Tag: گرفتار

  • گرین کارڈ کے لیے جھوٹی شادی کرنے والے سعودی نوجوان کا انجام کیا ہوا؟

    گرین کارڈ کے لیے جھوٹی شادی کرنے والے سعودی نوجوان کا انجام کیا ہوا؟

    واشنگٹن: امریکا میں اسکالر شپ پر زیر تعلیم سعودی نوجوان کو گرین کارڈ کے لیے امریکی خاتون سے فرضی شادی کرنے پر گرفتار کرلیا گیا۔

    سعودی حکام کو موصول اطلاعات کے مطابق مذکورہ طالبعلم پر امریکی حکام نے جعلسازی اور دروغ بیانی کے الزامات عائد کیے ہیں۔

    امریکی ذرائع کا کہنا ہے کہ سعودی طالب علم نے امریکی لڑکی سے فرضی شادی کے بعد گرین کارڈ کی درخواست دی تھی اور اس کے لیے جعلسازی اور دروغ بیانی سے کام لیا۔

    گرفتاری کے بعد سعودی طالب علم پر جعلسازی کے الزام میں فوجداری کا مقدمہ چلایا جائے گا۔

    ذرائع کے مطابق وزٹ ویزے یا تعلیمی ویزے کو گرین کارڈ میں تبدیل کرنے کے لیے ضروری ہے کہ مزکورہ غیر ملکی کسی امریکی خاتون سے شادی کر چکا ہو۔

    اس کے لیے امیدوار کا ٹیکس ریکارڈ دیکھا جاتا ہے، اس کا انٹرویو لیا جاتا ہے جبکہ اس کے سیکیورٹی ریکارڈ کی بھی چھان بین کی جاتی ہے۔

    امریکی حکام مذکورہ شخص کی سوشل میڈیا پر سرگرمیاں چیک کرتے ہیں، اس کا فوجداری ریکارڈ دیکھا جاتا ہے اور مالیاتی ریکارڈ بھی طلب کیا جاتا ہے۔

    درخواست گزار کی شادی کے بارے میں یہ اطمینان بھی حاصل کیا جاتا ہے کہ یہ فرضی نہیں بلکہ حقیقی شادی ہے۔

  • راولپنڈی بڑی تباہی سے بچ گیا، اسلحے سے بھری گاڑیاں پکڑی گئیں

    راولپنڈی بڑی تباہی سے بچ گیا، اسلحے سے بھری گاڑیاں پکڑی گئیں

    راولپنڈی: پولیس نے بڑی کارروائی کرتے ہوئے راولپنڈی کو بڑی تباہی سے بچا لیا، اسلحے سے بھری دو گاڑیاں پکڑی گئیں، اسلحہ مختلف شہروں میں سپلائی کیا جانا تھا۔

    اے آر وائی نیوز کے مطابق راولپنڈی میں صدر ڈویژن پولیس نے کارروائی کرتے ہوئے اسلحے سے بھری گاڑیاں پکڑ لیں جبکہ چونترہ پولیس نے اسلحے سے بھری دونوں گاڑیاں قبضے میں لے لی ہیں۔

    پولیس کا کہنا ہے کہ 2 ملزمان گرفتار بھی ہوئے، گاڑیوں سے بڑی تعداد میں اسلحہ اور دھماکا خیز مواد برآمد ہوا۔ گاڑیوں سے 36پستول، 3کلاشنکوف اور ایک رائفل برآمد ہوئی۔

    کراچی میں رینجرز کی کارروائیاں، کالعدم تنظیم کے 2 دہشت گرد گرفتار

    پولیس نے بتایا کہ گاڑیوں سے بڑی تعداد میں دھماکاخیز مواد اور میگزین بھی شامل ہے، اسلحہ مختلف علاقوں میں سپلائی کیا جانا تھا۔ اس اہم کارروائی سے ملک بڑی تباہی سے بچ گیا۔

    خیال رہے کہ گزشتہ ہفتے شہر قائد کے مختلف علاقوں میں رینجرز نے کارروائیاں کرتے ہوئے کالعدم تنظیم کے 2 مطلوب دہشت گرد گرفتار کیے تھے۔

