Tag: گجرات

  • گجرات: بندر انتہاء پسندوں کے نقشِ قدم پر چل پڑے، ویڈیو دیکھیں

    گجرات: بندر انتہاء پسندوں کے نقشِ قدم پر چل پڑے، ویڈیو دیکھیں

    نئی دہلی: بھارتی ریاست گجرات میں بندر بھی انتہاء پسندوں کے نقشِ قدم پر چلنے پڑے اور انہوں نے معصوم شہریوں پر تشدد کرنا شروع کردیا۔

    تفصیلات کے مطابق بھارت کے علاقے گجرات میں واقع گاؤں سوپا کے جنگلی بندر آپے سے باہر ہوگئے اور وہ سڑک پر چلنے والے شہریوں پر کھلے عام حملے کر کے انہیں زخمی کررہے ہیں۔

    نووساری کے قریب واقع گاؤں میں بندروں کی جانب سے شہریوں پر ہونے والے حملوں کی ویڈیو منظر عام پر آئی جس میں دیکھا جاسکتا ہے کہ ایک شہری موٹرسائیکل پر سڑک پر سے گزر رہا ہے تو اسی دوران دوسری طرف سے ایک بندر نے اُس پر حملہ کردیا۔

    بندر کا حملہ اس قدر شدید تھا کہ موٹرسائیکل سوار شہری نیچے گر گیا اور زخمی ہوا، اسی طرح فوٹیج میں دیکھا جاسکتا ہے کہ سڑک پر چلتے ہوئے شہری کی پشت پر بندر نے زور سے مارا جس کے بعد وہ اوندھے منہ گر گیا۔ اسی طرح ایک اور فوٹیج میں جب شہری بندر سے اپنی قیمتی چیز بچانے لگا تو اُس نے کھمبے پر چڑھ کر حملہ کیا اور وہاں سے رفو چکر ہوگیا۔

    مکینوں کے مطابق وہ بندر سے بہت زیادہ خوف زدہ ہیں اُن کا کہنا ہے کہ ’ہم جیسے ہی اکیلے یا کسی کے ساتھ گھر سے باہر نکلیں بندر ہم پر حملہ کردیتے ہیں‘۔ اہل علاقہ نے اس واقعے کی شکایت متعلقہ حکام کو بھی درج کرائی تاہم ابھی تک اُن کے تحفظ کے لیے کوئی اقدامات بروئے کار نہیں لائے گئے۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • گجرات:پاکستانی نژاد اطالوی لڑکی ثنا چیمہ کی قبر کشائی، پوسٹ مارٹم مکمل

    گجرات:پاکستانی نژاد اطالوی لڑکی ثنا چیمہ کی قبر کشائی، پوسٹ مارٹم مکمل

    گجرات: پاکستانی نژاد اطالوی لڑکی ثنا چیمہ کی قبر کشائی کے بعد پوسٹ مارٹم مکمل کرلیا گیا،  پوسٹ مارٹم کے بعد موت کی وجوہات سامنے آئیں گی۔

    تفصیلات کے مطابق گجرات میں اطالوی نژاد لڑکی کی ثناچیمہ کی پراسرارموت کامعمہ حل نہ ہوا،  عدالتی حکم پر ڈیوٹی جج اورڈاکٹرکی موجودگی میں قبرکشائی کی گئی ، جس کے بعد قبرستان میں ہی پوسٹ مارٹم کیا گیا۔

    پولیس کا کہنا ہے کہ ثنا چیمہ کے معدے اور مختلف اعضافرانزک لیب بھجوائےجائیں گے، فرانزک لیب کی رپورٹ کےبعدقتل یاطبی موت کاتعین ہوگا۔

    یاد رہے کہ پسند کی شادی کی خواہش پر اہلخانہ نے غیرت کےنام پر اپنی اطالوی بیٹی کو قتل کردیا تھا جبکہ پولیس نے لڑکی کےقتل میں ملوث باپ اور بھائی سمیت تین افرادکو گرفتار کرلیا تھا۔

