Tag: گجرات

  • میجرشبیرشریف شہید کایوم ولادت آج منایاجارہاہے

    میجرشبیرشریف شہید کایوم ولادت آج منایاجارہاہے

    گجرات: پاک فوج کےسابق سربراہ جنرل راحیل شریف کے بڑے بھائی میجرشبیرشریف شہید کا 74واں یوم ولادت آج منایا جارہاہے۔

    میجرشبیر شریف 28 اپریل 1943ء کو گجرات میں پیدا ہوئے۔انہوں نے لاہور کےسینٹ انتھونی اسکول اور گورنمنٹ کالج جیسے اداروں میں تعلیم حاصل کی۔

    میجرشبیر شریف شہید نے21 سال کی عمر میں 1964 میں پاک فوج میں شمولیت اختیار کی،ان کے والد شریف احمد بھی فوج میں میجر رہے تھے۔

    انہوں نےپاک فوج کے3 اعلیٰ ترین اعزاز بھی حاصل کیے۔میجر شبیرشریف شہید نے بطورکیڈٹ پاکستان ملٹری اکیڈمی کاکول سےاعزازی شمشیر حاصل کی۔

    پاک بھارت1965 کی جنگ میں وہ بحیثیت سیکنڈ لیفٹیننٹ شریک ہوئے ان کو کشمیر میں تعینات کیا گیا تھا۔1965 کی جنگ میں بہادری سے دشمن کا مقابلہ کرنے پر انہیں ستارۂ جرأت سے نوازاگیا۔

    میجر شبیر شریف کو 1971 کی پاک بھارت جنگ میں سلیمانکی سیکٹر میں فرنٹیئر فورس رجمنٹ کی ایک کمپنی کو اونچے بند پر قبضہ کی ذمہ داری سونپی گئی تھی جس پر پہلے ہی بھارتی فوج کا قبضہ تھا۔


    نشان حیدر پانے والے فوج کے 10 بہادر سپوت


    انہوں نےاس معرکے میں دشمن کے 43 سپاہیوں کو ہلاک اور 28 کو قیدی بنایا اس کے علاوہ دشمن کے 4 ٹینک بھی تباہ کیے۔

    ملک کے بڑے رقبے کو پانی فراہم کرنے والے بند ہیڈ سلیمانکی پر حفاظت کے دوران 6دسمبر کے دن ان کو دشمن کے ٹینک کا گولہ لگا جس سے 28 سال کی عمر میں ان کی شہادت ہوئی۔

    واضح رہےکہ میجر شبیر شریف شہید نشان حیدر کے یوم ولادت کے سلسلے میں مختلف تقریبات میں شہید کو خراج عقیدت پیش کیا جائے گا۔ان کے مزار پر فاتحہ خوانی اور پھولوں کی چادر چڑھائی جائے گی۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • بھارتی گجرات میں شیروں نے سڑک پر دھرنا دے دیا

    بھارتی گجرات میں شیروں نے سڑک پر دھرنا دے دیا

    گجرات: بھارتی ریاست گجرات میں لوگ اس وقت خوف اور تذبذب سے دو چار ہوگئے جب انہوں نے سڑک پر درجن بھر شیروں کو براجمان پایا۔ شیروں کے اس ’دھرنے‘ کی وجہ سے ٹریفک کا بہاؤ متاثر ہوگیا۔

    گجرات میں یہ واقعہ رات میں پیش آیا جب 12 کے قریب شیروں کا یہ گروہ جنگل کے درمیان سے گزرنے والی سڑک کو پار کر کے جنگل کے دوسرے حصے میں داخل ہو رہا تھا۔

    تاہم سڑک پر رواں ٹریفک، اس کے ہارنوں کے شور اور گاڑیوں کی چکا چوند روشنیوں نے انہیں بوکھلا دیا اور وہ جانے کے بجائے وہیں بیٹھ گئے۔

    تاہم ان شیروں نے کسی بھی قسم کی جارحیت یا حملے سے گریز کیا اور لوگ آرام سے ان کی ویڈیوز اور تصاویر بناتے رہے۔

    اسی سے ملتا جلتا ایک واقعہ گزشتہ برس جنوبی افریقہ میں بھی پیش آیا تھا جب 17 کے قریب شیر سستانے کے انداز میں ایک سڑک پر بیٹھ گئے اور وہاں آنے والی گاڑیاں راستہ بند ہونے کی وجہ سے پھنس گئیں۔


