Tag: گرفتار

  • کراچی کےمختلف علاقوں میں پولیس کی کارروائیاں،6افراد گرفتار

    کراچی کےمختلف علاقوں میں پولیس کی کارروائیاں،6افراد گرفتار

    کراچي: شہر قائد کے مختلف علاقوں میں پولیس نے کارروائیوں کے دوران ڈاکو سمیت 6ملزمان کوگرفتار کرلیا۔

    تفصیلات کےمطابق کراچی کے علاقےلیاقت آباد سپر مارکیٹ میں پولیس نےکارروائی کرتے ہوئےتین ملزمان کو گرفتار کرلیا۔

    پوليس کے مطابق تینوں ملزمان اسٹريٹ کرائم میں ملوث ہیں،ملزمان کے قبضے سے دوٹی ٹی پستول اورچھینے گئے 8موبائل فونزبھی بر آمدکرلیےگئے۔

    دوسری جانب رضویہ سوسائٹی میں پولیس مقابلے کے دوران ڈاکو زخمی حالت میں گرفتار کرلیاگیا۔

    رضویہ پولیس کےمطابق گرفتارڈاکو کے قبضے سے اسلحہ اور موٹر سائیکل بھی برآمد کرلی گئی،جبکہ ڈاکو کی شناخت عمران کے نام سے ہوئی ہے۔

    ادھر پولیس نے نبی بخش کے علاقے سے دو ملزمان کو گرفتارکرلیا،دونوں ملزمان احسن اور اویس خان نیازی کے خلاف مختلف دفعات کے تحت مقدمات درج کرلیے گئے ہیں۔

    واضح رہے کہ کراچی کے علاقے بھینس کالونی میں نامعلوم افراد کی گاڑی پر فائرنگ سےدوافراد زخمی ہوگئے،جن کی شناخت ساجد اور نسیم کے ناموں سے کی گئی ہے دونوں زخمیوں کو اسپتال منتقل کرکے تفتیش کی جارہی ہے۔

  • کراچی میں پولیس کی کارروائی‘11ملزمان گرفتار

    کراچی میں پولیس کی کارروائی‘11ملزمان گرفتار

    کراچی: شہر قائد میں میں رات گئے پولیس نے مختلف علاقوں میں کارروائیوں کے دوران 2 غیرملکیوں سمیت 11ملزمان کوگرفتارکرلیا۔

    تفصیلات کےمطابق کراچی کے علاقے نیو کراچی میں پولیس نےدوافراد کے قتل میں ملوث ٹارگٹ کلر کو گرفتار کرکے اسلحہ برآمد کرلیا،پولیس کا کہناہے کہ ملزم کا تعلق سیاسی جماعت سےہے۔

    دوسری جانب پریڈی پولیس نے کارروائی میں سیاسی جماعت سے تعلق رکھنےوالےچار ملزمان کوگرفتارکرکےچار ٹی ٹی پستول اوردودستی بم برآمدکرلیے۔پولس کےمطابق ملزمان ٹارگٹ کلنگ،بھتہ خوری کی وارادتوں میں ملوث ہیں۔

    ادھرجوہر آبادسےڈکیتی کی وارداتوں میں ملوث دوافغان باشندوں کوبھی گرفتارکرلیاگیا،جبکہ سولجزبازار،بلدیہ اورسعود آبادسےبھی چارملزمان کوگرفتارکرکےاسلحہ اورموٹرسائیکل برآمدکرلی گئی۔

    مزید پڑھیں:کراچی پولیس کی کارروائی،2ملزمان گرفتار

    واضح رہے کہ گزشتہ روزشہر قائد کے مختلف علاقوں میں پولیس نے کارروائیوں کے دوران قتل کی واردات میں ملوث ملزم سمیت دو ملزمان کو گرفتار کر کے منشیات برآمد کر لی تھی۔

  • کراچی میں پولیس اوررینجرز کی کارروائیاں،2ملزمان ہلاک

    کراچی میں پولیس اوررینجرز کی کارروائیاں،2ملزمان ہلاک

    کراچی: شہر قائد کے مخلتف علاقوں میں پولیس اور رینجرز کی جانب سے کی گئی کارروائیوں میں گینگ وار کے دو ملزمان ہلاک جبکہ 6ملزمان کو گرفتار کرلیاگیا۔

    تفصیلات کےمطابق کراچی کےعلاقے لیاری افشانی گلی میں پولیس اوررینجرزکےمشترکہ آپریشن میں گینگ وار کا کارندہ ہلاک جبکہ دو ساتھی فرارہوگئے۔