    پولیس کوسوشل میڈیاکےزریعےاطلاع ملی کہ منگوال میں چھیس سال کی لڑکی قتل کردی گئی،جواطالوی شہری تھی پولیس تفتیش میں پتہ چلا کہ ثناچیمہ کواٹھارہ اپریل کوقتل کیا گیا اوررات ورات تدفین کردی گئی۔


    مزید پڑھیں : گجرات: غیرت کے نام پر پاکستانی نژاد اطالوی لڑکی کا قتل


    پولیس کے مطابق ثنا چیمہ ،راجہ کامران سے شادی کرنا چاہتی تھی، راجہ کامران ثناچیمہ کی موت سے چندروز قبل اٹلی واپس گیا تھا، مبینہ قتل کی خبر راجہ کامران نےہی اٹلی کے اخبارات کو دی۔

    پولیس کا کہنا تھا کہ ثناچیمہ کے والدغلام مصطفیٰ ، بھائی عدنان مصطفیٰ سمیت تین افراد نے مل کر مبینہ طور پر ثنا کو قتل کیا اور پھر دفنا دیا تھا۔

    اہلخانہ نے الزامات مستردکرتے ہوئے ثناچیمہ کی موت کو حادثہ قرار دے کر کہا کہ موت بیماری کے باعث ہوئی۔

    خیال رہے کہ پولیس نے ایف آئی آردرج کرکےثنا کےپوسٹ مارٹم کے لئےدرخواست عدالت میں دائرکی تھی۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • بھارت میں کرنسی نوٹوں کا بحران

    بھارت میں کرنسی نوٹوں کا بحران

    نئی دہلی: بھارت کے مختلف شہروں میں ایک بار پھر نوٹوں کا بحران پیدا ہوگیا اور کئی ریاستوں میں بینک کی اے ٹی ایم مشینیں خالی ہوگئیں۔

    بھارتی میڈیا کے مطابق مختلف ریاستوں اترپریش، مہارشٹرا ودیگر ریاستوں میں اچانک بینک کی اے ٹیم ایم مشینوں میں پیسے ختم ہوگئے جس کے بعد تقریباً پورے ہی ملک میں کرنسی نوٹوں کا بحرات پیدا ہوا۔

    بھارتی وزیر خزانہ کا کہنا ہے کہ لوگوں نے اچانک بھاری رقوم نکلوائیں جس کی وجہ سے قلت پیدا ہوئی کیونکہ جب مارکیٹ کی صورتحال کا جائزہ لیا گیا تو وہاں کیش موجود تھا۔

    اُن کا کہنا تھا کہ کرنسی نوٹوں کی قلت عارضی ہے جلد صورتحال اپنے معمول پر آجائے گی لہذا عوام بے بنیاد باتوں پر دھیان نہ دیں اور افراتفری سے گریز کریں، متعلقہ حکام جلد از جلد معاملے کو حل کردیں گے۔

    مزید پڑھیں: مودی کا فیصلہ، اپنی ہی 95 سالہ بوڑھی ماں کو قطار میں‌ لگنا پڑ گیا

    وزیرخزانہ ارون جیٹلی کا کہنا تھا کہ متاثرہ ریاستوں میں آندھرا پردیش، بہار، گجرات، آسام، مدھیہ پردیش، مہارسٹرا، راجھستان اور اترپردیش شامل ہیں جبکہ دارالحکومت نئی دہلی میں بھی نوٹوں کی قلت کا سامنا ہے۔

    بھارتی حکومت نے اچانک قلت پر تحقیقاتی کمیٹی قائم کردی جو اس بات کا تعین کرے گی کہ مصنوعی کرنسی نوٹوں کی اچانک قلت پر  رپورٹ مرتب کر کے وزراتِ خزانہ کو ارسال کرے گی۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • گجرات کے جلسے میں عمران خان پر جوتے سے حملہ

    گجرات کے جلسے میں عمران خان پر جوتے سے حملہ

    گجرات: پی ٹی آئی چیئرمین عمران خان پر دوران خطاب ایک شخص نے جوتا پھینک دیا، جوتا انھیں نہیں لگا۔

    تفصیلات کے مطابق یہ واقعہ گجرات میں‌ پی ٹی آئی کے جلسے کے دوران پیش آیا. عمران خان اپنی تقریر کے اختتام پر تھے، جب ایک شخص نے ان پر جوتا اچھالا.