    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگر آپ کو یہ مضمون پسند آیا ہے تو اسے اپنی فیس بک وال پرشیئر کریں۔

  • بھارتی گجرات میں 10 ماہ کی بچی سے زیادتی

    بھارتی گجرات میں 10 ماہ کی بچی سے زیادتی

    نئی دہلی: بھارتی ریاست گجرات میں زیادتی کا ایک اور گھناؤنا واقعہ پیش آگیا جس میں ایک 10 ماہ کی معصوم بچی کو اس کے اپنے ہی رشتہ دار نے جنسی زیادتی کا نشانہ بنا ڈالا۔

    تفصیلات کے مطابق واقعہ ریاست گجرات کے ضلع جمنا گر میں ایک دور افتادہ گاؤں کنالوس میں پیش آیا۔ زیادتی کا شکار بچی کا والد ایک حجام ہے جو گاؤں میں اپنی چھوٹی سی دکان چلا کر اپنے خاندان کا پیٹ پالتا ہے۔

    پولیس کا کہنا ہے کہ بچی سے زیادتی کا ارتکاب اس کے اپنے ہی ایک 30 سالہ رشتہ دار نے کیا ہے۔

    مزید پڑھیں: بھارت میں 2 سالہ بچی سے زیادتی

    بچی کے والد کا بیان ہے کہ مذکورہ رشتہ دار گزشتہ روز ان کے گھر ملنے آیا اور اس دوران بچی سے کھیلتا رہا۔ اس کے بعد اس نے بچی کو باہر گھمانے کا عندیہ دیا اور اسے لے کر چلا گیا، تاہم دس منٹ بعد ہی اس نے بچی کو گھر کی دہلیز پر پھینکنے کے انداز میں ڈالا اور فرار ہوگیا۔

    والد کا کہنا ہے کہ بچی بہت زیادہ رو رہی تھی اور جب انہوں نے اسے دیکھا تو اس کی فراک پر خون کے دھبے بھی موجود تھے۔ بچی کو فوری طور پر اسپتال منتقل کیا گیا جہاں اب اس کی حالت بہتر بتائی جارہی ہے۔

    پولیس کا کہنا ہے کہ گھناؤنے جرم کے ارتکاب کے بعد مجرم روپوش ہے اور تاحال اسے گرفتار نہیں کیا جا سکا۔ پولیس نے مجرم کے خلاف زیادتی کا مقدمہ درج کرلیا ہے۔

    مزید پڑھیں: بچوں کو جنسی تشدد سے محفوظ رکھنے کے اقدامات

    یاد رہے کہ اس سے قبل بھی بھارت میں متعدد ایسے واقعات پیش آچکے ہیں جن میں 5 سال سے کم عمر تک کی بچیوں کو بھی زیادتی کا نشانہ بنایا گیا۔

    بھارتی کرائم ریکارڈ بیورو کے مطابق بھارت میں اس وقت خواتین سے زیادتی چوتھا بڑا اور عام جرم بن چکا ہے اور بھارتی، عمر کی تمیز کیے بغیر بوڑھی، جوان، ادھیڑ عمر اور ننھی بچیوں تک کو زیادتی کا نشانہ بنانے لگے ہیں۔

    بیورو کے اعداد و شمار کے مطابق سنہ 2013 میں لگ بھگ 25 ہزار خواتین کو زیادتی کا نشانہ بنایا گیا۔

    مزید پڑھیں: جنسی حملوں سے بچاؤ کی احتیاطی تدابیر

    رپورٹ کے مطابق زیادہ تر زیادتی کا شکار متاثرہ خاتون اور اس کے اہل خانہ بھارتی نظام عدل سے انصاف پانے میں بھی بری طرح ناکام رہتے ہیں اور عدالتیں باآسانی مجرم کو آزاد کردیتی ہیں۔

    بھارت کے دارالحکومت نئی دہلی میں زیادتی کی خوفناک شرح کے باعث اسے دنیا بھر میں ریپ کیپیٹل کے نام سے جانا جاتا ہے۔

