹ ہے۔

    یاد رہے کہ ڈیڑھ سالہ سلیمان فیصل کو چند روز قبل نانی کے گھرسے اغوا کرکے قتل کیا گیا، چند روز بعد اس کی لاش ویرانے سے ملی۔

  • شہبازشریف پراللہ کی طرف سےعذاب آیا ہے‘ چوہدری شجاعت

    شہبازشریف پراللہ کی طرف سےعذاب آیا ہے‘ چوہدری شجاعت

    گجرات : مسلم لیگ ق کے سربراہ چوہدری شجاعت حسین کا کہنا ہے کہ اللہ تعالی موجودہ حکومت کو کامیاب کرے۔

    تفصیلات کے مطابق مسلم لیگ ق کے سربراہ چوہدری شجاعت حسین نے گجرات میں اپنا ووٹ کاسٹ کرنے کے بعد میڈیا سے گفتگو کرتے ہوئے کہا کہ بڑے مشکل حالات سے گزر کرحکومت بنی۔

    چوہدری شجاعت حسین نے کہا کہ موجودہ حکومت کو کام کرنے کا موقع دینا چاہیے، اللہ تعالیٰ موجودہ حکومت کو کامیاب کرے۔

    سابق وزیراعلیٰ پنجاب شہبازشریف سے متعلق صحافی کے سوال پر مسلم لیگ ق کے سربراہ نے کہا کہ
    شہبازشریف پراللہ کی طرف سے عذاب آیا ہے۔

    ملک بھر میں ضمنی انتخابات کے لیے پولنگ کا آغاز

    واضح رہے کہ ملک میں قومی اسمبلی کی 11 اور صوبائی اسمبلی کی 24 نشتوں پر ضمنی انتخابات کے لیے پولنگ صبح 8 بجے سے شام 5 بجے تک بلا تعطل جاری رہے گی۔

    ضمنی انتخابات میں قومی اور پنجاب اسمبلی کی 11 نشستوں کے ساتھ خیبرپختونخواہ اسمبلی کی 9، سندھ اور بلوچستان کی 2،2 نشستوں پرپولنگ جاری ہے اور 600 سے زائد امیدوار انتخابات میں حصہ لے رہے ہیں۔

    الیکشن کمیشن کے مطابق مجموعی طور پر35 حلقوں میں 92 لاکھ 93 ہزار 74 ووٹرز اپنا حق رائے دہی استعمال کریں گے جن کے لیے 7 ہزار 489 پولنگ اسٹیشن بنائے گئے ہیں جبکہ ایک ہزار727 پولنگ اسٹیشن کو حساس قرار دیا گیا ہے۔

  • پنجاب میں انڈسٹری گزشتہ دس سال سے آگے نہیں بڑھی، چوہدری پرویزالہٰی

    پنجاب میں انڈسٹری گزشتہ دس سال سے آگے نہیں بڑھی، چوہدری پرویزالہٰی

    گجرات : اسپیکر پنجاب اسمبلی چوہدری پرویز الہٰی نے کہا ہے کہ دس سال میں پنجاب میں انڈسٹری آگے نہیں بڑھی، ہمارے دور میں ماحول سازگار ہوگیا تھا۔

    ان خیالات کا اظہار انہوں نے گجرات میں پاکستان الیکٹرک فین مینوفیکچررز ایسوسی ایشن کی تقریب حلف برداری سے خطاب کرتے ہوئے کیا۔

    انہوں نے کہا کہ ہمارے گزشتہ دور حکومت میں پنجاب کی جی ڈی پی گروتھ آٹھ فیصد تک ہوگئی تھی، ہر سیکٹرمیں اچھا کام ہو رہا تھا لیکن گزشتہ دس برسوں میں چھوٹی صنعتوں میں کوئی ترقی نہیں ہوئی۔

    چوہدری پرویز الہٰی کا مزید کہنا تھا کہ انڈسٹریز کے مسائل میں اضافے سے برآمدات متاثر ہوئیں اور بیروزگاری میں اضافہ ہوا۔ انہوں نے کہا کہ صنعت کے فروغ سے ملکی برآمدات بڑھتی ہیں اورملازمتوں کے نئے مواقع پیدا ہوتے ہیں۔

    اسپیکر پنجاب اسمبلی نے اعلان کیا کہ ایک ٹیکنیکل یونیورسٹی بنائی جائے گی تاکہ مقامی صنعت ترقی کرسکے، ان کاموں میں وقت تو لگتا ہے لیکن ہم نیک نیتی سے ایسے کام کرتے ہیں جس سے آئندہ نسلوں کو بھی فائدہ ہوتا ہے۔

  • نواز شریف دین کے غدار ہیں، چوہدری پرویز الہٰی

    نواز شریف دین کے غدار ہیں، چوہدری پرویز الہٰی

    گجرات: مسلم لیگ (ق) کے مرکزی رہنما چوہدری پرویز الہٰی نے کہا ہے کہ نواز شریف دین کے غدار ہیں، 25 جولائی کو ن لیگ ماضی کی داستان بن جائے گی۔

    ان خیالات کا اظہار انھوں نے گجرات میں ایک جلسے سے خطاب کرتے ہوئے کیا، ان کا کہنا تھا کہ نواز شریف نے دین کے ساتھ غداری کی، ان کا انجام قریب ہے۔

    ق لیگ کے رہنما نے کہا ’الیکشن اور الیکشن کمیشن تو ٹھیک جا رہے ہیں لیکن شہباز شریف اور ن لیگ کی حالت خراب دکھائی دے رہی ہے۔‘

    چوہدری پرویز الہٰی نے مزید کہا کہ نواز شریف کا بیانیہ ملک اور اداروں کے خلاف ہے، اب شریف خاندان کی چوری رنگے ہاتھوں پکڑی جا چکی ہے۔

    انھوں نے عوام سے اپیل کی کہ پچیس جولائی ن لیگ کے خاتمے کا دن ہے اس لیے ووٹرز موسم کی پرواہ کیے بغیر پولنگ اسٹیشن جائیں اور ووٹ کاسٹ کریں۔

    باپ بیٹی مل کر فوج اور عدلیہ پر حملے کر رہے ہیں: پرویز الٰہی

    واضح رہے کہ چوہدری پرویز الہٰی این اے 69 گجرات سے الیکشن لڑ رہے ہیں، اس حلقے میں ان کا مقابلہ مسلم لیگ ن کے چوہدری مبشر حسین کے ساتھ ہے۔

    یہ حلقہ چوہدری پرویز الہٰی کا پرانا انتخابی حلقہ ہے، یہاں پاکستان تحریک انصاف اور ق لیگ کا اتحاد بھی ہوا ہے، اس لیے حلقے پر ان کی گرفت مضبوط ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