    جوتا عمران خان کے ساتھ کھڑے  علیم خان کے سینے پر لگا. واقعے کے فوری بعد پی ٹی آئی چیئرمین اسٹیج سے چلے گئے. پولیس جوتا پھینکنے والے شخص کو بھگدڑ کے باعث حراست میں لینے میں ناکام رہی.

    یاد رہے کہ آج عمران خان نے گجرات کے مختلف مقامات پر جلسے کیے۔ ایسے ہی ایک جلسے کے دوران دوپہر میں ایک شخص کو پی ٹی آئی کارکنوں نے پنڈال سے پکڑا تھا، جس پر عمران خان کی گاڑی پر جوتا پھینکنے کا الزام عائد کیا گیا تھا۔  کارکنوں نے پکڑے جانے والے شخص کو تشدد کا نشانہ بنایا۔ بعد ازاں پولیس اسے اپنے ساتھ لے گئی۔

    یاد رہے کہ گذشتہ دنوں‌ سابق وزیر اعظم نواز شریف پر بھی ایک تقریب میں‌ جوتا پھینکا گیا تھا۔ یہ واقعہ اس وقت پیش آیا، جب مسلم لیگ ن کے قائد جامعہ نعیمیہ میں ہونے والی تقریب میں خطاب کرنے اسٹیج پر آئے۔ جوتا پھینکنے والے شخص کو وہاں موجود افراد نے پکڑ کر سیکورٹی اہلکاروں کے حوالے کردیا۔

    اس نوع کا ایک واقعہ نارووال میں وزیر داخلہ احسن اقبال کے ساتھ  پیش آیا تھا. یاد رہے کہ چند روز قبل وزیر خارجہ خواجہ آصف پر سیالکوٹ میں مسلم لیگ (ن) کے ورکرز کنونشن سے خطاب کے دوران ایک نوجوان نے سیاہی پھینک دی تھی۔


    سابق وزیراعظم نوازشریف جوتے کا نشانہ بن گئے


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پاکستان تحریک انصاف کا آج گجرات میں پاور شو، عمران‌‌ خان خطاب کریں گے

    پاکستان تحریک انصاف کا آج گجرات میں پاور شو، عمران‌‌ خان خطاب کریں گے

    گجرات : پاکستان تحریک انصاف کے چیئرمین عمران خان آج گجرات میں سیاسی طاقت کا مظاہرہ کریں گے، جی ٹی ایس چوک پرجلسے کی تیاریاں آخری مراحل میں ہیں۔

    تفصیلات کے مطابق پاکستان تحریک انصاف آج گجرات میں سیاسی قوت کا مظاہرہ کرے گی، عمران خان جی ٹی ایس چوک کے جلسے سے خطاب کریں گے۔

    عمران خان کی گجرات آمد کے سلسلے میں استقبال کی تیاریاں جاری ہیں، جی ٹی ایس چوک پر جلسے کی تیاریاں آخری مراحل میں ہیں، لائٹس،لاؤڈاسپیکرز اور دیگر سامان جلسہ گاہ پہنچا دیئے گئے جبکہ پی ٹی آئی کے رنگوں سے سجا ٹرک بھی تیار کیا گیا ہے۔

    عمران خان ساڑھے بارہ بجے تانڈہ پہنچیں گے اور دس مقامات پردورہ کریں گے، اس دوران وہ مختلف علاقوں میں رکنیت سازی مہم کے لیے لگائے گئے پی ٹی آئی کے کیمپوں کا جائزہ بھی لیں گے۔

    اس سے قبل عمران خان نئے چیئرمین سینٹ صادق سنجرانی سے ملاقات کریں گے، چیئرمین سینیٹ آج دوپہر بنی گالہ تشریف لائیں گے، وزیراعلیٰ بلوچستان عبدالقدوس بزنجو بھی ان کے ہمراہ ہوں گے۔

    یاد رہے کہ تحریک انصاف کے سربراہ عمران خان نے انتخابی مہم چلانے کا فیصلہ کرتے ہوئے ملک گیر جلسے کرنے کا اعلان کیا تھا۔