  • گجرات : خواتین کو بلیک میل کرنے والا دکاندارگرفتار

    گجرات : خواتین کو بلیک میل کرنے والا دکاندارگرفتار

    گجرات : خواتین گاہکوں کی ویڈیوز اور تصاویر بنا کر انہیں بلیک میل کرنے والا ملزم پکڑا گیا، ملزم سہیل طارق دکان پر آنے والی خواتین کی تصاویر بنا لیتا تھا،ایک  لڑکی کے اقدام خود کشی نے بھانڈا پھوڑ دیا۔

     تفصیلات کے مطابق گجرات پولیس نے کامیاب کارروائی کرتے ہوئے طالبات اور خواتین کو بلیک میل کرنے والے گروہ کے مرکزی ملزم کو گرفتار کرلیا، ملزم کی بلیک میلنگ سے تنگ آکر کئی گھرانے گاؤں چھوڑ کر چلے گئے تھے۔

    ملزم گجرات کے گاؤں لنگاہ میں ایک سپر اسٹور چلاتا تھا، اس کی دکان پر جو خواتین سودا لینے یا ایزی لوڈ کروانے آتی تھیں یہ ان کے موبائل نمبر بھی نوٹ کر لیا کرتا تھا، ملزم سہیل ان کی ویڈیو بنانے کے بعد اس کو ایڈٹ کرکے فحش تصاویر بناتا تھا، ملزم ان تصاویر کے ذریعے ان کو بلیک میل کرتا تھا۔

    اس کی بلیک میلنگ اور ذیادتیوں سے تنگ آکر ایک نویں کلاس کی طالبہ نے خود کشی کی کوشش کی، جس کے بعد لڑکی کے چچا نے اس کیخلاف ایف آئی آر درج کروائی، نویں کلاس کی طالبہ کی خودکشی کی کوشش نے ملزم کا بھنڈا پھوڑ دیا۔

    پولیس کو ملزم کے قبضے سے سی سی ٹی وی کیمرہ ، فوٹیجز ایک سو سترہ ویڈیو کلپس اور سات سو سے زائد مختلف خواتین کی تصاویر برآمدہوئی ہیں، پولیس نے ملزمان کے خلاف مقدمہ درج کرکے تفتیش شروع کردی ہے۔

  • گجرات میں تخریب کاری کا منصوبہ ناکام، 5 دہشت گرد ہلاک

    گجرات میں تخریب کاری کا منصوبہ ناکام، 5 دہشت گرد ہلاک

    گجرات: صوبہ پنجاب کے شہر گجرات میں تخریب کاری کا بڑا منصوبہ ناکام بنا دیا گیا۔ گجرات کے علاقے کنجاہ میں سیکیورٹی فورسز کی کارروائی میں 5 مبینہ دہشت گرد ہلاک ہوگئے۔

    تفصیلات کے مطابق گجرات کے علاقے کنجاہ میں محکمہ انسداد دہشت گردی نے دہشت گردوں کی اطلاع پر بروقت کارروائی کی۔

    فائرنگ کے تبادلے میں 5 دہشت گرد مارے گئے جبکہ 3 تاریکی کا فائدہ اٹھا کر فرار ہوگئے۔

    مزید پڑھیں: گجرات میں فائرنگ سے ماں، باپ سمیت 5 افراد جاں بحق

    پولیس حکام کے مطابق دہشت گردوں نے ایک گھر میں پناہ لے رکھی تھی جہاں سے سرچ آپریشن کے دوران بڑی تعداد میں اسلحہ، گولہ بارود اور موٹر سائیکلیں برآمد کرلی گئیں۔

    ترجمان سی ٹی ڈی کے مطابق دہشت گردوں کا تعلق کالعدم تنظیم سے ہے، جو گجرات اور کھاریاں میں اہم تنصیبات کو نشانہ بنانے کی منصوبہ بندی کر رہے تھے۔

  • بھارتی گجرات میں گائے ذبح کرنے پر عمر قید کی سزا تجویز

    بھارتی گجرات میں گائے ذبح کرنے پر عمر قید کی سزا تجویز

    نئی دہلی: بھارتی ریاست گجرات میں ریاستی حکومت نے گائے ذبح کرنے والوں کے خلاف سخت ترین اقدامات کرتے ہوئے ذبح کرنے والے کے لیے عمر قید کی سزا تجویز کردی۔