    ادھر رانگی واڑہ میں پولیس اور رینجرزکی مشترکہ کارروائی میں گینگ وار عزیربلوچ گروپ کاکارندہ ماراگیا،جبکہ ساتھی فرارہوگیا۔ملزم کے قبضے سے اسلحہ اوردستی بم برآمد کرلیاگیا۔

    بغداد ی میں پولیس نے مقابلے کے بعد گینگ وار بابالاڈلاگروپ کے کارندے کوپکڑ کراسلحہ اوردستی بم برآمد کرلیا۔

    دوسری جانب فیروزآبادپولیس نے چار اسٹریٹ کرمنلزکوپکڑ کردو ٹی ٹی پستول اورچھینی گئی موٹر سائیکل برآمد کرلی۔پولیس کےمطابق ملزمان متعدد وارداتوں میں مطلوب تھے۔

    یاد رہے کہ 1998میں ڈی ایس پی شمیم کےقتل میں ملوث ٹارگٹ کلرکوشارع فیصل سےگرفتارکرلیاگیا۔ملزم کےقبضےسےمسروقہ موٹرسائیکل بھی برآمد ہوئی۔

    مزیدپڑھیں:کراچی میں رینجرز کی کارروائی‘3دہشتگرد ہلاک

    واضح رہے کہ گزشتہ روزشہر قائد کے علاقے بلدیہ یوسف گوٹھ میں رینجرز کی کارروائی میں 3دہشت گرد ہلاک جبکہ 2اہلکار زخمی ہوگئےتھے۔

  • لاہور، برطرف ڈی ایس پی عمران بابر جمیل گرفتار

    لاہور، برطرف ڈی ایس پی عمران بابر جمیل گرفتار

    لاہور : پولیس نے بر طرف ڈی ایس پی عمران بابر جمیل کو نجی گاڑی پر سرکاری نمبر پلیٹ اور گاڑی کی چھت پر نیلی پولیس لائٹ لگانے پر گرفتار کر لیا ہے۔

    تفصیلات کے مطابق تھانہ داتا دربار پولیس نے سابق ڈی ایس پی عمران بابر جمیل کو بلال گنج بلال مارکیٹ کے صدر انجمن تاجران چوہدری ریحان اقبال کی درخواست پر کارروائی کرتے ہوئے گرفتار کر کے مقدمہ درج کر لیا ہے۔


    اسی سے متعلق : لاہورمیں مبینہ زیادتی کا مرتکب ’ڈی ایس پی عمران بابر‘ گرفتار


    پولیس ذرائع کا کہنا ہے کہ سابق ڈی ایس پی عمران بابر جمیل نے اپنے رہائشی علاقے بلال گنج میں لوڈر گاڑی کے شیشے توڑے اور خود کو پولیس کا موجودہ ڈی ایس پی ظاہر کر کے تاجر کو بلیک میل بھی کیا۔

    پولیس کے مطابق بر طرف ڈی ایس پی عمران بابر نے اپنی نجی گاڑی پر سرکاری نمبر پلیٹ جب کہ گاڑی کی چھت پر پولیس لائٹ بھی لگائی ہوئی تھی۔

    جس پر پولیس نے اپنے ہی سابق ڈی ایس پی کو گرفتار کر لیا جب کہ ڈی ایس پی کی گاڑی کو بھی تحویل میں لے لیا گیا ہے۔

  • کراچی:پولیس اوررینجرزکی کارروائیاں،4ملزمان گرفتار

    کراچی:پولیس اوررینجرزکی کارروائیاں،4ملزمان گرفتار

    کراچی: شہر قائد میں پولیس اور رینجرز نے کراچی کے مختلف علاقوں میں کاررووائیوں کے دوران چار ملزمان کو گرفتار کرکے ان کےقبضے سے اسلحہ برآمد کرلیا ہے۔

    تفصیلات کےمطابق کراچی کے علاقےلسبیلہ چوک کے نزدیک شہریوں نے ڈکیتی کی کوشش ناکام بناکر ایک ڈاکو کوپکڑلیاجبکہ ڈاکو کا ایک ساتھی فائرنگ کرتا ہوا فرار ہونے میں کامیاب ہوگیا۔

