Tag: گرج چمک کیساتھ بارش

لاہور: ملک کےمختلف شہروں میں گرج چمک کیساتھ بارش سے گرمی کا زور ٹوٹ گیا، پنجاب ،بلوچستان کےمختلف شہروں میں، آندھی کے ساتھ موسلادھار  بارشیں ہوئیں، محکمہ موسمیات کے مطابق کوئٹہ،ژوب اورقلات میں آج مزید بارشیں متوقع ہیں۔

تفصیلات کے مطابق ملک کےمختلف شہروں میں گرج چمک کے ساتھ بارش سے گرمی سے بے حال شہری خوشی سےنہال ہوگئے، گزشتہ چوبیس گھنٹےکےدوران اسلام آباد، بہاولپور، پاکپتن، منچن آباد، ساہیوال میں موسلادھاربارش سے جل تھل ایک ہوگیا جبکہ ساہیوال اورمضافات میں ٹھنڈی ہواؤں کےساتھ بارش نے شہر کا موسم خوشگوار کردیا۔

پشاور، بنوں اوربونیر سمیت خیبر پختونخوا کےمتعدد شہروں میں بارش سےموسم خوشگوار ہوگیا، لوچستان کے بھی کئی شہروں میں بادل برس پڑے، مستونگ میں بارش نے گرمی کا زور توڑ دیا۔

محکمہ موسمیات کے مطابق کوئٹہ، ژوب اور قلات میں آج مزید بارشیں متوقع ہیں جبکہ لاہورمیں صبح سےبونداباندی کاسلسلہ جاری ہے،محکمہ موسمیات نےپیشگوئی کی ہے کہ راولپنڈی،گوجرانوالہ، لاہور، سرگودھا، فیصل آباد، ملتان، کشمیر اور گلگت بلتستان میں کہیں کہیں پر تیزہواوٗں، آندھی اور گرج چمک کیساتھ بارش کا امکان ہے۔

مزید پڑھیں: ہوا کا کم دباؤ، محکمہ موسمیات نے مختلف شہروں میں ہلکی بارش کی نوید سنادی

محکمہ موسمیات نے آئندہ پانچ روز کے دوران پنجاب، خیبرپختونخوا، بلوچستان، سندھ ،کشمیراورگلگت بلتستان میں بارش کی نوید سنادی جبکہ ہوا کےکم دباؤ کےباعث کراچی میں ہلکی بارش کا امکان ہے۔

دوسری جانب آج ملک کےدیگرعلاقوں میں موسم گرم اور خشک رہے گا تاہم بلوچستان، بالائی پنجاب، خیبرپختونخوا، کشمیراورگلگت میں گرج چمک کیساتھ بارش کا امکان ہے۔

محکمہ موسمیات کا کہنا ہے کہ آج کراچی سمیت سندھ بھرمیں شدید گرمی برقرار رہے گی جبکہ کوئٹہ، ژوب، قلات، گوجرانوالہ، فیصل آباد، لاہور، راولپنڈی، مالاکنڈ، پشاور، بنوں، ڈی آئی خان، کشمیراور گلگت میں تیزہواؤں اورگرج چمک کیساتھ بارش کی توقع ہے۔

گزشتہ روزسب سے زیادہ درجہ حرارت مٹھی میں تینتالیس ڈگری سینٹی گریڈ ریکارڈ کیا گیا۔