    بھارتی میڈیا کے مطابق وزیر اعظم نریندر مودی کی آبائی ریاست گجرات میں گائے کے تحفظ کا قانون پہلے سے موجود ہے اور ریاست کی حکمران جماعت بھارتیہ جنتا پارٹی اس قانون کو مزید سخت کرنے پر غور کر رہی ہے۔

    ریاست گجرات کے وزیر اعلیٰ وجے روپانی اس سے قبل کہہ چکے ہیں کہ انہوں نے گائے کے تحفظ کے لیے سپریم کورٹ میں مقدمہ لڑا اور اس کے تحفظ کا بل لے کر آئے۔ اب وہ اس قانون کو مزید سخت کریں گے تاکہ کوئی بھی گائے کو ذبح کرنے کی ہمت نہ کرے۔

    مودی کے بے لچک پالیسی

    یاد رہے کہ بھارتی وزیر اعظم نریندر مودی 2001 سے 2014 تک ریاست گجرات کے وزیر اعلیٰ رہے تھے اور ان کے دور میں گجرات میں گائے ذبح کرنے، گائے کے گوشت کی نقل و حمل اور اس کی فروخت پر مکمل پابندی عائد تھی۔

    مودی کی وزارت اعلیٰ کے دوران سنہ 2011 میں تحفظ جنگی حیات ایکٹ بھی نافذ کیا گیا تھا جس کے تحت گائے ذبح کرنے والے شخص پر 7 سال قید کی سزا اور 50 ہزار روپے جرمانہ عائد کیا گیا تھا۔

    اب وزیر اعلیٰ وجے روپانی کا کہنا ہے کہ وہ اس ایکٹ میں ترمیم کا بل پیش کریں گے جس میں گائے ذبح کرنے یا گائے کا گوشت سپلائی کرنے والے شخص کو عمر قید کی سزا دینے اور اس کی گاڑی کو مستقل طور پر ضبط کر لینے کی تجویز پیش کی جائے گی۔

    بھارت میں ریاستی حکومت کا یہ فیصلہ مسلمان دشمنی کی بدترین مثال ہے۔ دو روز قبل ریاستی انتخابات میں بی جے پی نے یوپی اور اترا کھنڈ میں ایک بار پھر دو تہائی اکثریت حاصل کر لی ہے تاہم بی جے پی کی حریف جماعت بہوجن سماج پارٹی کی رہنما مایا وتی کا کہنا ہے کہ بی جے پی نے انتخابات میں دھاندلی کی ہے۔

    ان کا کہنا تھا کہ یو پی کے مسلمان مودی کو کیسے ووٹ دے سکتے ہیں۔ یہ فتح دھاندلی کے بغیر ممکن نہیں۔

  • اپوزیشن مجھے پارلیمنٹ میں نہیں بولنے دیتی، مودی کی دہائی

    اپوزیشن مجھے پارلیمنٹ میں نہیں بولنے دیتی، مودی کی دہائی

    گجرات : بھارتی وزیر اعظم نریندرا مودی نے کہا ہے کہ کرنسی نوٹوں کی تبدیلی ایک مشکل فیصلہ تھا اور عوام کو تو تکلیف ہو گی لیکن 50 دن کے بعد حالات بہتر ہونے لگیں گے۔ انہوں نے کہا کہ کسی بے ایمان کو کالے دھن اور بدعنوانی سے کوئی پریشانی نہیں تھی، پریشان صرف ایماندار شہری تھے۔ اپوزیشن مجھے پارلیمنٹ میں نہیں بولنے دیتی اس لئے جلسے میں بول رہا ہوں۔

    یہ بات انہوں نے بھارتی ریاست گجرات میں ایک ڈیری پلانٹ کے افتتاح کے موقع پر جلسہ عام سے خطاب کرتے ہوئے کہی، نریندرا مودی نے اپنے فیصلے کا دفاع کرتے ہوئے کہا کہ پورے ملک میں بحث ہے کہ نوٹوں کا کیا ہوگا؟ 8 نومبر سے پہلے 100، 50 اور 20 روپے کے نوٹ کو کوئی پوچھتا تھا کیا؟ اب لوگ بڑے نوٹوں کی طرف نہیں دیکھنا چاہتے۔’