    مشتعل شہریوں نے ڈاکو کو تشدد کا نشانہ بنانے کے بعد سولجر بازار پولیس کے حوالے کردیاجبکہ ملزم کے قبضے سے برآمد شدہ اسلحہ پولیس نے تحویل میں لے کر مقدمہ درج کرلیا۔

    مزید پڑھیں:کراچی: اسٹریٹ کرائم میں کالعدم تنظیم کے کارندے ملوث

    دوسری جانب کراچی کے علاقے صدربوہری بازار کے علاقے میں رینجرز نے مخصوص مقامات پر ٹارگٹڈ کارروائی کے دوران دو مشتبہ افراد کو حراست میں لے کر تفتیش کےلیے نامعلوم مقام پر منقتل کردیا ہے۔

    ادھرشہرقائدکےعلاقے پاک کالونی میں پولیس نے بھی اسنیپ چیکنگ کے دوران اسلم خان نامی ڈکیت کو گرفتار کرکے ملزم کےقبضے سے اسلحہ برآمد کرلیا ہے۔

  • خالصتان آزادی تحریک کے سربراہ ہرمندر سنگھ گرفتار

    خالصتان آزادی تحریک کے سربراہ ہرمندر سنگھ گرفتار

    نئی دہلی: بھارتی پنجاب کی نابھا جیل سےفرار ہونے والےخالصتان لبریشن فورس کے سربراہ ہرمندر سنگھ کونئی دہلی سے گرفتار کرلیاگیا۔

    تفصیلات کےمطابق گزشتہ روز بھارتی پنجاب کی نابھا جیل سےفرار ہونے والےخالصتان لبریشن فورس کے سربراہ ہرمندر سنگھ کوپنجاب اور نئی دہلی پولیس کے جوائنٹ آپریشن میں نئی دہلی ریلوے اسٹیشن سے آج گرفتار کیاگیا۔

    یاد رہے کہ گزشتہ روز پولیس کی وردی میں ملبوس 10 مسلح افراد نے بھارتی پنجاب کے ضلع پٹیالہ میں نبھا جیل پر حملہ کر کے اندھا دھند فائرنگ کی جس کا فائدہ اٹھاتے ہوئے خالصتان لبریشن فورس کے سربراہ ہرمندر سنگھ منٹو 5 ساتھیوں سمیت جیل سے فرار ہو گئےتھے۔

    بھارتی پولیس حکام نےاتوار کے روزہرمندر سنگھ منٹوکےجیل سے فرار ہونے کےبعدپنجاب کی سرحد ہریانہ اور جموں کشمیر جانے والے راستوں پر سیکیورٹی ہائی الرٹ کر دی تھی۔

    خیال رہےکہ49 سالہ سربراہ ہرمندرسنگھ 2014 سے جیل میں تھے،ان کی گرفتاری کو بھارتی سرکار کی جانب سے دہشت گردی کے خلاف بھارتی پنجاب میں کیے جانے والے آپریشن کی سب سے بڑی فتح قرار دیا گیا تھا۔

    مزید پڑھیں:خالصتان آزادی تحریک کے سربراہ ہرمندر سنگھ بھارتی جیل سے فرار

    ہرمندر سنگھ 90 کی دہائی کے اوائل سے سکھ علیحدگی پسندوں کے ساتھ شامل تھے اور انہوں نے بھارتی حکومت کو اپنی کارروائیوں میں بھاری نقصان پہنچایا تھا۔

    خالصتان لبریشن فورس کے سربراہ اور ان کےقریبی ساتھی گرپیت سنگھ عرف گوپی کو 2014 میں تھائی لینڈ میں پکڑا گیا تھا اور انہیں دہلی ایئرپورٹ سے بھارتی پولیس نے حراست میں لیا تھا۔

    واضح رہے کہ خالصتان کی آزادی کی تحریک کے سربراہ کم از کم دہشت گردی کی 10 بڑی وارداتوں میں مطلوب تھے۔

  • کراچی پولیس کی کارروائیاں،8ملزمان گرفتار

    کراچی پولیس کی کارروائیاں،8ملزمان گرفتار

    کراچی: شہرقائد کےمختلف علاقوں میں پولیس نے کارروائیاں کرتے ہوئے آٹھ ملزمان کو گرفتار کرلیا۔

    تفصیلات کےمطابق کراچی کے علاقے بلدیہ ٹاؤن میں پولیس نے کارروائی کرتے ہوئے مشتاق قادری اورناصرترابی کو گرفتار کرلیا۔