  • سعودی عرب میں غیر اخلاقی حرکتوں پر 100 افراد گرفتار

    سعودی عرب میں غیر اخلاقی حرکتوں پر 100 افراد گرفتار

    ریاض: سعودی عرب میں نازیبا لباس پہننے سمیت دیگر غیر اخلاقی حرکتوں پر 100 افراد کو گرفتار کرلیا گیا۔

    سعودی ویب سائٹ کے مطابق حکام نے مدینہ اور جازان میں غیر اخلاقی لباس پہن کر عوامی مقامات پر گھومنے والے 100 افراد کو گرفتار کیا ہے۔

    ترجمان پولیس کے مطابق جازان میلے میں سماجی تہذیب کے منافی غیر اخلاقی لباس پہن کر آنے والے 33 افراد کو حراست میں لیا گیا ہے۔ زیر حراست نوجوان مختلف اوقات میں عوامی مقامات پر نازیبا لباس پہن کر گھوم رہے تھے۔

    ان میں سے بعض دیواروں اور بسوں پر اخلاق سوز جملے تحریر کرتے ہوئے بھی پائے گئے جبکہ کئی نوجوانوں کو پارکوں اور چوراہوں پر الاؤ روشن کرنے اور کئی کو معذوروں اور بوڑھوں کی نشستوں پر بیٹھنے اور معذوروں اور بوڑھوں کو جگہ نہ دینے پر گرفتار کیا گیا ہے۔

    مدینہ پولیس کے ترجمان کا کہنا ہے کہ شہر میں 2 ہفتوں کے دوران سماجی تہذیب کی خلاف ورزیوں پر 67 ا فراد کو گرفتار کیا گیا ہے۔

    سعودی پولیس مملکت میں سماجی تہذیب (الذوق العام) کی خلاف ورزیوں پر کڑی نگاہ رکھے ہوئے ہے اور اس حوالے سے سخت اقدامات کیے جارہے ہیں۔

    ترجمان کا کہنا تھا کہ پبلک مقامات پر بغیر اجازت لٹریچر تقسیم کرنے، آبادی میں اونچی آواز سے موسیقی سننے اور اذان کے وقت گانے سننے پر نوجوانوں کو پکڑا گیا ہے۔

    مذکورہ گرفتاریاں مقامی شہریوں کی شکایات پر کی گئی ہیں۔ پولیس نے شکایت ملنے پر حقیقت حال دریافت کر کے قصور واروں کو مقررہ سزا بھی دلا دی ہے۔

  • سعودی شہری کی لاش صحرا میں دفن کرنے والا شخص گرفتار

    ریاض: پولیس نے سعودی شہری کو قتل کر کے لاش صحرا میں دفن کرنے والے یمنی شہری کو گرفتار کرلیا۔

    تفصیلات کے مطابق پولیس نے سعودی شہری کے قتل میں ملوث یمنی شہری کو گرفتار کرلیا، پولیس نے پہلے مقتول کی لاش تلاش کی اور پھر قاتل تک رسائی حاصل کی۔

    پولیس کے مطابق سراغ رساں کتوں کی مدد سے مقامی شہری کی لاش تک رسائی حاصل کی گئی، تفتیش کے دوران پتہ چلا کہ مقتول کا جھگڑا عنیزہ میں ایک یمنی شہری سے ہوا تھا۔

    پولیس نے یمنی شہری کو تلاش کر کے گرفتار کرلیا، یمنی شہری نے دوران تفتیش اقبال جرم کرتے ہوئے کہا کہ میرا جھگڑا ہوا تھا اور میں نے سعودی شہری کو قتل کر کے لاش صحرا میں چھپا دی تھی۔

    قصیم پولیس کے ترجمان پولیس نے بتایا کہ یمنی شہری کے خلاف قانونی کارروائی کی جا رہی ہے۔

    سعودی عرب میں طالب نے اپنے ساتھی کو چاقو کے وار کر کے قتل کر دیا

    یاد رہے کہ گزشتہ سال نومبر میں سعودی عرب کے اسکول میں دو طلباء کے درمیان جھگڑے کے دوران ایک لڑکے نے چاقو کے وار کر کے دوسرے کو قتل کر دیا تھا۔

