Tag: گردشی قرضہ

اسلام آباد : گیس سیکٹر کا گردشی قرضہ کم کرنے کیلئے ڈیوڈینڈپلگ ان بیک اسکیم کی منظوری دے دی گئی، اسکیم منظور ہونے سے گردشی قرضہ 4 سو ارب کم ہو جائے گا۔

تفصیلات کے مطابق گیس سیکٹر کا گردشی قرضہ کم کرنے کیلئے ڈیوڈینڈپلگ ان بیک اسکیم منظور کرلی گئی، کابینہ کی توانائی کمیٹی نے اسکیم کی منظوری دے دی۔

ذرائع نے بتایا ہے کہ نگران وزیرخزانہ کے چارج سنبھالتے ہی ڈیوڈینڈ پلگ ان بیک اسکیم پر عملدرآمد کیا جائے گا، ڈیوڈینڈ پلگ ان بیک اسکیم منظور ہونے سے گیس سیکٹر کا گردشی قرضہ 4سو ارب کم ہو جائے گا۔

ذرائع نے کہا کہ او جی ڈی سی ایل، پی پی ایل، جی ایچ پی ایل کے ڈیوڈینڈ گردشی قرضہ میں ایڈجسٹ کیے جائیں گے، او جی ڈی سی ایل کے ذمے ڈیوڈینڈ کی مد میں 260 ارب سے زائد کی رقم واجب الادا ہیں۔

ذرائع نے مزید بتایا کہ پی پی ایل اور گورنمنٹ ہولڈنگ پرائیویٹ لمیٹڈ کے ذمہ بھی 210 ارب رقم واجب الادا ہیں جبکہ سوئی نادرن اور سوئی سدرن نے او جی ڈی سی، پی پی ایل کے 325 ارب سے زائد ادا کرنےہیں۔

ذرائع کے مطابق سوئی نادرن اور سوئی سدرن نے جی ایچ پی ایل کے 125 ارب روپے سے زائد جبکہ سوئی نادرن اور سوئی سدرن کو حکومت پاکستان نے 410 روپے سے زائد ادا کرنے ہیں۔

ذرائع کا کہنا تھا کہ ڈیوڈنڈ پلگ ان بیک اسکیم کے بعد گیس سیکٹر کا گردشی قرضہ کم ہو کر 1200 ارب تک رہ جائےگا۔

اسلام آباد : وزارت خزانہ نے ڈیوڈینڈپلگ ان بیک اسکیم کے ذریعے گیس سیکٹر کا گردشی قرضہ کم کرنے کا فیصلہ کرلیا۔

تفصیلات کے مطابق آئی ایم ایف کی شرط پر گیس کا سرکلرڈیٹ کم کرنے کی حکمت عملی تیار کرلی گئی ہے۔

وزارت خزانہ نے ڈیوڈینڈپلگ ان بیک اسکیم کے ذریعے گیس سیکٹر کا گردشی قرضہ کم کرنے کا فیصلہ کرلیا، ذرائع کا کہنا ہے کہ او جی ڈی سی ایل، پی پی ایل، جی ایچ پی ایل کےڈیوڈینڈ گردشی قرضےمیں ایڈجسٹ کیےجائیں گے۔

ذرائع نے بتایا کہ او جی ڈی سی ایل کےذمہ ڈیوڈینڈکی مد میں 260 ارب روپے سےزائد کی رقم واجب الادا جبکہ پی پی ایل اورگورنمنٹ ہولڈنگ پرائیویٹ لمیٹڈ کےذمہ بھی 210 ارب روپےرقم واجب الادا ہیں۔

ذرائع کے مطابق سوئی ناردرن اور سوئی سدرن نے او جی ڈی سی ایل، پی پی ایل کے 325 ارب سے زائد اور جی ایچ پی ایل کے 125 ارب سے زائد ادا کرنے ہیں۔

ذرائع وزارت خزانہ کا کہنا تھا کہ پلگ ان بیک اسکیم کےذریعےرقم گردشی قرضہ کم کرنے کیلئے استعمال کی جائے گی۔