      شیڈول کے مطابق  13 مارچ کو گجرات، 14 مارچ کو جہلم اور چکوال ، 15 مارچ کو ملتان، 16 مارچ کو گوجرانوالہ میں جلسے ہونگے، 17 مارچ کو عمران
    خان لاہور میں وویمن کنونشن سے خطاب کریں گے جبکہ 19 اور 20 کراچی میں جلسے ہونگے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے  کے لیے سوشل میڈیا پر شیئر کریں۔

  • نواز شریف کو نااہل کرنے والوں کو رسوائی ملی، مریم نواز

    نواز شریف کو نااہل کرنے والوں کو رسوائی ملی، مریم نواز

    گجرات : سابق نااہل وزیراعظم میاں نوازشریف کی صاحبزادی مریم نواز نے کہا ہے کہ الزام ثابت کرنے سے پہلے نواز شریف کو نااہل کرنے والوں کو رسوائی ملی، کبھی نہیں سنا کہ منصف بھی قسمیں کھاتے ہیں۔

    ان خیالات کا اظہار انہوں نے گجرات میں جلسہ سے خطاب کرتے ہوئے کیا، مریم نواز نے کہا کہ منصفوں کو انتقام کی اتنی جلدی تھی کہ تحقیقات سے پہلے ہی فیصلہ سنا دیا گیا، ابھی تک فیصلہ ہی نہیں ہو سکا کہ نواز شریف پر الزام کیا لگایا جائے؟

    انہوں نے جلسے کے شرکا سے سوال کیا کہ آپ نے کبھی سنا ہے کہ بے گناہی ثابت کرنے کے لیے کوئی منصف قسمیں کھاتا ہے؟ جتنی جلدی آپ کے لیڈرکیخلاف عدالتوں سے فیصلے آرہے ہیں اتنی ہی تیزی سے عوام کی عدالت بھی اپنے لیڈر کے حق میں فیصلے دے رہی ہے۔

    اس کی مثال جی ٹی روڈ ریلی، لودھراں اور سینیٹ الیکشن ہیں، میں ہرایم این اے اور ایم پی اے کو سلام پیش کرتی ہوں کہ وہ ثابت قدم رہے اور انہوں نے نئی تاریخ رقم کی، نہ بکے نہ دھوکہ دیا اور نہ ہی پیچھے ہٹے۔

    مریم نواز کا کہنا تھا کہ آپ کو ن لیگ کا نام و نشان چھین کر اور نوازشریف کو پارٹی صدارت سے نااہل کرکے کیا ملا؟ اللہ تعالیٰ کو عاجزی پسند ہے تکبر نہیں، نوازشریف کے مخالفین کے ماتھوں پر لکھا ہے کہ انہیں 2018ءکے عام انتخابات میں اپنی شکست واضح طور پر نظرآگئی ہے۔

    اپنے خطاب میں ان کا مزید کہنا تھا کہ ہم ہمیشہ سے یہ سنتے آئے ہیں کہ لوگ اپنی بے گناہی ثابت کرنے کیلئے قسمیں کھاتے ہیں لیکن یہ کبھی نہیں سنا کہ منصف قسمیں کھاتے پھریں، آپ کو عوام اور اللہ کی عدالت میں بھی جواب دینا ہوگا۔

    سابق وزیر اعظم کی صاحبزادی نے کہا کہ پانامہ کیس کو تین دن بعد چھ ماہ مکمل ہونے کو ہیں اور اب تک یہ فیصلہ نہیں ہوسکا کہ نوازشریف پر الزام کیا لگانا ہے، ایک کے بعد ایک جھوٹا ریفرنس آرہاہے، آف شور کمپنی رکھنے والا اہل ہو گیا، جس کی کوئی آف شور کمپنی نہیں وہ نااہل ہوگیا۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

     