  • سعودی عرب میں ڈاکوؤں کا انجام کیا ہوا؟

    سعودی عرب میں ڈاکوؤں کا انجام کیا ہوا؟

    ریاض: سعودی عرب میں ڈاکہ ڈالنا مہنگا پڑگیا، متحرک پولیس نے کارروائی کرتے ہوئے دو ملزمان کو گرفتار کرلیا۔

    تفصیلات کے مطابق گرفتار ملزمان سعودی عرب میں مختلف وارداتوں میں ملوث ہیں، دونوں گرفتار افراد گھروں کے تالے توڑ کر قیمتی اشیاء، زیورات، اور نقدی لوٹ کر فرار ہوجاتے تھے۔

    غیر ملکی خبررساں ادارے کے مطابق ابتدائی تفتیش کے دوران ملزمان نے 7 وارداتوں کا اعتراف کیا، تاہم پولیس کو شبہ ہے کہ ملزمان درجنوں وارداتوں میں ملوث ہیں۔ ڈاکوؤں نے رات کی تاریکی میں بھی ڈکیتیاں کیں۔

    گرفتار افراد نے زیادہ تروارداتیں سعودی دارالحکومت ریاض میں کیں۔ ریاض پولیس کی کامیاب کارروائی کے نتیجے میں ملزمان دھر لیے گئے۔ پولیس نے شک کی بنیاد پر مزید افراد کی فہرست تیار کرلی ہے جو اس قسم کی وارداتوں میں ملوث ہیں۔

    پولیس کا کہنا تھا تفتیش کے دوران ملزمان نے اعتراف کیا کہ انہوں نے الاسکان، الوزارات، الصحافہ، الحمراء اور غرناطہ محلوں میں سات وارداتیں کیں ہیں۔ مسروقہ اشیا کی قیمت 9 لاکھ ریال تک ہے۔

    ریاض میں چوری کی وارداتوں سے نمٹنے کے لیے پولیس بھی حرکت میں آگئی ہے۔

  • جعلی ڈالر فروخت کرنے والا گروہ گرفتار

    جعلی ڈالر فروخت کرنے والا گروہ گرفتار

    ریاض: سعودی دارالحکومت ریاض کی پولیس نے جعلی ڈالر تیار کر کے مارکیٹ میں پھیلانے والے گروہ کو گرفتار کرلیا۔

    وزارت داخلہ کی جانب سے سوشل میڈیا پر جاری کی گئی ویڈیو کے مطابق سیکیورٹی اہلکاروں نے 3 افراد پر مشتمل ایک گروہ کو گرفتار کیا جن کے قبضے سے 5 لاکھ جعلی ڈالر برآمد ہوئے۔

    سعودی اخبار کے مطابق جعلی ڈالر تیار کرنے والے گروہ کی گرفتاری اپنی نوعیت کا اہم واقعہ ہے۔

    وزارت داخلہ کے مطابق سیکیورٹی اہلکار کئی روز سے مذکورہ گروہ پر نظر رکھے ہوئے تھے۔ گروہ کے بارے میں مختلف مقامات سے شکایات و رپورٹس بھی موصول ہورہی تھیں جس کے بعد ان کی گرفتاری کے لیے خصوصی ٹیم تشکیل دی گئی۔

    گروہ کو اس وقت گرفتار کیا گیا جب وہ جعلی ڈالروں کا سودا کر رہے تھے۔ سیکیورٹی اہلکاروں نے ان سے ڈالروں کا سودا کیا اور سودا ہوتے ہی رنگے ہاتھوں گرفتار کرلیا۔

    گروہ میں شامل ارکان کی عمریں 40 سے 50 برس کے درمیان ہیں۔ ملزمان کے قبضے سے 2 لاکھ جعلی ریال بھی برآمد ہوئے ہیں۔

    وزارت داخلہ کے مطابق دونوں ملزمان کو حراست میں لے کر ان کے خلاف قانونی کارروائی مکمل کی جارہی ہے۔

  • کراچی سے کالعدم تنظیم کا کمانڈر گرفتار

    کراچی سے کالعدم تنظیم کا کمانڈر گرفتار

    کراچی: محکمہ انسداد دہشت گردی انویسٹی گیشن کی کارروائی میں کالعدم تحریک طالبان پاکستان بونیر گروپ کا کمانڈر گرفتار کرلیا گیا۔