    پولیس کے مطابق دونوں ملزمان کےخلاف انسداد دہشت گردی ایکٹ کے تحت تھانہ بلدیہ ٹاون میں مقدمات درج ہیں ملزمان کاتعلق مذہبی جماعت سے بتایا گیا۔

    دوسری جانب سرجانی ٹاؤن انویسٹی گیشن پولیس نے کارروائی کرتے ہوئے دو ملزمان کو گرفتارکرلیا۔

    پولیس حکام کےمطابق ملزمان نے ایک ماہ پہلے ڈکیتی میں مزاحمت پر رکشہ ڈرائیور کو قتل کیاتھا،پولیس کے مطابق گرفتار ملزمان نے پچاس سے زائد وارداتوں کا اعتراف کرلیا ہے ۔

    ادھر اتحاد ٹاؤن پولیس نے بینک اکاؤنٹ ہیک کرکے رقم نکلوانے میں ملوث چار ملزمان کو گرفتار کرلیا۔

    پولیس حکام کا کہناہے کہ گرفتارملزمان سے ایک سو تیس کریڈٹ کارڈ،اےٹی ایم ریڈایبل مشین برآمد کرلی۔ملزمان میں ذوالفقار،صلاح الدین،جاوید اورشاہنواز شامل ہیں۔

    مزید پڑھیں:کراچی:قانون نافذ کرنے والےاداروں کاآپریشن،35افرادگرفتار

    واضح رہے کہ گزشتہ روز کراچی کےمختلف علاقوں میں رینجرز اورپولیس نے آپریشن کے دوران 35مشتبہ افراد کو حراست میں لیاتھا۔

  • فرانس میں دہشتگردی کامنصوبہ ناکام،7مبینہ دہشتگردگرفتار

    فرانس میں دہشتگردی کامنصوبہ ناکام،7مبینہ دہشتگردگرفتار

    پیرس : فرانس میں سیکیورٹی فورسزنے دہشت گردی کامنصوبہ ناکام بناتے ہوئے7افرادکوگرفتارکرلیا۔

    تفصیلات کےمطابق فرانسیسی وزیرداخلہ کاکہناہےکہ سیکیورٹی فورسزنےانٹیلی جنس اطلاع پر مارسے اوراستراسبورگ کےعلاقوں میں آپریشن کیا۔

    آپریشن کے دوران سات افرادکوحراست میں لےلیاگیا۔زیرحراست افراد کی عمریں 29سے37 سال کےدرمیان ہےاوران کا تعلق فرانس،مراکش اور افغانستان سےہے۔

    دوسری جانب امریکی محکمہ خارجہ کا کہنا ہے کہ یورپ میں داعش اور دیگر دہشت گرد گروپ حملے کرسکتے ہیں۔اسی لیےامریکہ نےیورپ میں امریکی شہریوں کو محتاط رہنے کی ہدایات جاری کی ہیں۔

    مزید پڑھیں:فرانس: قومی دن، ٹرک سے کچل کر84افرادہلاک، 120زخمی

    یاد رہے کہ گزشتہ سال جولائی میں نیس میں قومی دن کی تقریبات کے دوران تیزرفتار ٹرک ہجوم پرچڑھ دوڑا تھا، ٹرک ڈرائیور نے فائرنگ بھی کی تھی جس سے 80سےزائد افراد ہلاک اور 120زخمی ہوگئےتھے۔

    فرانس کے شہر نیس میں اس دہشت گرد حملے کےبعد فرانس کے صدر کی جانب سے ملک میں ایمرجنسی نافذ کردی گئی تھی۔

    واضح رہے کہ گزشتہ سال 13 نومبر کو فرانس میں ہونے والے دہشت گرد حملے میں تقریباََ137افراد جان کی بازی ہار گئے تھے جبکہ درجنوں افراد ان حملوں میں زخمی ہوئے تھے۔

  • کراچی :پولیس کا سرچ آپریشن،25سےزائدافراد زیرحراست

    کراچی :پولیس کا سرچ آپریشن،25سےزائدافراد زیرحراست

    کراچی: شہرقائد میں جیکسن تھانے کی پولیس نے سرچ آپریشن کے دوران 25سے زائد مشتبہ افراد کوحراست میں لے لیا۔

    تفصیلات کےمطابق کراچی کےعلاقے جیکسن مارکیٹ میں پولیس پارٹی کی جانب سےسرچ آپریشن کے دوران 25 سے زائد مشتبہ افراد کوحراست میں لےکر تھانے منقتل کر دیا۔