  • اسسٹنٹ پروفیسر نے اپنی ماں کو چوتھی منزل سے دھکا دے کر قتل کردیا

    اسسٹنٹ پروفیسر نے اپنی ماں کو چوتھی منزل سے دھکا دے کر قتل کردیا

    ممبئی : اسسٹنٹ پروفیسر نے طویل تیمارداری سے عاجز آکر اپنی ضعیف اور مفلوج ماں کو چوتھی منزل سے نیچے پھینک کر ہلاک کردیا اور واقعہ کو خود کشی کا رنگ دینے کی کوشش کی۔

    تفصیلات کے مطابق دل دہلانے والا یہ واقعہ بھارت کی ریاست گجرات میں تین ماہ قبل پیش آیا تھا جسے اُس وقت ضعیف ماں کے بیٹے نے خود کشی قرار دے کر پولیس کو مطمئن بھی کر دیا تھا۔

    بیمار ماں کا ناخلف بیٹا سندیپ نتھوانی راج کوٹ کالج میں اسسٹنٹ پروفیسر ہے اور اپنی اہلیہ اور مفلوج ماں کے ساتھ ایک فلیٹ میں رہائش پذیر تھا جہاں فالج کے مرض میں مبتلا ماں کی تیمارداری سے جان چھڑانے کے لیے ماں کو موت کے گھاٹ ہی اتار دیا۔

    ابتدا میں سندیپ نے پولیس کو بتایا کہ میری ماں فالج کی مریضہ تھیں جس کے باعث ان کا دھڑ آدھا مفلوج ہوچکا تھا اور انہیں چلنے پھرنے میں کافی دقت کا سامنا تھا جس سے پریشان ہوکر وہ  ڈیپریشن کا شکار ہو گئی تھیں اور چوتھی منزل سے کود کر خود کشی کرلی۔

    تاہم دو ماہ بعد ایک محلے دار کی کال کی تمام بھانڈا پھوڑ دیا جس نے بتایا کہ ماں اتنی بیمار تھیں کہ وہ اگلی منزل پر اکیلے نہیں جا سکتی تھیں اور نہ ہی چھت کی چار فٹ لمبی دیوار پھلاند سکتی تھیں۔

    پولیس نے محلے دار کی کال کو بنیاد بناتے ہوئے مقدمے کی دوبارہ تحقیقات کی اور سندیپ کے فلیٹ کے باہر لگے سی سی ٹی وی فوٹیجز دیکھے تو اس میں اسسٹنٹ پروفیسر کو اپنی مفلوج کو سہارا دیکر اگلی منزل پر لے جاتے اور واپسی اکیلے آتے دیکھا جا سکتا ہے۔

    سی سی ٹی وی فوٹیجز میں واقعہ کے چند ہی منٹ بعد ایک محلے دار کو بھاگتے ہوئے سندیپ کے دروازے پر آتے اور اسے ماں کے گر جانے کی اطلاع دیتے بھی دیکھا جا سکتا ہے۔

    سی سی ٹی وی فوٹیجز کی شہادت کے بعد اسسٹنٹ پروفیسر سندیپ  اور اس کی اہلیہ کو حراست میں لے لیا گیا ہے جہاں اس نے اپنے جرم کا اعتراف کرتے ہوئے کہا کہ ماں کی بیماری اور چڑے چڑے پن نے یہ انتہائی قدم اُٹھانے پر مجبور کیا۔

  • نریندر مودی 2030 میں چاند زمین پرہی لےآئیں گے‘ راہول گاندھی

    نریندر مودی 2030 میں چاند زمین پرہی لےآئیں گے‘ راہول گاندھی

    نئی دہلی : کانگریس پارٹی کے نائب صدر راہول گاندھی کا کہنا ہے کہ 2025 تک نریندر مودی گجرات کے ہرفرد کو چاند پر جانے کے لیے راکٹ دیں گے۔

    تفصیلات کے مطابق کانگریس پارٹی کے نائب صدر راہول گاندھی نے بھارتی وزیراعظم نریندر مودی کو تنقید کا نشانہ بناتے ہوئے کہا کہ بی جے پی 22 سالوں سے حکومت میں ہے اور اب بھی مودی کا کہنا ہے کہ 2022 تک گجرات سے غربت کا خاتمہ کردیں گے۔