    تفصیلات کے مطابق انچارج سی ٹی ڈی چوہدری صفدر کا کہنا ہے کہ کالعدم تنظیم کے کمانڈر رحمت شاہ کو کراچی کے علاقے پرانی سبزی منڈی کے قریب سے گرفتار کیا گیا۔

    انچارج کا کہنا ہے کہ رحمت شاہ کے سر پر 20 لاکھ کا انعام تھا، پختونخواہ حکومت نے اشتہاری ملزم کی گرفتاری پر انعام رکھا تھا۔ ملزم نے دوران تفتیش بونیر میں دہشت گردی کی وارداتوں کا اعتراف کیا ہے۔

    چوہدری صفدر کے مطابق سنہ 2009 میں مذکورہ دہشت گرد نے بونیر میں پولیس چوکی پر حملہ کیا تھا اور اسلحہ لے کر فرار ہوا تھا۔ ملزم نے اسی سال ایف سی کیمپ پر حملہ کر کے قبضہ کیا تھا۔ چوکی پر ایک ماہ تک قبضہ کر کے اسلحہ استعمال کرتے رہے۔

    انچارج سی ٹی ڈی کا کہنا ہے کہ پاک فوج کے آپریشن پر دہشت گرد کیمپ کا قبضہ چھوڑ کر فرار ہوئے۔ انسداد دہشت گردی عدالت نے ملزم کو اشتہاری قرار دے رکھا ہے۔

    انہوں نے بتایا کہ ملزم کی حوالگی کے لیے پختونخواہ پولیس سے رابطہ کر لیا گیا۔

  • سعودی عرب میں  گھروں میں نقب لگانے والا ماہر چور گرفتار

    سعودی عرب میں گھروں میں نقب لگانے والا ماہر چور گرفتار

    ریاض: سعودی عرب میں پولیس نے گھروں میں نقب لگانے والے ماہر چور کو گرفتار کرلیا، ملزم چوری کی متعدد وارداتوں میں ملوث رہا ہے۔

    تفصیلات کے مطابق ریاض پولیس نے گھروں میں نقب لگانے والا ماہر چور گرفتار کر لیا، ملزم کی تلاش کے لیے خفیہ پولیس اہلکاروں کو ٹاسک دیا گیا تھا۔

    ریاض پولیس کے مطابق ملزم کی عمر 30 سال ہے، ملزم واردات سے قبل ریکی کر کے اس امر کی یقین دہانی کرتا تھا کہ جس گھر میں وہ نقب لگانے والا ہے وہاں کوئی موجود نہ ہو۔

    پولیس کے مطابق ملزم کے قبضے سے متعدد اشیاء برآمد ہوئی ہیں جن میں سونے کے زیورات کے خالی ڈبے، لیپ ٹاپ، موبائل فونز، گھروں میں رکھی جانے والی قیمتی اشیاء شامل تھیں۔

    ریاض پولیس نے بتایا کہ ملزم کے قبضے سے وہ مخصوص آلات بھی برآمد ہوئے ہیں جنہیں استعمال کر کے وہ گھروں میں نقب لگایا کرتا تھا، ملزم کے قبضے چہرہ چھپانے والے مخصوص نقاب بھی ملے ہیں۔

    پولیس نے انتہائی ماہر چور کے خلاف متعدد وارداتوں کا مقدمہ درج کرلیا، ملزم سے مزید تحقیقات کر کے ثبوتوں کے ساتھ کیس عدالت بھیجا جائے گا۔

  • سی ٹی ڈی کی بڑی کارروائی، دہشت گرد گرفتار، بارودی مواد برآمد

    سی ٹی ڈی کی بڑی کارروائی، دہشت گرد گرفتار، بارودی مواد برآمد

    چنیوٹ: پنجاب میں کاؤنٹرٹیررازم ڈیپارٹمنٹ(سی ٹی ڈی) نے بڑی کارروائی کرتے ہوئے کالعدم تنظیم کا دہشت گرد گرفتار کرلیا، گرفتار ملزم سے بارودی مواد برآمد ہوا۔

    تفصیلات کے مطابق انسداد دہشت گردی فورسز کی جانب سے یہ اہم کارروائی شہر چنیوٹ کے علاقے جھنگ روڈبائی پاس کے قریب عمل میں آئی، سی ٹی ڈی نے خالد ضیا نامی کالعدم تنظیم کا دہشت گرد گرفتار کیا۔