    انہوں نے کہا کہ ہمارا یہ اقدام ملک کو بدعنوانی سے آزاد کرنے کیلیے ہے۔ اپوزیشن جماعتوں کی طرف سے بڑھتی ہوئی تنقید کا بے بسی سے جواب دیتے ہوئے مودی کا کہنا تھا کہ ”نوٹ بندی“ کے فیصلے پر اپوزیشن مجھے پارلیمنٹ میں بولنے نہیں دیتی اس لئے میں عوامی جلسہ عام میں بول رہا ہوں۔

    گزشتہ سترسال تک ان ایماندار لوگوں کو لوٹا گیا، ان کا جینا مشکل کیا گیا، لاکھ اکسانے کے بعد بھی ایماندار لوگوں نے میرا ساتھ دیا ہے۔ مودی کا کہنا تھا کہ 8 نومبر کے بعد جنھوں نے بھی جرم کیے ہیں، انہیں اس کی سزا ملے گی۔

    یاد رہے کہ بھاری حکومت کی جانب سے 500 اور ایک ہزارروپے کے کرنسی نوٹوں پر پابندی کی وجہ سے بھارتی عوام شدید ذہنی اذیت سے دو چارہیں، لوگوں کے پاس کرنسی نوٹ تبدیل کرنے کے لیے 30 دسمبر تک کا وقت ہے۔

    حکومت کے اس فیصلے سے عام لوگوں اور کاروباری طبقے کو سب سے زیادہ مشکلات پیش آرہی ہیں جبکہ بینکوں کے باہر نوٹ تبدیل کرانے کے لیے طویل قطاریں دیکھنے میں آئی ہیں۔

    اس بحران کے باعث کئی افراد اپنی جان سے بھی ہاتھ دھو بیٹھے ہیں۔ اس حوالے سے اپوزیشن جماعتوں نے مودی حکومت کو آڑے ہاتھوں لیا ہے اور اس پالیسی کو بھارت کی تاریخ کا سب ست بڑٓ اسکینڈل قرار دیا ہے۔

  • گجرات، دیرینہ دشمنی میں ایک شخص کو ہلاک کردیا گیا

    گجرات، دیرینہ دشمنی میں ایک شخص کو ہلاک کردیا گیا

    گجرات: تھانہ لاری اڈا کے قریب نامعلوم موٹر سائیکل سواروں کی فائرنگ سے ساٹھ سالہ شخص جاں بحق جب کہ ایک راہگیر زخمی ہو گیا ہے۔

    تفصیلات کے مطابق گجرات کے علاقے لاری اڈا میں نامعلوم موٹر سائیکل سواروں کی فائرنگ سے ساٹھ سالہ مہدی خان جاں بحق اور راہگیر ضیاء اللہ معمولی زخمی ہو گیا ہے جاں بحق اور زخمی ہونے والے افراد کو قریبی استپال منتقل کردیا گیا ہے۔

    پولیس کے مطابق جاں بحق ہونے والا شخص مہدی خان کو دیرینہ دشمنی کے باعث ہلاک کیا گیا ہے ،مقتول خاندانی مقدمے کی پیشی کے لیے گاؤں لاٹی پنڈی سے لاری اڈا پہنچا تھا جہاں اسے ایک ہوٹل پر رات گزارنا تھا کہ تعاقب کرتے دو موٹر سائیکل سوار ہلاک کرکے فرار ہو گئے۔

    پولیس کا کہنا ہے کہ مقتول مہدی خان اور ملزمان کے درمیان دیرینہ دشمنی چل رہی ہے دونوں پارٹیوں کے ملزمان جیل میں ہیں مقتول نے کل صبح سیشن کورٹ میں پیش ہونا تھا۔

    پولیس نے دعوی کیا ہے کہ ابتدائی شواہد جمع کر لیے ہیں اور ملزمان کی گرفتاری کے لیے چھاپے مارے جارہے ہیں جلد ہی ملزمان قانون کی گرفت میں ہوں گے جنہیں قرار واقعی سزا دلوائی جائے گی۔

  • گجرات،مبینہ چورپرتشدد کرنے والے بااثرافراد گرفتار

    گجرات،مبینہ چورپرتشدد کرنے والے بااثرافراد گرفتار

    گجرات : گجرات میں بااثرافراد نے چوری کے شبے میں ایک شخص کو درخت سے الٹا لٹکا دیا اور کئی گھنٹے تک تشدد کا نشانہ بنایا،ملزمان کو گرفتارکرلیا گیا ہے۔