    راہول گاندھی نے سماجی رابطے کی ویب سائٹ ٹویٹر پر اپنے پیغام میں کہا کہ میں آپ کو نریندر مودی کی اگلی بات بتاتا ہوں کہ 2025 تک مودی گجرات کے ہرفرد کو چاند پر جانے کے لیے راکٹ دیں گے۔

    انہوں نے مزید کہا کہ 2028 میں نریندر مودی گجرات کے ہرشخص کو چاند پر ایک مکان دیں گے اور پھر 2030 میں وہ چاند ہی زمین پر لے آئیں گے۔

    دریں اثناء راہول گاندھی نے بی جے پی کے رہنما امت شاہ کے بیٹے جے امت کو تنقید کا نشانہ بناتے ہوئے کہا کہ 2014 میں جے امت کی کمپنی کا کاروبار 50 ہزار روپے کا تھا جو 2015 میں 80 کروڑ تک پہنچ گیا۔


    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تواسے اپنی فیس بک وال پرشیئرکریں۔

  • گجرات: اے ٹی ایم سے 80 سیکنڈ میں 27 لاکھ روپے لٹ گئے

    گجرات: اے ٹی ایم سے 80 سیکنڈ میں 27 لاکھ روپے لٹ گئے

    گجرات: پنجاب کے شہر گجرات میں نجی بینک کے اے ٹی ایم کا ایک منٹ 20 سیکنڈ میں صفایا ہوگیا، دو ملزمان 27 لاکھ روپے لوٹ کر لے گئے۔

    تفصیلات کے مطابق گجرات میں ایک انوکھی واردات ہوئی جہاں دو ملزمان بینک کی اے ٹی ایم (آٹو میٹڈ ٹیلر مشین) کو کھول کر اس میں سے 27 لاکھ روپے نکال کر فرار ہوگئے۔

    خبر میں دی گئی ویڈیو میں دیکھا جاسکتا ہے کہ دو ملزمان اے ٹی ایم ایریا میں آئے، ایک نے ہیلمٹ پہنا ہوا تھا جب کہ دوسرا برقع میں تھا، ملزمان نے چابی سے مشین کھولی اور رقم نکال کر فرار ہوگئے، اس عمل میں انہیں محض ایک منٹ 20 سیکنڈ لگے۔

    ویڈیو دیکھیں:


    فوٹیج کے مطابق یہ واردات 6 جون کی رات 12 بج کر 54 منٹ پر ہوئی جس میں دیکھا جاسکتا ہے کہ ویڈیو کے مطابق انہوں نے مشین کا لاک نہیں توڑا بلکہ ان کے پاس مشین کی چابی موجودتھی۔
    بینک انتظامیہ نے کیشیئر اور آپریشن منیجر کو ملزم نامزد کردیا ہے، انتظامیہ کا الزام ہے کہ ان دونوں ملازمین نے ملزمان کو لاکر کی چابی اور کوڈ دیا ہے۔

  • ایشیا کا سب سے بڑا اور منفرد سینما کھلنے کے قریب

    ایشیا کا سب سے بڑا اور منفرد سینما کھلنے کے قریب

    نئی دہلی: بھارت میں ایشیا کے سب سے بڑے سینما کا افتتاح ہونے جارہا ہے جس کے بعد ہندوستانیوں کو فلم دیکھنے کے لیے ایک اور بہترین تفریح میسر ہوجائے گی۔

    بھارتی ریاست گجرات کے ایک لگژری مال میں تعمیر کیے جانے والے اس سینما کی سب سے منفرد بات یہاں لگائے گئے خوبصورت اور آرام دہ بیڈز ہیں جن پر لوگ اطمینان سے لیٹ کر اپنی پسندیدہ فلموں سے لطف اندوز ہو سکیں گے۔

    سینما کا افتتاح اگلے ماہ ہوگا جو بھارتی بزنس مین مکیش امبانی کی اہلیہ نیتا امبانی کریں گی۔

    بھارتی اخبار کے مطابق اس سینما کے ٹکٹ کی قیمت 800 روپے ہوگی جس کے بعد یہاں آنے والے افراد سکون سے لیٹ کر اپنی پسندیدہ فلمیں دیکھ سکیں گے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