    سی ٹی ڈی حکام کا کہنا ہے کہ کالعدم تنظیم کے دہشت گرد سے 2دستی بم، بارودی سامان اور ممنوعہ لٹریچر برآمد ہوئے، ساہیوال کا رہائشی خالدضیا لشکرجھنگوی سے تعلق رکھتا ہے، خالدضیا بڑی کارروائی کے لیے یہاں آیا تھا۔

    دہشت گرد کے خلاف دہشتگردی دفعات کے تحت مقدمہ درج کرلیا گیا۔

    یاد رہے کہ گزشتہ روز سی ٹی ڈی کے ہاتھوں مچھر کالونی سے گرفتار ہونے والے ملزم طفیل نے گوادر جوڈیشل کمپلیکس توڑنے کا اعتراف کیا تھا، ملزم طفیل کے مطابق اس نے مارچ 2019 میں ساتھیوں کے ہمراہ گوادر جوڈیشل کمپلیکس توڑا، اور کمپلیکس سے 3 ایس ایم جی رائفل لے کر فرار ہوئے۔

    گوادر جوڈیشل کمپلیکس توڑنے والا ملزم سی ٹی ڈی کے ہاتھوں گرفتار

    جبکہ دو روز قبل سی ٹی ڈی اہل کاروں نے ڈیرہ غازی خان میں چھاپا مار کارروائی کے دوران کالعدم تنظیم کے دو دہشت گرد گرفتار کر لیے تھے، چھاپا دہشت گردوں کی موجودگی سے متعلق خفیہ اطلاع موصول ہونے پر مارا گیا تھا، ملزمان کا تعلق کالعدم تنظیم القاعدہ ہند سے ہے۔

  • شہری کو اغوا کر کے تاوان مانگنے والا اہلکار اشرف گرفتار

    شہری کو اغوا کر کے تاوان مانگنے والا اہلکار اشرف گرفتار

    کراچی: شہر قائد میں پولیس نے کارروائی کرتے ہوئے شہری کو اغوا کرکے تاوان مانگنے والے اہلکار اشرف کو گرفتار کرلیا۔

    تفصیلات کے مطابق کراچی میں تھانہ پاکستان بازار پولیس نے کارروائی کے دوران شہری کو اغوا کر کے تاوان مانگنے والے اہلکار اشرف کو تاوان کی رقم لیتے ہوئے گرفتار کرلیا۔ مغوی نوید کی اہلیہ کی مدعیت میں اہلکارکے خلاف مقدمہ درج کیا گیا۔

    مغوی نوید کی اہلیہ کے مطابق شوہرکو 27 اکتوبرکو پولیس اہلکار اشرف نے ساتھیوں سمیت اغوا کیا، 3 لاکھ روپے تاوان ادا کرنے کی حامی بھرنے پر شوہر کو رہا کیا گیا۔

    کراچی، شارٹ ٹرم کڈنیپنگ، شارع فیصل پولیس کے 4 اہلکار گرفتار

    یاد رہے کہ رواں ماہ 6 اکتوبر کو کراچی میں شارٹ ٹرم کڈنیپنگ میں ملوث شارع فیصل پولیس کے 4 اہلکاروں کو گرفتار کرکے حوالات میں بند کردیا گیا تھا، اہلکاروں کے خلاف 5 افراد نے درخواست دی تھی۔

    درخواست میں موقف اختیار کیا گیا تھا کہ 19 ستمبر کو وقار اور تین ساتھیوں نے پارکنگ سے حراست میں لیا اور گلشن جمال لے گئے، جیب سے تیس ہزار روپے سے زائد رقم نکال لی تھی۔

    پولیس اہلکاروں کی جانب سے شارٹ ٹرم کڈنیپنگ کا نشانہ بننے والے 5 نوجوانوں نے اعلیٰ افسران کو درخواست دی تھی کہ ان کو وقار نامی پولیس اہلکار سمیت 4 اہلکاروں نے 19 ستمبر کو اغوا کیا اور گلشن جمال میں واقع خالی پلاٹ پر لے گئے تھے۔