    تفصیلات کے مطابق چکوڑی بھلوال کے رہائشی زاہد اقبال نواحی گاؤں لدھا میں واقع ایک مزارمیں حاضری دینے گیا تو چند با اثر افراد نے چندے کے ڈبے سے پیسے چرانے کے الزام میں اسے پکڑ کر درخت سے الٹا لٹکا دیا اور ڈنڈے، جوتوں سے تشدد کا نشانہ بنایا گیا۔

    مبینہ چور زاہد اقبال تشدد کی تاب نہ لاتے ہوئے نڈھال ہو گیا اوراُس کی حالت غیر ہو گئی جس کے بعد علاقہ مکینوں کے دباؤ پر اُسے درخت سے نیچے اُتارا گیا۔

    ایسی ہی خبر : رحیم یار خان میں مبینہ ٹارچر سیل چلانے والے کامی شاہ نے گرفتاری

    میڈیا پرخبر نشر ہونے کے بعد وزیر اعلیٰ پنجاب نے فوری نوٹس لیتے ہوئے پولیس کو واقعہ میں ملوث ملزمان کی گرفتاری کا حکم دیا جس کے بعد پولیس نے پھرتی دکھاتے ہوئے چارملزمان پکڑ لیے اور باقی ماندہ ملزمان کی گرفتاری کے لیے چھاپے مارے جارہے ہیں۔

    صوبہ پنجاب میں با اثر شخصیات کے ہاتھوں گاؤں کے معصوم دیہاتیوں اور رہائشیوں کو تشدد بنانے کے واقعات میں اضافہ ہوتا جا رہا ہے،اس سے قبل بھی رحیم یار خان کے گھر میں ٹارچر سیل کا انکشاف ہوا تھا جس کے بعد میڈیا کے دباؤ پر ملزم کو گرفتار کیا گیا تھا۔

  • گجرات میں فائرنگ سےماں،باپ سمیت 5افراد جاں بحق

    گجرات میں فائرنگ سےماں،باپ سمیت 5افراد جاں بحق

    گجرات : صوبہ پنجاب کے شہر گجرات کےگاؤں معین الدین پورمیں نامعلوم افراد کی فائرنگ سے ماں،باپ اور تین بچوں سمیت 5افرادجاں بحق ہوگئے .

    تفصیلات کے مطابق گجرات کےگاؤں معین الدین پورمیں نامعلوم افراد کی فائرنگ سے ماں،باپ اور تین بچوں سمیت پانچ افراد جان کی بازی ہار گئے.

    پولیس کےمطابق فائرنگ کا واقعہ گاؤں معین الدین پورمیں پیش آیا جب نامعلوم افراد نے گھرمیں گھس کر فائرنگ کردی.

    فائرنگ کی وجہ سے گھر میں تسور حسین، ان کی بیوی اور تین بچے جاں بحق ہوگئے،جاں بحق ہونےوالوں کی عمریں بارہ سے سترہ سال کےدرمیان ہیں.

    پولیس کا کہناہےکہ واقعے کی تحقیقات کی جارہی ہیں تاہم اب تک ملزمان کی گرفتاری عمل میں نہیں لائی جاسکی.

    *بلوچستان میں فائرنگ کےدو واقعات میں5افرادجاں بحق

    یاد رہے کہ گزشتہ دنوں بلوچستان کے ضلع آواران کے علاقے جھاؤ میں نامعلوم مسلح افراد نے ایک گھر کے اندر گھس کر فائرنگ کی جس کےنتیجے میں ایک ہی خاندان کے تین افراد جان کی بازی ہارگئے، مرنے والوں میں ایک کمسن بچہ بھی شامل تھا.

    اسی طرح آواران سے متصل ضلع کیچ کے علاقےزعمران میں نامعلوم موٹر سائیکل سواروں کی فائرنگ سےلیویز فورس کاایک اہلکار جان کی بازی ہار گیاتھا

    *بلوچستان میں فائرنگ،ہندو تاجر ہلاک

    واضح رہے کہ دو روز قبل صوبہ بلوچستان کے افغانستان سے متصل سرحدی شہر چمن میں نامعلوم مسلح افراد کی فائرنگ سے ایک ہندو تاجر ہلاک ہوگیاتھا.