    پولیس کے مطابق سرچ آپریشن کے دوران حراست میں لیے گئے افراد کے قبضے سے کسی قسم کا کوئی اسلحہ بر آمد نہیں ہوا۔

    دوسری جانبسی ویوکےعلاقے میں موٹرسائیکل کی ڈبل سواری پر پابندی کی خلاف ورزی کرنے والے100سے زائدنوجوانوں کو گرفتار کرلیا گیا۔

    پولیس نےڈبل سواری پر پابندی کی خلاف ورزی کرنے والے 100 سے زائد منچلوں کو درخشاں تھانےمنتقل کر دیا۔

    مزید پڑھیں:کراچی: قانون نافذ کرنے والے اداروں کی کارروائی،1ملزم ہلاک

    یاد رہے کہ گزشتہ روزکراچی کے علاقے ماڑی پور روڈ پر مبینہ پولیس مقابلے میں لیاری گینگ وار کاملزم مارا گیاتھا۔پولیس حکام کے مطابق ہلاک ملزم سے اسلحہ اور دستی بم برآمد ہواتھا۔

    واضح رہے کہ پولیس حکام کا کہناتھا کہ مقابلے میں مارے جانے والے ملزم اصغر کا تعلق منشیات فروش اشوک گروپ سےتھا۔

  • مقبوضہ کشمیر،یاسین ملک گرفتار،میر واعظ عمر فاروق نظر بند

    مقبوضہ کشمیر،یاسین ملک گرفتار،میر واعظ عمر فاروق نظر بند

    سر نگر : چند روز قبل ہی بھارتی قید سے رہائی پانے والے معروف حریت پسند رہنما یاسین ملک کو بھارتی فوج نے ایک بار پھر گرفتار کر کے نامعلوم مقام پر منتقل کردیا ہے دوسری جانب  میر واعظ عمر فاروق کو بھی ان کے گھر میں نظر بند کر دیا گیا ہے۔

    تفصیلات کے مطابق ممتاز کشمیری حریت پسند رہنما یاسین ملک کو ایک بار پھر بھارتی فوج نے گرفتار کر کے نامعلوم مقام پر منتقل کردیا  ہے اور اب تک اُن کے اہل ِ خانہ اور وکلاء کو گرفتاری کی وجوہات سے آگاہ نہیں کیا گیا ہے شدید علیل یاسین ملک کی گرفتاری پر اہلِ خانہ تشویش کا اظہار کر رہے ہیں۔

    اسی سے متعلق : کشمیری رہنما یاسین ملک 4ماہ قید کے بعد رہا

    واضح رہے ممتاز حریت پسند رہنما یسین ملک کو جولائی کے مہینے میں برہان وانی کی شہادت کے بعد گرفتار کیا گیا تھا جس کے بعد اُن کا رابطہ کسی سے نہ ہو سکا تھا تا ہم ایک ماہ قبل اچانک طبیعت بگڑنے پر بھارت پولیس نے انہیں اسپتال منتقل کیا تھا جہاں غلط انجیکشن لگنے کے باعث ان کا بازو سوج گیا تھا اور حالت مزید ابتر ہو گئی تھی۔

    یہ پڑھیے :حریت پسند کشمیر رہنما میر واعظ عمر فاروق اور سید علی گیلانی گرفتار

    کچھ عرصے اسپتال میں زیرِ علاج رہنے کے بعد اُن کی طبیعت کچھ بہتر ہوگئی تھی جس کے بعد انہیں رہا کردیا گیا تھا،رہائی کے بعد دیگر حریت پسند رہنماؤں سید علی گیلانی اور میر واعظ عمر فاروق نے یاسین ملک سے ملاقات کی تھی،ملاقات کے دوران تحریکِ آزادی کشمیر میں تیزی لانے لیے نئی حکمتِ عملی کا تعین طے اور نئے اہداف کا تعین کیا گیا تھا۔

    یہ بھی پڑھیے : مقبوضہ کشمیر میں بھارتی وزیر اعظم کی آمد، کئی حریت رہنما گرفتار

    قابض بھارتی فوج حریت پسندوں کی یکجہتی اور تحریکِ آزادی کشمیر کی مشترکہ جدو جہد کے عزم سے بوکھلاہٹ کا شکار ہو گئی اور علالت کے باعث رہا کیے گئے یاسین ملک کو دوبارہ گرفتار جب کہ میر واعظ عمر فاروق کو ان کے گھر میں نظر بند کردیا گیا۔